ئەڤرۆ نیوز:
یانا بەرشەلۆنا یا بەردەوامە ل سەر لێگەریانا ھێرشبەرەکێ خودان شیان بوو ھاڤینا بھێت بوو ب ھێز ئێخستنا ھێلا ھێرشبەریا خوە ل گەل سوارێز بوو وەرزێ بھێت .
راپورتێن رۆژنامەڤانی ل برێتانیا ئاشکراکرینە یانا بەرشەلۆنا ماوەکێ درێژە دەست ب لڤینا کریە بوو دەستڤە ئینانا ھێرشبەرێ گەنچ یێ ھەلبژارتیێ ئنگلتەرا و یانا مانچێستەر یوناید راشفورد بۆ ڤەگوھاستنێن ھاڤینا بھێت ئەوێ دێ ھەڤبەستا ئەوی ل ھاڤینا ٢٠٢٠ ب دووماھیی ھێت کو ھەتا نوکە ئەوی یاریزانی ھەڤبەستا خوە ل گەل مان یوناید درێژ نەکریە و ھەکە یانا ل ماوێ بھێت ئەو یانا ئنگلیزی نەشیا ھەڤبەستا ئەوی درێژ بکەت دێ نەچار بن ل ھاڤینا بھێت ئەوی یاریزانی بفروشن بەری ھەڤبەستا ئەوی ب دووماھیی بھێت داکو یا مفاداربیت ژ فروتنا ئەوی.
زێدەتر ئەوان رۆژنامەیێن برێتانی دیارکریە یانا بەرشەلۆنا کوژمەکێ مەزن بوو کرینا ئەڤی یاریزانی بەرھەڤکریە ئەوژی نێزیکی ١١٥ ملیون یورۆیا لێ ل دیڤ گوتنا ئەوان رۆژناما دبیت بەرشەلۆنا ستێرەکا خوە بکەتە قوربان ھەتا بشێت ئەڤی یاریزانی بکریت ئەوژی بەری ڤەگوھاستنا راشفورد دبیت ب رێژەیا ھەرە مەزن ستێرا خوە یا بەرازیلی کوتینھوی بفروشن داکو کوژمەکێ پارەی یێ باش ب کەڤیتە دەستێ بەرشەلۆنا دا بشێن راشفورد پێ بکرن.

ئەڤرۆ نیوز:
ستێرا دانماری و یانا توتنھام یا ئنگلیزی ئەوێ کریستیان ئیریکسن ئەوێ چاڤەرێ دھێتەکرن ل ھاڤینا بھێت ژلایێ یانا ئەوی ڤە بھێتە فروتن ژبەرکو ھەڤبەستا ئەوی یاریزانی بریارە ل ھاڤینا ٢٠٢٠ ب دووماھیی بھێت کو بەری ب دووماھیی ھاتنا ھەڤبەستا ئەوی یانا توتنھام دخوازیت ئەوی یاریزانی بفروشیت دا ل ھاڤینا بھێت ب ھەڤبەستەکا سەربەست نە ھێتە ڤەگوھاستن.
رۆژناما دیلی ئکسپریس یێ برێتانی ئاشکراکریە ئەوی ستێرا دانیماری دیارکریە ئەو دخوازیت یاری ل یانا ریال مەدرید بکەت پشتی ھەڤبەستا ئەوی ل گەل یانا توتنھام ب دووماھیی بھێت کو ھەر ئێک ژ یانێن ریال مەدرید و مانچێستەر یوناید ب فەرمی داخوازی ژ بەرپرسێن یانا توتنھام یا ئنگلیزی کریە بوو ڤەگوھاستنا ئیریکسن .
ھەردیسان ئەوێ رۆژنامێ ئاشکراکریە ژی سەرۆکێ یانا توتنھام نابیتە رێگر د رێیا فروتنا ئەوی یاریزانێ خوە یێ دانیماری دا و بەری نوکە ژی دیارکریە ھەر یانەکا حەزا کرینا ئەڤی یاریزانی ھەبیت پێدڤی یە کوژمێ ١٠٠ ملیون یورۆیان پێشکێشی توتنھام بکەت و ل دیڤ گوتنا ئەوێ رۆژنامێ یانا مان یوناید بەرھەڤیا خوە دیارکریە بوو ئەوی کوژمێ پارەی پێشکێشی وێ یانێ بکەت لێ سەرۆکێ یانێ دانییل لیڤی ناخوازیت یاریزانی ب دەتە ئێک ژ یانێن نافخوی خۆلا ئنگلتەرا دخوازیت ئیریکسن فروشتە یانەکا دەرڤەی خۆلا ئنگلتەرا و چاڤەرێ بەرسڤا ریال مەدرید کو ئەڤ یاریزانە بوو ماوێ دو سالانە ئارمانجا بەرپرسێن یانا ریال مەدرید و راھێنەرێ یانا ریال یێ نوکە زێدانی یە.

