ئەڤرۆ نیوز:
ستێرا سربی و بەرەڤانێ یانا روما ئەلکسندر کولاروڤ بەحس ل ئاستێ ستێرا یوڤانتوس و ھەلبژارتیێ پورتوگال رونالدوی کر بەری ئەنجامدانا یاریا ھەلبژارتیێ خوە ل گەل پورتوگال ئەوا دھێتە چاڤەرێکرن ل ٢٥ ڤێ ھەیڤی ژ چارچوڤێ یاریێن ڤاڤارتنێن یورۆپا بکەن.
زێدەتر کولاروڤ د داخویانیەکێ دا بۆ رۆژناما موریری دیللو سپورت یا ئیتالی دیارکر یاریزانێن وەکو رونالدوی و میسی ھەر ١٠٠ سالان جارەکێ دھێنە دنیایێ و ژ دایک دبن ژبەرکو ئەڤان ھەردو یاریزانان ل ماوێ چەندین سالێن بوری کونترولا تەپا پێ یا جیھانێ کریە و شیاینە زوربەیا ناسناڤێن نیڤدەولی و جیھانی ب دەستخوڤە بینن وەکو ئاستێ یانان و ھەلبژارتیان ھەردیسان ل سەر ئاستێ ناسناڤێن کەساتی ژی چ ھەموو ناسناڤ ب دەستخوڤە برینە نمرێن مەزن ل جیھانێ تومارکرینە کو بەری نوکە چ یاریزان نەشیاینە ئەوێ چەندێ بکەن لەورا ئەو دبینت ھەبوونا یاریزانێن وەکو ئەوان ھەر ١٠٠ سالان جارەکێ دبیت بھێنە دونیایێ .
سەبارەت یاریێن ھەلبژارتیێ ئەوان د ڤاڤارتنێن یورویا ٢٠٢٠ دا ناڤبری دیارکر ھەلبژارتیێ ئەوان کومەکا یاریزانێن خودان شیان ھەنە ھەر چەندە کوما ئەو کەڤتی نە تێدا نە یا ب سانەھی ژبەرکو ھەبوونا پورتوگال و ئوکرانیا نابیت دێ یا ب سانەھی بیت لێ ئەوان باوەری ب شیانێن خوە ھەیە بشێن دەربازی یاریێن دووماھیا قارەمانیێ بەن

ئەڤرۆ نیوز:
بەرەڤانێ ھەلبژارتیێ فرەنسا و یانا ریال ڤاران حەزا چوونا خوە ل دووماھیا ڤی وەرزی ژ پێکھاتیێ وێ یانێ دیارکریە.
رۆژناما لیکیپ یا فرەنسی ئاشکراکریە رافائیل ڤاران دخوازیت ل دووماھیا ڤی وەرزی پێکھاتیێ یانا ریال مەدرید ب جە بھێلت پشتی کرنا ھەشت سالان ل گەل وێ یانێ و دخوازیت بەر ب خولەکا دی یا ئورۆپی ڤە بچیت .
ئەوێ رۆژنامێ ئاشکراکریە ژی ڤاران چ ئاریشە ل گەل کەسێ نین لێ ل دیڤ ئەو ژێدەرێن نێزیکی ئەوی بتنێ ئەو دخوازیت گوھورینەکێ د ژیانا خوە یا تەپا پێ دا بکەت و بەر ب خولەکا دی یا ئورۆپی ڤە بچیت.
ئەوێ رۆژنامێ ئاشکراکریە ژی دبیت ڤاران بەر ب یانا مانچێستەر یوناید یا ئنگلیزی بچیت ژبەرکو بەری نوکە ژی ئەوێ یانێ چەندین جاران بزاڤ کرینە بوو دەستڤە ئینانا ئەوی یاریزانی و ھەتا نوکە ب نەھێنی ڤە ژی ئەو یانە دانوستاندنان ل گەل رێڤەبەرێ وی یێ تایبەت دکەت.

ئەڤرۆ نیوز:
پشتی ل ماوێ چەند رۆژێن بوری یانا ریال مەدرید ب فەرمی دەست ب دانوستاندنان کری ل گەل یانا چێلسی بوو ڤەگوھاستنا ستێرا وێ یا بەلجیکی ھازارد کو ل دیڤ راپورتێن رۆژنامەڤانی یانا ریال وەکو داخوازیا ئێکێ کوژمێ ٧٥ ملیون جینێ ئیسترلینی پێشکێشی چێلسی کربوون لێ وێ یانا ئنگلیزی ھەر زیکا ئەو داخوازی رەتکریە.
رۆژناما میرو یا برێتانی دیارکریە یانا چێلسی مەرجەک دانایە بەرامبەر یانا ریال مەدرید ھەکە بخوازن دەست ب دانوستاندنان بکەن پێدڤی یە داخوازیا وان یا ئێکێ کێمتر نەبیت ژ کوژمێ ٩٨ ملیون جینێ ئیسترلینی و پاش دێ ھزر ل سەر فروتنا وی یاریزانێ خوە کەن.
ھەردیسان ئەوێ رۆژنامێ ئاشکراکریە ژی دبیت بھایێ فروتنا ھازارد ب گەھیتە دناڤبەرا ١٠٠ ھەتا ١١٠ ملیون جینێ ئیسترلینی ھەر چەند یانا ئنگلیزی یا ھەموو بزاڤا کەت وی یاریزانی رازی بکەت پێکھاتیێ یانێ ب جە نەھێلت ل وەرزێ بھێت لێ ھازارد یێ رژدە ل سەر چونا خوە بۆ ناڤا پێکھاتیێ ریال مەدرید کو وەکو وی دیارکری خەونا وی ئەوە رۆژەکێ ژ رۆژان یاری ل یانا ریال مەدرید بکەت.

ئەڤرۆ نیوز:
ل گەل ھاتنا زێدان جارەکا دی بوو وەرگرتنا پوستێ راھێنەریا یانا ریال مەدرید گەلەک دەنگوباس ھاتینە بەلاڤەکرن کو ستێرا وێلزی و یانا ریال گارس بێل ل دووماھیا ڤی وەرزی پێکھاتیێ یانا مەلەکی ب جە بھێلت ھەر چەندە بەری چەند رۆژان ب فەرمی رێڤەبەرێ کارێن وی یێن تایبەت ئەو دەنگوباس ھەموو رەتکرن بوون .
رۆژناما زەسەن یا برێتانی ئاشکراکریە یانا بایرن میونیخ دخوازیت ب فەرمی ھەڤبەستێ پێشکێشی یانا ریال مەدرید بکەت بوو دەستڤە ئینانا شیانێن گارس بێل ل دووماھیا ڤی وەرزی ئەوی رۆژنامێ دیارکریە ژی یانا باڤاری کوژمێ ١٥٠ ملیون جینێ ئیسترلینی بەرھەڤکرینە بوو کرینا بێل ژ یانا ریال ل گەل موچەیەکێ حەفتیانە ٦٥٠ ھەزار جینێ ئیسترلینی.
ئەوێ رۆژنامێ ئەو چەندە ژی ئاشکراکریە ریال ھەتا رادەیەکێ مەزن دبیت ل سەر وێ داخوازیا بایرن میونیخ رازی بیت چونکو ریال ھزر ل فروتنا چەند یاریزانێن خوە کریە بوو ھاڤینا بھێت بەرامبەر فروتنا ئەوان چەند یاریزانێن دی بینە دناڤا پێکھاتیێ خوە دا.