ئەڤرۆ نیوز ٬ عەلی حاجی :
تیما باسکت بولا پەروەردا زاخۆ ل سەر ئاستێ قارەمانیا پەروەردەێن سەر ب رێڤەبەریا گشتی یا پەروەردا ل پارێزگەها دهوکێ بو سالا خواندنێ ( ۲۰۱۸ـ۲۰۱۹) رێزا ئێکێ ب دەست خوەڤە ئینا و بونە قارەمان .
ل دور ڤێ چەندێ ماموستا عەبدولسەتار عەلی راهێنەرێ تیما باسکت بولا پەروەرا زاخۆ ٬ بۆ ئەڤرۆ نیوز گوت : ۸ پەروەردە ل سەر ئاستێ پەروەردەێن پارێزگەها دهوکێ پشکداری دقارەمانیا باسکت بولا پەروەردەێن سەر ب رێڤەبەریا گشتی یا پەروەردێ ل پارێزگەها دهوکێ دا کربون ٬ پشی ئەنجام دانا ٤ یاریان و مە شیای سەرکەڤتنێ توماربکەین و ل یاریا دوماهیێ دا ژقارەمانیێ تیما مە شیا سەرکەڤتنێ ل سەر پەروەردا دهوک یاروژئاڤا تومار بکەت و ببیتە قارەمان ل سەر ئاستێ پەروەردەیان ل پارێزگەها دهوکێ بو وەرزێ خواندنێ (۲۰۱۸ـ۲۰۱۹) .
ناڤهاتی زێدەتر گوت : تیما باسکت بولا پەروەردا زاخۆ دگەل دا تیما باسکت بولا پەروەردا دهوک یا روژئاڤا دێ پشکداریێ ل سەر ئاستێ هەر ٤ پەروەردەێن گشتی ل پارێزگەهێن هەرێما کوردستانێ بیت ئەوا بریارە ل دەمەکێ نێزیک دا یاریێن وێ قارەمانیێ دەست پێ بکەن .

ئەڤرۆ نیوز:

تورا سکای سپورت یا برێتانی ئاشکرا کر یاریزانێ بەلجیکی و یانا مانچستەر یونایتد مەروان فلاینێ بەر ب وەلاتێ چینێ چوویە داکو ڤەگوھاستنا خوە ب دووماھی بینت بۆ خولا چینێ.

ڤی ژێدەری دیارکریە یاریزانێ ٣١ سالی پشتی چوونا مورینھوی و ھاتنا راھێنەرێ نوو یێ یانا مانچستەر یونایتد یا ئنگلیزی ئولی گۆنار سولشایری بوویە یاریزانێ یەدەگ و ئەڤ راھێنەرێ نوو باوەریا وی ب شیانێن یاریزان فلاینێ نا ئینت لەورا رێگریێ لێ ناکەت بەر ب یانەکا دی بچیت و نوکە نێزیکترین یانە ژی شاندونگ لونینگ یا چینی یە و کارگێریێن ھەردو یانەیان ژی گەھشتینە رێککەفتنێ ل سەر ڤەگوھاستنا ڤی یاریزانی.

ئەڤرۆ نیوز:

بریارە ئەڤ شەڤە لدەمژمێر ١١:٣٠ ل دووڤ دەمێ ھەرێما کوردستانێ یاریێن چوونێ ژ چارێک دووماھیا کاسا شاھێ ئسپانیا بھێنە کرن و ریال مەدرید بیتە مێڤانا جیرونا، کو د یاریا ئێکێ دا ریال مەدرید شیابوو ب چار گۆلان بەرامبەر دو گۆلان سەرکەفت بوو.

بۆ یاریا ئەڤ شەڤە رۆژناما ئاس یا ئسپانی پێکھاتیێ پێشبینی کری یێ یاریا وێ دگەل جیرونا ئاشکرا کر کو دێ ب ڤی شێوەی بیت.

گۆلپارێز: کیلور ناڤاس
ھێلا بەرگریێ: کارڤاخال، ڤاران، ناچو، مارسێلو
ھێلا ناڤین: دانی سیبایوس، مارکوس یورنتی، تونی کروس
ھێرشبەر: لوکاس ڤاسکێز، گاریس بێل، بنزیما

ئەڤرۆ نیوز:

ب فەرمی کارگێریا یانا بەرشەلونە گەھشتە رێککەفتنێ دگەل یانا ئارسنال پێخەمەت ڤەگوھاستنا یاریزانێ یانا کەتالونی بۆ یانا لەندەنی ب شێوەکێ بەروەخت ھەتا دووماھیا ڤی وەرزی.

د یاریا شڤێدی یا یانا بەرشەلونە بەرامبەر ئەشبیلیا دا دینس سوارێز پشکداری نەکر و ب رێکا تویتەرێ خوە خواترا خوە ژ ھەڤالێن خوە خواست و بەر ب لەندەن چوو پێخەمەت ب دووماھی ئینانا ڤەگوھاستنا خوە بۆ یانا ئارسنال، پشتی بدووماھی ھاتنا ڤی وەرزی یانا ئارسنال ماف ھەی ڤی یاریزانی بکریت بەرامبەر کوژمێ ١٨ ملیۆن یورویا.