ئەڤرۆ نیوز:
ھەر ژ دورخستنا وی ژ پوستێ راھێنەریا یانا مانچێستەر یوناید ل ماوێ بوری و ھەتا نوکە دەنگوباس ل چەندین رۆژنامەیێن ئورۆپی ھاتینە بەلاڤەکرن دبیت جارەکا دی جوزێ مورینھو یێ پورتوگالی پوستێ راھێنەریا یانا ریال بوو وەرزێ بھێت وەربگریت.
دووماھیی داخویانیا خوە موریھو ل گەل رۆژناما دیپورتیس کواترو دیارکر ئەوی بیرھاتنێن خوش ل گەل یانا ریال مەدرید ھەنە و کرێ وی ل گەل یانا ریال مەدرید یێ چیاواز بوو ژ کارێ ھەر یانەکا دی ل گەل کارکری و دبینت یێ سەرکەفتی بوو ل گەل وێ یانێ .
سەبارەت ڤەگەراندنا وی بوو یانا ریال مورینھوی دیارکر دەمێ ڤەگەریا یانا چێلسی ئەوی چ ئاریشە نەبوون و نابینت ئاریشەیە ھەکە جارەکا دی ڤەگەریتە ریال مەدرید یان ئەنتر یان ھەر یانەکا ئەوی بەری نوکە کار لێکری ژبەرکو ئەو دبینت ئەو یێ سەرکەفتی بوو ل ھەموو ئەو یانێن ئەوی بەری نوکە کار لێکری بەری نوکە.

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٤٥ شەڤ ھەردو یانێن پاریس سانجێرمان و مانچێستەر یوناید یاریا خوە یا دوێ ژ قوناغا ١٦ ژ قارەمانیا چامپیونیز لیگ ئەنجامدان ل یاریگەھا پاریس ل پایتەختێ فرەنسا کو د یاریا ئێکێ دا یانا فرەنسی شیابوو ل ناڤ ئەرد و جەماوەرێ مان یوناید ب سەرکەفیت ب دو گولان بەرامبەر گولەکێ و دڤێ یاریێ دا راھێنەرێ یانا مانچێستەر ئالایێ ھەڤرکیێ بەرامبەر ستێرێن پاریس بلندکریە .
سولسکایر راھێنەرێ یانا مانچێستەر یوناید بەری ڤی یاریێ دیارکر ئەو باش دزانن ئەو دێ یاریێ بەرامبەر یانەکێ کەن یا پرە ژ ستێرێن جیھانی و ئورۆپی تایبەت ل ناڤ ئەرد و جەماوەرێ ئەوان لێ ژبیر نەکەین مانچێستەر یوناید ژی ئێک ژ باشترین یانێن جیھانێ یە و ھێشتا ئەوان دەلیڤەیا دەربازبوونێ مایە و نابینت بوو یانەکا وەکو مانچێستەر یا ب زەحمەت بیت ژ دەرڤەی یاریگەھا خوە ل سەر کیستێ ھەڤرکەکا خوە دەربازی بیت .
ھەردیسان ناڤبری دیارکر ژی نوکە یانا ئەوان د رەوشەکا باش دا بوریت و ل وەرزێ ئەڤ سالە زوربەیا سەرکەفتنێن ئەوان ژ دەرڤەی یاریگەھا ئەوان بوو لەورا ئەو نابینت یا ب زەحمەت بیت ئەو ژ دەرڤەی یاریگەھا خوە یاری بکەن بوو سەرکەفتنێ چونکو یاریزانێن وی ڤێری وێ چەندێ بووینە بوو دەستڤە ئینانا سەرکەفتنا ژ دەرڤەی یاریگەھا خوە.
ھەردیسان ناڤبری ئاماژە ب وێ چەندێ ژی کر ئەوی بیرھاتنێن خوش ل گەل ڤێ یانێ د قارەمانیا چامپیونیز لیگ دا ھەیە تایبەت ل قارەمانیا ١٩٩٩ و ئەو دێ ھەموو شیانێن خوە تەرخان کەت جارەکا دی بشێت وەکو قارەمانیا ١٩٩٩ دلێ جەماوەرێ یانێ خوش بکەت ب دەستڤە ئینانا پلێتا دەربازبوونێ ل سەر کیستێ پاریس سانجێرمان.

