ئه‌ڤرۆ نیوز:
ئاژانسه‌كا ده‌نگوباسێن توركى به‌لاڤكر كو گه‌شتێن ئه‌سمانى د ناڤبه‌را هه‌ردو فرۆكخانێن نێڤده‌وله‌تى هه‌ولێر وغازى عه‌نتاب دێ ده‌ستپێكه‌ن.
ئاژانسا (ئه‌نادۆل) یا ده‌نگوباسان یا توركى به‌لاڤكر” گه‌شت دێ ب رێیا هێلا ئه‌سمانى یا (ئه‌نادۆلۆ جیت) هه‌فتیانه سێ رۆژان ئه‌وژى رۆژێن شه‌مبیێ ودوشه‌مبى وچارشه‌مبى د ناڤبه‌را هه‌ولێرێ وباژێرێ غاى عه‌نتاب ل باشوورێ توركیا هێنه ئه‌نجامدان.
هه‌ر ئه‌ڤرۆ پێنجشه‌مبى 21/3/2019 گه‌شتێن ئه‌سمانى د ناڤبه‌را هه‌ولێرێ ودیاربه‌كر ده‌ستپێكرن.
ئه‌ڤرۆ نیوز:
ژێده‌ره‌كێ رۆژنامه‌ڤانى ژ باژێرێ مووسل نوكه بۆ ئه‌ڤرۆ نیوز راگه‌هاند، هژمارا كه‌سێن گیانێ خوه د روودانا مووسل دا ژ ده‌ست داى زێده بوون.
وى ژێده‌رى زێده‌تر بۆ ئه‌ڤرۆ نیوز گۆت” پشتى دیتنا ته‌رمى هژماره‌كا دى یا وه‌لاتیێن ئه‌ڤرۆ ژئه‌نجامێ نقوومبوونا به‌له‌مه‌كێ د رووبارێ دیجله دا ل مووسلێ هاتیه دیتن، هژمارا كه‌سێن گیانێ خوه ژ ده‌ست داى بلند تربوو وگه‌هشته 93 كه‌سان”.
ئه‌ڤرۆ نیوز، نه‌وزاد هلۆرى:
ب مه‌ره‌ما پیروزكرنا جه‌ژنا نه‌ورۆزێ و بوراندنا ده‌مه‌كێ خوه‌ش، ئه‌ڤرۆ پێنجشه‌مبى 21/3/2019 رۆژا ئێكێ یا نه‌ورۆزا سالا كوردى 2719ێ هژماره‌كا مه‌زن یا خه‌لكێ ده‌ڤه‌را بارزان و شێلادزێ و دێره‌لوك و ده‌روبه‌ران قه‌ستا هه‌ردو سه‌یرانگه‌هێن (كانیا بێدلێ و شیڤچناركێ) ل سنوورێ هه‌ردو ناحیێن دێره‌لوك و شێلادزێ كر.
ئه‌ڤرۆ نیوز:
سه‌رۆك مه‌سعود بارزانى ئه‌ڤ شه‌ڤه په‌یامه‌كا سه‌ره‌خوه‌شیێ ئاراسته‌ى كه‌سوكارێن روودانا ئه‌ڤرۆ یا باژێرێ مووسل هنارت.
سه‌رۆك بارزانى دپه‌یاما خوه دا گۆت” ب مخابنیه‌كا مه‌زن ڤه ژ ئه‌گه‌رێ نقوومبوونا به‌له‌مه‌كێ ل رووبارێ دیجله ل باژێرێ مووسل، هژماره‌كا مه‌زن یا وه‌لاتیان بوونه قوربانى”.
سه‌رۆك بارزانى گۆت ژى” ب ڤێ هه‌لكه‌فتا خه‌مگین، سه‌ره‌خوه‌شی وهه‌ڤخه‌میا خوه ئاراسته‌ى كه‌سوكارێن قوربانیێن وێ روودانا دلته‌زین وئاكنجیێن باژێرێ مووسلێ دكه‌م ژ لاڤان بۆ خودێ مه‌زن دكه‌م سه‌بر وئارامیێ ب كه‌سوكارێن گیان ژده‌ستدایان ببه‌خشیت وهیڤیا باشتربوونێ بۆ برینداران ودیتنا به‌رزه‌بوویان دخوازم”.
ئه‌ڤرۆ نیوز:
مالپه‌ره‌كێ عیراقى به‌لاڤكر، ئه‌ڤرۆ پێنجشه‌مبى 21/3/2019 پشتى روودانا نقومبوونا به‌له‌مه‌كێ ل رووبارێ مووسل وگیان ژده‌ستدانا ب ده‌هان وه‌لاتیان، عادل عه‌بدولمه‌هدى سه‌رۆك وه‌زیرێن عیراقێ گه‌هشته مووسل.
