ئه‌ڤرۆنیوز:
پشتى ئه‌ڤرۆ هاتیه به‌لاڤكرن كو سوباهى دوشه‌مبى مووچێ وه‌زاره‌تا دارایى وئابوورى دێ هێته به‌لاڤكرن، وه‌زاره‌تا دارایى بریار دا سوباهى مووچێن دو وه‌زاره‌تێن دى ژى بهێنه به‌لاڤكرن.
وه‌زاره‌تا دارایى وئابوورى گه‌نجینێن هه‌رێمێ ئاگه‌هداركرن كو سوباهى دوشه‌مبى (11/3/2019 مووچێ یه‌كه‌یێن 70 و80 یێن پێشمه‌رگه‌ى ووه‌زاره‌تا دارایى ووه‌زاره‌تا په‌روه‌ردێ به‌لاڤ بكه‌ن.
هه‌رچه‌نده سوباهى بێهڤه‌دانا فه‌رمى یه، به‌لێ مووچێ وان جهان دێ هێته به‌لاڤكرن.
ئه‌ڤرۆنیوز:
سه‌رۆكێ به‌رێ یێ یانا ریال مه‌درید ناڤێ راهێنه‌رێ نوو یێ ریال مه‌درید ئاشكراكر ودیاركر كو سوباهى دێ گرێبه‌ست ل گه‌ل هێته ئیمزاكرن.
رامۆن كالدیرۆن، سه‌رۆكێ به‌رێ یێ یانا ریال مه‌درید، ل دووڤ مالپه‌رێ (كالتشیۆ) یێ ئیتالى راگه‌هاند” ریال مه‌درید ل گه‌ل جوزێه مورینیۆ رێككه‌فتیه بۆ وه‌رگرتنا ئه‌ركێ راهێنه‌رێ یانێ وبریاره سوباهى دوشه‌مبى 11/3/2019 مورینیۆ بگه‌هیته پایته‌ختێ ئیسپانیا مه‌درید بۆ ئیمزاكرنا گرێبه‌ستى ووه‌رگرتنا ئه‌ركێ راهێنه‌ریا ریال”.
ل دۆر زه‌ینه‌دین زێدان، كالدیرۆن گۆت” زێدان قبوول نه‌كر بزڤریت بۆ راهێنه‌ریا ریال مدرید”.
ئه‌ڤرۆنیوز:
ب سه‌رپه‌رشتیا سه‌رۆك مه‌سعود بارزانى، ئه‌ڤرۆ ئێكشه‌مبى 10/3/2019 جڤاتا سه‌ركردایه‌تیا پارتى دیموكراتى كوردستان كۆمبوو.
د وێ كۆمبوونێ دا دووماهى گاڤێن پێكئینانا كابینا نوو یا حوكمه‌تا هه‌رێما كوردستانێ، زێده‌بارى رێككه‌فتنا سیاسى ل گه‌ل بزاڤا گۆران ورێككه‌فتنا سیاسى ل گه‌ل ئێكه‌تیێ هاتن به‌حسكرن.
پشتى كۆمبوونێ مه‌حموود محه‌مه‌د ئه‌ندامێ مه‌كته‌با سیاسى وپه‌یڤدارێ پارتى دكۆنگره‌كێ رۆژنامه‌ڤانى دا ل دۆر كۆمبوونا ئه‌ڤرۆ یا جڤاتا سه‌ركردایه‌تیا پارتى به‌حسێ چه‌ند خالان كر وراگه‌هاند كو ل دۆر رێككه‌فتنێن پارتى ل گه‌ل گۆران وئێكه‌تیێ دانوستاندن هاته كرن .
په‌یڤدارێ پارتى ئاماژه ب وێ چه‌ندێ ژى كر كو پارتى دێ سه‌ره‌دانا هه‌موو لایه‌نێن سیاسى یێن كوردستانى ل دۆر پرسا پێكئینانا حوكمه‌تێ كه‌ت.
ل دۆر كارێ په‌رله‌مانى وقانوونێ په‌رله‌مانى، مه‌حموود محه‌مه‌د گۆت” پێرابوونێن پێدڤى بۆ راستڤه‌كرنا قانوونا سه‌رۆكایه‌تیا هه‌رێمێ دێ ده‌ست پێكه‌ن”.
ئەڤرۆ نیوز:
بەرەڤانێ پورتوگالی و یانا بەرشەلۆنا نیلسون سیمیدو دیارکر نوکە ئەو د ھەڤرکیا سێ ناسناڤێن گرنگ دایە و دەم ھاتیە ئەو ھزرێ ل ھەڤرکیا ئەوان ھەرسێ ناسناڤان بکەن.
