ئهڤرۆنیوز:
لژنا ئابووری ل جڤاتا وهزیرێن عیراقێ ب سهرۆكاتیا فوئاد حسێن وهزیرێ دارایی یێ عیراقێ بریارا ههلوهشاندنا خالێن گۆمركی دناڤبهرا ههرێما كوردستانێ وبهغدا دهركر، ههڤدهم باج ورسومات ل ههموو دهرگههێن سنوری یێن عیراقێ ب ههرێما كوردستانێ دێ هێنه یهكخستن.
ل دووڤ رۆهنكرنهكا نڤیسینگهها جێگرێ سهرۆك وهزیران بۆ كاروبارێن ئابووری ووهزیرێ دارایی یێ عیراقێ، فوئاد حسێنی سهرۆكاتیا كۆمبوونا لژنا كاروبارێن ئابووری ل جڤاتا وهزیرێن عیراقێ ب بهرههڤبوونا وهزیرێن( پلاندانانێ، بازرگانی، پیشهسازی وچاندنێ) وپارێزگهرێ بهنكا ناڤهندی یا عیراقی ونوونهرێ وهزیرێ پهترۆلێ ووهزیرێ پلاندانانێ ل ههرێما كوردستانێ وهژمارهكا شیرهتكار ورێڤهبهرێن گشتی یێن پهیوهندیدار كر.
دوێ رۆهنكرنێ دا هاتیه كو لژنا ناڤبری بریار دا باج ورسوماتێن گۆمركی ل ههموو دهرگههێن سنوری یێن عیراقێ وههرێما كوردستانێ بهێته یهكخستن كو ڤێ بریارێ گرنگیا خوه یا ئابووری یا ههی وچالاكیێن بازرگانی دێ رێك ئێخیت.
ههروهسا لژنا ناڤبری خالێن چاڤدێریێ ووردبینیێ یێن گۆمركی یێن نوكه ل (فهیدیێ، شێراوه ل باكوورێ كهركووكێ، لهیلان ل رۆژئاڤایێ كهركووكێ) ههلوهشاندن كو ئهڤ چهنده ژی دێ بازرگانیا ناڤخوهیی چالاك كهت.
ئهڤرۆنیوز:
رێڤهبهرێ گشتی یێ راگههاندن وچاپ وبهلاڤكرنێ ب وهكالهت ل ههرێما كوردستانێ راگههاند، پێدڤی بوو ل سالا 2018 بهخشێ كهنالێن تهلهڤزیۆنی ئهوێن مۆلهتێن خوه نوو نهكرین ورسۆماتێن خوه نهداین هاتبا راوهستاندن، بهلێ ب رازیبوونا جڤاتا وهزیرێن ههرێما كوردستانێ ووهزارهتا ناڤخوه دهمهك ب وان دابوو بۆ نووكرنا مۆلهتێن خوه ودانا قهر ورسۆماتێن ل سهر، بهلێ هندهك كهنالان پێگیری ب وێ چهندێ نهكریه.
محهمهد گهردی، رێڤهبهرێ گشتی یێ راگههاندن وچاپ وبهلاڤكرنێ ب وهكالهت ل ههرێما كوردستانێ بۆ ئهڤرۆنیوز گۆت” ههر كهنالهكێ تهلهڤزیۆنی ل ههرێما كوردستانێ ههكه ههتا 31/1/2019 مۆلهتا خوه نوو نهكهت وقهرێن ل سهر نهدهت، ل دووڤ قانوون ورێنمایان وئهو سۆزناما ب وان هاتیه ئیمزاكرن، بهخشێ وان دێ هێته راگرتن”.
گۆت ژی” ههتا نوكه 32 كهنالێن تهلهڤزیۆنی یێن ئهسمانی ولوكالی مۆلهتێن خوه نوو نهكرینه وئهو ژڤان ب وان هاتیه دان دووماهی دهرفهته بۆ وان”.
دیاركر ژی” ئهو كهنالێن مۆلهتا بهروهخت پێ هاتیه دان، ههكهو ددهمێ دو ههیڤان دا رسوماتان نهدهن ومۆلهتێ وهرنهگرن، دێ بهخشێ وان هێته راگرتن”.
ئەڤرۆ نیوز، عەلی حاجی:
سەرەرای وێ چەندێ کو رێژەیا خەلکێ ناحیا باتیفا زێدەتر ژ ٢٠ ھزار کەسایە لێ بۆ ماوێ ھەیڤ و نیڤایە ئامیرێ سونەرێ بنگەھێ ساخلەمیا باتیفا ژ کارکەفتیە و ھەتا نوکە نەھاتیە چارە سەرکرن .
