ئه‌ڤرۆ نیوز:
رێڤه‌به‌رێ فرۆكخانا دیاربه‌كر راگه‌هاند، هه‌فتیانه دێ سێ گه‌شتێن ئه‌سمانى د ناڤبه‌را هه‌ولێرێ ودیاربه‌كر هێنه ئه‌نجامدان.
ئایهام تام، رێڤه‌به‌رێ فرۆكخانا دیاربه‌كر بۆ كوردستان 24 گۆت” ئه‌ڤرۆ پێنجشه‌مبى 21/3/2019 گه‌شتێن دناڤبه‌را فرۆكخانا هه‌ولێرێ یا نێڤده‌وله‌تى وفرۆكخانا دیاربه‌كر دێ ده‌ست پێكه‌ن.
ئه‌ڤرۆ نیوز، نه‌وزاد هلۆرى:
پشتى نیڤرۆیا ئه‌ڤرۆ ژ ئه‌گه‌رێ روودانه‌كا ترافیكێ ل ناحیا شێلادزێ یا سه‌ر ب قه‌زا ئامێدیێ ، كه‌سه‌كى گیانێ خوه ژ ده‌ست دا.
زنار نزار، وه‌لاتیه‌كێ ده‌ڤه‌رێ یه و كه‌سه‌كێ نێزیكى وى یه بۆ ئه‌ڤرۆ نیوز گۆت: (ئه‌ڤرۆ ژ ئه‌گه‌رێ روودانه‌كا ترافیكێ دناڤبه‌را سه‌یرانگه‌ها كانیا بێدلێ و گوندێ شیڤچنارك كه‌سه‌كێ ب ناڤێ محسن سه‌رۆكانى گیانێ خوه ژ ده‌ست دا).
زێده‌تر گۆت: (ئه‌و كه‌سێ گیانێ خوه ژ ده‌ست دای، ژیێ وى نێزیكێ 60 سالایه و پێشمه‌رگه‌یه و ل ناحیا شێلادزێ دژیت).
ئەڤرۆ نیوز:
ب هەلکەفتا جەژنا نەورۆزێ ئێڤاریا رۆژا 20\3\2019 گەنجەکی باشورێ کوردستانێ بناڤێ عەبدولعەزیز ته‌ها نهێلى، ئاگرێ نەورۆزێ ل هەمبەر بالیوزخانا تورکیا ل فینلەندایێ هەلکر و بو ئەڤرۆ نیوز دیارکر، کو وی ئەڤ یەکە ب سەرکەفتن دایە زانین و گۆت: زێرەڤانێن بالیوزخانێ هێرشی من کڕن ڤیدیویێن من دێلێت کرن و پولیسێن وی وەلاتی ئه‌ز د دەستێ وانا ئینامە دەرێ.
ئه‌ڤرۆ نیوز:
به‌رى ده‌مه‌كێ كێم شانده‌كێ یانا ریال مه‌درید یا ئیسپانى گه‌هشته به‌غدا.
ژێده‌ره‌كێ رۆژنامه‌ڤانى ژ به‌غدا بۆ ئه‌ڤرۆ نیوز گۆت” شاندێ ریال مه‌درید یێ پێكهاتیه ژ پێنج كه‌سان ژوان ژى (كارلوس ئوسكودیرۆ) به‌رپرسێ ده‌زگه‌هێ ریال مه‌درید ل ئه‌فریقیا ورۆژهه‌لاتا ناڤه‌راست و (دیاز سانشێز) و (ئه‌گناسیۆ بالۆم)”.
ئاماژه دا” شاندێ ریال مه‌درید ب راسپارده‌یا سه‌رۆكێ یانێ ( فلورینتینۆ بیرێز) سه‌ره‌دانا به‌غدا كریه ب مه‌ره‌ما دامه‌زراندنا قوتابخانه‌كا ته‌پا پێى ل عیراقێ”.
ئه‌ڤرۆ نیوز:
هه‌لبژارتیێ عیراقێ یێ ته‌پا پێ ئه‌ڤرۆ چارشه‌مبى 20/3/2019 ل یاریا ڤه‌كرنا قاره‌مانیا هه‌ڤالینى یا نێڤده‌وله‌تى یا دویێ ل به‌سرا ب ئه‌نجامێ 1-0 ل سه‌ر هه‌لبژارتیێ سووریێ ب سه‌ركه‌فت.