پشتی ل یاریا شەڤا بوری یانا بەرشەلۆنا شیای سەرکەفتنێ ل سەر یانا رایو ڤالیکانو توماربکەت ب سێ گولان بەرامبەر گولەکێ ژ چارچوڤێ یاریێن گەرا ٢٧ ژ خۆلا لالیگا و سەرێ لیستا خولێ پاراستی یاریزانی پورتوگالی و یانا بەرشەلۆنا نیلسون سیمیدو بوو دەزگەھێن رۆژنامەڤانی دیارکر ل سەر ئەوان پێدڤی یە ل ھەموو یاریێن بھێت بتنێ ھزر ل سەرکەفتنێ بکەن د خۆلا ئیسپانیا دا بوو پاراستنا سەرێ لیستا خولێ و برنا ناسناڤی ھەردیسان نوکە دەم ھاتیە ھزر ل پێنگاڤا دوێ بکەن ئەوژی یاریا بھێت ژ قارەمانیا چامپیونیز لیگ بەرامبەر لیون ژبەرکو نابینت ئەو یاری دێ یا ب سانەھی بیت بوو ئەوان کو پێدڤی یە رێزگرتنەکا مەزن بەرامبەر ھەڤرکا خوە بگرین چونکو ئەو یانە خودانا مێژویەکا مەزنە ل سەر ئاستێ فرەنسا .
ھەردیسان سیمیدو ئەو چەندە ژی ئاشکراکر نوکە یانا ئەوان ھەڤرکیێ ل سەر سێ ناسناڤێن گرنگ کەن ئەوژی خۆل و کاسا ئیسپانیا ل گەل چامپیونیز لیگ و ئارمانجا ئەوان یا سەرەکی برنا ھەرسێ ناسناڤایە و ئەوی باوەریەکا مەزن ھەیە دێ شێن ئەڤێ چەندێ کەن ژبەرکو ل وەرزێ ئەڤ سالە تیمەکا گەلەک باش ھەیە و ستێرێن یانێ نوکە د باشترین رەوشا خوە دا نە.
سەبارەت ئەوان ڤیتکێن نە رازیبوونێ ژلایێ جەماوەری ل یاریزانێ یانێ یێ بەرازیلی کوتینھوی وی یاریزانێ پورتوگالی دیارکر کوتینھو یاریزانەکێ خودان شیان و ئەو ل گەل وێ چەندێ نینە ئەوا ل گەل وی ھاتیەکرن ژلایێ چەند جەماوەری ڤە و ھەموو یاریزان نوکە د ھاریکارن ل گەل کوتینھوی کا جەوا یاریزان د ھاریکارن پێدڤی یە جەماوەر ژی یێ ھاریکاربیت ل گەل ئەوی ژبەرکو ئەو یاریزان نوکە پێدڤی ھاریکاریا ئەوانە د ژ وێ رەوشا نوکە قورتال بیت.
ئەڤرۆ نیوز:
بەرەڤانێ ھەلبژارتیێ عیراقێ و یانا ئەنلاتنا یا ئیتالی عەلی عەدنان پشتی ل ماوێ چەند حەفتیێن بوری ژ لایێ راھێنەرێ وێ یانێ ڤە ھاتیە دورخستن و دەرگەھێ ڤەگوھاستنا ل ئورۆپا ھاتیەگرتن یاریزانێ ناڤبری نەچار بوو ھزر ل بەردەوامی و کرنا یاریێ و بەر ب خولەکێ بچیت ھێشتا دەرگەھێ ڤەگوھاستنا ھەبیت ئەوژی پشتی چەندین داخوازی ژ یانێن چینی و ئەمریکی سویدی گەھشتی نە بەر دەستێ ئەوی یاریزانی ل دووماھیێ ئەو یاریزانێ عیراقی ل سەر داخوازیا یانا ڤانکوڤەر یا کەندی رازی بوو ئەوا دخۆلا ئەمریکا یا پیشەکار دا پشکدار .
عەلی عەدنان ھەڤبەستا ڤانکوڤەر ئیمزاکریە بوو ماوێ چار ھەیڤان ب شێوەیێ خواستن ژ یانا ئودونیزی یا ئیتالی و بریارە پشتی چار ھەیڤێن دی جارەکا دی ڤەگەریتە وێ یانا ئیتالی .
ئه‌ڤرۆ نيوز:
بڕیارە ئەڤرۆ رۆژا ئێک شەمبی دەستەیا سەرۆکایەتیا پەرلەمانی و سەرۆکێن فڕاکسیۆنێن پەرلەمانی بۆ ئێکلاکرنا پرسا لیژنەیێن پەرلەمانی کۆمببن و پەرلەمانتارەکژی دبێژیت، دو بنەما بۆ ھەلبژارتنا لیژنەیێن پەرلەمانی ھاتینە دانان و چو ئاریشە نابن.