ئەڤرۆ نیوز:
پشتی ل یاریا شەڤا بوری یانا مانچێستەر یوناید نەشیای دەربازی قوناغا پێش دووماھیا قارەمانیا چامپیونیز لیگا ئورۆپا بووی دەمێ توشی خوسارەتیێ بووی ل سەر دەستێ بەرشەلۆنا ب سێ گولان بێ بەرامبەر ل یاریگەھا کامپ نوو کو ل سەرجەمێ ھەردو یاریان دا بەرشەلۆنا شیا دەربازی پێش دووماھیێ بیت ب چار گولان بێ بەرامبەر پشتی ل یاریا ئێکێ ژی ل ئولترافورد ب سەرکەفتی ب گولەکێ بێ بەرامبەر .

سولشایر راھێنەرێ مانچێستەر یوناید پشتی یاریێ دیارکر ئەو دەستپێکێ ب ھێز ھاتنە دناڤ یاریێ دا و چەند دەرفەت بوو پەیدابوون لێ تومارکرنا دو گولان ل دەستپێکا یاریێ ژ دو دەرفەتان ھەموو پلانێن ئەوان تێکدان و ھەکە یاریزانێن ئەوان ئەو دەرفەتێن خوە یێن دەستپێکا یاریێ ب مفا دیت بان دا ئەنجامێ یاریێ یێ چیاواز بیت ژ یێ نوکە و ئەو شاشیێن ل ڤێ یاریێ رویدای نابیت بھێنە دوبارەکرن و ل سەر ئەوان پێدڤی یە چارەسەریا ئەوان شاشیان بکەن ل یاریێن بھێت.
سەبارەت میسی ناڤبری دیارکر ئەو ئێک ژ باشترین یاریزانانە ل جیھانێ و ئەوی رولەکێ ھەرە مەزن ھەبوو بۆ سەرکەفتنا بەرشەلۆنا ل سەر تیما ئەوان .
ل دووماھیێ سەبارەت ئەو شاشیا دی خیا ناڤبری دیارکر چ مروف د ژیانێ دا نین توشی شاشی نەبیت و ئەو ژی وەکو ھەر کەسەکێ دی توشی شاشیێ بیت و ژبیر نەکەین راستە ب وێ شاشی گول سەر ھاتە تومارکرن لێ گەلەک تەپ ڤەگەراندی نە و ل گەلەک یاریان دا ژی دی خیا بوویە ئەگەرێ سەرکەفتنێن ھەرە گرنگ بوو مان یوناید لەورا پێدڤی یە ئەوا شەڤا بوری ژبیر بکەین و نوکە ھزر ل یارییێن بھێت بکەین و ھەڤرکیا دەربازبوونێ بوو مسوگەر کرنا قارەمانیا چامپیونیز لیگ ل وەرزێ بھێت.

