ئەڤرۆ نیوز، هۆشەنگ تاجر:

مستەفا ئۆزچەلیک سەرۆکێ گشتی یێ پارتیا ئازادی یا کوردستانێ PAK)) بۆ ئەڤرۆ نیوز دیار کر کو رێککەفتنا ئەدەنە بەری بیست سالان ل سەردەمێ حافز ئەسەدی د ناڤبەرا تورکیا و سووریێ دا هاتە ئیمزا کرن کو ل گۆر وێ رێککەفتنێ دڤێت سووریا پشتەڤانیا پەکەکێ نەکەت، رێ نەدەت پەکەکێ بارەگایێن سەربازی د ناڤا ئاخا سووریێ دا ئاڤا بکەت و گۆت: (د رێککەفتنا ئەدەنێ دا بەحسێ هندێ نەهاتیە کرن کو رێ بدەت دا تورکیا ئۆپەراسیۆنێن سەربازی د ناڤا ئاخا سووریێ دا بکەت).

سەرۆکێ گشتی یێ پارتیا ئازادی یا کوردستانێ ل باکور ئەو یەک ژی دیار کو نها سووریا دبێژیت تورکیا پشتەڤانیا تیرۆرێ دکەت و ل گۆر باوەریا من چو رامانا رێککەفتنا ئەدەنە د ناڤبەرا تورکیا و سووریێ دا نەمایە.

ئەڤرۆ نیوز:

ئەندامەکێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز دیار کر کو تێگەهشتنەکا سیاسی د ناڤبەرا مە و پەیەدێ دا نینە، فەلسفا مە یا نیشتمانی و کوردی یە و ئەو بەحسێ نەتەوا دیموکراتی دکەن و گرنگیێ نادەنە داخوازیێن کوردان، ژ بەر هندێ ژی هەتا نها مە نەشیایە چو رێککەفتنەکێ ل دۆر رۆژئاڤایێ کوردستانێ ل گەل پەیەدێ بکەین.

مستەفا جومعە ئەو یەک ژی دیار کر کو دەمێ فشار ل سەر وان هەبن داخوازا هەڤدیتنان دکەن و ژ بلی هندێ ئەو بەرهەڤ نینن، دڤێت ئەو هزر و نێرینێن خوە ل هەمبەر مە بگوهۆرن و خوە نێزیکی هێلا نیشیتمانی یا کوردی بکەن، لێ مخابن هەتا نها تشتەک وەسا نینە.