ئه‌ڤرۆ نيوز:
برياره سوباهى ئێكشه‌مبى 17/3/2019 مووچێ هه‌يڤا 12 يا سالا 2018 بێ پاشكه‌فت يێ ڤان جهان بهێته به‌لاڤكرن:
1- وه‌زاره‌تا پيشه‌سازى وبازرگانى
2- وه‌زاره‌تا ره‌وشه‌نبيرى ولاوان
3- وه‌زاره‌تا ئاڤه‌دانكرنێ
4- سه‌رۆكايه‌تيا په‌رله‌مانێ كوردستانێ
5- سه‌رۆكايه‌تيا هه‌رێمێ
6- جڤاتا وه‌زيران
7- خانه‌نشينێن پێشمه‌رگه
ئەڤرۆنیوز،سەباح زوهێر زێباری:
کاوە زوهێر رێڤەبەرێ هونەری و رەوشەنبیری ل ئاکرێ بۆ ئەڤرۆ نیوز ددەتە دیارکرن : مە ب سپونسەریا کومپانیا(MRF)بەرهەڤیێن نەوروزێ کرینە و بەردەوامین ل سەر بەرهەڤیێن باشتر،ب هەماهەنگیا دەڤەرداریا ئاكرێ و هەمی لایەنێن پەیوەندیدار دێ کار و چالاکیێن هەمەجور ئەنجامدەین.
ناڤهاتی گۆت ژی: ژ وان چالاکیان ژی دێ ل دەست پێکێ پەیکەرێ نەوروزا ئاکرێ بلنداهیا سێ مەترا کو ژلایێ پەیکەرتاش (حەمید عەجیل)دروست کریە، ئەڤ پەیکەرە دێ هێتە بلندکرن، هەروەسا دێ ٤۰۰۰ پڤدانک ل گورەپانێ دا هێنە بلندکرن، کو ئەڤە تشتە یێ نوی یە د نەوروزا ئاکرێ دا، هەروەسا پتری ۱۰۰۰ خەتیرا هاتینە بەرهەڤکرن کو دێ هەمی گروپێن ئاکرێ پشکداربن بۆ سەر ئیخستنا وان خەتیرا بۆ کەلها ئاکرێ و کەلها کەڤن و،تیشێ و گرێ توپا دێ ئەڤ خەتیرە هێنە بلندکرن.
کاوە زوهێر ئاماژێ ددەتە وێ چەندێ ژی کو د ئەڤسالەدا هندەک یاریێن بهێز یێن ئاگری دێ هێنە پەقاندن کو بۆ ئێکەم جارە ئەڤ یاریە دێ ل کوردستانێ هێنە پەڤاندن، هەروەسا دێ ئالایەکێ ٦۰مەتردرێژی و ۱۳مەتر پانی هێتە بلندکرن، دگەل چەندین ئالایێن دی، هەروەسا مە بریاردایە کو ئەڤ سالە چ سترانبێژان داخازنەکەین، چونکی ئەڤ خەلکێ دهێتە ئاکرێ پتر مەرەم بۆ دیتنا جوانی و سیمایێ ئاکرێ یە نەک گوهداریا سترانایە، لەوا دێ ب رێکا دیجێ سترانێن نەتەوی بهێنە پێشکێشکرن.
ئه‌ڤرۆ نیوز:
سه‌رۆكێ فراكسیۆنا پارتی دیموكراتی كوردستان ل په‌رله‌مانێ كوردستانێ راگه‌هاند، ئه‌م بزاڤێ دكه‌ین ب زووترین ده‌م ده‌زگه‌هێ سه‌رۆكایه‌تیا هه‌رێما كوردستانێ بهێته كاراكرن ومه ده‌مه‌كێ ڤه‌كری نینه تاكو چاڤه‌رێی ئێكه‌تیێ بكه‌ین.
ئومێد خوشناو، سه‌رۆكێ فراكسیۆنا پارتی دیموكراتی كوردستان ل په‌رله‌مانێ كوردستانێ گۆت” ئێك ژ بابه‌تێن سه‌ره‌كی یێن په‌رله‌مانی، پرسا قانوونا سه‌رۆكایه‌تیا هه‌رێما كوردستانێ، ل دۆر ڤێ چه‌ندێ دانوستاندنێن مه دبه‌رده‌وامن تاكو دگه‌هینه ئه‌نجامه‌كی، بزاڤی دكه‌ین ب زووترین ده‌م ده‌زگه‌هێ سه‌رۆكایه‌تیا هه‌رێما كوردستانێ بهێته كاراكرن، چونكی ئه‌و بابه‌ت پێدڤی ب ل هه‌ڤهاتنا نیشتمانی یه”.