ئەڤرۆ نیوز:
ستێرا ئەلمانی و یاریزانێ ھێلا ناڤینا یانا ریال مەدرید تونی کروس دانپێدان ب خوسارەتیا یانا خوە یا شەڤا بوری بەرامبەر ئەیاکس ئەمستردام کر ب چار گولان بەرامبەر گولەکێ و دیارکر ئەو ژ ھەژی خوسارەتیێ بوون.
زێدەتر کروس بوو رۆژناما مارکا دیارکر ئەو گەلەک دلگرانن ب خوسارەتیا بەرامبەر ئەیاکس و ب شەڤەکا نەخوش دبینت لێ پێدڤی یە ئەو ژ راستی یە نە رەڤن و ل یاریا دوێ دا ئەیاکس ژ ئەوان باشتر یاری کر و ھەژی سەرکەفتنێ بوون .
ھەردیسان دیارکر دو خوسارەتیێن یاریا کلاسیکو ل ناڤا یاریگەھا ئەوان ھەتا رادەیەکی کارتێکرن ل سەر ئەوان کربوو ھەر چەندە ئەوان ل ھەردو یاریێن کلاسیکو ئاستێ بلند پێشکێشکر لێ ل یاریا بەرامبەر ئەیاکس بەروڤاژی بوو تیما ئەیاکس یا ژ ھەژی بوو دەربازی قوناغا ھەشتێ بیت.
ل دووماھیێ ناڤبری دیارکر ژی ب نورمالی دبینت وەرزەکێ لاواز تە ھەبیت ژبەرکو چ یانە نین ھەموو سال ئاستێ ئەوان ل ئێک ئاست بیت و ژبیر نەکەن ئەوان ل سێ وەرزێن بوری باشترین ئاست پێشکێشکر تایبەت د قارەمانیا یانێن ئورۆپا دا.

ئەڤرۆ نیوز:
ستێرا یانا بەرشەلۆنا و یاریزانێ بەرێ یێ یانا ئەیاکس ئەمستردام لویس سوارێز کەیفخوشحالیا خوە دیارکر ب سەرکەفتنا یانا خوە یا بەرێ ئەیاکس ل سەر یانا ریال مەدرید ژ قارەمانیا چامپیونیز لیگ پشتی ل شەڤا بوری ئەو یانە شیای ھەلگرا ھەرسێ وەرزێن بوری یانا ریال مەدرید ژ قارەمانیێ دەربخیت پشتی ب سەرکەفتی ل ناڤ ئەرد و جەماوەرێ وێ ب چار گولان بەرامبەر گولەکێ.
سوارێز ل سەر مالپەرێ خوە یێ تایبەت یێ تویتەری پوستەک بەلاڤەکری یە تێدا دیارکریە پیروزە و ھەردەم ئەو وەکو پشتەڤانەکێ ئەیاکس ئەمستردامە.

ئەڤرۆ نیوز:
ئیمیلیانو پوتراگینیو رێڤەبەرێ پەیوەندیان و ژ ئەندامێن دەستەکا گشتی ل کارگێریا یانا ریال مەدرید و دھێتە ھژمارتن ئێک ژ بەرپرسێن مەزنە ل وێ یانێ ل سەر خوسارەتیا شەڤا بوری ژ قارەمانیا چامپیونیز لیگ ل گەل ئەیاکس کر دیارکر ئەو خوسارەتیا بەرامبەر ئەیاکس نە یا پێشبینی کری بوو نە بتنێ بوو ئەوان بەلکو بوو ھەموو جەماوەرێ وەرزشی ل ئورۆپا و جیھانێ.
زێدەتر پوتراگینیو دیارکر خوسارەتیا بەرامبەر ئەیاکس ب شەڤەکا گەلەک نەخوش دبینت و ئەوان پێشبینی نەتکر چ جاران دێ ئەنجام ب ڤی رەنگی بیت و دەرخستنا ئەوان ب ڤی رەنگی بیت د قارەمانیا چامپیونیز لیگ لێ ئەڤە تەپا پێ یە پێدڤی یە ئەو د ئارام بن ژبەرکو سەرکەفتن و خوسارەتی ھەردەم ھەیە لێ یا شەڤا بوری رویدای دبینت دربەکێ مەزن بوو ب یانا ئەوان کەڤتی.
ل دووماھیێ ناڤبری دیارکر ژی پێدڤی یە ئەو ھەست ب وێ چەندێ بکەن کا ڤان یاریزانان بوو یانێ ل ماوێ چەند سالێن بوری چ
پێدڤی یە ئەو ژبیر نەکەن و ھەست ب وێ چەندێ بکەن یا ئەڤان یاریزانان ل ماوێ چەند سالێن بوری بۆ یانا خوە کری و شیابوون ھەموو دەستکەفتیان بوو یانێ ب دەستخوڤە بینن و بەری حەفتیەکێ ئەو ھەڤرک بوون بوو برنا سێ ناسناڤان لێ نوکە ئەوان ژ دەستدان نابیت خوە بێ ئومێد بکەین و پێدڤی یە ئەو ھزر ل وێ چەندێ بکەن بوو نەخەشەکێ باشتر بوو پاشەرۆژێ.