گۆلا ئێكانه یا یاریێ ل خۆله‌كا 75 ژلایێ یاریكه‌ر جستین میرام هاته تۆماركرن.
هه‌لبژارتیێن عیراقێ وسووریێ وئوردنێ پشكداریێ د وێ قاره‌مانیێ دا دكه‌ن كو هه‌لبژارتیێ قه‌ته‌ر ناسناڤێ قاره‌مانیا ئێكێ ل 2018 بده‌ستڤه‌ئینابوو.
ئه‌ڤرۆ نیوز:
ژێده‌ره‌كى ژ وه‌زاره‌تا دارایى وئابوورى ل هه‌رێما كوردستانێ دیاركر هه‌كه به‌غدا مووچێ سێ هه‌یڤێن بۆرى یێن ئه‌ڤ ساله ووه‌زاره‌تا سامانێن سروشتى ژى 400ملیار دیناران دابین بكه‌ت، دێ ل هه‌یڤا نیسانێ دو مووچه ل سه‌ر فه‌رمانبه‌ران هێنه به‌لاڤكرن.
وی ژێده‌رێ وه‌زاره‌تا دارایى، ل دووڤ مالپه‌رێ وشه، ئه‌ڤرۆ چارشه‌مبى 20/3/2019 ئاشكراكر كو پشتى به‌لاڤكرنا مووچێ هه‌یڤا 12 یێ سالا 2018 به‌رى چه‌ند رۆژان ب دووماهى هاتى، گۆژمێ 240 ملیار دیناران یێن ماین وئه‌ڤه ژى پالده‌ره‌ك بیت بۆ به‌لاڤكرنا دو مووچان ل سه‌ر فه‌رمانبه‌ران بێ پاشكه‌فت ل هه‌یڤا داهاتى.
خویاكر ژى” هه‌كه حوكمه‌تا عیراقێ مووچێ سێ هه‌یڤێن بۆرى یێ وه‌زاره‌تا پێشمه‌رگه بده‌ت كو بۆ هه‌ر هه‌یڤه‌كێ 68 ملیار دینارن وسه‌رجه‌مێ گشتى دبیته 204 ملیار دینار، هه‌روه‌سا وه‌زاره‌تا سامانێن سروشتى ژى گۆژمێ 400 ملیار دیناران بدته وه‌زاره‌تا دارایى، ل گه‌ل 240 ملیارێن ل ده‌ف وه‌زاره‌تا دارایى ماین، دێ دشیان دا بیت مووچه‌كێ دى ل گه‌ل مووچێ هه‌یڤا داهاتى بهێته به‌لاڤكرن”.
ئه‌ڤرۆ نیوز:
سه‌رۆكێ ئه‌مریكى دۆنالد ترامپ ئه‌ڤرۆ چارشه‌مبى 20/3/2019 راگه‌هاند ئه‌ڤ شه‌ڤه دێ دووماهى پێگه‌هێ داعشێ هێته ژناڤبرن.
ترامپ بۆ رۆژنامه‌ڤانان گۆت” ئه‌ڤ شه‌ڤه دێ ده‌ست ب سه‌ر دووماهى پێگه‌هێ رێكخراوا داعش یا تیرۆرستى دا ل سووریێ گرین”.
ترامپى دووپاتكر ژى كو 400 سه‌ربازێن ئه‌مریكى ل باكوورێ رۆژهه‌لاتێ سووریێ دێ مینن.
ئه‌ڤرۆ نیوز:
ئه‌ڤرۆ چارشه‌مبى 20/3/2019 عه‌مره‌كاره‌كێ خه‌لكێ پارێزگه‌ها هه‌ولێرێ ل وه‌لاتێ سعودیێ گیانێ خوه ژ ده‌ست دا.
ژێده‌ره‌كى ژ وه‌زاره‌تا ئه‌وقافێ وكاروبارێن ئایینى ل هه‌رێما كوردستانێ راگه‌هاند” عومره‌كاره‌كێ كورد ب ناڤێ (ئیبراهیم عه‌ولا ره‌سول) كو خه‌لكێ باژێرێ هه‌ولێرێ یه، ژ ئه‌گه‌رێ نه‌خوه‌شیه‌كا دۆمدرێژ، ئه‌ڤرۆ ل باژێرێ مه‌كه ل سعودیێ گیانێ خوه ژ ده‌ست دا”.
