ئەڤرۆ نیوز:
ئەڤرۆکە سەرۆک مەسعود بارزانی ل گەل قونسولێ وەلاتێ مسرێ ل هەولێرێ ئەحمەد جیهاد کۆمبوو و د کۆمبوونێ دا سەرۆک بارزانی راگەهاند کو پەیوەندیێن مسرێ و کوردستانێ دیرۆکی نە.
د هەڤدیتنێ دا هەر دو ئالیان بەحسێ پێشڤەچوونا پەیوەندیێن کوردستانێ و مسرێ کرن و قونسولێ مسرێ ژی راگەهاندن کو ئەو هێڤیخوازن پەیوەندیێن هەرێما کوردستانێ و مسرێ د هەموو بیاڤان دا بەر ب پێشڤە بچیت.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ راگه‌هاند كو رێژا دانانا كارگه‌هێن كيمياوى و كه‌رستێن بيناسازى يێن سه‌ر ب پێشه‌سازى و وه‌به‌رهێنانێ ڤه به‌ر ب كێمبوونێ چوويه و به‌رچاڤترين كارتێكرن ژى يا ڤه‌كرنا گۆمركان بوويه د ناڤبه‌را هه‌رێما كوردستانێ و حوكمه‌تا عيراقێ دا.
نازدار عه‌بدولقادر حسێن، رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ د كۆنگره‌كێ رۆژنامه‌ڤانى دا راگه‌هاند كو ئه‌ردێ كوردستانێ يێ زه‌نگينه ب دابينكرنا كه‌رستێن خاڤ بۆ كارگه‌هێن كه‌رستێن كيمياوى و كارگه‌هێن كه‌رستێن بيناسازى ژ به‌ر ڤێ چه‌ندێ ژى ژماره‌كا كارگه‌هان ل دهۆكێ هاتينه دانان.
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ ئاماژه ب وێ چه‌ندێ ژى كر كو ڤان كارگه‌هان شيايه ده‌ليڤێن كارى بۆ گه‌نجان زێده بكه‌ن و بێ كاريێ ژى هه‌تا راده‌كى كێم بكه‌ن و بارێ حوكمه‌تێ سڤك بكه‌ن.
نه‌ڤه‌شارت ژى كو قه‌يرانا ئابوورى ل كوردستانێ ژ ئه‌گه‌رێ هاتنا داعش و روو ب رووبوونا وێ و بوويه‌رێن پشتى 16ى ئوكتوبه‌رێ هه‌ى گه‌له‌ك كارتێكرن ل سه‌ر دانانا ڤان كارگه‌هان كريه، به‌لێ يا ژ هه‌موويان پتر كارتێكرن ل سه‌ر ڤان كارگه‌هان هه‌ى، دانانا وان گۆمركايه يێن د ناڤبه‌را هه‌رێما كوردستانێ و عيراقێ دا.
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ ئاماژه ب وێ چه‌ندێ ژى كر كو هه‌كه هه‌ڤبه‌ركيه‌كێ بكه‌ن هه‌ر ژ سالا 2013 و هه‌تا نها، دێ بينين هه‌ڤبه‌ركيه‌كا مه‌زن يا د ناڤبه‌را رێژا دامه‌زراندن و دانانا ڤان كارگه‌هان دا هه‌يى ب ره‌نگه‌كى ل سالا 2013ێ 65 كارگه‌هـ هاتنه ڤه‌كرن، به‌لێ ل سالا 2014 ب تنێ 15 هاتنه ڤه‌كرن و ل 2015ێ ژى 18 كارگه‌هـ و ل 2016ێ 13 كارگه‌هـ و ل 2017ێ 35 كارگه‌هـ و ل 2018ێ ژى 14 كارگه‌هـ هاتبوونه دامه‌زراندن.
ب ره‌نگه‌كێ گشتى ل پارێزگه‌ها دهۆكێ كارگه‌هـ سه‌ر ب رێڤه‌به‌ريا گه‌شه‌پێدانا پێشه‌سازى و وه‌به‌رهێنانێ ڤه نه، به‌لێ ژماره‌كا زۆر ژ به‌ر قه‌يرانا ئابوورى ژ كار راوه‌ستياينه.
ژ لايه‌كێ دى ڤه نازدار عه‌بدولقادر حسێن بۆ ئه‌ڤرۆ نيوز ب گۆره‌ى وان داتايێن مه‌يدانى يێن وان ب ده‌ست خوه خستين، نها ل پارێزگه‌ها دهۆكێ ژ سه‌رجه‌مێ 330 كارگه‌هێن سه‌ر ب گه‌شه‌پێدانا پێشه‌سازى ڤه 104 كارگه‌هـ كار ناكه‌ن و 37 ژى ل دووڤ پێدڤيێ كار دكه‌ن و يێن كارێن خوه ب دروستى دكه‌ن 195 كارگه‌هن.
