ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ چارشه‌مبى 20/3/2019 ب هه‌لكه‌فتا جه‌ژنا نه‌ته‌وى یا كوردى نه‌ورۆز وهاتنا بهارێ ونووبوونا سروشتى په‌یامه‌ك به‌لاڤكر.
سه‌رۆك بارزانى دپه‌یاما خوه دا دبێژیت” ب هه‌لكه‌فتا جه‌ژنا نه‌ته‌وى یا نه‌ورۆزێ وهاتنا بهارێ ونووبوونا سروشتى گرمترین پیرۆزباهیێن خوه ئاراسته‌ى وه‌لاتیێن خوه‌شتڤى یێن كوردستانێ وكه‌سوكارێن سه‌ربلندێن شه‌هیدان وپێشمه‌رگێن قه‌هره‌مان وهه‌موو خه‌باتكه‌ر ونیشتمانپه‌روه‌رێن كوردستانێ دكه‌م”.
سه‌رۆك بارزانى گۆت ژى” نه‌ورۆز بۆ گه‌لێ كوردستانێ هه‌میشه مزگینیا ده‌ستپێكه‌كا نوو وسه‌ركه‌فتن ل سه‌ر سته‌مكاران وسه‌ختیان بوو، خه‌لكێ كوردستانێ ل سالین بۆرى ل شه‌ری دژى تیرۆرستان ول به‌رانبه‌ر زولما نه‌حه‌زان وكێشه وقه‌یران وره‌وشا خراب خۆراگر بوون وئه‌و خۆراگریا وان جهێ پێزانینێ یه، ل جهێ خوه‌یه ب وێ هه‌لكه‌فتا نه‌ته‌وى دا داخوازێ ژ هه‌موو لایه‌كى بكه‌م وه‌كو وه‌فایه‌ك بۆ خوینا شه‌هیدان وقاره‌مانیا پێشمه‌رگه‌ى وخۆراگریا گه‌لێ كوردستانێ، پێشكه‌فتن وپاراستنا كوردستانێ بكه‌نه ئه‌وله‌ویه‌تا كارێن خوه، نوكه قۆناغه‌كا دى یه د ژیانا گه‌لێ كوردستانێ دا وپێدڤیێن وێ قۆناغێ وه‌سا دخوازیت كو به‌ر ب ئاڤاكرنا كوردستانه‌كا ب هێز وڤه‌ژاندى گاڤان پاڤێژین كو دراستى دا هه‌ر ئه‌و حه‌زا راسته‌قینه‌یا وه‌لاتیێن كوردستانێ یه وپێدڤیه رێز ل وێ ئیرادێ بهێته گرتن، چونكى ئه‌و ئازادى وده‌ستكه‌فتێن نوكه هه‌ین به‌رهه‌مێ خوینا شه‌هیدان وخۆراگریا خه‌لكێ كوردستانێ یه”.
دیاركر ژى”هه‌ر ب وێ هه‌لكه‌فتێ دووپاتیێ ل سه‌ر پاراستنا فه‌رهه‌نگا پێكڤه‌ژیانێ وبرایه‌تیێ د ناڤبه‌را پێكهاتێن كوردستانێ دكه‌ین وئومێدا كوورتربوونا وێ فه‌رهه‌نگا بهادارا گه‌لێ كوردستانێ دخوازین، زێده‌بارى سوپاسیێن من بۆ زه‌حمه‌ت ووه‌ستیانا هێزێن پۆلیس وئاسایشێ دخزمه‌تكرنا خه‌لكى دا ودابینكرنا ئاسایشێ ل جه‌ژن وهه‌لكه‌فتان دا، داخوازێ ژ هه‌موو وه‌لاتیێن خوه‌شتڤى دكه‌م پاراستنا ژینگه‌هێ وجوانیا وه‌لاتێ مه ب ئه‌ركێ سه‌ره‌كیێ خوه بزانن”.