ئەڤرۆ نیوز:
پشتی یانا بەرشەلۆنا ل شەڤا بوری شیای دەربازی قوناغا پێش دووماھیێ بووی دەمێ شیای سەرکەفتنێ ل سەر یانا مانچێستەر یوناید توماربکەت ب سێ گولان بێ بەرامبەر ژ چارچوڤێ یاریێن دوێ ژ قوناغا ھەشتێ ژ قارەمانیا چامپیونیز لیگا ئورۆپا کو د سەرجەمێ ھەردو یاریان دا یانا بەرشەلۆنا ب چار گولان بێ بەرامبەر دەربازی پێش دووماھیا قارەمانیێ بوو.
ڤالڤێردی راھێنەرێ یانا بەرشەلۆنا پشتی یاریێ بوو دەزگەھێن راگەھاندنێ دیارکر ل ھەردو یاریان دا ژ ئاستێ یاریزانێن خوە یێ رازیبوو لێ ل یاریا دوێ ئاستێ ئەوان گەلەک باشتر بوو ژ یاریا ئێکێ لێ ئەوان یاریزانەک ھەیە ھەموو دەمان ئەوان ژ گەلەک ئاریشا قورتال دکەن ئەوژی میسی راستە تیما ئەوان ل ٥ ھەتا ١٠ دەقیقەیێن دەستپێکێ رەوشا ئەوان یێ لاواز بوو لێ ل ٨٠ دەقیقەیێن دیڤدا ئەو شیان کونترولا یاریێ ب تمامی بکەن و باشترین ئاستێ ھونەری پێشکێشکر .
ھەردیسان ناڤبری ئاماژە ب وێ چەندێ ژی کر بوو قوناغا پێش دووماھیێ ژی ئەو د بەرھەڤن و ئەو دێ ل سەر کاروانێ خوە د بەردەوام بن ھەتا ب گەھنە یاریا دووماھیا قارەمانیێ و برنا ناسناڤی کو ئێک ژ ئارمانجێن ئەوان یێن سەرەکی یە ل وەرزێ ئەڤ سالە ھەردیسان پێدڤی نوکە ئەو ھزر ل ھەڤرکیا ھەردو نسناڤێن خۆلا لالیگا و قارەمانیا شاھێ ئیسپانیا بکەن کو نێزیکی برنا ئەوان ھەردو قارەمانیان بووینە.

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ل دیڤ دەمێ کوردستانێ یانا مانچێستەر یوناید بیتە مێڤانا یانا بەرشەلۆنا ل یاریگەھا کامپ نوو ژ چارچوڤێ یاریێن دوێ ژ قارەمانیا چامپیونیڤ لیگ ژ قوناعا ھەشتێ.
راھێنەرێ نەرویجی و یانا مانچێستەر یوناید سولشایر بەری ڤێ یاریێ بەحس ل یاریا ئەڤ شەڤە کر و دیارکر ئەو دخوازن بیرھاتنێن یاریا بەرامبەر پاریس دوربارە بکەن و بشێن سەرکەفتنێ و پلێتا دەربازبوونێ ل سەر کیستێ بەرشەلۆنا ب دەستخوڤە بینن ھەر چەندە ئەو باش د زانن دڤێ یاریێ دا ھەڤرکا ئەوان یا ب زەحمەتە و نابینت سەرکەفتن یا ب سانەھی بیت ل سەر یانەکا وەکو بەرشەلۆنا ل یاریگەھا کامپ نوو دێ ئەوان ژی بیرھاتنێن باش و خوش ل یاریگەھا کامپ نوو ھەنە دێ ھەموو بزاڤا کەن بشێن مێژویەکا دی ل یانێ زێدە بکەن و بەردەوامی ب دەنە کاروانێ خوە بوو قارەمانیا چامپیونیز لیگ.
زێدەتر ناڤبری دیارکر ل سەر ئەوان پێدڤی یە ھەر زیکا ئەو فشارێ بێخنە سەر گولا یانا بەرشەلۆنا ھەکە ئەو شیان دەستپێکێ کونترولا یاری بکەن و گولێ توماربکەن ئەو یێ ب ھیڤی و ئومێدە دێ شێن ئەنجامەکێ باش ژ یاریێ دەرکەڤن ژبەرکو ئەوی باوەریەکا مەزن ب ھێلا بەرەڤانی و گولچیێ خوە ھەیە دێ شێن پاراستنا گولا خوە کەن راستە ئەو دێ یاریێ بەرامبەر کومەکا ستێرێن جیھانێ کەن ئەوژی ڤیدال و کوتینھو سوارێز و میسی لێ کا چەوا ئەوان ل یاریا ئێکێ شیان ئەوان ب راوستینن د ڤێ یاریێ دا ژی پلان ھاتیە دانێ بوو راوستاندنا ئەوان یاریزانان.
ھەژی گوتنێ یە ل یاریا ئێکێ ل یاریگەھا ئولترافورد یا تایبەت ب مان یوناید ڤە یانا بەرشەلۆنا شیابوو سەرکەفتنێ ل سەر مانچێستەر توماربکەت ب گولەکێ بێ بەرامبەر .