ئەڤرۆ نیوز:
بەرەڤانێ یانا بەرشەلۆنا جیرارد پیکێ کەیخوشحالیا خوە بەرامبەر سەرکەفتنا شەڤا بوری ل سەر یانا ریال بتیس ب چار گولان بەرامبەر گولەکێ ژ چارچوڤێ یاریێن گەرا ٢٨ دیارکر کو ناڤبری بوو رۆژناما مارکا دیارکر ئەو گەلەک د کەیفخوشحالن ب وێ سەرکەفتنێ ژبەرکو ئەو شیان جوداھیێ زێدەتر لێ بکەن ل گەل ھەڤرکا خوە و پێنگاڤ بوو پێنگاڤێ ئەو پتر یێ نێزیکی ئارمانجا خوە یا ئێکێ دبەن ئەوژی برنا خولێ پاش ھزر ل چامپیونیز لیگ و کاسا شاھێ ئیسپانیا.
ھەردیسان ناڤبری سەبارەت میسی دیارکر ب دیتنا ئەوی ئەوا میسی ل ١٤ سالێن بوری پێشکێشکری د ژیانا تەپا پێ دا نابینت یاریزانەک وەکو وی ھەبیت د مێژویا تەپا پێ دا و دبینت ئێک ژ چیڤانوکیێن تەپا پێ یە و باشترین یاریزانێ جیھانێ یە .

ئەڤرۆ نیوز:
راھێنەرێ ھەلبژارتیێ ئەلمانیا یواکیم لوڤ ھەردو گولچیێن بەرنیاس ل سەر ئاستێ ئورۆپا نویەر ژ بایرن میونیخ و تێر شتیگێن ژ بەرشەلۆنا داخوازیکرن بوو پێکھاتیێ ھەلبژارتیێ ئەلمانیا بوو ھەردو یاریێن بھێت ژ ڤاڤارتنێن یورۆ ٢٠٢٠ .
راپورتێن رۆژنامەڤانی ل ئیسپانیا و ئەلمانیا ئاشکراکرینە سەرەرای وی ئاستێ بلند یێ تێر شتیگین گولچیێ یانا بەرشەلۆنا ل وەرزێ ئەڤ سالە پێشکێش دکەت لێ راھێنەرێ ھەلبژارتیێ ئەلمانیا بوو ئەوی گولچی دیارکریە ئەو دێ بوو ھەلبژارتیێ ئێکێ ل ڤی دەمی پشت بەستنێ ل سەر نویەر کەت .
ئەوان رۆژناما ئەو چەندە ژی ئاشکراکریە ژی راھێنەرێ ئەلمانیا دیارکریە ژی نوکە تێر شتیگێن ل گەل یانا بەرشەلۆنا باشترین ئاست پێشکێشکریە و لوتکەیا ئاستێ خوە دایە لێ نویەر ل گەل ھەلبژارتیێ ئەلمانیا ھەر دێ مینت گولچیێ سەرەکی و تێر شتێگێن دێ پێگوھورێ وی بیت.

ئەڤرۆ نیوز:
راھێنەرێ فرەنسی و یانا ریال مەدرید دخوازیت بوو وەرزێ بھێت تیمەکێ دروست بکەت بوو ماوەکێ درێژ ل گەل ئەوی و یانێ بمینن ل دیڤ راپورتێن رۆژنامەڤانی یێن نێزیکی یانا ریال مەدرید دیارکرینە زێدان پشتی دیڤچوونا راھێنان و یاریێن یانێ کری ئەو ب ئاستێ گولچیێ بەلجیکی یێ نوکە یێ یانێ کوارترا نە یێ داخبارە و ھەر ل یاریا ئێکێ ئەو چەندە یا دیار و بەرچاڤ بوو پشتی ل گەل ھاتنا زێدان ئەوی پشت بەستن ل سەر گولچیێ بەری نوکە یێ یانێ ناڤاس کر ل یاریا ئێکێ دا.
ھەردیسان ئەوان رۆژناما ئاشکراکریە ژی زێدان بەرپرسێن یانێ ئاگاداکرینە گرنگی ب دەنە گولچیێ ھەلبژارتیێ ئێکێ ئیسپانیا دی خیا کو ئەو گولچی چەندین سالە ئارمانجا سەرەکی یا سەرۆکێ یانا ریال مەدرید یێ نوکە پێرێزی یە و ئەوان بەرپرسان ژی سوزدایە راھێنەرێ تیمێ ئەو دەست ب دانوستاندنان بکەن ل گەل وی گولچیی و ھەردیسان کوژمێ ٧٥ ملیون جینێ ئیسترلینی بوو کرینا دی خیای تەرخانکرینە.

ئەڤرۆ نیوز:
پشتی ل شەڤا بوری ستێرا ئەرژەنتینی و یانا بەرشەلۆنا لیونێل میسی سەرکێشیا یانا خوە کری بوو سەرکەفتنێ ل سەر یانا ریال بتیس ب چار گولان بەرامبەر گولەکێ و د وێ یاریێ دا شیای ھاتریکێ توماربکەت .
ل گەل تومارکرنا ھاتریکی ل سەر ریال بتیس جەماوەرێ وی یانێ دەست قوتان و دەستخوشی ل لیونێل میسی کر ژبەر وی ئاستێ وی یێ بلند و وی یاریزانی د داخویانیەکێ دا بۆ دەزگەھێن راگەھاندنا ئیسپانی دیارکر ئەو سوپاسیا جەماوەرێ ریال بتیس دکەت بوو ئەوا ل شەڤا بوری ل یاریگەھا بتیس رویدای دەستخوش بوو ئەوان .
زێدەتر ناڤبری دیارکر ریال بتیس ژ یانێن گەلەک ب ھێزە ل ناڤا یاریگەھا خوە لێ راھێنەرێ ئەوان شیا نەخشەیەکێ باش بوو یاریێ بدان و شارەزایا ئەوان تێرا وێ چەندێ کر ئەو بشێن یاریێ د بەرژوەندیا خوە دا ب دەستخوڤە بینن و یا گرنگ نە ئەو بوو ئەوی شڤێدی ھاتریک تومارکری بەلکو یا گرنگ ئەو بوو ئەو شیان سێ خالان ب دەستخوڤە بینن و جوداھیێ زێدەتر لێ بکەن ل گەل ھەڤرکا خوە ئەتلەتیکو مەدرید.