ئەڤرۆ نیوز ، عەلی حاجی :
ژێر دروشمێ سەرھلدان ژیانە بەرخودان ژیانە، ئامادەیا سەرکردە ل زاخۆ رابوو ب ئەنجامدانا ماراسونەکێ بۆ قوتابیێن ھەمان قوتابخانە ل ژێر سەرپەرشتیا رێڤەبەرێ پەروەردا زاخۆ ، ل دوماھیێ ژی خەلات ل سەر سەرکەفتیان ھاتنە بەلاڤ کرن.
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سهرهكى Facebook
ئەمریکا هژمارا گرتیێن داعشێ ئاشکرا دکەت
ئەڤرۆ نیوز:
وەزارەتا بەرەڤانیێ یا ئەمریکا ئەڤرۆ راگەهاند کو نها ٥ هزار چەکدارێن داعشێ د زیندانێن هێزێن سووریا دیموکرات دانە و دڤێت وەلاتێن ئورۆپا چەکدارێن کو وەلاتیێن وانن وەربگرن دا بارێ هێزێن سووریا دیموکرات گران نەبیت.
وەزارەتا بەرەڤانیێ یا ئەمریکا ئاماژە ب هندێ ژی دکەت کو گرتیێن داعشێ دێ بنە مەترسی ل سەر ئارامیا جیهانێ و ژ بەر هندێ ژی دڤێت ئالیەتەکا راست بۆ چاوانیا دادگەهکرن و سزادانا وان بهێتە دانان.
تیرۆرستەکێ خوە ل منبجێ پەقاند
ئەڤرۆ نیوز:
ئەڤرۆ ل باژێرێ منبجێ تیرۆرستەکێ ب ترۆمبێلەکا بۆمبرێژکری خوە پەقاند و ل گۆر زانیاریان هەتا نها هژمارا دروست یا کوشتی و برینداران دیار نینن و هێزەکا مەزن یا ئێمناهیێ ل جهێ روودانێ نە و ڤەکۆلین ل دۆر روودانێ ژی یا بەردەوامە.
بەرپرسەکێ سەربازی یێ منبجێ ژی دیار کریە کو هێرش یا تیرۆرستیە و ئەو ب گومانن کو کارێ رێکخراوا تیرۆرستی یا داعشێ بیت.
هێزەکا نوو یا کوردی ل سووریێ هاتە ئاڤا کرن
ئەڤرۆ نیوز، هۆشەنگ تاجر:
بەرپرسەکێ کوردی ل رۆژئاڤایێ کوردستانێ کو نەخواست ناڤێ خوە ئاشکرا بکەت بۆ ئەڤرۆ نیوز دیار کر کو هێزەکا نوو یا کوردی ب پشتەڤانیا تورکیا هاتیە ئاڤاکرن و گۆت: (هێزا نوو ب ناڤێ هەڤپەیمانیا سەربخوە یا کوردی ل سووریێ هاتیە ئاڤاکرن، ڤێ هێزێ هەتا نها سێ کۆمبوون گێراینە و کۆمبوونا وان یا دووماهیێ ل باژێرێ مێرسینێ یێ تورکیا بوویە، بەری نها ژی ل باژێرێ عەفرینێ کۆمبوونەکا وان هاتیە گێران).
هەمان ژێدەری ئەو یەک ژی دیار کر کو ل گۆر پێزانینێن ل بەر دەستێ مە ئەڤ هێزە ب پشتەڤانیا تورکیا هاتیە ئاڤاکرن، چونکو د کۆمبوونا ل مێرسینێ دا ل هۆلا کۆمبوونێ ئالایێ تورکیا هاتیە بلندکرن، ئەو یەک ژی نیشا ددەت کو ئەڤ هێزە یان ژ ئالیێ تورکیا ڤە هاتیە ئاڤاکرن یان ژی تورکیا پشتەڤانیا وان دکەت و گۆت: (گەلەک کەسێن رەوشەنبیر، رۆژنامەڤان، پارێزەر و ماموستایێن ئایینی د ڤێ رێکخراوێ دا جه دگرن، لێ ژ بەر کو هەتا نها ب فەرمی نەهاتیە راگەهاندن من نەڤێت بەحسێ چو کەسەکێ بکەم).
سوبه‌هى دێ ده‌ست ب به‌لاڤكرنا مووچه‌ى هێته كرن
ئه‌ڤرۆ نيوز:
سه‌ره‌راى وێ چه‌ندێ كو ئه‌ڤرۆ ده‌واما فه‌رمى نينه، به‌لێ وه‌زاره‌تا دارايى و ستافێ وێ نها ل ده‌وامێ نه و د كۆمبوونێ دانه و كار ل سه‌ر به‌لاڤكرنا مووچه‌ى دكه‌ن.
