ئەڤرۆنیۆز، سالار دۆسکی:

پرۆفیسور د.مسلح دھۆکی، سەرۆکێ زانکۆیا دھۆکێ بۆ ئەڤرۆ نیۆز گۆت: درێزبەندیا نشتیمانی دا غەدر ل ھەرسێ زانکۆیێن (دھۆک، زاخۆ، پوليتەکنیک) ھاتیەکرن، ل دور ڤێ چەند مە نەرازیبوون بۆ وەزارەتێ و جھێن پەیوەندار بلند کرینە.

سەرۆکێ زانکۆیا دھۆکێ ئەو ژی گۆت: مە دڤێت شیتێن ھەموو زانکۆیان بینین پشتی ئێکلاکرنێ، لێ وەزارەتا خواندنا بلند وێ چەندێ ناکەت، مە دڤیا مە شێوازێ ئێکلاکرنێ یا رێزبەندیا نشتیمانی دیتبا، ب چو شێوازا نابیت ھندەک زانکۆ چەند سالە ھاتینە دامەزراندن و بھێنە رێزا ھەر دو زانکۆیێن (دھۆک و زاخۆ).

د.مسلح دھۆکی ئەو ژی گۆت: پشتی ئەڤان ئەنجامان ئەم ھەرسێ سەرۆک زانکۆ کومبووین و مە ژ وەزارەتێ خواست شێوازێ رێزبەندی ل سەر ھاتیە رێزکرن بینین، لێ وەزارەتێ نیشامە نەدا و ئەگەر سالێن بھێت ب ھەمان شێواز بیت وەک زانکۆیا دھۆکێ پشکداری ڤێ رێزبەندیێ نابین.

ئەڤرۆ نیوز، هۆشەنگ تاجر:

دارا ناتق ئەندامێ سەرکردایەتیا پارتی دیموکراتی کوردستان/ ئیران بۆ ئەڤرۆ نیوز دیار کر کو ئارمانجا سەرەکی یا کۆنفرانسێ وارشۆ سزادانا ئیرانێ یە و ئەمریکا دڤێت بەرەیەکێ بهێز ل دژی ئیرانێ دروست بکەت، ژ بەر هندێ ژی وەزیرێن دەرڤە یێن ٣٠ وەلاتێن جیهانێ دێ د کۆنفرانسێ وارشۆ دا پشکدار بن و گۆت: (ئەمریکا دڤێت ل گەل وەلاتێن ئورۆپا پێکڤە بەرەیەکێ بهێز ل دژی ئیرانێ دروست بکەن، ئەز ب باوەرم دێ بریارێن گرنگ ل کۆنفرانسێ وارشۆ هێنە دان و دێ سزایێن گران ژی ل سەر ئیرانێ هێنە سزا دان).

دارا ناتق ئەو یەک ژی دیار کر کو ئەمریکا و وەلاتێن ئورۆپا هەموو ئیرانێ وەکو گەف ل سەر ئاشتیا رۆژهەلاتا ناڤین دبینن ژ بەر هندێ ژی کۆنفرانسێ وارشۆ دێ بیتە زەمینەک دا ئورۆپا و ئەمریکا پێکڤە بەرەیەکێ ل دژی ئیرانێ دروست بکەن، ئەو یەک دێ بیتە ئەگەرێ هندێ کو دەستێ ئیرانێ ل رۆژهەلاتا ناڤین بهێتە کورت کرن).

ئەڤرۆ نیوز ، عەلی حاجی :

سەنتەرێ زاخۆ بۆ ڤەکولینێن کوردی ل زانکویا زاخۆ ب ھەڤکاری دگەل گوڤارا روژا مە ، بیرئینانا ٩٤ سالیا شورەشا شێخ سەعیدێ پیران ب ئەنجام دانا سمینارەکێ ھاتە ساخکرن.

دکتور ھوگر تاھر سەروکێ سەنتەرێ زاخۆ بۆ ڤەکولینێن کوردی بۆ ئەڤرۆ نیوز گۆت: سەنتەرێ زاخۆ ھەمی دەما ھەولدەت بیرئینانا شورەش و بزاڤێن کوردی و ھەلکەفتێن ب رەوشەنبیریەت و زمان و فلکورێ کوردی ڤە ھەمیان ساخ کەت ، سمینارا تایبەت ب شورەشا سەعیدێ پیران ب ھەلکەڤتا ٩٤ سالیا وێ شورەشێ دەمێ سمینارێ بۆ دوو ماموستاێن باکورێ کوردستانێ و دو ماموستاێن زانکویا زاخۆ ھات بو تەرخان کرن ،د وان سمیناران دا ب ھویربینی بەحس ل شورەشا شێخ سەعیدێ پیران ھاتە کرن.

ناڤھاتی زێدەتر گۆت : سمینارێ ٤ بابەتێن گرنگ ب خوەڤە گرت بوون لەورا مە دڤیا ب رێکا نامەکێ وان ھەمی کارێن شێخ سەعیدێ پیران بگەھینن و گرنگیا سەرھلدانێ ئەوە نفشەکێ کورد نامینیت نفشەکێ نوویێ کوردی سەر ھەلدەت .