ئەڤرۆ نیوز:
پشتی کو حوکمەتا سووریێ راگەهاند کو دڤێت هێزێن کوردی دەڤەرێن کو ژ دەستێ داعشێ ئازاد کرینە رادەستی شامێ بکەن، هەکە ب دیالۆگێ رادەست نەکەن ژی دێ ب شەری وان دەڤەران وەربگرین.
رێڤەبەریا خوەسەر یا رۆژئاڤایێ کوردستانێ راگەهاند کو ب گەفان چو پرس چارەسەر نابن و ئەم وان دەڤەران رادەستی شامێ ناکەین، لێ بەرهەڤین ب رێیا دیالۆگێ پرسێن خوە ل گەل شامێ چارەسەر بکەین، ژ بەر هندێ ژی دڤێت شام زمانێ توندوتیژیێ بدەتە رەخەکێ و رێیا دیالۆگێ هەلبژێریت.
ئەڤرۆ نیوز:
ژێدەرەکی ژ وەزارەتا دارایی یا حوکمەتا ھەرێما کوردستانێ دیارکر ئەو خشتێن نوو یێن ب رێکا تورێن جڤاکی بەلاڤ دبن چو پەیوەندی ب وان ڤە نینن.
وی ژێدەری ئەو چەندە ژی دیارکر ھەتا نوکە چو بریارەک نەھاتیە دەرکرن دەربارەی پێشخستنا بەلاڤکرنا مووچەی ژ ٥ ھەر ھەیڤ بۆ ئێکی ھەیڤێ.
ئەو چەجدە ژی دیارکر ئەو چاڤەرێ ھنارتنا کوژمێ ٤٥٣ ملیار دینارایە ژ بەغدا دگەل پارێ وەزارەتا سامانێن سروشتی داکو بشێن دەست ب بەلاڤکرنا مووچەی بھێتە کرن، بەری نوکە بەغدا ٧٢٤ ملیار دینار بۆ ھەرێمێ ھنارتینە و نوکە کوژمێ ٢٠٠ ملیاران ل بەر دەستێ وەزارەتێ یە لێ ھێشتا چو بریار نەھاتینە دان بۆ بەلاڤکرنا مووچەی ژ ڤی کوژمێ بەردەستێ وەزارەتێ ھەی یان ژڤانێ بەلاڤکرنێ بھێتە پێشختن.
ئەڤرۆ نیوز:
سەروکێ دەستەیا گەشتوگوزارا ھەرێما کوردستانێ دیارکر ل گەل دەسپێکرنا وەرزیچ بھارێ و سەیرانان، رێنمایێن نوو یێ توند بۆ بکارئینانا بەلەمێن گەشتیاری دەرکرن.
د گرنگترین وان رێنمایێن نوو دا ھاتیە ھەر ھەر گەشتیارەک بێ چاکیتێ نقومبوونێ سیاری بەلەمانبیت دێ خودانێ بەلەمێ ھێتە سزادان.
زێدەتر مەولەوی جەبار ئاشکرا کر ئەو دەڤەرێن گەشتیاری یێن سکر یان ئاڤ و رووبار ھەین و بەلەم تێدا بھێنە کار ئینان پێدڤیە مولەت ھەبیت دیسان ل سەر خودانێ بەلەمێ پێدڤیە ھەموو پێدڤیێن رزگارکرنێ د ناف وان بەلەمان دا ھەبیت، دیسان زێدەتر ژ قەبارێ خوە کەسان سیار نەکەت.
توندکرنا ڤان رێنامیان ھاتە پێش پشتی ل رۆژا پێنجشەمبیا بوری بەلەمەکا پر ژ گەشتیار ل رووبارێ دجلە یا باژێرێ مووسل ژێر ئاڤ بووی و زێدەتر ژ ١٠٠ کەسان تێدا خەندقین و چەندین کەس ژی بێ سەروشوینن.
ئەڤرۆ نیوز:
ویلیام رۆباک نوونەرێ ئەمریکا ل سووریێ د رێورەسمەکێ دا کو ژ بۆ ب دووماهی هاتنا داعشێ هاتبوو رێکخستن راگەهاند کو ئەم سوپاسیا هێزێن سووریا دیموکرات دکەین کو شیان مەزنترین رێکخراوا تیرۆرستی ل جیهانێ ژناڤ ببەن و دڤێت ئەم نها پتر ژ هەر دەمەکێ پشتەڤانیا کوردان بکەین.
نوونەرێ ئەمریکا ئەو یەک ژی دیار کر کو سەرکەفتنا ئەڤرۆکە یا ل دژی داعشێ سەرکەفتنا هەموو مرۆڤاتیێ یە.
