ئەڤرۆنیوز،سەباح زوهێر:
حسێن هێرش نوبەدارێ کارگێری ل نەخۆشخانا تەنگاڤی و زارۆکبوونێ ل ئاکرێ بۆ ئەڤرۆنیوب دا دیارکرن کو ئەڤرۆ پشتی نیڤرۆ حالەتەکێ خەتدقینێ هاتە نەخۆشخانا تەنگاڤیا کو سنێلەکێ د ژیێ (۱۲)سالی ب ناڤێ(محسن جرجیس) ل گوندی (گربەویل مە زن) ل ناحیا روڤیا خەندقی یە.
ناڤهاتی گۆت ژی کو ئەڤ سنێلە دناڤ گومەکا ئاڤێ یا وی گوندی کەفتیە تێدا و خەتدقی یە، دەمێ گەهشتی یە نەخۆشخانێ گیانێ خوە ل دەست دابوو و ل دویڤدا تەرمێ وی بۆ پزیشکیا داد ل گۆلان هاتە ڤەگۆهاستن.
ئەڤرۆ نیوز، نەوزاد ھلۆری:
ب مەرەما رێزگرتن ل خەبات و قوربانیدانا ژنا کورد (لەیلا قاسم) ئەڤرۆ ل گوندێ بەرچێ یا سەر ب دەڤەرا نھێلێ شانوگەریا بوکا کوردان ھاتە نیشاندان و تێدا وەسا ھاتە رونکرن کو لەیلا قاسم ھەر یا ساخە و نامریت.
ژیان بەرچی، دەرھێنەرا شانوگەریێ و ماموستایا ھونەری بۆ ئەڤرۆ نیوز گۆت: وەکو رێزگرتن بو خەبات و قوربانیدانا شەھیدا ژن لەیلا قاسم، د سالرۆژا سێدارەدانا وێ دا ، ئامادەیا نھێل رابو ب ئەنجامدانا شانوگەریا بوکا کوردان، تێدا روول و خەبات و قوربانیدانا شەھیدا ژن لەیلا قاسم و ھەڤالێن وێ ھاتە نیشاندان ژبەرکو ب راستی ژی ئەوان خەباتەکا مەزن بو کوردستانێ کریە.
ئەڤرۆ نیوز، عەلی حاجی :
لژێر دروشمێ ھونەر ناسناما گەلانە پشکا چالاکیێن قوتابخانان ب ھەڤکاری دگەل رێکخراوەکا بیانی و ھەیڤا سورا عێراقی، رابون ب ڤەکرنا پێشانگەھەکا فلکلوری بۆ قوتابیێن قوتابخانا ھیزاوا ، دوێ پێشانگەھێ دا زێدەتری ٣٠٠ کەل و پەلێن کوردی و خوارنێن کوردی ھاتنە نیشان دان کو ئەوا ژلایێ قوتابی و ماموستاێن قوتابخانا ناڤبری ڤە ھاتینە بەرھەڤ کرن.
ئەڤرۆ نیوز: عەزیز ھەورامی:
گروپێن تیرورستێن داعش ل خانەقین چالاکیێن خوە بۆ سەر ھێزێن عیراقی و حەشدا شەعبی زێدەکرینە، وچەند مەفرەزێن شەرکەر ل وان جھان داناینە.
د ڤی دەربارەی دا شێخ جەعفەر شێخ مستەفا بەرپرسێ لقا ١٥ یا پارتی ل خانەقین بۆ ئەڤرۆ نیوز گۆت: تیرورستێن داعش ل خانەقین جارەکا دەست ب جموجولێن خوە کریە و چەند چالاکیێن تیرورستی دژی ھێزێن عیراقی و حەشدا شەعبی ل وێ دەڤەرێ ئەنجامداینە و نوکە چەند مەفرەزەیێن پێنج کەسی بۆ ئارمانجا شەر و رێگریێ ل ھێزێن عیراقێ داناناینە.
