ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 13ى شوباتا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.100 دينار |
| 100 يۆرۆيێ ئه‌ورۆپى | 136.500 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
پشتی پرتووکا ( قەفەس) یا نڤیسکارا لوبنانی ( جمانا حەداد) ھاتیە وەرگێران بو زمانێ کوردی ژلایێ نڤیسکار و وەرگێرێ گەنج ( ئەحمەد جاسم)، ب رۆژەکێ بەری بەلاڤبوونێ نڤیسکارا لوبنانی د پەیچێ خوە یێ تایبەت یێ فێسبووکی دا، نڤیسینەک بەلاڤکر و دیارکر کو (قەفەس) ئێکەم بەرھەمێ وێ یە دھێتە وەرگێران بو زمانێ کوردی و دبێژیت: ئەڤە ئێکەم بەرھەمێ منە بو زمان و رەوشەنبیرا کوردی دھێتە وەرگێران و دەستخۆشیێ ل وەرگێری دکەت کو ب ڤی کاری رابووی.
نڤیسکار و وەرگێر( ئەحمەد جاسم) ل دور وێ چەندێ کا چەند رەوایە نڤیسەرەکا بیانی بەری بەرھەمێ وێ بکەڤیتە بازاری وێ ئاگەە ژێ بیت، بو روژناما ئەڤرۆ دیارکر کو پشتی وەرگێرانا چەندین بەرھەمێن دکتور عەلی ئەلوەردی وی فەر زانی ھندەک بەرھەمێن دی یێن کتێبخانا عەرەبی وەرگێریت و گۆت:من ھزر د وێ چەندێ دا کر کو کارێن دەستووردای و رەسمی بکەم، ھەم بو نڤیسکاری باشە بزانیت بەرھەمێن وی بووینە کوردی و ھەم بو خواندەڤانی بەھا و رێزەکا تایبەت ھەیە.
ھەروەسا ل دور دەستنیشانکرنا پرتووکا ( قەفەس) ئەحمەد جاسم گۆت: من قەفەس دەستنیشانکر، ژبەرکو تێکستەکە خوە ل ھندەک تەوەران ددەت بەری نوکە ب وێ راستگویێ نەھاتینە ئازراندن.
ئه‌ڤرۆ نیوز، نه‌وزاد هلورى:
ل باژێرێ پاراتى یێ سه‌ر ب پارێزگه‌ها ريو دى جوانێریوى یا وه‌لاتێ به‌رزایلێ ڤیسته‌ڤالا هه‌ریێ ب رێڤه چوو كو تێدا هژماره‌كا زور یا كچ و كور و ژن و زه‌لامان پشكدارببون ، ئه‌ڤ زێده‌بارى كو دڤیسته‌ڤالێ دا هه‌ند زاروك ژى دهێنه دیتن.
ڤیسته‌ڤال ب ناڤێ بلوكو دا لاماى ب رێڤه‌چوو و دیروكا وێ ژى دزڤریت بو سالا 1986 و هه‌تا نها ژى وه‌كو نه‌ریته‌كێ سالانه دڤى ده‌مى دا دهێته‌كرن.
ئه‌ڤرۆ نيوز:
به‌رنامێ كارێ كۆمبوونا داهاتى يا جڤاتا پارێزگه‌ها كه‌ركووك هاته ئاشكه‌را كرن و تێدا ده‌ردكه‌ڤيت كو هه‌لبژارتنا پارێزگارێ كه‌ركووك د به‌رنامێ كارێ كۆمبوونێ دا نينه.
ب گۆره‌ى وى به‌رنامێ كارى يێ رێبوار ته‌له‌بانى، سه‌رۆكێ جڤاتا پارێزگه‌ها كه‌ركووك ئاراسته‌ى ئه‌ندامێن جڤاتێ كرى و وێنه‌ك ب ده‌ست ئه‌ڤرۆ نيوز كه‌فتى، ل ده‌مژمێر 10:00ى سپێده‌هيا 18ى شوباتا 2019ێ كۆمبوونا ژماره 387 يا جڤاتا پارێزگه‌ها كه‌ركووك دێ ده‌ست پێ كه‌ت.
ئاماژه ب وێ چه‌ندێ ژى هاتيه كرن كو كۆمبوون دێ ل دۆر ره‌وشا ئه‌منى و ئيدارى يا نها يا پارێزگه‌ها كه‌ركووك هێته كرن، به‌لێ چو ئاماژه‌يه‌ك بۆ هه‌لبژارتنا پارێزگارێ نوو يێ كه‌ركووك نينه.
ئه‌ڤرۆ نيوز:
رێڤه‌به‌ريا پاسپۆرتان ل پارێزگه‌ها دهۆكێ داخوازێ ژ وان وه‌لاتیان دكەت یێن ناڤێن وان د لیستا خوارێ دا هاتین سەرەدانا رێڤەبەریا وان بكەن ل بەشێ بەلاڤكرنا پاسپورتان ژبو وەرگرتنا پاسپورتێن خوه بزووترین دەم.
ئه‌ڤرۆ نيوز:
سوبە جەژنا ئەڤیندارانە یا دبێژنێ ڤالانتاین، لەورا ئەو کەسێن ئەڤیندار و پەیوەندیێن دلداری ھەین یان ژی ھەڤژین بن دخوازن دەمەکێ خۆش د وێ رۆژێ دا ببۆرینن.
دا کو د رۆژا ڤالانتاینێ دا یێ دلخۆش بی د گەل خۆشتڤی، تو دشیێ ئێک ژ ڤان ھزران پەیرەو بکەی و دەست ژ ھزرێن کلاسیک بۆ وێ رۆژێ بەردەی:
رۆژا ژڤانێ ھەوە یێ ئێکێ دوبارە بکە و بیرھاتنان ل بیرا خوە بینن.
