ئەڤرۆ نیوز ، عەلی حاجی :

ل دور ڤێ چەندێ سەگڤان سالح خوەدانێ سەنتەرێ سالح بۆ ئەڤرۆ نیوز گوت: (ئەڤ سەنتەرە من ل سەر داھاتێ خوە بۆ زارۆێین بێ سەمیان ڤەکریە، دناڤ سەنتەرێ مە جھێ ڤەحەواندنێ ھەیە و ھەر دیسان ھەمی پێدڤیێن ڤان زارۆیان دێ ب ستویێ خوەڤە گرین، ھەر دیسان ئەو زارۆێین ژ لایێ سەنتەرێ مەڤە ھاتینە وەرگرتن دێ رەوانەی قوتابخانێ و باخچەی ژی کەین) .

ناڤھاتی ئەو چەندە ژی گوت: ( دقوناغا دەستپێکی دا مە ١١ زاروێین بێ سەمیان وەرگرتینە و بەردەوام پەیوەندی ب مە دھێتە کرن بەلێ پشتی دیڤچوونا وان زارۆێین ناڤێن خوە تومار کری دھێتە کرن، هەکە ئەو زارۆ بێ سەمیان بن دێ رێژەیەکا دی ژی ھێنە وەرگرتن، مەرەما من ژ ڤی پرۆژەی ئەوە ھاریکاریا زارۆێین بێ سەمیان بکەین و چاڤدێریەکا باش ل سەر وان زارۆیان بھێتە کرن، ل داھاتی دا مە ئەو ھزر ھەیە ئاڤاھیەکێ تایبەت و مەزن بۆ سەنتەری ڤەکەین دا کو بشێین رێژەیەکا باشتر یا زارۆێین بێ سەمیان وەربگرین ).

ئەڤرۆ نیوز، عەلی حاجی:

ژێدەرەکێ نێزیک ژ پەرلەمانتارێ کوردستانێ چیا حەمیدی بۆ ئەڤرۆ نیوز دیار کر پشتی چیا حەمیدی مووچەیێ خوە یێ ئێکێ وەکو ئەندامێ پەرلەمانێ کوردستانێ وەرگرتی ھەمی پێشکێشی رێڤەبەریا شەھید و ئەنفالکریان ل زاخۆ کر .

وی ژێدەری ئەو چەندە ژی گوت: (ھەر چەندە چیا حەمیدی د ھەوا بانگەشەیا ھەلبژارتنا دا چو سوزەک نەدابوو دێ مووچەیێ خوە تەرخان کەت بۆ جھێن پێدڤی، بەلێ پشتی مووچەیێ خوەیێ ئێکێ وەرگرتی ھەمی پێشکێشی رێڤەبەریا شەھید و ئەنفالکریان ل زاخۆ کر و ب ئامادەبوونا رێڤەبەری ئەو پارە ھەمی ھاتنە رادەست کرن ).

وی ژێدەری زێدەتر گوت: (د بەرنامەیێ پەرلەمانتار چیا حەمیدی دایە پشکەکێ ژ مووچەیێ خوەیێ ھەیڤانە پێشکێشی جھێن پێدڤی بکەت و ھەر دیسان ژی پێشکێشی ھێزێن پێشمەرگەی بکەت و زێدەتر خزمەتا خەلکی بکەت).

ئەڤرۆ نیوز، عەلی حاجی:

ئەڤرۆ رۆژا پێنچ شەمبێ ٢١/٢/٢٠١٩ سەنتەرێ عەشتار یێ رەوشەنبیری و ھونەری ل زاخۆ، پێشانگەھەکا ھونەری بۆ ١٢ قوتابیێن سەنتەری ب ھەلکەڤتا ٦٦ سالیا دامەدزراندنا ھەردو رێکخراوێن ئێکەتیا قوتابیان و لاوێن دیمکراتا کوردتستانێ ڤەکر .

