ئەڤرۆ نیوز:
رۆژناما مارکا ئیسپانی دیارکریە ب فەرمی ھەردو یانێن بەرشەلۆنا و ئەتلەتیکو مەدرید دەست ب لڤیناکریە بوو دەستڤە ئینانا کابتنێ نیڤدەولی یێ ھولەندی و یانا ئەیاکس دی لینگ بوو ئیمزاکرنا ھەڤبەستا ئەوی ل ڤەگوھاستنێن ھاڤینا بھێت ژبەر وی ئاستێ بلند یێ ل وەرزێ ئەڤ سالە پێشکێشکری و تایبەت ل یاریا دوێ ژ قارەمانیا ئورۆپا بەرامبەر ریال .

ئەڤرۆ نیوز:
پشتی یانا پورتو یا پورتوگالی شڤێدی شیای سەرکەفتنێ ل سەر یانا روما یا ئیتالی توماربکەت ب سێ گولان بەرامبەر گولەکێ و دەربازی قوناغا ھەشتێ بووی ژ قارەمانیا چامپیونیز لیگ و ب وێ سەرکەفتنێ گولچیێ بەرنیاس یێ ئیسپانی و یانا پورتو یا پورتوگالی کاسیاس شیا نمرەکا نوو د قارەمانیا چامپیونیز لیگ دا توماربکەت.
مالپەرێ پوپتا یێ تایبەت ب ئامارەیێن یاریزانان ڤە ئاشکراکریە ب وێ سەرکەفتنێ کاسیاس بوو یاریزانێ ئێکێ بوو پتریا سەرکەفتنا د قارەمانیا چامپیونیز لیگ دا ھژمارا سەرکەفتنێن خوە گەھاندنە ١٠١ سەرکەفتنا و پێشکەڤت ل سەر ھەڤالێ خوە یێ بەری نوکە ل یانا ریال مەدرید و یاریزانێ نوکە یێ یوڤانتوس کریستیانو رونالدو ئەوێ ١٠٠ سەرکەفتن ھەی د وێ قارەمانیێ دا .
ھەژی گوتنێ یە پورتو شیا ل سەر کیستێ روما دەربازی قوناغا ھەشتێ بیت پشتی ل یاریا ئێکێ خوسارەت بووی ل یاریگەھا روما ب دو گولان بەرامبەر گولەکێ و ل یاریا دوێ ل یاریگەھا خوە ب سەرکەفتی ب سێ گولان بەرامبەر گولەکێ و د سەرجەمێ ھەردو یاریان دا ب چار گولان بەرامبەر سێ گولان گەھشتی یە قوناغا ھەشتێ

ئەڤرۆ نیوز:
راھێنەرێ یانا بەرشەلۆنا د گونگرێ رۆژنامەڤانی یێ پشتی یاریا دووماھیا کاسا سوپەرا کەتەلونیا ئەوا ل شەڤا بوری یانا بەرشەلۆنا توشی خوسارەتیێ بووی ل گەل یانا جیرونا ب گولەکێ بێ بەرامبەر بەحس ل خالێن گرنگ دا تایبەت یاریا بھێت یا قارەمانیا چامپیونیز ليگ.

ڤالڤێردی راھێنەرێ یانا بەرشەلۆنا دووماهیی داخویانیا خوه‌ دیارکریه‌ پێدڤی یە ل سەر ئەوان ل ھەموو یاریێن بھێت ب هشیاری و رێزگرتنه‌کا مه‌زن داینه‌ یانێن به‌رامبه‌ر مه‌ یاریێ بکه‌ن تایبەت یاریا بەرامبەر لیون ژ قوناغا ١٦ یا چامپیونیز لیگ ژبەرکو ئەوا ب سەرێ ریال مەدرید ھاتی دبیت ئەو سیناریو ب سەرێ ئەوان ژی بھێت ژبەرکو ھێشتا ئەوان پلێتا دەربازبوونێ مسوگەر نەکریە و دەلیڤەیا ھەڤرکا ئەوان ژی گەلەک ھەیە لەورا ل سەر ئەوان پێدڤی یە گرنگیەکا مەزن بدەنە وێ یاریێ و داخوازی ژ ھەموو یاریزانان کر رێزگرتنەکا مەزن ل ھەڤرکا خوە بگرن راستە ئەو دێ بەرامبەر لیون ل یاریگەھا خوە کەن لێ ل یاریا بەرامبەر جیرونا ئەوان ناسناڤ ژ دەستدا و ئاستێ ئەوان نە یێ باش بوو .

سەبارەت برنا ناسناڤێ لالیگا ناڤبری دیارکر ئەوی بەری نوکە ژی دیارکریە ھێشتا بوو برنا خولێ مایە وەکو وی بەری نوکە ژی دیارکری ھەڤرکی ھێشتا دناڤبەرا ئەوان و ئەتلەتیکو مەدرید و ریال مەدرید مایە .
ھەژی گوتنێ یە ل یاریا شەڤا بوری یا دووماھیا کاسا سوپەرا کەتەلونیا راھێنەرێ بەرشەلۆنا پشت بەستن ل سەر کومەکا یاریزانێن یەدەگ کربوو کو بێنڤەدان دابوو ١٣ یاریزانێن خوە .

