ئەڤرۆ نیوز ، زنار تۆڤی:
توران ئاكتاش ئەو رۆژنامه‌ڤانێ دیار یێ باكورێ كوردستانێ بوو، کو ب ئەگەرێ نه‌ساخیا پەنجەشێرێ، دوهی ئەینیێ ل‌ باژێرێ ستەنبولێ ل توركیا وەغەرکریە.
توران ئاکتاش د‌ بنه‌ره‌تدا خه‌لکی باژێری مۆشێ یە ل باكورێ كوردستانێ‌ و ماوه‌کێ بێژه‌ر بوویە ل كه‌نالێ تەرەتە کوردی‌، بەلێ پشتی هنگێ ده‌ست ژ كاركێشا بوو.
توران ئاکتاشی پشتەڤانیەکا ب ‌هێز ل‌ سه‌ربه‌خۆیا كوردستانێ کریە، د دەمێ ریفراندۆمێ دا ل ئورۆپا، لێ نەساخیا وی دەلیڤە نەدایێ کو گەلەک خزمەتا رۆژنامەڤانیا کوردی بکەت و د ژیەکێ زوو دا وەغەرکر.

ئه‌ڤرۆ نیوز، مه‌حمود نهێلى
قوربانیێن بوردوومانا فرۆكه‌یێن له‌شكه‌رێ توركیا دزێده‌بوونێ دایه‌ و رێڤه‌به‌رێ ناحیا دێره‌لۆك ژى دووماهیك ئامار دیار كرن و گۆت: ( تا نوكه‌ چار كه‌س شه‌هید بوونه‌ و دوویێن دن ژى دبێ سه‌روشوونن).
سامى ئوشانه‌ رێڤه‌به‌رێ ناحیا دێره‌لۆك بۆ ئه‌ڤرۆ نیوز دیار كر، كو پشتى ئه‌ڤرۆ 25/1/2019 ته‌رمێ دوو شه‌هیدێن دى یێن بوردومانا فرۆكه‌یێن له‌شكه‌رێ توركیا دبن شكه‌فته‌كى ده‌رێ خستى ئامارا شه‌هیدان گه‌هشته‌ چار شه‌هیدان و گۆت: ( فروكه‌یێن له‌شكه‌رێ توركیا ل رۆژا 23/1/2019 چه‌ندین ده‌ڤه‌رێن ل سنورێ ناحیا دێره‌لۆك بوردومانكرن كو د وێ بوردومانێ دا شه‌ش كه‌س بوونه‌ قوربانى).
و دیار كر، تا نوكه‌ ته‌رمێ دوو ژ شه‌هیدان ل گورستانا دێره‌لۆك هاتینه‌ ڤه‌شارتن و هه‌روه‌سا ته‌رمێ دویێن دن ژى هاتیه‌ دیتن نوكه‌ ب رێڤه‌نه‌ بۆ سه‌نته‌رێ ناحیێ و چاره‌نڤیسێ دویێن ژى تا نوكه‌ نه‌یێ دیاره‌ و ئاشكرا كر كو ئه‌ڤ هاولاتیه‌ خه‌لكێ ناحیا دێره‌لۆكێ و كومه‌لگه‌ها هێتوتێ یا سه‌ر ب ناحیا ناڤهاتى ڤه‌نه‌.