سه‌رۆك بارزانى ل دووماهیا په‌یاما خوه دا گۆت” هیڤیدارم نه‌ورۆزا ئه‌ڤ ساله ببیته ده‌ستپێكه‌ك بۆ ئاسوده‌ییا هه‌موو خه‌لكێ كوردستانێ وهیڤیدارم ئه‌ڤ نه‌ورۆزه وهه‌موو جه‌ژن ب به‌خته‌وه‌رێ بهێنه كرن”.
ئەڤرۆ نیوز، نەوزاد هلۆری:
ب مەرەما زێدەتر خزمەتکرن بۆ نەورۆزا ئاکرێ و بەرەڤانیکرن ل ناسناڤێ پایتەختێ نەورۆزێ بو باژێرێ ئاکرێ، ئڤرۆ پەردە لسەر پەیکەرێ نەورۆزێ ل ئاکرێ هاتە راکرن.
کاوە زۆهێر، رێڤەبەرێ رێڤەبەریا رەوشەنبیری و هونەری یا ئاکرێ بۆ ئەڤرۆ نیوز گوت: (ب مەرەما زێدەتر خزمەتکرنا نەورۆزا ئاکرێ، بەرەڤانیکرن ل ناسناڤێ پایتەخێ نەورۆزێ کو ئەو ژی ئاکرێ یە، ئەڤرۆ د رێورسمەکێ دا ب بەرهەڤبوونا هژمارەکا دام و دەزگەهێن میری و کەسایەتی و جەماوەرێ ئاکرێ، پەردە لسەر پەیکەرێ نەورۆزێ هاتە راکرن کو ل دەرگەهێ سەرەکیێ ئاکرێ هاتیەدانان).
زێدەتر گوت: (پەیکەر ب هاریکاریا کومپانیا MRF هاتیە چێکرن، هونەرمەندێ پەیکەر ساز حەمید عەجیل ب ئەرکێ دروستکرنێ رابوویە).
ئەڤرۆ نیوز:
یانا پاریس سانجێرمان ژی کەڤتە د ھەڤرکیا دەستڤە ئینانا یاریزانێ بەرازیلی و یانا یوڤانتوس یا ئیتالی دوگلاس کوستا کو بەری چەند رۆژان ب فەرمی یانا مانچێستەر یوناید ژی بەرھەڤیا خوە دیارکریە بوو کرینا وی یاریزانی ژ یوڤانتوس.
مالپەرێ “le ١٠ sport”، دیارکریە یانا یوڤانتوس ھزر ل فروتنا یاریزانێ خوە یێ بەرازیلی دو گلاس کوستا کریە ژبەر ئەو ئاریشەیێن وی یاریزانی یێن بەردەوام ل وەرزێ ئەڤ سالە کو چەند جاران ھاتیە سزادان ژلایێ ئێکەتیا تەپا پێ یا ئیتالی ڤە ھەردیسان وێ رویدانا ترافیکی ژ دەرڤەی یاریگەھا ژبەر ئەوان ئاریشا ئەوێ یانێ ھزر ل فروتنا ئەوی کریە .
زێدەتر ئەوی مالپەری دیارکریە ژی یوڤانتوس بوو فروتنا کوستا کوژمێ ٣٠ ھەتا ٣٥ ملیون یورۆیا دانایە و ھەر ئێک ژ یانێن پاریس سانجێرمان و مانچێستەر یوناید ب فەرمی بەرھەڤیا خوە دیارکریە بوو کرینا ئەوی یاریزانی ل ھاڤینا بھێت.
ئەڤرۆ نیوز:
رێڤەبەرێ کارێن یاریزانێ بەرازیلی و یانا بەرشەلۆنا مالکو دی ئولیڤێرا بریارە کومبوونەکێ ل گەل بەرپرسێن یانا بەرشەلۆنا بکەت بوو دیارکرنا چارەنڤیسێ یاریزانێ خوە ل گەل وێ یانێ بوو وەرزێ بھێت .