ده‌رباره‌ى كارگه‌هێن سه‌ر ب رێڤه‌به‌ريا گشتى يا وه‌به‌رهێنانێ ل پارێزگه‌ها دهۆكێ ژى نازدار خانێ گۆت: “ژ سه‌رجه‌مێ 60 كۆمپانيان، 17 كارناكه‌ن و پێنج ژى ل دووڤ پێدڤياتيێ كار دكه‌ن، د ده‌مه‌كى دا 38 كۆمپانى كار دكه‌ن”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى شوباتا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.800 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، سالار دۆسکی:
ئەندامەکێ خولا بەرێ یا پەرلەمانێ عیراقێ، دیارکر کو پشتی پەسەندکرنا بۆدجا عیراقێ نیازێن باش ھەنە بۆ چارەسەکرنا کێشا دناڤبەرا ھەولێر و بەغدا دا.
رێناس جانو، ئەندامێ خولا بەرێ یا پەرلەمانێ عیراقێ، ل سەر خورتبوونا پەیوەندیێن ھەرێمێ و بەغدا بۆ ئەڤرۆ نیوز ئاشکراکر کو ب شەڤ و رۆژەکا پەیوەندیێن بەغدا و ھەرێما کوردستانێ بەر ب باشبوونێ ڤە ناچن.
جانۆی ئەو ژی گۆت: پەیوەندیێن کوردستانێ و بەغدا دباشن و چاڤەرێی ھاڤێتنا پێنگاڤێن باشترین، نیازەکا باش ھەیە پشتی پەسندکرنا بودجێ تێکەلیێن باشتر دناڤبەرا ھەر دو حوکمەتان بۆ چارەسەرکرنا کێشان بھێنە ھاڤێتن و دێ مینت ل سەر رەوشا سیاسی ل عیراقێ بگشتی.
ل دۆر پوستێ وەزارەتا داد یا عیراقێ ژی، رێناس جانۆ گۆت: وەزارەتا داد بەر ب ئێکەتیێ نە کەڤیتە، بەلکو پشکا کوردانە و ھێشتا بریار ل سەر وی پوستی مایە.
ئه‌ڤرۆ نيوز:
کومەلگەھا دەرگه‌هێ نێڤدەولەتی يێ ئیبراھیم خەلیل راگه‌هاند كو ل ھەیڤا کانونا دويێ يا سالا 2019 پتر ژ 161 ھزار رێڤینکا ل کومەلگەھا ده‌رگه‌هێ نێڤدەولەتی يێ ئیبراھیم خەلیل ھاتنوچوون کریە.
ل دووڤ راپۆرتا نڤيسنگەھا ئاکنجیبون و پاسپۆرتا ل ئیبراھیم خەلیل 161 هزار و 957 رێڤینگا ل ده‌رگه‌هێ ئیبراھیم خەلیل ھاتنوچوون کریە، ل دووڤ راپورتا نڤێسنگەھا ناڤبری کو دیاربوو 87 هزار و 329 رێڤینگ ھاتینە ناڤ ھەرێما کوردستانێ دا کو ژ وانا 34 هزار 631 ھەلگرێن پاسپۆرتێن عيراقینە و 50 هزار و 673 ھەلگرێن پاسپۆرتێن تورکینە ھەروەسا دو هزار و 25 رێڤينگ ژى ھەلگرێن پاسپۆرتێن بیانی نە.
هه‌ر ب گۆره‌ى هه‌مان راپۆرت، 74 هزار و 628 رێڤینگ ب رێیا ده‌رگه‌هێ ئیبراھیم خەلیل چووینە وەلاتێ تورکیا، ژ وانا 23 هزار و 985 رێڤينگ ھەلگرێن پاسپۆرتێن عيراقی نە و 48 هزار 595 ھەلگرێن پاسپۆرتێن تورکی نە و دو هزار و 48 ھەلگرێن پاسپۆرتێن بیانی نە.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ ژى يێ لژنا دارايى ل جڤاتا نوونه‌رێن عيراقێ راگه‌هاند كو 36% ژ بوودجا عيراقا فيدرال بۆ چار وه‌زاره‌تان دچيت كو دبيته زێده‌تر ژ ئێك ل سه‌ر سيێ.
پرۆفيسۆر ئه‌حمه‌د سه‌فار، سه‌رۆكێ ژى يێ لژنا دارايى ل جڤاتا نوونه‌رێن عيراقێ د په‌نه‌له‌كێ ڤه‌كرى دا كو ل هۆلا پانۆراما ئازادى بۆ هاتبوو رێكخستن گۆت: “36% ژ بوودجا عيراقا فيدرال كو دبيته زێده‌تر ژ ئێك ل سه‌ر سێ بۆ هه‌رچار وه‌زاره‌تێن ناڤخۆ و به‌ره‌ڤانى و په‌ترۆل و كاره‌ب دچن.