نوونەرێ ئەمریکا بەحسێ قارەمانیا هێزێن سووریا دیموکراتیک کر و راگەهاند کو دڤێت وەلاتێن هەڤپەیمانیا نێڤدەولەتی پتر هاریکاریا هێزێن سووریا دیموکرات بکەن چونکو شەرێ ل دژی داعشێ جارێ ب دووماهی نەهاتیە.
ئەڤرۆ نیوز:
فەرمانداریا گشتی یا هێزێن سووریا دیموکراتیک بەری دەمەکێ د رێوەرسمەکێ دا ب فەرمی ب دووماهی هاتنا خیلافەتا داعشێ ل سووریێ راگەهاند.
رێورەسم ب سروودا نەتەوی یا ئەی رەقیب هاتە دەستپێکرن و فەرماندارێ گشتی یێ هەسەدێ راگەهاند کو رێکخراوا تیرۆرستی یا داعشێ ل سەر دەستێ هێزێن سووریا دیموکرات ب هاریکاریا هێزێن هەڤپەیمانیا نێڤدەولەتی هاتە ژناڤبرن و ئێدی چو ئاخ د دەستێ داعشێ دا نەماینە و نها باغۆز وەکو دووماهی پێگەهێ رێکخراوا تیرۆرستی یا داعشێ ژی کەفتە دەستێ هێزێن مە.
مەزلەم عەبدی فەرماندارێ گشتی یێ هێزێن سووریا دیموکرات بەحسێ چەند سالێن شەرێ ل دژی داعشێ کر و راگەهاند کو مە شیایە هەتا نها نێزیکی ٥ ملیۆن وەلاتیێن سووریێ ژ دەستێ داعشێ رزگار بکەین، مە د شەرێ ل دژی داعشێ دا ب هزاران شەهید و بریندار داینە و گۆت: (سوپاسیا هەڤپەیمانیا نێڤدەولەتی یا ل دژی داعشێ دکەین کو هاریکاریا مە کرن و رێبازا مە یا دیموکراتیک بۆ ئەگەرێ هندێ کو ب پشکداریا هەموو پێکهاتێن ل سووریێ ئەم بشێن داعشێ ژناڤ ببەین).
ئەڤرۆ نیوز:
فراکسیونا پارتی ل پەرلەمانێ ھەرێما کوردستانێ ئیمزا ل سەر راستڤەکرنا قانوونا سەروکاتیا ھەرێما کوردستانێ کريه، و رادەستی سەروکاتیا پەرلەمانی ھاتیە کرن.
د ڤی دەربارەی دا سەباح مەحمود ئەندامێ پەرلەمانێ کوردستانێ دیارکر کو فراکسیونا پارتی ئیمزا ل سەر پرۆژە قانوونا راستڤەکرنا قانوونا سەروکاتیا ھەرێما کوردستانێ ھاتە کرن و سوبەھی دێ دەسپێکەن.
ل دووڤ وان زانیاریێن ھاتینە ئاشکرا کرن ژ لایێ پەرلەمانتارێن پارتی کو ب ھاریکاریا لایەنێن دی نوکە ئەو مژوولی کارێن راستڤەکرنا قانوونا سەروکاتیا ھەرێما کوردستانێ نە، و ھەموو بزاڤێن وان ئەون بێ ئێکەتی ئەڤ کارە نەھێتە کرن لێ ئەگەر ئامادە نەبوون کارێن راستڤەکرنا پرۆژە قانوونا سەروکاتیێ نا راوەستن.
سەروکێ فراکسیونا پارتی ئومێد خوشناو ئەو چەندە ژی راگەھاند ھەتا نڤێسیا دەستورێ ھەرێما کوردستانێ تمام دبیت، د برگەیا قانوونێ دا دێ ھێتە راستڤەکرن یا کوھاتیە سەروکێ ھەرێما کوردستانێ دێ ل ناڤ پەرلەمانی دا ھێتە ھەلبژارتن نەکو ناڤ خەلکی دا.
دیسان دیارکر فراکسیونا پارتی پرۆژە قانوون نوکە تمام بوویە و ھاتیە رادەستکرن بۆ سەرۆکاتیا پەرلەمانی.
ئه‌ڤرۆ نیوز:
دچارچۆڤێ ڤاڤارتنێن قاره‌مانیا نه‌ته‌وێن ئورۆپى 2020 ئه‌ڤ شه‌ڤه ل ده‌مژمێر 10:45 دێ چه‌ندین یارى هینه ئه‌نجامدان:
ئینگلته‌را – چیك
پورتۆگال – ئۆكرانیا
لوكسمبورگ – لیتوانیا
ئه‌لبانیا – توركیا
ئه‌ندۆرا – ئایسلاندا
مولدوڤا – فره‌نسا
به‌رى ده‌مه‌كێ كێم ژى یاریا د ناڤبه‌را هه‌ردو هه‌لبژارتیێن بولگاریا ومونتینیگرۆ ب ئه‌نجامێ وه‌كهه‌ڤیێ 1-1 ب دووماهى هات.
