ئەڤرۆنیۆز، رەمەزان ھەرنی:

سەرۆکێ باژێرڤانیا بلێ دیارکر بھەلکەفتا نێزیکبوونا وەرزێ بھارو نەورزێ و سەر سالا کوردی سەرۆکاتیا باژێرڤانیا بلێ ھەوەکا نەمام چاندنێ ل سەر جادەیا گشتی ل باژێرکێ بلێ دەستپێکریە.

نادر محەمەد سەرۆکێ باژێرڤانیا بلێ بۆ ئەڤرۆ نیۆز گۆت : ب مەرەما جوانکرنا سیمایێ باژێری و پاراستنا ژینگەھێ ، ل ناڤ سەنتەرێ بلێ و ب درێَژاھیا جادا گشتی ھەوا دار چاندنێ دەستپێکریە و ھەتا نوکە پتر ژ ٦٠٠ نەمام ھاتینە چاندن و ئەڤ ھەوە دێ بەردەوامبیت و دێ رێنمایا ژی بەلاڤکەین کو پێدڤیە ئەڤ دارێن دھێنە چاندن بھێنە پاراستن و کو ئەڤ نەمامێن دھێنە چاندن جورێ عەقاقیرو دار چنارن ئەڤ ھەوە دێ بەردەوامبیت ھەتا ١٤ ێ ئادارێ سالروژا ژ دایک بوونا بارزانی نەمر.

‌ ئه‌ڤرۆ نیوز، نه‌وزاد هلۆرى:

د ماوێ هه‌یڤه‌ك و 13 رۆژێن بورى ل سنورێ پارێزگه‌ها دهۆك 76 روودانێن ئاگربه‌روونێ رووداینه‌ و زیانێن زۆر ل پشت خوه‌ هێلاینه‌.

 بێوار عه‌بدولعه‌زیز به‌رپرسێ راگه‌هاندنا به‌ره‌ڤانیا باژێرى ل دهۆكێ بۆ ئه‌ڤرۆ نیوز گۆت: (روودانێن ئاگربه‌ربوونێ د زێده ‌بوونێ دانه‌ هه‌ر ب تنێ د ماوێ هه‌یڤه‌ك و 13 روژێن سالا 2019 ل سنورێ پارێزگه‌ها دهۆك 76 روودانێن ئاگربه‌ربوونێ رووداینه‌).

زێده‌تر گۆت: (ژئه‌نجامێ ئه‌وان روودانان زیانێن گیانى كو برینداربوون ل گه‌ل زیانێن مادى ل وه‌لاتیان و جهێن گشتى و تایبه‌ت كه‌فتیه‌، به‌لێ هه‌تا نوكه‌ ئه‌و زیان نه‌هاتینه‌ خه‌ملاندن و دووماهیا هه‌موو هه‌یڤان دهێنه‌ خه‌ملاندن).

ناڤبرى دیاركر ژى كو پێدڤیه‌ وه‌لاتى هشیارێ خوه‌ بن و پێگیریێ ب رێنمایێن به‌ره‌ڤانیا باژێرى بكه‌ن و گۆت ژى: (ل ده‌ما هه‌بوونا هه‌ر رودانه‌كا ئاگربه‌ربوونێ یان گرێداى به‌ره‌ڤانیا باژێرى پێدڤیه‌ ب زووترین ده‌م تیمێن به‌ره‌ڤانیا باژێرى بهێنه‌ ئاگه‌هدار كرن دا كو ب كێمترین زیان روودان بهێته‌ كونترولكرن).

ئەڤرۆ نیوز، بارزان مزووری:

سەردار یەحیا عەبدولعەزیز قائیمقامێ قەزا شێخان بۆ ئەڤرۆ نیوز گوت: (پتری ٦٠ ھزار ئاواران یێ قەزا شێخان دژین دناڤ چار کەمپا دا دژین ژ وانا کەمپا ئێسیان و شێخان و مام رەشان و گەرماڤا ژلایێ رێکخراوا و بوردێ کاروبارێن مروڤایەتی ل پارێزگەھا دھوک ھەموو پێدڤی بۆ ھاتینە دابین کرن).

ناڤھاتی زێدەتر گوت ژی ئەو ئاوارێن شێخان دژین یێن ھەموو دەڤەرانە پتریا وان یێن شەنگالن ھەر ئێک ژ وانا ژ بەر ئەگەرەکی نازڤرنە سەر جھێن خوە گەلەک ژ وان خەلکێ دەشتا مووسل و باژێرێ مووسلن.

ئەڤرۆ نیوز، بارزان مزووری:

ئاری رەفیق هاریکارێ رێڤەبەریا گشتی یا بەرهنگاربوونا توندوتیژی ل وەزارەتا ناڤخوە یا حوکمەتا ھەرێما کوردستانێ بۆ ئەڤرۆ نیوز گوت: (ب بەشداریا ٤٢ کەسێن شارەزا د بوارێن جودا جودا چەندین گفتوگو ھاتنە ئەنجام دان ل دۆر رێکخستنا دەزگەھێن راگەھاندنێ تایبەت ب وان درامایێن بیانی یێن دھێن پەخشکرن د کەنالێن کوردی دا ژ بەر کو ئەوان دراما ئالوزی یا ئێخستیە دناڤ جڤاکێ کوردی دا).

ناڤھاتی دیار کر کو دووماھیا وێ گفتوگویێ ب بەشداریا کوردۆ عومەر ٨ خالێن گرنک پێشکێشی وەزیرێ رەوشەنبیری کرن دگەل ناڤێن وان کەسێن بەشدار دگەل واژویا وان.

ناڤھاتی زێدەتر گوت: (وەزیرێ رەوشەنبیری ژی سوز دا کو دیراسەتەکێ وان ھەر ٨ خالێن ھاتین پێشنیاز کرن بکەت بەری کابینەیا نوو یا حوکمەتێ بھێت پێکئینان چەندین رێنما بۆ رێکخستنا کەنالێن راگەھاندنێ دھێن کرن ل دۆر وان درامایێن بیانی یێن د کەنالێن کوردی دا دھێنە پەخشکرن).