رۆژناما موندو دیپورتیڤو یا ئیسپانی ئاشکراکریە فرناندو مینیز گارسیا رێڤەبەرێ کارێن مالکوم بریارە ل ڤێ حەفتیێ کومبوونێ ل گەل سکرتێرێ ھونەری یێ یانا بەرشەلۆنا ئیریک ئبیدال بکەت ژبەر چارەنڤیسێ یاریزانێ خوە ژبەرکو ل وەرزێ ئەڤ سالە ھەتا رادەیەکێ مەزن راھێنەرێ وێ یانێ پشت بەستن ل سەر شیانێن وی یاریزانی نەکریە ھەر چەندە یاریزانی بوو رێڤەبەرێ خوە دیارکریە ئەوی حەزا مانێ ل گەل یانا بەرشەلۆنا ھەیە .
زێدەتر رێڤەبەرێ وی یاریزانی دیارکر ژی سەرەرای ل وەرزێ ئەڤ سالە مالکوم بتنێ د ١٥ یاریان دا پشکداری ل گەل یانا بەرشەلۆنا کریە و زوربەیا یاریان دا وەکو یاریزانەکێ پێگوھور ھاتیە دناڤا یاریێ دا لێ یاریزانی بوو ئەوی دیارکریە ئەو دخوازیت ل گەل بەرشەلۆنا یێ بەردەوام بیت لێ ئەو ژی مەرجەیێن خوە ھەنە داخوازکریە راھێنەر ب شێوەیەکێ باشتر گرنگی ب ئەوی بدەت داکو بشێت پتر دەلیڤەیا خوە ل یانێ بینت و جھێ خوە دناڤا پێکھاتیێ بەرشا دا بکەت .
ل دووماھیێ ناڤبری دیارکر چەندین یانێن بەرنیاس ل ئورۆپا پەیوەندی ب ئەوی کریە بوو کرینا ئەوی یاریزانی ژ یانا بەرشەلۆنا لێ ئەو ناخوازیت بریارێ ل سەر چ یانان بدەت ژبەرکو مالکوم گرێدای ھەڤبەستا بەرشەلۆنا یە ھەتا ٢٠٢٣ دەستپێکێ ئەو دێ کومبوونێ ل گەل بەرشەلۆنا کەن .
ئه‌ڤرۆ نيوز:
سالح جه‌ميل به‌رپرسێ راگه‌هاندنا پشكا هاتنوچوونا قه‌زا مه‌ركه‌زى دهۆك پلانا هاتنوچوونێ بۆ رۆژانێن جه‌ژنا نه‌ورۆزێ راگه‌هاند كو ب ڤى ره‌نگێ ل خوارێ يه:
پلانا به‌شێ هاتن وچوونا قه‌زا مەرکەزی دهوک بو جه‌ژنا نه‌وروزێ.