ب گۆره‌ى ژێده‌ره‌كى ژ وه‌زاره‌تا دارايى و ئابوورى بۆ ئه‌ڤرۆ نيوز ئاشكه‌را كر كو ئه‌ڤرۆ وه‌زاره‌تا دارايى نها د كۆمبوونه‌كا نه‌ئاسايى دانه ب مه‌ره‌ما به‌رهه‌ڤكرنا مووچان ب ره‌نگه‌كى كو هه‌موو مووچان بشێن به‌رى نه‌ورۆزێ بده‌ن، سه‌ره‌راى وان هه‌موو بهێنڤه‌دانێن هه‌ين و ماوێ كێم.
ئاشكه‌را ژى كر كو بۆ وێ مه‌ره‌مێ ل گه‌ل گه‌نجينان ليستا مووچێن داموده‌زگه‌هان ئاماه بكه‌ن و ده‌ست ب به‌لاڤكرنا مووچێ بێ پاشكه‌فت بكه‌ن.
نه‌ڤه‌شارت ژى كو سوبه‌هى دێ ده‌ست ب به‌لاڤكرنا مووچێ ديوانا وه‌زاره‌تا پێشمه‌رگه‌ى يێ هه‌يڤا 12 يێ سالا 2018ێ بێ پاشكه‌فت وه‌رگرن، “دڤێت د ماوێ دو رۆژان هه‌موو وه‌زاره‌ت ليستێن مووچه‌ى بگه‌هيننه وه‌زاره‌تا دارايى بۆ وێ چه‌ندێ د ماوه‌كێ نێزيك دا مووچێن خوه وه‌رگرن”.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشه‌مبى رێکەفتی 10ى ئادارا 2019ێ ئەسمان دێ د ناڤبه‌را ئه‌ور و ئه‌ورێن ته‌مام دابيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان د ناڤبه‌را ئه‌ور و ئه‌ورێن ته‌مام دابيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 7 بۆ 18 پلان دا بن.
ڤێ حه‌فتيێ به‌لێنده‌ر دێ 100 مليار ديناران وه‌رگرن
ئه‌ڤرۆ نيوز:
ژێده‌ره‌كى ژ وه‌زاره‌تا دارايى و ئابوورى راگه‌هاند كو 100 مليار دينار يێ به‌رهه‌ڤه دا كو دڤێ حه‌فتيێ دا بده‌نه به‌لێنده‌ران و زێده‌تر بۆ وان به‌لێنده‌رايه يێن د كه‌رتێ په‌ترۆلێ دا كارى كرى.
ژێده‌ره‌كێ به‌رپرسێ ژ وه‌زاره‌تا دارايى و ئابوورى ل حوكمه‌تا هه‌رێما كوردستانێ ئاشكه‌را كر كو 100 مليار دينار يێ ئاماده‌يه بۆ دانا قه‌رێن به‌لێنده‌ران و د ڤێ حه‌فتيێ دا، دێ ده‌ست ب به‌لاڤكرنا وان هێته كرن.
ئه‌وى ژێده‌رێ نه‌خواستى ناڤێ وى بهێته ئاشكه‌را كرن ئاماژه ب وێ چه‌ندێ ژى كر كو رێنمايێن تايبه‌ت ژ لايێ وه‌زاره‌تا دارايى ڤه هاتينه دان و ئه‌و به‌لێنده‌ر دێ ب رێژا 20% پارێن خوه وه‌رگرن.
ئاماژه ب وێ چه‌ندێ ژى كريه كو پشكه‌ك ژ وى پاره‌ى بۆ به‌لێنده‌رايه ب گشتى و پشكه‌ك ژى بۆ وان به‌لێنده‌رايه يێن د ناڤا كه‌رتێ په‌ترۆلێ دا كار دكه‌ت.
د دو هه‌يڤێن بۆرى ژى دا وه‌زاره‌تا دارايى و ئابوورى 100 مليار دينار دابوونه به‌لێنده‌ران وه‌كو پشكه‌ك ژ قه‌رێن وان.
گازنده‌ك ژ تاقيگه‌هێن ڤين يێن نوشدارى
ئه‌ڤرۆ نيوز:
وه‌لاتيه‌ك گازندا خوه گه‌هانديه ئه‌ڤرۆ نيوز و تێدا دياركريه كو ئه‌ڤه پتر ژ 5 رۆژانه ئه‌و ب رێيا ئه‌لكترۆنى ته‌ماشه‌ى مالپه‌رێ نه‌خوشخانا ڤين دكه‌ت كو ئه‌نجامێن فحوساتێن خوه بزانين، به‌لێ مالپه‌رێ وان ژ كار كه‌فتى يه و لينكێ ئه‌نجامێن تاقيگه‌هان ڤه‌نابيت.
