ئەڤرۆ نیوز:
وەزارەتا پەروەردێ یا حوکمەتا ھەرێما كوردستانێ دەمێ دەست ب كاربوونا مامۆستایان بۆ پرۆسا خواندنا ئەڤ سالە راگەهاند و داخواز ژ مامۆستایان کریە پەیوەندیێ ب قوتابخانێن خوە بكەن.
لدووڤ نڤیسارەکا فەرمی یا رێڤەبەریا گشتی یا ئەزموونێن وەزارەتا پەروەردێ، کو ئاراستەی رێڤەبەریێن گشتی هاتیە كرن و وێنەک دەست ب ئەڤرۆ نیوز كەفتیە و تێدا ھاتیە، کو رۆژا سێشەمبی 1/9/2020 پێدڤیە مامۆستا ل گشت ناڤەندێن خواندنێ پەیوەندیێ ب قۆتابخانێن خوە بكەن ب مەرەما دەست ب كاربوونێ بۆ خواندنا سالا 2020- 2021 ێ.
ئه‌ڤرۆ نیوز، عه‌زیز هه‌ورامی:
درەنگانی شەوی ڕابردوو چەکدارانی گروپی تیرۆرستی داعش لە نێوان جەلەولا و خانەقین هێرشیان کردە سەر میلشیاکانی حەشدی شەعبی و سوپا دوو کوژراو چه‌ندین برینداری لێ كه‌وته‌وه.
ئەکبەر حەیدەر جێگری لێپرسراوی لقی ١٥ـی خانەقین پارتی، بە ئه‌ڤرۆ نیۆزی ڕاگەیاند:” جوڵەکانی چەکدارانی داعش لە سنوری خانەقین و دەوروبەری بەردەوام لە فراوان بوندایە”.
ئەکبەر حەیدەر وتیشی:” درەنگانی شەوی ڕابردوو چەکدارانی داعش هێرشیان کردە سەر هێزەکانی سوپا و حەشدی شەعبی لە ئاکامی شەڕ و پێکداداندا لە ڕیزەکانی سوپا و حەشد دوو کوژراو چه‌ندین برینداری لێكه‌وته‌وه.
حەیدەر زیاتر وتی:” کوژراوی حەشدی شەعبی بەناوی عامر ئەحمەد تەمەن ٥٥ساڵ خەلکی پارێزگای دیالەیە وە کوژراوی دووەم لە سوپای عێراق حوسێن عبد تەمەن ١٩٨٣ پارێزگای بەغداد یەکێکیان پلەی فەرماندەبو”.
ناوبراو ئاماژەی بەوەدا:” تیرۆرستانی داعش چالاکییەکانیان تەواو فراوان کردووە لە سێ ڕۆژی ڕابردوو پێنچ هاوڵاتی سڤیلیان فڕاند چواریان کوشتن”.
تیرۆرستانی داعش لە ڕێگەی چەکی قەناس و چەندین جۆری تری چەک لە جۆری سوک و قورس هێرشیەکانیان ئەنجام دەدەن، هێزەکانی حەشدی شەعبی و پۆلیس و سوپا ناتوانن دۆخی ئەمنی بۆ خۆیان و هاڵاتییان دابین بکەن اکبر حەیدەر وای گوت”.
زانیاری زیاتریدا و ئاماژەی بەوەکرد:” ئەو ئۆپڕاسیۆنانەی ماوەی ڕابردوو سوپاس و حەشدی شەعبی نەی توانی ببێتە هۆی دابینکردنی ئەمنییەن و کۆتایی هێنان بە داعش، وە تیرۆرستانی داعش وەک سەلماندنی وجودی خۆیان هێرشەکانیان بۆ سەر هێزە عێراقییەکان و هاوڵاتییان زیاتر کردووە”.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێما کوردستانێ بەلاڤکر و راگەهاند کو د ماوەیێ ٢٤ دەمژمێرێن بۆری دا ٣٦٢ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و هەروەسا ٢٥ تووشبوو ژی مرینە.