سه‌باره‌ت رژدیا ئێكه‌تیێ ل سه‌ر چه‌ند داخوازیه‌كا، ئومێد خوشناو زێده‌تر بۆ باسنیوز گۆت” هیڤیدارم بێ فراكسیۆنا ئێكه‌تیێ گاڤ بۆ وی بابه‌تی نه‌هێنه هاڤێتن، هیڤیدارین ئه‌وژی بهێنه پێش وگاڤێن ب له‌زتر د دانوستاندنێن پێكئینانا حوكمه‌تێ دا بهێنه هاڤێتن، به‌لێ مه ده‌مه‌كێ ڤه‌كری ل به‌رده‌ست نینه تاكو چاڤه‌رێی فراكسیۆنا ئێكه‌تیێ بكه‌ین”.
ئەڤرۆ نیوز:
ئەحمەد تاکان نڤیسەرێ ناڤدارێ تورکیا دیار دکەت کو ئەمریکا و روسیا ل دژی تورکیا پێکڤە کار دکەن، چونکو روسیا بزاڤان دکەت تورکیا هێزێن خوە ژ سووریێ دەرخینیت و ل ئالیێ دی ئەمریکا ژی داخواز ژ روسیا کریە کو سیستەمێ مۆشەکێن پێشکەفتی یێ س ٣٠٠ نەدەتە تورکیا، رێککەفتنەکا نهێنی د ناڤبەرا هەر دو ئالیان ل دژی تورکیا هەیە.
نڤیسەرێ ناڤهاتی هۆشداریێ ددەتە ئەردۆگانی کو دڤێت خوە ئێکلا بکەت، یان مۆشەکان ژ روسیا بکڕیت یان ژی خوە نێزیکی ئەمریکا بکەت، چونکو ئێدی تورکیا نەشێت وەکو بەرێ ل سەر بنەمایێ سیاسەتا هەڤسەنگیێ هەم ل گەل روسیا و هەم ژی ل گەل ئەمریکا بەردەوام بیت.
ئەڤرۆ نیوز ، عەلی حاجی :
دداخویانیەکێ دا سەروکێ زانکویا زاخۆ بۆ ئەڤرۆ نیوز دیار کر بریارا نەوەرگرتنا قوتابیێن قوناغا دوێ یا پولا دوازدێ ژ لایێ وەزارەتا خاندنا بلند چو راستییەک بوو نینە و تنێ پێشنیاربوو نەکو بریار.
دکتور لەزگین عەبدی زێدەتر گۆت: وەکو زانکویا زاخۆ مە ئەو داخازی نەکریە قوتابیێن قوناغا دوێ یا پولا دوازدێ نەھێنە وەرگرتن و ئەم ڤێ یەکێ ژی پەسەند ناکەین ، تنێ ل کومبوونا جڤاتا وەزارەتا خاندنا بلند یا ھەرێما کوردستانێ دا وەکو پێشنیار ئەڤ چەندە ھاتبوو گوتن، ئەو پێشنیارە ژلایێ زانکویا جەرمو ڤە ھات بو دان و ئەڤ پێشنیارە یا گونجای نەبو ژبەر کو رێژا دەرچوونا قوتابیان ل پارێزگەھا دھوکێ د قوناغا دویێ دا رێژا دەرچوونێ زێدەترە و وەکو زانکویا زاخۆ دێ قوتابیێن قوناغا ئێکێ و دوێ وەرگرین بێ ھیچ کێشەیەک .
ناڤھاتی زێدەتر گوت : دکومبونا جڤاتا وەزارەتا خاندنا بلند و ڤەکولینێن زانستی مە داخاز کری یە بو سالێت بھێت ئەزمونێن قوناغا دوێ یێن سالا بھێت ژ بەری ھەیڤا ٩ بھێنە ئەنجام دان ژبەر کو داکو چو کارتێکرنێ ل دەواما زانکویێ نەکەت.
ئەڤرۆ نیوز، بارزان مزووری:
ئدریس ھەرکی ئەندامێ جڤاتا پارێزگەھا دھوکێ بو ئەڤرۆ نیوز دیار کر کو بازرگان و کەسێن خودان کار بخو دەلیڤە دیتیە کو گوھۆرینا د بازاری دا دروست بکەت بھایێ کەل و پەلا گران بکەن ھەر چەندە بازار بازارێ ئازادە بەلێ ل سەر مە پێدڤیە چاڤدێریا بازاری بکەین دگەل ئیدارا ھەر قەزایەکێ کو لژنا چاڤدێری و بازرگانی یا ھەی کەسێن بسپور دناڤ وان لیژنان دا ھەنە.
ناڤھاتی دیار کر ژی عەتا نھا چ بریار ل سەر گرانبوونا بازاری نەھاتیە دان ئەگەر ھات گرانیا بازاری گەھشتە وی ئاستی کو بھایێ کەل و پەلا ب سەربخو بھێت دانان ئەم وی دەمی دھێنە سەر خەت و دێ بریارەک د بەرژەوەندیا گشتی دا هێتە دان.
ناڤھاتی زێدەتر گوت: (ئێک ژ وان تشتێ ھاتی گرانکرن بھایێ ھەر لترەکا بەنزینێ ١٥ دینار چووینە سەر ئەڤەژی دزڤریت بو نەمانا مووچێ پاشکەفت).
