ئەڤرۆ نیوز:
ئێکەتیا تەپا پێ یا کوردستانێ ژڤانێ ھەر سێ یاریێن گەرا ٢٠ ئەوێن ڤێ حەفتیێ ھاتینە پاشێخستن دیارکرن پشتی ئەو یاری ل رۆژێن پێنچ شەمب و ھەینا بوری ژبەر باران بارینێ ھاتینە پاشێخستن دیارکرن .
بریارە ئەو ھەر سێ یاری ل رۆژا ١٩-٣-٢٠١٩ بھێنەکرن ئەوژی ھندرین ل گەل زێرەڤانی ل یاریگەھا ھندرین ل باژێرێ ھەولێر و ئارارات نەوروز ل یاریگەھا ئارارات ل پیرمام و برایەتی و پێشمەرگا ھەولێر ل یاریگەھا شەقلاوە بێ ئامادەبوونا جەماوەری.

ئەڤرۆ نیوز:
پشتی یانا ریال مەدرید ل یاریا خوە یا ئێکێ ب سەرپەرشتیا راھێنەرێ خوە یێ نوو زێدان شیا سەرکەفتنەکا گرنگ ل سەر یانا سالتاڤیگو توماربکەت ب دو گولان بێ بەرامبەر ژ چارچوڤێ یاریێن گەرا ٢٨ ژ خۆلا لالیگا راھێنەرێ وێ یانێ پشتی یاریێ ل گونگرێ رۆژنامەڤانی دا بەحس ل وێ یاریێ و یاریزانێن یانێ کر.
دەستپێکێ زێدان دیارکر وەکو دەستپێک ئەو دبنت ئەنجامەکێ سەرکەفتی بوو ژبەرکو ئەو شیان سەرکەفتنێ توماربکەن ھەر چەند ل نیڤا ئێکێ تیم توشی چەند شاشیا بوو لێ ل نیڤا دوێ ئەو شیان ئاستەکێ باشتر پێشکێش بکەن و ب گشتی ژ ئاستێ یاریزان و تیمێ یێ رازیبوو ھەردیسان یێ کەیفخوشحال بوو ب ئاستێ ئیسکو ل یاریا ئەڤ شەڤە و ھەموو یاریزانان و یا ژ ھەموو گرنگترە ئەوە پشتی ھەر حەفتیەکا راھێنانان ئەو سەرکەفتنێ توماربکەن ئەڤە گرنگترین خالە بوو ئەوی .
ھەردیسان ناڤبری د یاریا ئێکێ دا چەند خال بوو ئەوی ئاشکرابوون پێدڤی ب کارکرنێ یە ل سەر ئەوان خالان و نوکە دو حەفتی ل بەر دەستێ ئەوی نە ھەتا یاریا بھێت ئەو دێ بزاڤێ کەن ئەوان ھەموو خالان چارەسەربکەن.
سەبارەت کرنا یاریێ ب چەند یاریزانێن نوو وەکو مارسێلو ناڤاس ناڤبری دیارکر ھەموو یاریزانێن ناڤا پێکھاتیێ یانێ دا یاریزانێن خودان شیان و دخوازیت دەلیڤەیێ بدەتە ھەموو یاریزانان و کرنا یاریێ ب ناڤاس و ل جھێ کورتوا چ پەیوەندی ل گەل ئێک نین بتنێ ئەو دخوازیت دەلیڤەیێ بدەتە زوربەیا یاریزانان داکو شارەزایەکا باشترە ل سەر ھەموو یاریزانان ھەبیت و ھزر ھەتا نوکە ل چ گوھورینا نەکریە ژبەرکو ئەوی ١٠ یاری ماینە و بتنێ دڤی دەمی دا ئەو دێ ھزر ل ئەوان ١٠ یاریان کەت و دەلیڤەیێ دەتە ئەو یاریزانێن د ھزرا وی دا مفا ژێ وەربگریت و ئەو بوو ھەر یاریەکێ سێ گولچیا داخوازی یاریێ دکەت ئێک ژ ئەوانا کورێ وی یە و ناڤاس و کورتوا ئەو حەش ھەرسێ یاریزانێن خوە دکەت لێ ئەو دبینت پتر گرنگی ب ناڤاس بدەت .

ئەڤرۆ نیوز:
چاڤەرێ دھێتەکرن یانا بەرشەلۆنا شەڤەکا دی ل دەمژمێر ١٠:٤٥ یاریا خوە یا گەرا ١٩ ژ چارچوڤێ یاریێن گەرا ٢٨ ژ خۆلا لالیگا ل گەل یانا ریال بتیس ئەنجام بدەت و بوو ڤێ یاریێ راھێنەرێ یانا بەرشەلۆنا ٢٨ یاریزان بوو ڤێ یاریێ داخوازکرینە و چار یاریزان ژ پێکھاتیێ یانێ داخواز نەکریە ژبەر ئەگەرێن جودا جودا.
ئەو یاریزانێن ھاتینە داخوازکرن
تیر شتیگێن و سیمیدو، پیکێ، راکیتێچ، بوسکێس، کوتینھو، ئارسر،سوارێز، میسی،سیلیسن، مالکوم و ئەلبا، بواتینگ، سێرجیو روبێرتو، ئەلینا، ڤیدال، ئومتێتی و ڤێرمالین