ل رێكه‌فتی ٢٠ هه‌یڤا ئادارێ كو دبیته روژا هه‌لكرنا ئاگری هه‌می كارمه‌ند و پله‌دارێن به‌شێ مه دێ د ئه‌ركی دابن و دیسان پلان بو ڤێ روژێ ب ته‌مامی هاتیه دانان ريوره سمين هه لكرنا ئاگرى دئ دنافا سه نته رئ ناحیا مانگێشکێ دا دئ ب ريڤه جيت و هه‌می ئاماده‌كاری ژلایێ به‌شێ مە ڤه هاتینه كرن
بۆ روژانێن جه‌ژن رێكه‌فتی ٢٣/٢٢/٢١ ێ ئادارێ:
1- هاتنا ترومبێلا ژ دهـوکێ بو زاویتە ژ دانێ سپێدێ تا نیفرو دێ هەر دوو سائد هاتن بیت
2-چوونا ترومبێلا ژ زاویتە بو دهوکێ دێ برێگا گوندێ بادێ و سندورێ بیت ژ دانێ سپێدێ بو نیفرو
3- دانێ ئێفاری هەر دوو سائد ژ زاۆیتە بو دهوکێ دێ ڤەکری بن تا قەلبالغ دوماهیک بیت
4- هه‌ردیسان دێ هه‌می كارمه‌ند و پله‌دارێن هاتن وچوونێ دئه‌ركی دابن ژبو خزمه‌تا سه‌یرانیا
5-هه‌رجهه‌كێ پێتڤی كارمه‌ندێن ترافیكی دێ لێ هێنه به‌لاڤ كرن
6-دێ مه هه‌مهاهه‌نگی دگه‌ل دادگه‌هێ و پولیس و ئاسایش و پێشمه‌رگه‌ی و پێشمه‌رگێ ژینگه‌هێ و ئاگرڤه‌مراندێ و سه‌نته‌رێ هه‌وار هاتنێ یێ 122 هه‌بیت ژ بو پاراستن و ئێمناهی یا هاولاتیان
7-رادار ئانكو كامیرێن چاڤدێری یا له‌زاتیێ دێ د ئه‌ركێ دابن ژبو له‌زاتی نه هێته بكار ئینان و چ كاره‌سات روینه‌ده‌ن
ل دوماهیێ داخازێ ژ گشت سه‌یرانیا دكه‌ین كو پێگیریێ ب رێنما و شیره‌تێن ترافیكی بكه‌ن و له‌زاتیێ بكار نه‌ئینن و داخازێ ژ دایك و بابا دكه‌ین ترومبێلێ نه ده‌نه ده‌ستێ وان كه‌سێن بێ موله‌تا شوفێریێ
هێڤی دارین ژ هه‌می خه‌لكێ خوشتڤی كو هه‌ڤال بن دگه‌ل كارمه‌ند و پولیسێن هاتن وچوونێ داكو بشێن باشترین خزمه‌تێ بو هه‌وه‌یێن سه‌یرانی بكه‌ن
ئەڤرۆ نیوز:
چاڤەرێ دھێتەکرن ل ڤەگوھاستنێن ھاڤینا بھێت ھەڤرکیەکا دژوار دناڤبەرا بەرشەلۆنا و پاریس سانجێرمان دا بھێتەکرن بوو ڤەگوھاستنا ستێرا یانا ئەتلەتیکو مەدرید و ھێرشبەرێ ھەلبژارتیێ فرەنسا ئەنتونیو گرێزمان .
رۆژناما موندو دیپورتیڤو یا کەتەلونی ئاشکراکریە پشتی دەرکەفتنا ئەتلەتیکو مەدرید ل سەر دەستێ یوڤانتوس ل قارەمانیا چامپیونیز لیگ وی یاریزانی بوو چەند کەسێن نێزیکی خوە دیارکریە ئەو دخوازیت ل وەرزێ بھێت پێکھاتیێ ئەتلەتیکو مەدرید ب جە بھێلت بەر ب یانەکا دی بچیت کو ھەڤرکیا قارەمانیا چامپیونیز لیگ و خولێن نافخوی بکەت و ھەر ژبەر ڤێ چەندێ بەرشەلۆنا ل ماوێ چەند رۆژێن بوری دەست ب لڤینێن نەھێنی کریە بوو دەستڤە ئینانا ئەوی ل ھاڤینا بھێت .
ھەمان رۆژنامێ ئاشکراکریە ژی یانا پاریس سانجێرمان ژی ھاتیە سەر ھێلا دەستڤە ئینانا ئەڤی یاریزانی لێ ب مەرجەکی ئەوژی ھەکە ل مێرکاتویا بھێت ئەوان ئێک ژ ستێرێن خوە نیمار یان مپابێ ژ دەستدا کو وەسا دھێتە چاڤەرێکرن ئێک ژ ئەوان یاریزانان ل ھاڤینا بھێت پەیوەندی ب یانا ریال مەدرید بکەت ھەر چەندە پاریس سانجێرمان ئەو دەنگوباس ھەموو رەتکرینە لێ ئەوان یاریزانان حەزا چوونێ ھەیە.