ئەڤرۆ نیوز، عەلی حاجی :
دداخویانیەکێ دا ئەندامەکا پەرلەمانێ عێراقێ بۆ ئەڤرۆ نیوز دیار کر دو پەرلەمانتارێن ھەڤپەیمانیا سائیرون پێشنیار کری یە سرودا نیشتیمانیا عێراقێ بناڤێ مەوتنی بھێتە گوھۆرین ل جھێ وێ ئێکا دی بھێتە دانان.
وەسفیا شێخو زێدەتر گۆت: ھەردو پەرلەمانتارێن ھەڤپەیمانیا سائیرون ل گورەی ماددەیا ٦٠ یا دەستورێ عێراقێ و ماددەیا ١٢٠ یا سیستەمێ ناڤخویی، پێشنیارەک پێشکێشی لژنا رەوشەنبیری و راگەھاندنێ کو سرودا نوکە یا عێراقێ بھێتە گوھۆرین و ل جھێ ئێکا دی بھێتە دانان و نوکە ئەو پەرلەمانتار مژوولی کومکرنا ئیمزانە بۆ وێ پێشنیارێ و ھەر پێشنیارەکا زێدەتری ٥٠ ئیمزایێن پەرلەمانتارا ل سەر نەبیت دێ ھێتە لادان.
ناڤھاتی زێدەتر گۆت: نوکە دا ژمارەیەکا پەرلەمانتارێن کورد ئیمزا ل سەر وێ پێشنیارێ کرینە لێ ب مەرج ، مەرجێ پەرلەمانتارێن کورد ژی ئەوە کو سرودا نوو دەربرینێ ژ ھەمی پێکھاتەێن عێراقێ بکەت و نابیت دناڤ وێ سرودێ دا چو پێکھاتەیەک بھێتە پشت گوە خستن ژبەر کو ھەر پێکھاتەیەک بھێتە پشت گوە خستن ئەو سرود دێ ھێتە لادان.
ئەڤرۆ نیوز:
ئەڤرۆ ١٦-٣-٢٠١٩ ل بیرەوریا دەربازبوونا ٣١ سالیا کارەساتا کێمیا بارانا باژێرێ حەلەبچە، سەرۆک مەسعود بارزانی رادگەھینت، پێدڤیە مروڤایەتی ژ بەر کارەساتا کێمیا بارانا حەلەبچە شەرمێ ژ خوە بکەت.
زێدەتر سەرۆگ بارزانی برێکا پەیجێ خوە یێ تورا کومەلایەتی یا تویتەری راگەھاند کێمیا بارانا حەلەبچە بیرەوەریەکە ێدڤیە مروڤایەتی ژ بەر کارەساتا کێمیا بارانا حەلەبچە مروڤایەتی شەرمێ ژ خوە بکەت و جڤاتا نێڤدەولەتی ژی ب رژدی ل سەر راوەستیت و ھەلویستێ خوە ھەبیت بۆ ناساندنا جینوسایدکرنا ڤێ تاوانا درندانە و قوربانیێن وێ ژی بھێنە قەرەبووکرن و دەڤەرا وێ ژی بھێتە ئاڤەندان کرن کو ل ئاستێ قوربانیدانا ڤێ دەڤەرێ و مێژوویا وان یا پر سەروەری.
ژلایەکێ دی ڤە ھەر ئەڤرۆ ١٦-٣-٢٠١٩ سەرۆک مەسعود بارزانی ھەڤخەمیا خوە ھەمبەر بەرامبەر گیان ژدەستدانا سەرۆکێ دەستەیا دەسپاکیا عیراقێ حاکم عزەت توفیق ربەتکی ئەوێ ب ئەگەرێ روودانەکا دلتەزین گیانێ خوە ژ دەست دای، و سەرەخوشیا خوە ئاراستەی بەرێز و کەسوکارێن خودێ ژێ رازی کر و جھێ وی ل بەھەشتا بەرین شاد بکەت.
ئەڤرۆ نیوز:
پارتیا دیموکراتی یا گەلان د ٣١ سالیا کیمیابارانا هەلەبجە د داخۆیانیەکێ دا ڤێ کومکوژیێ شەرمزار دکەت و دیار دکەت کو ل هەلەبجە رژێما بەعسی خواست کوردان ب تەمامی ژناڤ ببەت، لێ خەباتا گەلێ کورد ژ بۆ ئازادیێ ژ هەر دەمەکێ بەرفرەهتر لێ هاتیە و ئەڤرۆکە کورد پتر ژ هەر دەمەکێ نێزیکی ئازادیا خوە بووینە.
فراکسیۆنا هەدەپێ هەروەسا داخواز ژ پەرلەمانێ تورکیا ژی دکەت کو کیمیابارانا هەلەبجە وەکو جینوساید قەبوول بکەت و ل دۆر هندێ ژی ب فەرمی داخوازیەکێ ئاراستەی پەرلەمانێ تورکیا دکەت.
نيشاندان