سەماکرن و دروستکرنا پشکەکا سەمایا تایبەت ل مالێ بەرھەڤ بکە و بلا ب شێوەیەکێ رۆمانسی بیت و جلکێن تایبەت ل بەرخوە بکەن.
ھندەک سترانێن تایبەت بەرھەڤ بکە و پێکڤە بێژن یان ژی پێکڤە دەواتێ ل بەر بکەن.
ھەرنە پێشانگەھەکێ یان ھەر چالاکیەکا دی بیت وەکو شانۆ یان ھەر چالاکیەکا رەوشەنبیری و دەمەکێ خۆش پێکڤە ببەن.
گەشتەکێ بۆ جھەکێ تایبەت بکەن و دەمێن خوە لێ ببۆرینن.
ھەرنە چیا و زۆزانان و دیمەنێن سروشتی یێن بالکێش ببینن.
ھەکە ئاھەنگەک د وێ رۆژێ دا ھەبیت پێکڤە ھەرن پشکداریێ بکەن.
گەریانەکا رۆمانسی ل ناڤ باغچێ مال یان پارکەکا گشتی بکەن و پێکڤە گۆلەکێ یان دارەکێ بچینن.
ھەکە دشیان دا بیت سەیرانەکێ دروست بکەن و خوارنەکا خۆش چێکەن.
یان ژی ھوون ھەردو پێکڤە خوارنەکێ بەرھەڤ بکەن کو ھوون ھەردو حەز ژێ بکەن و پێکڤە بخۆن.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 14ی شوباتا 2019ێ ئەسمان دێ ساهى ئه‌وره‌كێ كێم بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى ئه‌وره‌كێ كێم بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 3 بۆ 13 پلان دا بن.
ئه‌ڤرۆ نيوز:
سه‌رۆكێ فراكسيۆنا گۆڕان ل په‌رله‌مانێ كوردستانێ راگه‌هاند كو هه‌لويستێ فراكسيۆنا گۆڕان بۆ پشكداريكرن د روونشتنا په‌رله‌مانى دا، دێ ب رێيا بڕبارا سياسى يا بزاڤا گۆڕأن بيت.
عه‌لى حه‌مه سالح، سه‌رۆكێ فراكسيۆنا گۆڕان د روونكرنه‌كێ دا راگه‌هاند كو ل گه‌ل هه‌ردو فراكسيۆنێن پارتى و ئێكه‌تى كۆمبووينه و ده‌رباره‌ى كۆمبوونا په‌رله‌مانێ كوردستانێ دانوستاندن كريه.
ئاماژه ب وێ چه‌ندێ ژى كريه كو هه‌لويستێ فراكسيۆنا گۆڕان بۆ روونشتنا په‌رله‌مانى دێ ب گۆره‌ى بڕيارا سياسى بيت.
5ى ڤێ هه‌يڤێ پارتى و ئێكه‌تى كۆمبوون و رێكه‌فتن ل سه‌ر دياركرنا كۆمبوونا په‌رله‌مانێ كوردستانێ و جڤاتا پارێزگه‌ها كه‌ركووك ل 18ى ڤێ هه‌يڤێ بيت.
سه‌رۆكێ فراكسيۆنا گۆڕان دبێژيت: “گۆڕان پرۆژێ خوه بۆ به‌رنامێ حوكمه‌تێ و پێوه‌ر و به‌ركه‌فتان پێشكێش كريه، هه‌تا 18ى ڤێ هه‌يڤێ دێ بڕيارا دووماهيێ هێته دان”.
ئه‌ڤرۆ نیوز:
سه‌رۆك وه‌زیرێن عیراقێ راگه‌هاند، په‌یوه‌ندیێن وان ل گه‌ل هه‌رێما كوردستانێ گه‌له‌ك دباشن و دیداره‌كا گرنگ ل گه‌ل نێچیرڤان بارزانی سه‌رۆك وه‌زیرێن هه‌رێما كوردستانێ ئه‌نجامدایه.
عادل عه‌بدولمه‌هدی سه‌رۆك وه‌زیرێن عیراقێ د كۆنگرێ خوه یێ رۆژنامه‌ڤانی یێ حه‌فتیانه دا راگه‌هاند، رێككه‌فتنا ل سه‌ر هنارتنا په‌ترۆلا هه‌رێما كوردستانێ هه‌ی و پێدڤی ب چو رێككه‌فتنێن نوو ناكه‌ت و پێدڤیه رۆژانه 250 هزار به‌رمیلێن په‌ترۆلێ راده‌ستی سۆمۆ بهێنه كرن و ئه‌م یێ ل سه‌ر ڤێ چه‌ندێ رێككه‌فتین و بجهئینانا بودجێ ژی یا تایبه‌ته ب وه‌زاره‌تا دارایی ڤه و رێنمای یێن ده‌ركه‌فتین و ده‌ست بجهئینانا قانوونا بودجێ هاتیه كرن.
ل دۆر ره‌وشا كه‌ركووكێ، عادل عه‌بدولمه‌هدی گۆت:(هه‌موو ئه‌و تشتێ ل دۆر كه‌ركووكێ و ده‌ڤه‌رێن دی دهێته گۆتن دراست نینن و ره‌وشا كه‌ركووكێ یا ئارامه و به‌رۆڤاژی ره‌وشا ئێمناهیا كه‌ركووكێ یا بهێزتر لێ هاتی).
نيشاندان