سه‌رۆكێ ژى يێ لژنا دارايى ل جڤاتا نوونه‌رێن عيراقێ سه‌رساميا خوه ژى ل هه‌مبه‌ر وى پاره‌ى ده‌ربڕى ب تايبه‌ت يێ بۆ وه‌زاره‌تا كاره‌بێ دچيت و گۆت: “يا كه‌هره‌بێ تشته‌كێ ئاشۆپى يه، ئه‌و پارێ ژ 2004 وه‌ره هه‌تا نوكه بۆ وێ وه‌زاره‌تێ هاتيه مه‌زاختن، دشيان دابوو كاره‌بێ بۆ ماوێ 24 ده‌مژمێران بۆ چار وه‌لاتان دابين بكه‌ن، به‌لێ هه‌موو يا ب گه‌نده‌ليێ چوويى.
پرۆفيسۆر ئه‌حمه‌د سه‌فار نه‌ڤه‌شارت كو ئه‌ڤ ساله ژى د ناڤ بوودجا عيراقا فيدرال دا، وه‌كو ئێك ژ وه‌زاره‌تێن مه‌زن كۆژمه‌كێ گه‌له‌ك مه‌زن يێ پاره‌ى بۆ خوه بر.
ئه‌ڤرۆ نيوز:
رێكخراوا مافێن مرۆڤى “هه‌نگاو” د راپۆرته‌كێ دا راگه‌هاند كو د ماوێ بۆرى دا، ل ئێك ژ گۆندێن به‌خشێ زه‌رده‌لان و هه‌ليلان يا پارێزگه‌ها ئيلام يا وه‌لاتێ ئيرانێ، كچه‌كا 11 سالى ب ناڤێ زارا، ل جهێ قه‌رێن بابێ وێ كو 15 مليۆن تمه‌ن بوو، ل زه‌لامه‌كێ 50 سالى ب ناڤێ سه‌فه‌ر عه‌لى ره‌زايى كو 39 سالان ژ وى مه‌زنتره ماره‌كر.
رێكخراوا مافێن مرۆڤى “هه‌نگاو” راگه‌هانديه ژى كو زارا يا 11 سال ب ناچارى دايه شوو و به‌رامبه‌ر وى قه‌رى شوو ب وى زه‌لامێ 39 سالان ژ وێ مه‌زنتر كريه.
رێكخراوا گۆتنێن كه‌سه‌كێ چالاكڤانێ مه‌ده‌نى ل پارێزگه‌ها ئيلام يا وه‌لاتێ ئيرانێ وه‌رگرتيه كو ناڤبرى ژ نێزيك چاڤ ب زارايێ كه‌فتيه، ئه‌و دبێژيت: “زارا نها يا ل گۆندێ (په‌يامنى زه‌رده‌لان) يێ ئيلام و تووشى كێشێن ده‌روونى بوويه و پشتا وێ دئێشيت”.
ئه‌ڤ چالاكڤانێ زارا ژ نێزيك ڤه ديتى ئه‌گه‌رێ پشت ئێشانا وێ بۆ وێ چه‌ندێ د ڤه‌گه‌رينيت، “زارايێ شيانێن وێ په‌يوه‌نديێ نينن يا ل گه‌ل مێرێ خوه هه‌ى”.
ئه‌ڤرۆ نیوز:
ل دووڤ راگه‌هاندنه‌كا مالپه‌رێ فه‌رمی یێ په‌رله‌مانێ عیراقێ، شانده‌كێ پارتی دیمۆكراتی كوردستان ب سه‌رۆكاتیا د. ئومێد سه‌باح و هژماره‌كا په‌رله‌مانتاران ل گه‌ل د. محه‌مه‌د حه‌لبووسی سه‌رۆكێ په‌رله‌مانێ عیراقێ كۆم بوون.
د كۆمبوونێ دا، به‌حس ل هه‌ڤكاریا د ناڤبه‌را هه‌ولێر و به‌غدا دا كر و دوپاتی ل پڕكرنا پۆستێن وه‌زاره‌تێن ماین كر كو ب رێیا دانوستاندنان كر، داكو حوكمه‌ته‌كا ب هێز یا پێكهاتی ژ هه‌موو ئالیێن سیاسی دروست ببیت و به‌رنامێ خوه بۆ خزمه‌تكرنا وه‌لاتی بجه بینیت.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 7ی شوباتا 2019ێ ئەسمان دێ ئه‌وره‌كێ كێم بۆ ئه‌وره‌كێ ناڤه‌ندى بيت و بارانه‌كا هوور دێ ل هنده‌ك جهان باريت ب تايبه‌ت ل دانێ پشتى نيڤرۆ.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌وره‌كێ كێم بۆ ئه‌وره‌كێ ناڤه‌ندى بيت و بارانه‌كا هوور دێ ل هنده‌ك جهان باريت ب تايبه‌ت ل دانێ پشتى نيڤرۆ.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ 8کم بیت، پلێن گەرمێ ژی دێ د ناڤبەرا 5 بۆ 13 پلان دا بن.
نيشاندان