ئەڤرۆ نیوز:
راپورتێن رۆژنامەڤانی ل ئورۆپا ئاشکراکرینە چار بەرنیاسترین یانێن مەزن ل ئورۆپا دەست ب لڤینا کریە بوو دەستڤە ئینانا بەرەڤانێ ھەلبژارتیێ فرەنسا و یانا ریال مەدرید رافائێل ڤاران ئەوێ بەری چەند رۆژان راگەھاندی ئەوی حەزا چونێ و دخوازیت ل وەرزێ بھێت یاری ل خولەکا دی بکەت.
رۆژناما میرو یا برێتانی ئاشکراکریە ھەر ئێک ژ یانێن یوڤانتوس یا ئیتالی و بایرن میونیخ یا ئەلمانی و مانچێستەر یوناید ئنگلیزی و پاریس سانجێرمان یا فرەنسی ھاتینە سەر ھێلا دەستڤە ئینانا ئەڤی یاریزانی پشتی ئەو دەنگوباس ھاتیە بەلاڤەکرن ھەر چەندە یانا ریال مەدرید دێ یا ب زەحمەت بیت دەستا ژ ئەوی یاریزانی بەردەت ژبەرکو ئەو یاریزان د نەخشەیێ زێدانی دا یە بوو وەرزێ بھێت پشت بەستنێ ل سەر ئەوی بکەت لێ پشتی یانا ریال ل ماوێ چەند رۆژێن بوری ھەڤبەست ل گەل یاریزانێ بەرازیلی و یانا پورتو یا پورتوگالی میلیتاو ئیمزاکری ئەوی یاریزانی دخوازی ژ یانا مەلەکی کریە دەلیڤەیێ بدەنە ئەوی ل وەرزێ بھێت پێکھاتیێ یانا ریال ب جە بھێلت و حەزا چوونێ ھەیە.
زێدەتر ئەوێ رۆژنامێ ئاشکراکریە ژی ڤاران یێ رژدە ل سەر چونا خوە و ھەکە ئەو یاریزان ل سەر وێ چەندێ یێ رژد بیت دبیت ب رێژەیەکا مەزن ریال مەدرید ئەوی یاریزانی بفروشیت لێ ئەوژی ب مەرجەکی کو کوژمەکێ مەزن بوو ھەلوەشاندنا ھەڤبەستا ئەوی بھێتە پێشکێشکرن .

ئەڤرۆ نیوز:
پشتی ل شەڤا بوری ھێرشبەرێ سامبەدوریا فابیو کوالیاریلا شیا ھەردو گولێن ھەلبژارتیێ ئیتالیا یا سێ و چارێ ل گەل ھەلبژارتیێ لیشتنشتاین توماربکەت ژ چارچوڤێ یاریێن ڤاڤارتنێن دەربازبوونێ بوو قارەمانیا ئورۆپا ٢٠٢٠ ئەو یاریزان بوو مەزنترین یاریزان د مێژویا ھەلبژارتیێ ئیتالیا دا گولێ توماربکەت.
مالپەرێ ئوپتا یێ تایبەت ب ئامارەیێن یاریزانان ڤە ئاشکرا کر کوالیاریلا شیا نمرەکا نوو ل گەل ھەلبژارتیێ ئیتالیا توماربکەت پشتی ل شەڤا بوری شیا دو گولان ل سەر ھەلبژارتیێ لیشتنشتاین توماربکەت کو بوو مەزنترین یاریزان ل گەل ھەلبژارتیێ ئیتالیا بشێت گولێ توماربکەت د ژیێ ٣٦ سالی و ٦٥ رۆژ دا .
ھەژی گوتنێ یە ھەلبژارتیێ ئیتالیا دوێ یاریێ دا شیابوو سەرکەفتنێ ل سەر لیشتنشتاین توماربکەت ب چار گولان بێ بەرامبەر.

ئەڤرۆ نیوز:
کابتنێ ھەلبژارتیێ ئیسپانیا و یانا ریال مەدرید سێرجیو راموس شیا نمرەکا نوو ل گەل ھەلبژارتیێ ئیسپانیا توماربکەت و ھژمارا سەرکەفتنێن خوە ل گەل ھەلبژارتیێ ئیسپانیا گەھاندنە ١٢١ سەرکەفتنا و ھژمارا سەرکەفتنێن خوە ل گەل ئیسپانیا ل گەل ھەڤالێ خوە و گولچیێ یانا ریال مەدرید و ھەلبژارتیێ ئیسپانیا یێ بەری نوکە کاسیاس وەکھەڤکر پشتی ل شەڤا بوری شیای ل گەل ھەلبژارتیێ ئیسپانیا سەرکەفتنێ ل سەر ھەلبژارتیێ مالتا توماربکەن ژ چارچوڤێ ڤاڤارتنێن دەربازبوونێ بۆ قارەمانیا نەتەوێن ئورۆپا ٢٠٢٠.
مالپەرێ ئوپتا یێ تایبەت ب ئامارێن یاریزانان ڤە دیارکر سێرجیو راموس شیا ھژمارا سەرکەفتنێن خوە ل گەل ھەلبژارتیێ ئیسپانیا ب گەھینتە ١٢١ سەرکەفتنا ژ ١٦٢ یاریان .
ھەژی گوتنێ یە گولچیێ نوکە یێ یانا پورتو یا پورنوگالی و کابتنێ بەری نوکە یێ ھەلبژارتیێ ئیسپانیا ئیکر کاسیاس ژی ١٢١ سەرکەفتن ل گەل ھەلبژارتیێ ئیسپانیا تومارکرینە ژ ١٦٧ یاریان.