ل دۆر ڤی بابەتی تاھر یوسف کارگێرێ بنگەھێ ساخلەمیێ باتیفا بۆ ئەڤرۆ نیوز گۆت: زێدەتر ژ ھەیڤەکێ یە ئامیرێ سونەری ل بنگەھێ مە ژ کارکەفتیە و مە بۆ رێڤەبەریا گشتی یا ساخلەمیا پارێزگەھا دھوکێ ھنارتیە بۆ چارەسەرکرنا وی ئامیری و بەری نوکە ئامیرەکێ دی یێ سونەری یێ بکارھاتی بۆ خزمەتا نەخوشا ئینابوو لێ ئەو ئامیرە ژی ژ کارکەفتیە.
ل دووماھیێ نافھاتی گۆت: نوکە بەردەوام پەیوەندیێ دامە دگەل رێڤەبەریا ساخلەمیا زاخۆ و وان ژی سوز دایە ھەتا ئێک شەمبا داھاتی ئامیرەیەکێ دی بۆ بنگەھێ مە یێ ساخلەمیا باتیفا فرێکەن.
ئەڤرۆ نیوز:
راپورتێن رۆژنامەڤانی یێن ئەڤرۆ رۆژا چارشەمبی ئاشکرا کر ھێرشبەرێ ئیتالی ماریو بالوتێلی نزیک بوویە یانا خوە لیل یا فرەنسی بجە بھێلیت و بەر ب یانەکا دی یا فرەنسی بچیت.
رۆژناما توتو سپورت زێدتر ئاماژە دایە ڤی بابەتی کو یاریزانێ ئیتالی ماریو بالوتێلی نزیکی یانا مارسیلیا بوویە کو د ڤەگوھاستنێن زڤستانێ دا یانێ بجە بھێلیت.
ئەڤرۆ نیوز:
چاڤدێرەکێ سیاسی یێ رۆژئاڤایێ کوردستانێ بۆ ئەڤرۆ نیوز دیار دکەت کو فەرماندارەکێ هێزێن سووریا دیموکرات دیار کریە ئەو پشتەڤانیێ ل بەرنامێ ترامپی بۆ دروستکرنا هەرێمەکا ئارام ل سەر سنورێ سووریا و تورکیا دکەن، لێ دڤێت ئەو هەرێم ل ژێر چاڤدێریەکا نێڤدەولەتی بیت و هەروەسا هێزێن سووریا دیموکرات بەرهەڤن د ڤێ دەربارێ دا ل گەل تورکیا ژی هەڤدیتنان بکەن.
حەسەن قامشلۆ دیار کر کو ئەمریکا بزاڤێ دکەت کو تورکیا و ئیدارا باکورێ سووریێ ل دۆر دروستکرنا هەرێما ئارام ل سووریێ هەڤدیتنان بکەن و بگەهنە رێککەفتنەکێ، لێ هەتا نها د ڤێ دەربارێ دا ب کریاری چو نەهاتیە کرن.
ئەڤرۆ نیوز:
مەسرور بارزانی راوێژکارێ ئەنجوومەنێ ئاسایشا ھەرێما کوردستانێ ئەڤرۆ رۆژا چارشەمبی ١٦-١-٢٠١٩ دگەل جنێرال پاتریک روبەرسۆن فەرماندەیێ گشتی یێ ئوپەراسیونێن تایبەت یێن عیراق و سووریێ کومبوو، مەسرور بارزانی راگەھاند پێدڤیە رێککەفتنەکا نوو دناڤبەرا ھێز و لایەنێن سیاسیێن رۆژئاڤا بھێتە کرن پێخەمەت جێگیرکرنا مافێن گەلێ خوە د ھەر گوھۆرینەکێ دا.
د ڤێ دیدارێ دا دووماھی پێشھات و قوناغێن شەرێ دژی تیرورستان ھاتە بەحس کرن دیسان چەندین بوچوون دەربارەی پێشھاتێن تایبەت ب رەوشا رۆژھەلاتا فرات ھاتنە ئالوگورکرن، مەسرور بارزانی ئاماژە ب وێ چەندێ ژی دا پێدڤیە ھێز و لایەنێن سیاسی یێن رۆژئاڤا رێککەفتنەکا نوو بکەن پێخەمەت پاراستنا مافێن گەلێ خوە د ھەر گوھۆرینەکێ دا جێگیر بکەن.