ل گۆر ئامارا وەزارەتا ساخلەمیێ ٤١ کەسێن دی ل دهۆکێ تووشی کۆرۆنایێ بووینە و سێ تووشبوو ژی مرینە.
ئەڤرۆ نیوز:
وەزارەتا ساخلەمیا عیراقێ راگەهاند کو د ماوەیێ ٢٤ دەمژمێرێن بۆری دا ٤ هزار و ١٤٦ کەس ب تەمامی ژ کۆرۆنایێ باش بوون و ڤەگەریانە مالێن خوە.
وەزارەتا ساخلەمیا عیراقێ ئەو یەک ژی دیار کریە کو ب گشتی هەتا نها ١٦٩ هزار و ٢٠ کەس ژ کۆرۆنایێ باش بووینە و ئەو یەک ژی نیشا ددەت کو هەتا نها رێژا باشبوونا ژ کۆرۆنایێ ل عیراقێ گەهشتیە ٧٤.٣%.
ئەڤرۆ نیوز:
ئالۆزیێن د ناڤبەرا تورکیا و یونانێ دا هەر کو دچیت زێدەتر دبن و سەرۆک کۆمارێ تورکیا رەجەب تەیب ئەردۆگان بەری چەند رۆژان راگەهاند هەکە یونان ئالۆزیان دروست بکەت ئەو دشێن وی وەلاتی وێران بکەن.
ئەڤرۆ ژی شیرەتکارا ئەلمانیا ئەنجێلا مێرکەل راگەهاند کو دڤێت هەموو وەلاتێن ئێکەتیا ئورۆپا پشتەڤانیێ ل یونانێ بکەن و وی وەلاتی ب تنێ نەهێلن.
ئەڤرۆ نیوز:
وەلاتێ سعودی هێزەکا سەربازی کو ژ ھژمارەکا سەربازان پێک دھێت ب ھاریکاریا سۆپایێ ئەمریکا گەھشتنە رۆژئاڤایێ کوردستانێ و ل باژێرێ حەسەکێ بنەجهـ بووینە.
کەنالێ روسیا ئەلیەوم راگەھاندیە: ھێزەکا وەلاتێ سعودیە ب ھاریکاریا ھێزەکا سوپایێ ئەمریکا گەھشتیە باژێرێ حەسەکە ل رۆژئاڤایێ کوردستانێ، کو ئەو ھێزا سعودیە ژ ٢٠ سەربازان پێک دھێت و ل بنگەهێ تاجی ل وەلاتێ عیراقێ بەرەف سووریا چووینە.
ھەروەسا گۆتیە: ئەو ھێزە بۆ وێ چەندێ نەچووینە بنگەهێ شەداد ل باژێرێ حەسەکێ داکو ل وێرێ بمینن، بەلکو دێ ڤەگەرنە ڤە وەلاتێ خوە.
ئەڤرۆ نیوز:
رۆژناما وول ستریت جورنال، ژ زاردەڤێ چەند بەرپرسێن ئەمریکی راگەهاندیە: ل دو هەتا سێ هەیڤێن بهێت ئەمریکا دێ هژمارا سەربازێن خوە ل عێراق بۆ 3500 سەربازان کێم کەت، کو نوکە هژمارا وان نێزیکی پێنج هزار و 200 سەربازانە.
ب کێمکرنا وێ هژمارێ، ئەمریکا دێ نێزیکی ئێک ل سەر سێ یا سەربازێن خوە ل عیراقێ کێم کەت. ئەڤە ژی د چارچۆڤێ بزاڤێن دۆنالد ترەمپێ سەرۆکێ ئەمریکا بیت، ب گوتنا چەند بەرپرسێن ئەمریکی کو وول ستریت جورنال ناڤێن وان ئاشکرا نەکریە، ئەمریکا و عیراق ل دەمێ سەرەدانا کازمی بۆ واشنتۆن ل حەفتیا بوری ئەو بریارە دایە، بەلێ پەیڤدارێ پێنتاگۆنێ رەتکریە، کو هیچ ئاخفتنەکێ د وی واری دا بدەت.
نيشاندان