ل دور ڤێ چەندێ ئەمین عیسا بەرپرسێ سەنتەرێ عەشتار بۆ ئەڤرۆ نیوز گوت: (ئەڤ پێشانگەھە تایبەت بوو ب کارێ شێوەکاریێ قوتابیێن سەنتەرێ مە، ئەڤ کارە  ل ژێر سەپەرشتیا ماموستا کەلحی نعمەت ھاتبوو ئەنجام دان، دڤێ پێشانگەھێ دا نێزیکی ٣٠٠ وێنەیان ھاتنە نیشادان و ھەر دیسان چەندین کارێن دەستی ھاتنە نیشادان).

ناڤھاتی ئەو چەندە ژی گوت: (وێنەێن ھاتینە نیشادان بابەتێن سروشتی و نیشتمانی ب خوەڤە دگرن و ئەڤ یەکە ھاتە ئەنجامدان وەکو پشتەڤانیەک بۆ کارێ قوتابیێن سەنتەرێ مە و دێ مە پێنگاڤێن باشتر ھەبن دئایندەی دا کو ئاستێ ڤان قوتابیان باشتر لێ بھێت ).

ئەڤرۆ نیوز، عەلی حاجی :

ئەڤرۆ روژا پێنچ شەمبێ رێکەڤتی ٢١/٢/٢٠١٩ ب ئامادەبوونا ھەرێمدارێ زاخۆ، نوونەراتیا کورتەبالایان ل زاخۆ بۆ ئێکەم جار ھاتە ڤەکرن .

وەحید سەعید سەرۆکێ لقا دھوک یا کومەلا کورتەبالایان ل پارێزگەھا دھوکێ بۆ ئەڤرو نیوز گوت: (نوونەرایەتیا زاخۆ یا کورتەبالەیان ل زاخۆ ب پشتەڤانیا لقا ٨ یا پارتی دیموکراتی کوردستان و ھەرێمدارێ زاخۆ و باژێرڤانیا زاخۆ ھاتە ڤەکرن، ڤەکرنا نوونەراتیێ ل سەر داخوازا ئەندامێن کورتەبالەیان بوو ل زاخۆ، ئەڤە دبیتە ئێکەم جار نوونەراتیەک ل قەزایەکا پارێزگەھا دھوکێ ژلایێ لقا مە دھێتە ڤەکرن).

ناڤھاتی زێدەتر گوت ژی ل زاخۆ مە ٤٥ ئەندامێن کورتەبالا ھەنە و زاخۆ وەکو ئێکەم قەزایە پشکا شێری یا ھەبوونا رێژەیا کورتەبالەیان بەردکەڤیت، پشتی ڤەکرنا نوونەرایەتیا زاخۆ یا کورتەبالەیان دێ نوونەرایەتیەکێ ل باژێرێن ئاکرێ و ئامێدیێ ژی ڤەکەین .

ئەڤرۆ نیوز، عەلی حاجی:

ل دۆر ڤێ چەندێ جوتیار خدر رێڤەبەرێ رێڤەبەریا کار و راھێنانێن پیشەیی ل زاخۆ ئەڤرۆ نیوز دیار کر کو خولێن ھاتینە ڤەکرن پێک دھاتن ژخولێن ( کومپیوتەر و موبایل و دروار و جوانکاری و سەرتراشین و دروستکرنا شریناھیا بوون ) ئەڤ خولە بۆ ماوەیێ ٤٥ روژان ڤەکێشا، ٣٣ روژێ نخولێ ب پراکیتکی بوون و ١٢ روژێن دیتر دا سمینار بۆ وان ھاتبونە پێشکێش کرن ل دۆر سەلامەتیا کاری و چاوانیاسەرەدەریکرن ل کاری دا.

ناڤھاتی زێدەتر گوت ژی ھەر دو رێکخراوێن خاچا سور یا فەرەنسی و ھەیڤا سور ل عێراقێ دێ پشتەڤانیا مادی ڤان پشکداربوویان کەن و ھەر دیسا ن دێ دەلیڤەێن کاری ژی ھێنە دین.