ناڤھاتی زێدەتر گۆت: دوھی ھێزێن عیراقی ئەمیرەکێ داعش دەستەسەر کر و د دانپێدانا خوە دا دیارکریە ئەو دگەل ١٥ کەسان کاردکەن ب ناڤێ تیرورستێن داعش و ھەموو ئەوێن دگەل وی ئیرانی و عیراقی نە کار دکەن، و دھی ب شەڤ ئەو کەسێن دگەل ڤی ئەمیرێ داعش یێ دەستەسەر کری کاردکەن ھێرشی وان کریە و دو کەس ژ ھێزێن عیراقی کوشتی نە.
ئەڤرۆ نیوز:
ئەڤرۆ رۆژا پێنج شەمبی مەسرور بارزانی شیرەتکارێ جڤاتا ئاسایشا ھەرێما کوردستانێ پێشوازی ل جنێرال سێرجون لۆریمەر مەزنە راوێژکارێن وەزارەتا بەرگریا برێتانیا ل رۆژھەلاتا ناڤین کر.
د ڤێ دیدارێ دا جون ویلکس بالیوزێ برێتانیا ل عیراقێ ژی بەرھڤ بوو بەحس ل رەوشا دەرڤەرێ ب گشتی و پشتەڤانیا برێتانیا بۆ ھێزێن پێشمەرگەی ھاتە کرن.
ژلایێ خوە ڤە مەسرور بارزانی، رولێ حوکمەت و راوێژکارێن سەربازی یێن برێتانیا ل سەر رێکسختن و راھێنانکرنا ھێزێن پێشمەرگەی بلند نرخاند و کارکرن بۆ نەھێلانا ھزرا تیرورێ و رێکێن سەرھلدانا وێ ل دەڤەرێ ب پێدڤی زانی.
ژلایێ خوە ڤە مەزنە شیرەتکارێ وەزارەتا بەرگریا برێتانیا بۆ رۆژھەلاتا ناڤین دوپاتی ل سەر پشتەڤانیا وەلاتێ خوە بۆ ھێزێن پێشمەرگەی د چارچوڤێ ھەڤپەیمانیا نێڤدەولەتی دیارکر.
ئەڤرۆ نیوز:
ل ماوێ چەند رۆژێن بوری ھژمارەکا رۆژنامەیێن ئیسپانی و برێتانی ئاشکراکر بوو بەرەڤانێ فرەنسی و یانا ریال مەدرید رافائێل ڤاران حەزا چوونێ ل وەرزێ بھێت ژ یانا ریال مەدرید ھەیە و دخوازیت یاریێ ل خولەکا دی یا ئورۆپی بکەت لێ پشتی ڤی دەنگوباسی یانا ریال مەدرید ھەلویستێ خوە بەرامبەر چوونا ڤاران دیارکریە .
رۆژناما میرو یا برێتانی ئاشکرا کریە یانا ریال مەدرید چارەنڤیسی خوە بەرامبەر چوونا ڤاران دیارکریە و کارگێریا یانا ریال مەدرید ئاشکرا کریە ھەر یانەکا حەزا کرینا ئەوی یاریزانی ھەبیت پێدڤی یە دانوستاندنان ل گەل کارگێریا یانێ بکەت و مەرجەیێ ھەلوەشاندنا ھەڤبەستا ئەوی پێشکێشی یانێ بکەت ئەوژی ٤٢٩ ملیون جینێ ئیسترلینی بدەتە یانا ریال مەدرید بوو دەست بەردانا ڤاران و ئەڤ چەندە وێ دگەھینت کو ریال ئەو مەرجە دانایە بەرامبەر دەست بەردانا ئەوی یاریزانی مەرەم ب وێ چەندێ یە ئەو ناخوازیت بوو وەرزێ بھێت ب ھیچ شێوەکی دەستا ژ ڤاران بەردەت.
ھەردیسان وێ رۆژنامێ ئاشکراکریە ژی یانێن مانچێستەر یوناید و لیڤەرپول یێن ئنگلیزی و پاریس سانجێرمان یا فرەنسی باریرن میونیخ یا ئەلمانی و یوڤانتوس یا ئیتالی کوژمەکێ مەزن یێ پارەی بەرھەڤکریە بوو دەستڤە ئینانا ئەوی یاریزانی لێ ژ ئەوان یانان ئەو کوژمە نە گەھاندی یە نیڤا ئەوی پارەی ژی ئەوێ ریال مەدرید ئاشکراکری.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 22.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان