ئه‌ڤرۆنیوز:
هادی عامری سه‌رۆكێ لیستا فه‌تح یا سه‌ر ب حه‌شدا شه‌عبی ڤه هێرشه‌كا توند دكه‌ته سه‌ر له‌شكرێ ئه‌مریكی و ب ترسنۆك ناڤ دكه‌ت ودبێژیت كو ئه‌و نه‌شێت دناڤ باژێرێن عیراقێ دا هاتنوچوونێ بكه‌ن و ب هه‌موو شێوه‌كی بزاڤێ دكه‌ن وان بنگه وباره‌گا ل عیراقێ نه‌مینن.
هادی عامری دچارچۆڤێ كۆمبوونه‌كا جه‌ماوه‌ری دا ل به‌غدا، گوتاره‌ك پێشكێشكر وگۆت” له‌شكرێ ئه‌مریكی ژ وێ چه‌ندێ ترسنوكترن ل عیراقێ هاتنوچوونێ بكه‌ن”.
گۆت ژی” ب چو شێوه‌كێ رێ ناده‌ین له‌شكرێ ئه‌مریكی هه‌بوون ل ئه‌سمان وئاڤ وئاخا عیراقێ دا هه‌بیت، ئه‌ڤ چه‌نده ژی دێ ل په‌رله‌مانی هێته ئێكلاكرن”.
ئەڤرۆ نیوز ٬ عەلی حاجی
هونەرمەندێ شانوڤانێ زاخۆ (شەعبان دوسکی) پشتی زێدەتری ۳ سالان توشی نەخوەشیەکا گران بووی ئەڤرۆ روژا ئێک شەمبێ ۱۰/۲/۲۰۱۹ ل نەخوشخانەکا باژێرێ سلێمانیێ وه‌غه‌ركر .
مەهدی مونیر، بەرپرسێ نڤسینگەها زاخۆ یا سەندیکا هونەرمەندێن کوردستانێ بۆ ئەڤرۆ نیوز گوت : هونەرمەند شەعبان دوسکی ئێک ژهونەرمەندێن باژێرێ زاخۆ بوو ٬ پشکداریەکا کارا هەبوو ل هەموو بزاڤێن شانویێ دا ل زاخۆ و پشکداری دچەندین فلمان دا کریە و رۆله‌كێ به‌رچاڤ ل هەموو بزاڤێن هونەری دا هەبوو ٬ زێدەتری سێ سالایە تووشی نەخوەشیەکا گران ببوو و ئەڤرۆ ده‌نگوباسێ وه‌غه‌ركرنا وی گەهشتەمە.
ئەڤرۆ نیوز:
حوکمەتا ھەرێما کوردستانێ ئەڤرۆ رۆژا ئێکشەمبی ١٠/٢/٢٠١٩ بەیانەک ب ئیمزایا کەریم شنگاری وەزیرێ نافخو چەند دەرکر بۆ نەھێلانا چەکێ بێ مولەت د دەستێ خەلکی دا ل سەرانسەری باژێرێن ھەرێما کوردستانێ و رێنمایێن ئەڤێن خوارێ نە.
١.رامالینا و نەھێلانا ھەموو جورێن چەک و تەقەمەنیا ژبلی دەمانجە و کلاشینکوف.
٢. دەست ب سەرداگرتنا ھەموو ئەو چەکێن بێ مولەت ئەوێ خەلکێ ھەرێمێ د ھەلگریت جێبەجێکرنا رێکارێن قانوونی بەرامبەر وان کەسان.
٣. ل سەنتەرێ ھەر پارێزگەە،قەزا و ناحیا رێڤەبەریا پولیس و ئاسایش دێ بنە بنگەھێن کومکرنا ئەو چەکێن دھێنە کومکرن یان دەستەسەرکرن و برێکا لژنەیەکا تایبەت دێ ھێنە ھنارتن بۆ وەزارەتا پێشمەرگەی.
٤. ب رێیا ھەموو دەزگایێن راگەھاندنێ ھەموو خەلکێ ھەرێما کوردستانێ بھێنە ئاگەھدارکرن کو ئەو چەکێن بێ مولەت یێن برگا ئێکێ دا ھاتین بھێنە رادەستکرن.
٥. ئەڤ رێنمایە ژ رۆژا دەرکەفتنا وێ دێ کارپێ ھێتەکرن بۆ ماوێ شەش ھەیڤان.
٦. پشتی ب دووماھی ھاتنا ماوێ د برگەیا پێنج دا ھاتیە دیارکرن ھەر چەکەکێ دەستێ کەسەکی دا بھێتە گرتن دێ ل دووڤ یاسایێ ھێتە رەوانەکرن بۆ دادگەھێ.
٧. ئەڤ رێنمایە دێ ل رۆژنامەیا وەقائع کوردستان دا ھێنە بەلاڤ کرن.
ئەڤرۆ نیوز ، عەلی حاجی :
پشتی زێدەتری ٧ سالان پروژێ شوقەێن دەلال ستی ل باژێرێ زاخۆ ژلایێ خودانێ پروژەی ڤە ھاتیە راوەستاندن ، ئەڤرۆ ل نڤیسینگەھا زاخۆ یا پەرلەمانتارێن کوردستانێ ب ئامادەبونا چەند پەرلەمانتارێن زاخۆ و رێڤەبەرێ گشتیێ وەبەرھێنانێ ل پارێزگەھا دھوکێ و خودانێ پروژەیی و پشکداربوێن پروژەی ئەڤ کێشەیە ھاتە چارەسەر کرن و گرێبەستێن نوو ھاتە ئیمزا کرن .
دڤی چارچووڤەی دا چیا شەفیق ئەندام پەرلەمانتارێ کوردستانێ ل زاخۆ بۆ ئەڤرۆ نیوز گۆت: وەکو فراکسیونا پارتی نڤیسینگەھا زاخۆ ، پشتی زێدەتری ٢ حەفتیان مە دووڤچوونا کێشەیا پروژەیێ شوقەیێن دەلال ستی کری و مە پەیوەندی دکتور نوری ئوسمان رێڤەبەرێ دەستەیا وەبەرھێنانێ ل ھەرێما کوردستانێ کری ل دور ڤێ کێشەیێ ناڤبری ھاریکاریەکا باش دگەل مە دار بۆ چارەسەرکنا ڤێ کێشەیێ ، ب ئامادەبونا کوردو ئیحسان رێڤەبەرێ گشتیێ وەبەرھێنانێ ل پارێزگەھا دھوکێ ب ھەولێن ل دوماھیێ مە شیا ھەردو لایەنا بگەھینە رێککەفتنەکا باش و دێ دووبارە دەست ب ئاڤاکرنا وان پروژەیان ھێتە کرن و نابیت چوو لایەک کەمتر خەم بیت ل ھەڤبەستا نوو دا .
ھەروەسا کوردو ئیحسان رێڤەبەرێ گشتیێ وەبەرھێنانێ ل پارێزگەھا دھوکێ بۆ ئەڤرۆ نیوز گۆت : پشتی ل سالا ٢٠١٧ دوبارە مولەتا کارکرنا پروژەیێ دەلال ستی ب کۆمپانیەکێ ھاتیە دان کو پێدڤیە ل ماوەیێ ٩ ھەیڤان دا ئەڤ شوقە ب دوماھی ھاتبان لێ ژبەر قەیرانا دارایی ئەو پروژە ھاتبو راوەستاندن لێ ئەڤرۆ ئەڤ کێشەیە ھاتە چارەسەر کرن، ل گورەی ھەڤبەستەکا نوو دناڤبەرا خودان و پشکدارێن پروژەی بھێتە مورکرن وەکو قەرەبو ھاولاتیان ل ماوەیێ گیروبونا چێکرنا پروژەی داشکاندنەک بۆ ھاولاتیان ژلایێ خودانێ پروژەی بھێتە کرن و دانا قستێ ھاولاتیان ب رێکا ژمارەیەکا بانقی بیت دا کو ئەو باوەری دناڤبەرا خوادنێ پروژەی و ھاولاتیان دروست بیت.
ئەڤرۆ نیوز:
دەزگەهێن راگەهاندنێ ل ئورۆپا و ئەمریکا دیار دکەن کو تنێ چەند گوند ل سووریێ د بن کۆنترۆلا داعشێ دا ماینە و هێزێن سووریا دیموکرات نها دەست ب ئۆپەراسیۆنا خوە یا دووماهیێ کرینە دا داعشێ ب تەمامی ل سووریێ ژناڤ ببەن، لێ هێزەکا تایبەت یا ئەمریکی ل باژێرکێ هەجین ل دووڤ بەغدادی دگەرن و ناهێلن هێزێن سووریا دیموکرات خوە نێزیکی وێ دەڤەرێ بکەن.
چاڤدێرێن سیاسی ژی دیار دکەن کو ئەمریکا دخوازیت ب دەستەسەرکرن یان ژی کوشتنا ئەبوبەکر بەغدادی خەلیفێ رێکخراوا تیرۆرستی یا داعشێ سەرکەفتنا خوە ل سەر داعشێ بۆ جیهانێ راگەهینیت.
ئەڤرۆ نیوز:
پشتی کو بەرپرسەکێ وەزارەتا بەرەڤانیێ یا ئەمریکا دیار کر کو مە پەیوەندیێن راستەوخوە ل گەل لەشکرێ ڤینزویلا دروست کرینە و دڤێت لەشکر پشتەڤانیێ ل خوئان گوایدۆ سەرۆکێ ئۆپۆزسیۆنا وی وەلاتی بکەن، هژمارەک ژ ئەفسەر و فەرماندارێن لەشکرێ ڤینزویلا ئەڤرۆ راگەهاندن کو ئەو پشتەڤانیێ ل گوایدۆ دکەن.
بەری نها روسیا ب توندی هۆشداری دابوو ئەمریکا کو نابیت ئەمریکا ببیتە ئەگەرێ شەرەکێ ناڤخوەیی ل ڤینزویلا، لێ جێگرێ سەرۆک ئەمریکا ژی دیار کربوو کو دڤێت رژێما مادورو ل ڤینزویلا ژناڤ بچیت.
ئەڤرۆ نیوز، هۆشەنگ تاجر:
مەسعود تەک سەرۆکێ گشتی یێ پارتیا سوسیالیست یا کوردستانێ بۆ ئەڤرۆ نیوز دیار کر کو بەری نها دادگەها بلند یا تورکیا داخواز ژ مە کربوو کو ئەم ناڤێ پارتیا خوە بگوهۆرین و ب ناڤێ کوردستانێ سیاسەتێ نەکەین، هەروەسا داخواز ژ مە کرن کو ئەم بەحسێ فیدراسیۆنێ ل تورکیا و زمانێ کوردی ژی نەکەین و گۆت: (بێگومان مە هەموو داخوازیێن وان رەتکر، ئەم و پارتیێن دی یێن کوردستانی کو ل تورکیا خەباتێ دکەین دێ ل سەر خەباتا خوە یا نەتەوی بەردەوام بین و هەلویستێ دادگەها بلند یا تورکیا ژی خزمەتا دیموکراسیێ ل تورکیا ناکەت).
ناڤهاتی راگەهاند کو قانوونێن تورکیا ئێدی بەرسڤا داخوازیێن جڤاکێ نادەن و دڤێت تورکیا قانوونێن خوە بگوهۆریت و گۆت: (هەکە دادگەها تورکیا ل سەر هەلویستێ خوە رژد بیت و بریارا داخستنا پارتیا مە بهێتە دان ئەم دێ ل دادگەها بلند یا مافێ مرۆڤان ل ئورۆپا سکالا ل سەر دەولەتا تورکیا تۆمار کەین).
ئەڤرۆ نیوز:
جەمیل بایک ئێک ژ سەرکردێن دیار یێ پەکەکێ راگەهاند کو سزادانا ئیرانێ ژ ئالیێ ئەمریکا ڤە د بەرژەوەندیا کوردان دا نینە و گۆت: (ئارمانجا سەرەکی یا ئەمریکا ئەڤە کو تورکیا بهێز بکەت دا تورکیا ببیتە خوەدان رۆلەک سەرەکی ل رۆژهەلاتا ناڤین و ئەو یەک ژی بێگومان د بەرژەوەندیا کوردان دا نینە و ئەم ل دژی هندێ نە کو ئەمریکا ئیرانێ سزا بدەت).
جەمیل بایک سەرکردێ پەکەکێ پەیوەندیێن گەلەک باش ل گەل ئیرانێ هەنە و گەلەک جاران ژی داخۆیانیێن وەسا د بەرژەوەندیا ئیرانێ دا داینە.
نيشاندان