بریکارێ بێل
ئەڤرۆ نیوز:
جوناسان بارنیت رێڤەبەرێ کارێن تایبەت یێ یاریزانێ وێلزی و یانا ریال مەدرید گارس بێل سوپرایزەک ل سەر چارەنڤێسێ یاریزانێ وێلزی بوو رۆژناما مارکا ئیسپانی ئاشکراکریە ل گەل ھاتنا زێدان یاریزانێ وی گارس بێل بوو ئەوی دیارکریە ئەو ناخوازیت پێکھاتیێ یانا ریال مەدرید ب جهـ بھێلت و دخوازیت ھەتا دووماھیا ژیانا خوە یا تەپا پێ ل گەل ڤێ یانێ بمینت.

زێدەتر جوناسان بارنیت دیارکریە چ راستی بوو ئەوان ھەموو دەنگوباسان نینە ئەوێن دیارکرین بێل ئاریشە ل گەل زێدان ھەنە یان وی راھێنەری ئاریشە ل گەل وی یاریزانی ھەبیت كو بێل بوو ئەوی دیارکریە ئەو یێ ئارامە ل گەل راھێنەرێ نوو ب ھاتنا زيدان ئەو یێ کیڤخوشحالە .
ھەردیسان ناڤبری ئاشکراکریە ژی ئەو دێ چاڤەرێ ھەتا دووماھیا ڤی وەرزی بن کا دێ چ رویدەت لێ نوکە یاریزان بتنێ  ھزر ل یاریێن مای کەت ژبەرکو کەس نزانیت  ل دووماھیا ڤی وەرزی دێ چ رویدەت لێ رێژەیا ھەرە مەزن بێل دێ یێ بەردەوام بیت ل گەل یانێ ژبەرکو ئەو ناخوازیت پێکھاتیێ ریال ب جە بھێلت .
رێڤەبەرێ کارێن بێل ئاماژە ب وێ چەندێ ژی کریە ھەتا نوکە ئەوی باوەریەکا مەزن ب بێل ھەیە ھەکە پشت بەستنێ ل سەر ئەوی ب شێوەیەکێ باشتر بکەن دێ بیتە ستێرا ئێکێ ل یانا ریال مەدرید ل ماوێ بھێت ژبەرکو ڤی یاریزانی شیانێن گەلەک مەزنتر ھەنە ژ یا نوکە پێشکێش دکەت.
ھەژی گوتنێ یە زوربەیا رۆژنامەیێن ئورۆپی بەری نوکە ئاشکراکرینە مەرجێ زێدان ل گەل سەرۆکێ یانێ ئەوە ل سالا بھێت گارس بێل بفروشن بەرامبەر فروتنا ئەوی ستێرەکا بەرنیاس بینە دناڤا پێکھاتیێ یانێ .

ئەڤرۆ نیوز:
جیانی ئنڤانتینو سەرۆکێ ئێکەتیا تەپا پێ یا نیڤدەولی فیفا دیارکر ئەوان ل دووماھیی کومبوونا خوە یا ئێکەتیا ناڤبری ب فەرمی بریار دا گوھورینکاری ل قارەمانیا موندیالا یانێن جیھانێ دا بکەن ئەو گوھورین کاری دێ ل دەستپێکا موندیالا ٢٠٢١ بەن ھەردیسان شێوازێ نوکە یێ ھەر سال نەمینت ئەوان بریار دایە ھەر چار سالان جارەکی قارەمانی بھێتە ئەنجامدان ل گەل زێدەکرنا یانێن پشکدار ژ حەفت یانان بوو ٢٤ یانان و ئەڤ چەندە دێ ل موندیالا سالا ٢٠٢١ ھێتە ب جە ئینان.
زێدەتر سەرۆکێ ئێکەتیا فیفا دیارکر بریارە ھەڤرکیێن قارەمانی دناڤبەرا ھەیڤا شەش ھەتا حەفت بھێنەکرن .
ئینڤانتینو ئاماژە ب وێ چەندێ ژی کریە یانێن پشکدار دێ پێکھاتی بن ژ قارەمانێن کێشوارێن خوە ل گەل قارەمانا وی وەلاتێ مێڤانداریا وێ قارەمانیێ بکەت کو ژ کێشوارێ ئورۆپا ھەشت یانە ژ کێشوارێ ئەمریکا باشور ٣ یانە و کێشوارێ ئەمریکا باکور ٣ یانە و سێ یانە ژ کێشوارێ ئاسیا ل گەل یانەک ژ کێشوارێ ئیقیانیوس .