ئەڤرۆنیوز، نەوزاد هلۆری:
ب هەلکەفتا جەژنا نەورۆزێ، رێڤەبەریا چاکسازیا مەزنان ل دهۆکێ، مولەتا چەند رۆژێ ب هژمارەکا دادگەهکریان ددەت.
عیرفان بەرواری، بەرپرسێ راگەهاندنا چاکسازیا مه‌زنان ل دهۆكێ بۆ ئەڤرۆ نیوز گۆت: (ب هەلکەفتا جەژنا نەورۆزێ، رێڤەبەریا چاکسازیا مه‌زنان مولەت بۆ 33 دادگەهکریان دایە کو بچنە مال و جەژنا نەورۆزێ بگێرن و سەیرانان دناڤ کەسوکارێن خوەبکەن).
زێدەتر گوت: (مولەتا وان بو حەفت رۆژایە و ب گۆرەی هندەک مەرج و رێنمایێن تایبەت ئەو دادگەهکری دێ مولەت پێ هێتەدان).
ئەڤرۆ نیوز:
ڤیسنتی بولودا سەرۆکێ بەرێ یێ یانا ریال مەدرید ھێرشکرە سەر سەرۆکێ نوکە یێ یانا ریال مەدرید فلورنتینیو پێرێز ژبەر ئەو ئەنجامێن ڤێ دووماھیێ یێن یانا ریال مەدرید.
ریال مەدرید ل وەرزێ ئەڤ سالە پشتی نەشیای ھەڤرکیێ ل سەر ھەر ئێک ژ خۆلا لالیگا و کاسا شاھێ ئیسپانیا و چامپیونیز لیگ بکەت بوویە جھێ گازندەیا چەندین کەسان .
سەرۆکێ بەرێ یێ یانا ریال مەدرید بولودا بۆ رۆژناما کاتشیو مێرکاتو یا دیارکر ئارمانجا پێرێز کومکرنا پارەی یە بتنێ دا بوو نوژەنکرنا یاریگەھا بێرنابیو لێ ئەو چەندە ژی ل وەرزێ ئەڤ سالە نەکر و باشترین یاریزانێ خوە ژی ل ھاڤینا بوری فروت دبینت ئەو چەندە مەزنترین شاشی بوو پێرێز ل گەل جەماوەرێ یانێ کری فروتنا ستێرەکا وەکو رونالدوی ل وی دەمی دا ب مەزنترین شاشی دبینت.
زێدەتر ناڤبری دیارکر رونالدو خودان کەساتیەکا مەزن بوو دناڤا پێکھاتیێ یانا ریال مەدرید دا کو ھەر سال شیا نێزیکی ٥٠ گولان ئەو بتنێ بوو ریال مەدرید توماربکەت و چەندین نمرە ل گەل یانێ تومارکرن لێ پێریز فروت بێکو پلانەکا دی ھەبیت یان ستێرەکا دی ل جھێ ئەوی بینت و ئەو وەسا دبینت ئەگەرێ سەرەکی یێ ئەنجامێن لاواز یێن یانێ سەرۆکێ نوکە یێ یانا ریال مەدرید پێرێز ژبەرکو ئەوی باشترین یاریزانێ خوە ل ھاڤینا بوری فروت.
سەبارەت ھزر ل ڤەگەراندنا یانێ کریە ناڤبری دیارکر بوو ھەلبژارتنێن بھێت ئەوی ھزر ل وێ چەندێ کریە جارەکا دی خوە بەربژار بکەت بوو پوستێ سەرۆکاتیا یانێ.
نيشاندان