دیاركر ژى” هه‌ر ئه‌ڤرۆ ته‌رمێ وى ل باژێرێ مه‌كه هاته ڤه‌شارتن”.
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ، نێچیرڤان بارزانى، ئه‌ڤرۆ چارشه‌مبى 20/3/2019 ب هه‌لكه‌فتا سه‌رێ سالا نوو یا كوردى وجه‌ژنا نه‌ورۆزێ، په‌یامه‌كا ڤیدیۆیی به‌لاڤكر وراگه‌هاند، بارێ ئابوورى دێ باش بیت وخێر وخوه‌شى دێ به‌ر ب كوردستانێ هێت.
نێچیرڤان بارزانى گۆت ژى” ڤه‌ژاندنا ئابوورێ هه‌رێما كوردستانێ یا ده‌ستپێكرى وگاڤ به‌ر ب ئاسایی بوونێ دهاڤێژیت”.
دیاركر” نه‌ورۆز دبه‌رنه‌ره‌تدا خودان وهه‌لگرا كه‌لتوورێ پێكڤه‌ژیانا ولێبۆرینێ یه ودشیاندایه ژ ئه‌ڤرۆ ده‌ست پێ بكه‌ین”.
ئه‌ڤه ژى ده‌قێ په‌یاما ڤیدیۆیى یا نێچیرڤان بارزانى یه:
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 20/3/2019 ب هه‌لكه‌فتا جه‌ژنا نه‌ورۆز یا نه‌ته‌وى په‌یامه‌ك به‌لاڤكر.
مه‌سرور بارزانى دپه‌یاما خوه دا گۆت” ب هه‌لكه‌فتا جه‌ژنا نه‌ورۆزێ وسه‌رێ سالا كوردى، گه‌رمترین پیرۆزباهیان ئاراسته‌ى مالباتێن سه‌ربلندێن شه‌هیدان وپێشمه‌رگێن قه‌هره‌مان وهه‌موو گه‌لێ كوردستانێ دكه‌م، هیڤیدارم رۆژێن جه‌ژنى دسه‌قایه‌كێ ئارام وپرخوه‌شى دا ببورینن”.
گۆت ژى” هه‌لكه‌فتێن نیشتمانى ونه‌ته‌وى ژوان ژى نه‌ورۆز، فاكته‌رێن كاریگه‌رێن پرۆسا ئاڤادانكرنا نیشتمان ونه‌ته‌وه‌ى نه، له‌وما هیڤیخوازم ساخكرنا ڤان هه‌لكه‌فتێن نیشتمانى دوى چارچۆڤێ كه‌لیشییانه كو تنێ خواندنا په‌یام وپیرۆزباهیان بیت ده‌ركه‌ڤن، ساخكرنا بێ ناڤه‌رۆك، چه‌مكێ هه‌لكه‌فتێن نیشتمانى كێم ره‌نگتر دكه‌ت ودئه‌نجامدا ئه‌ڤ هه‌لكه‌فتێن دیرۆكى گرنگیا خوه ل ده‌ڤ نه‌ڤیێن داهاتى ژده‌ست دده‌ن.
دیاركر ژى” پێدڤیه هێمایێن نیشتمانى فاكته‌رێن ب هێزكرنا هه‌ستا نیشتمانپه‌روه‌رى بن وهانده‌رێن مه بن تاكو سه‌ره‌راى هه‌موو جوداهیان، د خزمه‌تا نیشتمانى دا ئێكبگرین وب ئێكرێزى وكۆمكرنا شیانان به‌ر ب پاشه‌رۆژه‌كا گه‌ش وپێشكه‌فتن وگه‌شه‌سه‌ندنا زێده‌تر گاڤان ب هاڤێژین”.
گۆت ژى” دلسۆزى بۆ نیشتمانى پێدڤیه دكارێن مه دا ره‌نگڤه‌ده‌ت، له‌وما د پێكئینانا كابینا نه‌هێ یا حوكمه‌تا هه‌رێمێ، هیڤیدارم هه‌موو لایه‌ك كێشه وبه‌رژه‌وه‌ندیێن لاوه‌كى بده‌نه لایه‌كى، تاكو پێكڤه ده‌ستكه‌فتێن خوه پێشڤه ببه‌ین وشاشیان راست بكه‌ین وخزمه‌ته‌كا هه‌ژى یا گه‌ل ونیشتمانى بكه‌ین”.
نيشاندان