ئەڤرۆ نیوز،،نەوزاد هلۆری:
ئەڤرۆ درۆژا دویێ یا جەژنا نەورۆزێ دا هژمارەکا مه‌زن ژ خەلکێ دەڤەرێن بارزان و شێلادزێ و دەوروبەرا قەستا سەیرانگەها (دارا دازان) ل سنورێ دەڤەرا بارزان کر ژ بۆ بوراندنا دەمەکێ خوه‌ش.
بۆ دیتنا ڤیدیۆیێ ڤى لینكى كلیك بكه
ئه‌ڤرۆ نیوز:
فه‌رماندێ گشتى یێ هێزێن چه‌كدار ل عیراقێ، عادل عه‌بدولمه‌هدى، ئه‌ڤرۆ ئه‌ینیێ 22/3/2019 بریارا پێكئینانا شانه‌كا قه‌یرانێ بۆ چاره‌سه‌ركرنا ره‌وشا پارێزگه‌ها نه‌ینه‌وا پێكئینا، ژ ئه‌گه‌رێ ره‌وشا نه ئاسایى ئه‌وا پارێزگه‌ها ناڤبرى تێدا د بۆریت ب تایبه‌تى پشتى نقومبوونا به‌له‌ما گه‌شتیارى ل رووبارێ دیجله ل باژێرێ مووسل.
ل دووڤ بریار عه‌بدولمه‌هدى ئه‌و شانا قه‌یرانێ ژ سێ كه‌سان پێك دهێت ئه‌وژى هه‌ر ئێك ژ مزاحم قاسم خه‌یات، سه‌رۆكێ زانكۆیا مووسل وئه‌ندامه‌تیا هه‌ر ئێك ژ فه‌رماندێ ئۆپه‌راسیۆنێن نه‌ینه‌وا فه‌رماندێ پۆلیسێن نه‌ینه‌وا كو ئه‌و شانه دێ گرێداى فه‌رماندێ گشتى یێ هێزێن چه‌كدار بیت.
عه‌بدولمه‌هدى بریار دا ئه‌و شانا قه‌یرانێ كاروبارێن ده‌ستهه‌لاتا بجهئینانێ ل پارێزگه‌ها نه‌ینه‌وا ب رێڤه ببه‌ت تاكو جڤاتا پاریزگه‌ها نه‌ینه‌وا بریارێن خوه بده‌ت پشتى ڤه‌كۆلینێن نوكه دهێنه ئه‌نجامدان ل دۆر وێ روودانێ.
عه‌بدولمه‌هدى د بریارا خوه دا ئاماژه ب پاریزگارێ نه‌ینه‌وا كریه كو پێدڤیه پێگیریا تمام ب ڤێ بریارێ بكه‌ت.
ئه‌ڤرۆ نیوز:
پشتى نه‌وفه‌ل عاگۆب پارێزگارێ نه‌ینه‌وا خواستى سه‌ره‌دانا جهێ روودانا نقومبوونا به‌له‌ما گه‌شتیارى بكه‌ن ئه‌وا دوهى پێنجشه‌مبى پتر ژ 100 كه‌سان تێدا خه‌ندقین، ب ده‌هان وه‌لاتیێن باژێرێ مووسلێ رێگری ل ترومبێلا وى كر وداخوازا ده‌ست ژ كاركێشانا وى كر.
وه‌كو د پارچه ڤیدیۆیێ دا ده‌ردكه‌ڤیت، ب ده‌هان گه‌نجێن باژێرێ مووسل ب به‌ران هێرشێ دكه‌نه سه‌ر كاروانێ ترومبێلێن پارێزگارێ نه‌ینه‌وا وهه‌ر د وێ پارچه ڤیدیۆیێ دا ده‌ردكه‌ڤیت كو جاما ترومبێلا پارێزگارى یا هاتیه یا هاتیه شكاندان وزێره‌ڤانێن پارێزگارى ژى ب تووندى روو ب روویێ وان گه‌نجان دبن.
هه‌ر ل ده‌مێ ره‌ڤینا پارێزگارێ نه‌ینه‌وا ژ ده‌ستێ وان گه‌نجان، كاروانێ ترومبێلێن وى ل دو گه‌نجان دده‌ن وب دژوارى بریندار دكه‌ن.
بۆ دیتنا پارچه ڤیدیۆیێ كلیكێ ل سه‌ر ڤێ لینكى بكه.
نيشاندان