ھەر د ڤێ دیدارێ دا بەحس ل بزاڤێن تیرورستینَ داعش ل ھندەک دەڤەرێن عیراقێ و رولێ ھەماھەنگیا ناڤبەرا ھێزێن ئەمریکا و عیراقێ و ھەرێما کوردستانێ ھاتە کرن بۆ رێگریکرن ل دوبارە سەرھلدانا وان تایبەت ل دەڤەرێن نوو ھاتینە رزگارکرن.
زاخۆ ، عەلی حاجی :
یاریزانێن تیما یانا زاخۆ ئەوا پشکدار د خولا نایابا کوردستانێ یا تەپاپێ دا ئەڤرۆکە بایکوتا راھێنانا کر پشتی چەندین سوز ب یاریزانان ھایتە دان کو مووچێ وان یێ ھەیڤا ١٢ یێ سالا ٢٠١٨ ھەتا نوکە ب وان نەھاتیە دان.
ل دۆر ڤێ چەندێ یاریزانەکێ یانا زاخۆ نەڤیا ناڤێ خوە ئاشکەرا بکەت بۆ ئەڤرۆ نیوز گۆت: بایکوتا مە ژ بەر وێ چەندێ ھات ئەڤە ماوێ دو حەفتیایە کارگێریا یانا زاخۆ سوز دابوو مە کو دێ مووچێ مەیێ ھەیڤا ١٢ یێ سالا ٢٠١٨ بۆ تیمێ دابین کەت و دەنە لێ ئەڤە ١٦ روژ دەرباز بوون و ھەتا نوکە چو نەھاتیە کرن ژ کارگێریا یانێ ڤە ب بھانەیا نە مەزاختنا پارێن وان.
ڤی یاریزانی گۆت: رەوش گەلەکا خرابە و پێدڤی یە کارگێری ھەر زوو ڤێ چەندێ چارەسەر بکەت چونکی یانا زاخۆ د مەترسیا داکەفتنێ دایە و ئاستێ تیمێ یێ باشتر دبیت و ئەگەر ب ڤی رەنگی بیت دێ تیم بەرەڤ کاودانەکێ خراب و نەباش ڤە چیت .
ئەڤرۆ نیوز، لەزگین جوقی
رێڤەبەرێ نەخۆشخانا تەنگاڤیان ل قەزا زاخۆ دیارکرکو نوشدارێن ئەمریکی ل زاخۆ دەست ب ئەنجامدانا نشتەرگەریان بۆ ئاواران کریە ھەکە دەلیڤە ھەبیت دێ بۆ خەلکێ زاخۆ ژی نشتەگەری ژلایێ شاندی نوشدارین ئەمریکی ڤە ھێنە ئەنجامدان.
د. ئەرکان ئەحمەد والی، رێڤەبەرێ نەخۆشخانا تەنگاڤیان ل قەزا زاخۆ دپریس کونفرانسەکی دا دیارکرکو نشتەرگەریێن ب زەحمەت دھێنە کرن ژلایێ شاندی ڤە بتایبەتی ژی نشتەگەریێن ھەستی و شکەستنی بۆ دەست و شاندەکێ نوشدارێن ئەمریکێ یێ پێکھاتێ ژ ٢٠ نوشدار و ھاریکاریێن نوشداری و نۆشدارێن بێ ھوشکرنێ قەستا قەزا زاخۆ کرینە بۆ ئەنجامدانا چەندین نشتەرگەریان نوکە دەست پێ ھاتیە کرن”.
ئەڤرۆ نیوز:
بەری دەمەکێ وەزیرێ دەرڤە یێ روسیا سیرگێی لاڤرۆڤ راگەهاند کو هەرێما ئارام یا کو بریارە بهێتە ئاڤاکرن د بن کۆنترۆلا تورکیا دا نابیت، چونکو ئەو هەرێم ئاخا سووریێ یە و دڤێت د بن کۆنترۆلا حوکمەتا سووریێ دا بیت و نابیت تورکیا قانوونێن نێڤدەولەتی بنپێ بکەت.
ئەو یەک د دەمەکێ دایە کو دوهی پەیڤدارێ سەرۆک کۆماریا تورکیا دیار کربوو کو دێ هەرێما ئارام د بن کۆنترۆلا تورکیا دا بیت و کوردێن رۆژئاڤایێ کوردستانێ ژی ئەو یەک رەت کرن و دیار کرن کو تورکیا دخوازیت ب ڤی رەنگی رۆژئاڤایێ کوردستانێ داگیر بکەت.
نيشاندان