مالپه‌رێ (بغداد الیوم) ژ زارده‌ڤێ ژێده‌ره‌كى به‌لاڤكر” هاتنا عادل عه‌بدولمه‌هدى بۆ مووسل ژبۆ دووڤچوونا پرسا نقوومبوونا به‌له‌مێ درووبارێ دیجله دایه”.
پێشتر عادل عه‌بدولمه‌هدى سه‌رۆك وه‌زیرێن عیراقێ فه‌رمان دابوو بۆ دابینكرنا هه‌موو شیانێن ده‌وله‌تێ بۆ هاریكاریكرنێ دقورتالكرنا قوربانیێن به‌له‌مێ د رووبارێ دیجله دا وئه‌نجامدانا ڤه‌كۆلینێ د وێ روودانێ دا”.
ئه‌ڤرۆ نیوز:
وه‌زیرێ ساخله‌میێ ل هه‌رێما كوردستانێ ئه‌ڤرۆ پێنجشه‌مبى 21/3/2019 راگه‌هاند، وه‌زیرێ ساخله‌میێ ل عیراقێ په‌یوه‌ندێ پێ كریه بۆ هاریكاریا قوربانیێن نقومبوونا به‌له‌مێ درووبارێ دیجله دا ل مووسل.
رێكه‌وت حه‌مه ره‌شید، وه‌زیرێ ساخله‌میێ ل هه‌رێما كوردستانێ دیاركر وه‌زاره‌تا ساخله‌میێ ل هه‌رێمێ 10 ئه‌مبولانس بۆ قوربانیێن مووسل هنارتینه”
گۆت ژى”ئه‌و بریندارێن روودانێ یێن پێدڤى ب چاره‌سه‌ریێ هه‌ى دێ بۆ نه‌خوه‌شخانێن هه‌رێما كوردستانێ هێنه هنارتن”.
ئه‌ڤرۆ ل دووڤ وه‌زاره‌تا ناڤخوه‌یا عیراقێ، ژ ئه‌نجامێ نقومبوونا به‌له‌مه‌كێ ل رووبارێ دیجله ل باژێرێ مووسل 71 كه‌سان گیانێ خوه ژ ده‌ست دا وچه‌ندین كه‌سێن دى ژى برینداربوون.
ئه‌ڤرۆ نیوز:
ئێكه‌تیا ته‌پا پێ یا ئورۆپى جۆرێ سزایێ ل سه‌ر كریستیانۆ رونالدۆى هاتیه سه‌پاندن ژئه‌گه‌رێ شێوێ بكارئیناى بۆ ده‌ربرینا كه‌یفخوه‌شیا خوه دسه‌ركه‌فتنا یوڤه‌نتۆس ل سه‌ر ئه‌تله‌تیكۆ مه‌درید ب ئه‌نجامێ 3 -0 راگه‌هاند.
ئیكه‌تیا ته‌پا پێى یا ئورۆپى كو سزایێ ئه‌داكرنا 20 هزار یورۆیان ل سه‌ر رونالدۆى هاتیه سه‌پاندن كو هه‌مان سزا ل سه‌ر راهێنه‌رێ ئه‌تله‌تیكۆ مه‌درید سیمیونى ژى هاتبوو سه‌پاندن ژبه‌ر هه‌مان ره‌فتار ل ده‌مێ ئه‌تله‌تیكۆ د یاریا ئێكێ دا ب ئه‌نجامێ 2 -0 ل سه‌ر یوڤه‌نتۆس ب سه‌ركه‌فتى.
ئه‌ڤرۆ نیوز:
وه‌زاره‌تا ناڤخوه‌یا عیراقێ به‌لاڤكر،ئه‌ڤرۆ پێنجشه‌مبى 21/3/2019 ژ ئه‌گه‌رێ نقومبوونا به‌له‌مه‌كێ ل رووبارێ دیجله ل باژێرێ مووسل 71 كه‌سان گیانێ خوه ژ ده‌ست دا.
لیوا (سه‌عه‌د مه‌عه‌ن) په‌یڤدارێ وه‌زاره‌تا ناڤخوه یا عیراقێ د داخۆیانیه‌كێ دا راگه‌هاند” 55 كه‌س ژ به‌له‌مێ هاتنه رزگاركرن كو 19 ژوان زارۆك بوون”.
نيشاندان