گه‌له‌ك نه‌خوشخانێن دهۆكێ، خزمه‌تا ئه‌لكترونى پێشكێشى نه‌خوشان كرينه كو پێدڤى ناكه‌ت وه‌لاتى جاره‌كادى قه‌ستا نه‌خوشخانێ بكه‌ت بۆ زانينا فحوساتێن خوه، به‌لكو ب ئه‌لكترونى ب رێيا ناڤ و كوده‌كێ دشێن ئه‌نجامێن فحوساتێن خوه وه‌ربگريت.
پتری 15 کەسان ژ بەر فروکێن تورکیا مانه ئاسێ و نه‌شێن ڤه‌گه‌رن
ئەڤرۆنیوز، نەوزاد ھلۆری:
ب مەرەما کومکرنا گژ و گیای و سەخبێرکرنا رەزێن خوە، زێدەتری سێ روژایە پتری 15 کەسان چوینە دەڤەرا زێبارێ یا سەر ب ناحیا دینارتە، بەلێ ژبەر فروکێن تورکیا نەشێن بزڤرن مالێن خوە.
مێھڤان زێباری، وەلاتیەکێ گوندێ بامشمش یا سەر ناحیا دینارتێ یت بۆ ئەڤرۆنیوز گۆت: (ب مەرەما کومکرنا گژ و گیا و سەخبێرکرنا رەزێن سماقێ، بابێ من و ھژمارەکا خەلکێ گوندێن زێبارێ، چوینە سەر گوندێن خوە، ئەڤە سێ روژەچوینە وھێشتا نەزڤرینە مال).
زێدەتر گۆت: (روژا ئێکێ و دوویێ ب رێیا تێلەفون مە پەیوەندی ل گەل ئێک ھەبوو، بەلێ ئەڤرۆ مە ب رێیا تێلەفونێ ژی ئاگەھی ل ھەڤدوو نەمایە، ئەڤرۆ ژی فروکێن تورکیا ئەو گوند ودەڤەر بوردومانکرینە، بوردومانکرنا وان جێن وان مەترسیەکا ئێکسەر بو سەر گیانێ وان دروستکریە، دخوازین ژ جھێن شولەژێ ب جدی کار بکەن بو نەھێلانا بوردومانێ، چونکی خەلک ھەژارە و ژیانا وان لسەر ژ و گیا و رەز و بیستان و سماقێ یە).
عادل عه‌بدولمه‌هدى ئه‌ڤرۆ بۆ جڤاتا نوونه‌ران دێ هێته گازيكرن
ئەڤرۆ نیۆز، قائید میرۆ
بڕیارە د وەرزێ دویێ یێ جڤاتا نوونەرێن عێراقێ دا کار لسەر بەرھنگاریا گەندەلیێ بھێتەکرن و پەرلەمانتارەکا کوردژی دبێژیت، عێراق ئێکە ل وەلاتێن گەندەلن و پێدڤیە لێپرسین دگەل گەندەلکاران بھێتەکرن.
ھەدار بارزانی، پەرلەمانتارا پارتی لپەرلەمانێ عێراقێ بۆ ئەڤرۆ نیۆز دیارکر” بڕیارە ئەڤرۆ رۆژا شەمبی دوماھیێ ب بھێنڤەدانا پەرلەمانێ عێراقێ بھێت و ئێکەم کۆمبوونا وەرزێ دویێ دێ ھێتە دەستپێکرن، گورەی کارناما کۆمبوونا پەرلەمانی عادل عەبدولمەھدی سەرۆک وەزیرێن عێراقێ و سەرۆکێ دەستەیا دەستپاکی و سەرۆکێ دیوانا چاڤدێریا دارایی دێ ھێنە گازیکرن بۆ کۆمبوونا ئەڤرۆ.
ھەدار بارزانی گۆتژی” عێراق ئێکە ژوان وەلاتێن زۆرترین گەندەلی تێدا ھەی، چونکە ھژمارەکا زۆرا بادەکێن گەندەلیێ گەھشتینە پەرلەمانی ژی، لەوڕا سامانێ عێراقێ ب ھەروە دھێتەدان، ئەڤەژی بۆیە ئەگەر عێراق ل رێزا پێشیێ یا وەلاتێن گەندەلبیت، بەلێ جڤاتا نوونەران بڕیاردایە ھەموو بزاڤەکێ بکەت بۆ لێپرسینێ ل گەندەلکاران و گورەی قانوونێ دێ ھێنە سزادان.
نيشاندان
WP Facebook Auto Publish Powered By : XYZScripts.com