ئەڤرۆ نیوز:
راپورتێن رۆژنامەڤانی یێن نێزیکی یانا ریال مەدرید وەسا داینە دیارکرن کارگێریا یانا ریال مەدرید یا ئیسپانی ھزر ل ڤەگەراندنا راھێنەرێ خوە یێ بەری نوکە زێدان کریە بوو وەرگرتنا پوستێ راھێنەریا یانێ ل دەستپێکا وەرزێ بھێت.
رۆژناما موندو دیپورتیپو یا ئیسپانی دیارکریە کارگێریا یانا ریال مەدرید پەیوەندی ب راھێنەرێ خوە یێ بەری نوکە زێدان کریە بوو ڤەگەراندنا وی بوو پوستێ راھێنەرەتیا یانێ ل وەرزێ ئەڤ سالە و وەرزێ بھێت کو سەرپەرشتیا یانێ بکەت .
ھەردیسان ئەوێ رۆژنامێ ئاشکراکریە ژی زێدان داخوازی ژ بەرپرسێن یانا ریال مەدرید کریە دەرفەتێ بدەنە ئەوی ھەتا دووماھیا ڤی وەرزی ژبەرکو ئەو دخوازیت پروژەکی و نەخشەیەکێ باش پێشکێشی یانێ بکەت بەری وەرگرتنا پوستێ راھێنەرەتیا یانێ .
ژلایەکێ دیڤە چەند رۆژنامەیێن نێزیکی ریال ئاشکراکرینە دبیت ب رێژەیەکا ھەرە مەزن زێدان جارەکا دی ڤەگەریتە ریال مەدرید ڤە و زێدان ناخوازیت ل ڤی دەمی و رەوشا نوکە پوستێ یانێ وەربگریت ئەو دخوازیت ل ھاڤینا بھێت ئەرکێ راھێنەرەتیا یانێ وەربگریت و ل گەل چوونا خوە ھەڤبەستێ ل گەل ھژمارەکا یاریزانێن نوو ئیمزا بکەت و دەستا ژ چەند ستێرێن نوکە بەردەت .

ئامادەکرن،ھەژار مەعروف:
یانا مانچێستەر یوناید ب سەرکێشیا راھێنەرێ خوە یێ گەنچ سولشایر یا بەردەوامە ل سەر ئەنجامێن خوە یێن باش ل وەرزێ ئەڤ سالە و پشتی ل شەڤا بوری شیا سەرکەفتنەکا گرنگ و مێژوی ل سەر پاریس سانجێرمان توماربکەت ب سێ گولان بەرامبەر گولەکێ و و پلێتا دەربازبوونێ بۆ قوناغا ھەشتێ ژ چامپیونیز لیگ ب دەستخوڤە بینت پشتی ل یاریا ئێکێ خوسارەت بووی و ل یاریا دوێ ب ھێز ڤەگەریای و سێ گولان بەرامبەر گولەکێ ب سەرکەفتی .
سولشایر ٩ یاریێن دەرڤەی یاریگەھا خوە ١٠٠% یێ سەرکەفتی یە
سەرکەفتنا شەڤا بوری ل سەر پاریس سانجێرمان د بیتە سەرکەفتنا ٩ ل دیڤ ئێک یا ڤی راھێنەری ل گەل یانا مانچێستەر یوناید ھەر ژ ھاتنا وی و ھەتا نوکە مان یوناید ٩ یاری ژ دەرڤەی یاریگەھا خوە ئەنجامداینە و ل ھەر ٩ یاریێن خوە شیا سەرکەفتنێ توماربکەت کو ٦ ژ ئەوان دخۆلا ئنگلتەرا دا بوون و دو ژ کاسا ئنگلتەرا و ئێک ژ قارەمانیا چامپیونیز لیگا ئورۆپا و د ئەوان ٩ یاریان دا یاریزانێن مان یوناید ٢٣ گول تومارکرینە و ٤ گول سەر ھاتینە تومارکرن .
٤ یانێن مەزن خوسارەتکرن ژ دەرڤەی یاریگەھا خوە
د ئەوان ٩ یاریێن ژ دەرڤەی یاریگەھا خوە بەرامبەر ٤ یانێن ب ھێز ژ دەرڤەی یاریگەھا خوە یاری کریە کو ژ ئەوان ل قوناغا ل سەر کیستێ چێلسی و ئەرسینال دەربازی قوناغا ھەشتێ بوویە ژ کاسا ئێکەتیا ئنگلتەرا پشتی ب سەرکەفتی ل سەر چێلسی ب دو گولان بێ بەرامبەر و ل سەر ئەرسینال ب سێ گولان بەرامبەر گولەکێ و دخۆلا ئنگلتەرا دا ژی ب سەرکەفت ل سەر لیستەر سیتی ب گولەکێ بێ بەرامبەر و ل قوناغا ١٦ ژ قارەمانیا چامپیونیز لیگ ب سەرکەفت ل سەر پاریس سان جێرمان ب سێ گولان بەرامبەر گولەکێ.

ئامارا سولشایر ل گەل مانچێستەر یوناید ھەر ژ ھاتنا وی ھەتا نوکە
١٨ یاری
١٥ سەرکەفتن
٢ وەکھەڤی
١ خوسارەتی

١٣ یاری ل خۆلا ئنگلتەرا ١١ سەرکەفتن و ٢ وەکھەڤی
٣ یاری د کاسا ئنگلتەرا و سێ سەرکەفتن
٢ یاری ل چامپیونیز لیگ سەرکەفتنەک و خوسارەتیەک
ژ سەرجەمێ ١٨ یاریا ٩ یاری ژ دەرڤەی یاریگەھا خوە ئەنجامداینە ل ھەر ٩ یاریان سەرکەفتن تومارکریە
ل یاریگەھا خوە بتنێ وەکھەڤبوویە و خوسارەت بوویە
ئەو یاریێن نەشیا سەرکەفتنێ توماربکەت بتنێ ل یاریگەھا خوە بوو ئەوژی د خۆلا ئنگلتەرا دا د سەرجەمێ ٨ یاریێن ل یاریگەھا خوە دو یاریان وەکھەڤبوویە و ئێک خوسارەت بوویە و پێنچ سەرکەفتن تومارکرینە