ئایدن مەعرۆف، سەرۆکێ فڕاکسیۆنا بەرەیێ تورکومانی بۆ رۆژناڤا ئەڤرۆ گۆت” بڕیارە ئەڤڕۆ دەستەیا سەرۆکایەتیا پەرلەمانی دگەل سەرۆکێن فڕاکسیۆنێن ناڤا پەرلەمانێ کوردستانێ کۆمببیت و بابەتێ کۆمبوونێ ژی دێ ئێکلاکرنا ھەلبژارتنا لیژنەیێن نافخۆیا پەرلەمانی بیت، یا کو بڕیارە ھنر د ئەڤێ حەفتیێ دا کۆمبوونا پەرلەمانی بھێتە ئەنجامدان و تێدا ھەر چواردە لیژنەیێن پەرلەمانی بھێنە ھەلبژارتن، چونکە بەری نوکە لیژنا قانوونی ھاتیە ھەلبژارتن، دو بنەماژی ھاتینە دانان بۆ بەلافکرنا لیژنەیێن پەرلەمانی ئەوژی لسەر بنەمایێن کۆرسیان و رێکەفتنا لایەنێن سیاسی، کو ئەز باوەرم چو ئاستەنگ ناکەڤنە رێ دا.
ل دۆر ھەلبژارتنا سەرۆکا پەرلەمانی ئایدن مەعرۆف گۆت” راستە ئێکەتی دگەل پارتی گەھشتیە رێکەفتنێ، کو پۆستێ سەرۆکی پەرلەمانی بەھرا ئێکەتیێ یە، بەلێ ھێشتا چو ژڤان بۆ ھەلبژارتنا سەرۆکا نوویا پەرلەمانی نەھاتینە دیارکرن و دیارنینە دێ کەنگی ئێکەتی بەربژێرا خوە بدەتە پەرلەمانی ھەتا دەنگ لسەر بھێتەدان، لەوڕا ئەو پرس ھێشتا مایە ددەستێ ئێکەتیێ دا.
ئەڤرۆ نیوز:
لیژنا دوفچوونا بازاری دسەرەدانا خودا بو بازارێ دھوکێ ھژمارەکا جھا داخستن و سزادان.
دکتور ئاراس مستەفا ئەندامێ لیژنا دوفچوونێ راگەھاند لیژنا دوفچوونێ ژ قائیمقامیا دھوکێ دوفچوونا ھژمارەکا سەمونخانا ومارکێت وخوارنگەھا کر و ژ نێزیک لسەر بجھئینانا رێنمایان ئاگەھداربو وگوت ئەنجامێ ڤێ سەرەدانێ ئەڤ بریارە ھاتنە دان
نانپێژیا ئامەد ھاتە داخستن بو ماوێ سێ روژان
خوارنگەھا دەم ھات ب سێ سەد ھزار دیناران سزادان
سەمونخانا داسنیا ب دو سەد ھزار دیناران سزادان
کارگەھا شریناھیێن کانی ب دو سەد ھزار دیناران سزادان.
ئەڤ ھەمی سزادانە ژبەر نە پێگری ب رێنمایێن لیژنێ بوینە
خوارنگەھا سیپە ھوشداری بو ھاتە دان ل ماوێ سێ روژان رێنمایان بجھ بینیت.
ئه‌ڤرۆنیوز:
به‌رپرسه‌كێ وه‌زاره‌تا په‌روه‌ردێ ل هه‌رێما كوردستانێ ئاشكراكر كو ژلایێ گه‌نجینان ڤه هاتینه ئاگه‌هداركرن كو ل رۆژا سێشه‌مبیا داهاتى دێ مووچێ هه‌یڤا 12 یێ سالا 2018 یێ وه‌زاره‌تا په‌روه‌ردێ هێته به‌لاڤكرن ولیستا مووچه‌ى ژى بێ پاشكه‌فتكرن یا هاتیه به‌رهه‌ڤكرن.
وى ژێده‌رێ وه‌زاره‌تا په‌روه‌ردێ بۆ وشه دیاركر كو سێشه‌مبى 12/3/2019 دێ مووچێ وه‌زاره‌تا په‌روه‌ردێ هێته به‌لاڤكرن وبه‌رهه‌ڤیێن به‌لاڤكرنێ ژى یێن هاتینه ده‌ستپێكرن ولیستا مووچه‌ى بێ پاشكه‌فت هاتیه به‌رهه‌ڤكرن.
نيشاندان