ئەڤرۆ نیوز:

رۆژنامەیێن نێزیکی یانا ریال مەدرید ئاشکراکر کرینە راھێنەرێ یانا ریال مەدرید زێدان بوو بەرپرسێن یانا ریال مەدرید دیارکریە ھەکە رافائێل ڤاران یێ رژد بیت ل سەر چوونا خوە ل پێکھاتیێ یانێ دبیت ئەو نەبیتە رێگر ل دووماھیێ ژبەرکو ھەکە یاریزان حەزا نەمانێ نەمبینت زێدان نابیتە رێگر ھەر چەندە زێدان ناخوازیت دەستا ژ ئەوی یاریزانی بەردەت .

ژلایەکێ دیڤە مالپەرێ بەرنیاس یێ فرەنسی لو ١٠ یێ فرەنسی بەلاڤەکریە زێدان بەرپرسێن یانا ریال مەدرید ئاگاداکرینە ھەکە ڤاران یێ رژد بیت ل سەر چوونا خوە پێدڤی یە یانە ل جھێ وی ب دەست ب لڤینا بکەن بوو رازیکرنا بەرەڤانێ ھولەندی و ستێرا ھێلا بەرەڤانیا ئەیاکس ئەمستردام ماتیاس دی لیگت .

زێدەتر ئەوی مالپەری دیارکریە ژی دەستڤە ئینانا ماتیاس دی لیگت بوو ریال مەدرید یا ب سانەھی نابیت ژبەرکو ھەر ئێک ژ یانێن بەرشەلۆنا و یوڤانتوس و بایرن میونیخ ھەڤرکیا دەستڤە ئینانا ئەوی یاریزانی دکەن تایبەت نوکە بوویە ئارمانجا سەرەکی یا بەرشەلۆنا لێ دبیت ریال مەدرید بشێت کوژمەکێ مەزنتر یێ پارەی ژ ھەر سێ یانێن دی پێشکێش بکەت ھەکە بەرەڤانێ خوە ڤاران فروت ژبەرکو دھێتە پێشبینی کرن کوژمەکێ مەزن یێ پارەی ریال یا مفاداربیت ژ فروتنا ڤاران.

ئەڤرۆ نیوز:
چاڤەرێ دھێتەکرن ل دووماھیا ھەیڤا بھێت یاریا دووماھیا قارەمانیا شاھێ ئیسپانیا دناڤبەرا ھەردو یانێن بەرشەلۆنا و ڤالنسیا ل یاریگەھا ڤیامارین بھێتەکرن کو ئەو یاری بریارە ل ٢٥-٥-٢٠١٩ بھێتەکرن .
رۆژنامەیێن ئیسپانی بەلاڤەکرینە بھایێ چونا پلێتا دناڤا یاریگەھێ دا بەر ب بلندبوونێ ڤە چوویە کو ژ ٥٥ یورۆیا بەر ب ١٥٥ یورۆیا چوویە و چاڤەرێ دھێتەکرن بەری ئەنجامدانا یاری ئەو ب چەند رۆژان بھایێ ئەوێ پلێتێ بلندتر ژی لێ بھێت

ئەڤرۆ نیوز:
ل چەند دەمژمێرێن بوری کەنالێ “کانال پلاس” یێ فرەنسی بەلاڤەکر بوو یانا ریال مەدرید گەھشتی یە رێککەفتنا دەستپێکی ل گەل ستێرا ھێلا ناڤینا فرەنسی و یانا پاریس سانجێرمان ئەدریان رابیو ھەردیسان دیارکر بوو بریارە ل چەند رۆژێن بھێت ب فەرمی ھەڤبەستا ئەوی یاریزانی ل مەدرید بھێتە راگەھاند بوو وەرزێ بھێت.
ژلایەکێ دیڤە رۆژناما مارکا ئیسپانی کو ئێک ژ رۆژنامەیێن نێزیکی یانا ریال مەدرید ئاشکرا کریە ل دیڤ ئەو ژێدەرێن ل بەر دەستێ ئەوان دناڤا کارگێریا یانا ریال مەدرید چ راستی بوو ئەوی دەنگوباسی نینە و یانا ریال گرنگی ب ھاتنا ئەوی ئەدریان رابیو نەدایە و د پلانا ئەوێ یانێ دا ژی نینە ل مێرکاتویا ھاڤینا بھێت ھەڤبەستێ ل گەل ئەوی یاریزاتی ئیمزا بکەن .
ھەژی گوتنێ یە نوکە ئەدریانو رابیو نوکە ئاریشە ل گەل یانا پاریس سانجێرمان ھەیە پشتی وی یاریزانی ھەڤبەستا خوە درێژ نەکری ل گەل یانا پاریس سانجێرمان و ھەر ئێک ژ یانێن بەرشەلۆنا و مانچێستەر یوناید ھەڤرکیێ ل سەر دەستڤە ئینانا ئەوی یاریزانی دکەن لێ ھەتا رادەیەکی بەرشەلۆنا خوە ژ ھەڤرکیا ئەوی یاریزانی ڤەکێشایە تایبەت پشتی ھەڤبەست ل گەل دی یونگ یێ ھولەندی ئیمزا کری.