ئەڤرۆ نیوز:
ھەر ١٦ پلێتێن دەربازبوونێ بوو قارەمانیا ئولومپیاتێن ئاسیا ل سەر ئاستێ ھەلبژارتیێن تەپا پێ بوو یاریزانێن ژیێ ئەوان کێمتر ٢٣ سالی مسوگەر بوو ئەوا بریارە ھەڤرکیێن وێ  ل سالا ٢٠٢٠ ل وەلاتێ تایلەند بھێتەکرن .
ئەو ھەلبژارتیێن پلیتێن دەربازبوونێ مسوگەر کرین ئەڤێن خوارێ نە
کوما ئێکێ قەتەر شیا حەفت خالان وەکو قارەمانا کومێ دەربازبیت ل سەر کیستێ ھەلبژارتیێ عمان ب جوداھیا گولان .
کوما دوێ ھەلبژارتیێ بەحرێن وەکو قارەمان کوما خوە دەربازبیت
کوما سێ ھەلبژارتیێ عیراقێ وەکو قارەمانا کومێ و ھەلبژارتیێ ئیران وەکو باشترین ھەلبژارتیێ رێزا دوێ شیا دەربازبیت
کوما چارێ ھەلبژارتیێ ئیمارات وەکو قارەمانا کوما خوە شیا دەربازبیت و سعودی یە ژی وەکو باشترینا رێزا دوێ دەربازبوو
کوما پێنچێ ھەلبژارتیێ ئوردون وەکو قارەمانا کوما خوە شیا دەربازبیت و سوریا یە ژی وەکو باشترینا رێزا دوێ دەربازبوو
کوما شەشێ ھەلبژارتیێ ئوزباکستان وەکو قارەمانا کومێ دەربازبوو
کوما حەفتێ کوریا باکور وەکو قارەمانا کومێ دەربازبوو
کوما ھەشتێ ھەلبژارتیێ کوریا باشور وەکو قارەمانا کوما خوە شیا دەربازبیت و ئوسترالیا وەکو باشترینا رێزا دوێ دەربازبوو
کوما نەھێ ژاپون وەکو قارەمانا کومێ دەربازبوو
کوما دەھێ ھەلبژارتیێ چین وەکو قارەمانا کومێ
کوما یازدێ ڤێتنام وەکو قارەمان دەربازبوو ھەردیسان ھەلبژارتیێ تایلەند وەکو مێڤاندارا قارەمانیێ

ھەژی گوتنێ یە ھەموو یاریێن  قارەمانیا ئولومپاتێن ٢٠٢٠ دێ ل یاریگەھێن وەلاتێ تایلەند ھێنە ئەنجامدان و ھەر ١٦ ھەلبژارتی دێ ھێنە بەلاڤەکرن ل سەر ٤ کومان و ھەرسێ ھەلبژارتیێن رێزا ئێکێ و دوێ و سێ دێ پلێتا دەربازبوونێ بوو ئولومپیاتێن توکیو ٢٠٢٠ مسوگەر کەن

ئەڤرۆ نیوز:
بەرەڤانێ بەری نوکە یێ ھەلبژارتیێ ئیسپانیا و یانا بەرشەلۆنا کارلوس پویول د دیدارەکێ دا ل گەل رۆژناما مارکا ئیسپانی باشترین بەرەڤانێ جیھانێ دیاردکەت.
زێدەتر پویول بوو وێ رۆژنامێ دیارکر ب دیتنا وی باشترین بەرەڤانێ جیھانێ یاریزانێ نوکە یێ یانا بەرشەلۆنا جيرارد پیکێ یە و دبینت ئەو ژ ئەوی ژی باشترە و ژ کابتنێ ھەلبژارتیێ ئیسپانیا و یانا ریال مەدرید یێ نوکە سێرجیو راموس ژی باشترە .
ناڤبری ئەو چەندە ژی ئاشکراکر پیکی رولەکێ مەزن ھەیە ل ماوێ چەندین سالە ل ھێلا بەرەڤانیا بەرشەلۆنا و ب سەرکێشێ بەرەڤانێن بەرشەلۆنا دبینت و ب باشترین شێوە سەرەدەریێ ل گەل تیما بەرامبەر خوە دکەت.