ئەڤرۆ نیوز:
گۆلپارێزێ چیکی یێ یانا ئارسنال یا ئنگلیزی یێ خودان شیان پیتەر چیک بریار دا ل دووماھیا ڤی وەرزی دێ دەست ژ یاریا تەپا پێ بەردەت و کاروانێ خوە یێ وەرزشی ب دووماھی ئینت.
پیتەر چیک یێ ٣٦ سالی ل وەرزێ ٢٠١٥ پەیوەندی ب یانا ئارسنال کربوو ژ یانا چێلسی پشتی یازدە سالان یاری بۆ وێ یانێ کری و چەندین ناسناڤ ل سەر ئاستێ ئوروپا و خولا ئنگلیزی دەسخوەڤە ئینای، دێ ل دووماھیا ڤی وەرزی ب ئێکجاری کاروانێ خوە یێ وەرزشی ب دووماھی ئینت و دەست ژ ڤێ یاریێ بەردەت.
ئەڤرۆ نیوز:
وەزیرێ دارایی یێ حوکمەتا ھەرێما کوردستانێ دیارکر حوکمەتا ھەرێمێ حەزا ڤەکرنا دو خالێن سنوری یێن نیڤدەولەتی ھەیە دگەل وەلاتێ ئیرانێ، دیسان ئالوگوریا بازرگانی د ناڤبەرا ھەردو وەلاتان دا ژ ھەشت ملیار دولاران زێدەتر لێھاتیە.
زێدەتر رێباز حەملان د پەیڤەکێ دا د پانێلەکا ئابوری دا ل سلێمانیێ ب ئامادەبوونا وەزیرێ دەرڤە یێ ئیرانێ محەمەد جواد زەریف دیارکر حوکمەتا ھەرێما کوردستانێ گرنگیەکا باشتر ب خالێن سنوری دایە کو ژ سەرجەمێ حەفت خالێن سنوری ناڤبەرا کوردستانێ و ئیرانێ ھەنە و سێ ژوانا نێڤدەولەتی نەو یێ بزاڤان دکەین دو یێن دی بنە نیڤدەولەتی پێخەمەت خالێن نە فەرمی کێمتر بکەین بۆ پێنخ خالێن سنوری.
ئەڤرۆ نیوز:
ئالدار خەلیل ئێک ژ سەرکردێن تەڤگەرا جڤاکێ دیموکرات راگەهاند کو هزرا ترامپی ل دۆر ئاڤاکرنا دەڤەرەکا ئارام ل سەر سنورێ تورکیا و رۆژئاڤایێ کوردستانێ تشتەکێ باشە، لێ ئەم ب چو رەنگەکێ قەبوول ناکەین کو ئەو دەڤەر د بن کۆنترۆلا تورکیا دا بیت و تورکیا وێ دەڤەرێ برێڤە ببەت و گۆت: (تورکیا دخوازیت ب رێیا وێ دەڤەرێ هەموو گرۆپێن تیرۆرستی رەوانەی رۆژئاڤا بکەت و باکورێ سووریێ داگیر بکەت).
ناڤهاتی راگەهاند کو دڤێت دەڤەرا ئارام د بن کۆنترۆلا هێزێن نێڤدەولەتی دا بیت و هەکە گەرەنتیەکا نێڤدەولەتی نەبیت ئەم ب چو رەنگەکێ قەبوول ناکەین.
ئەڤرۆ نیوز، محەمەد عەلی:
ب فەرمی کارگێریا یانا دھۆک یا وەرزشی ھەڤبەستا یاریزان ئوسامە محەمەد حسێن ئیمزاکر ژ بۆ پشکداریێ دگەل تیما خوە یا تەپاپێ بۆ ماوێ ئێک وەرزێ د خولا کوردستانێ بۆ یانێن پلا نایاب.
یاریزانێ ناڤھاتی ل ھیلا ناڤین و لایێ چەپێ یاریێ دکەت ئەوێ بۆ ماوێ سێ روژا لژێر تاقیکرنێن راھێنانێ بوو ژلایێ کادرێ راھێنانێ ڤە پێخەمەت زانینا شیانێن وی.
بۆ زانین یاریزان ئوسامە محەمەد ژدایکبوویێ ١٩٩٦ و خەلکێ باژێرێ بەغدایە ، بەری نوکە یاری بۆ یانێن حدود و مەسافی و مەسلەحە کریە .
ئەڤرۆ نیوز ، عەلی حاجی:
زانکویا زاخۆ ل وەرزێ نوو یێ دەست پێکرنا خاندنێ زێدەتر ژ شیانێن خوە قوتابی ئەڤ سالەدا وەرگرتینە و زێدەبارێ وێ چەندێ ژی کێماسیا ماموستایان ژ وێ زانکویێ پێدڤی ب ١٢٠ ماموستایان ھەیە ژبەرکو زێدەتر ژ شیانێن خوە قوتابی وەرگرتینە.
دداخویانیەکا تایبەت دا د. نەجدەت ئاکرەی رێڤەبەرێ گشتیێ پەرەپێدان و ڤەکولێنین زانستی ل وەزارەتا خاندنا بلند بۆ ئەڤرۆ نیوز گۆت: ئاگەھداری رەوشا زانکویا زاخۆ بوویمە ل دۆر وەرگرتنا رێژەیەکا زور یا قوتابیان و کێماسیا ماموستایان ھەر چەندە زانکویا زاخۆ زانکویەکا نوویە لێ وێ زانکویێ شیایە خوە پەسەند بکەت سەرەرای ئاریشا باوەرناما شیانێت ئینگلیزی ھەیە لێ دێ ئەو ژی چارەسەر بیت و ھەر دیسان دەربارەی بابەتێ کێماسیا ماموستایان د میلاکێ زانکویێ دا نوکە پێدڤی ب ١٢٠ ماموستایانە لێ بۆ ئەڤ سالە ئەم دشێن تنێ ٦٠ ماموستایان ئامادە بکەین.
ناڤبری زێدەتر گۆت: ھەر دیسان دێ سیستەمێ سەرەدان بۆ زانکویا زاخۆ ژی جێبەجێ کەین دا کو ھند ماموستا ژی ب سەرەدان وانەیان ل زانکویێ بدەن کو ھەتا رادەیەکێ ئاریشا کێماسیا ماموستایان ھەتا ٧٥% دێ ھێتە چارەسەر کرن.
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا ئەڤرۆکە راگەهاند کو ئەز ل گەل سەرۆک ترامپی ل دۆر رەوشا باکورێ سووریێ و ئالۆزیێن ل سەر سنوری ئاخڤیمە و ئەمریکا بریار دایە دەڤەرەکا ئارام بهێتە ئاڤاکرن کو مە بەری نها گەلەک کار بۆ هندێ دکر و ئەم دێ جارێ ئۆپەراسیۆنا خوە بۆ رۆژهەلاتێ فراتێ دەینە راگرتن.
د ڤێ دەربارێ دا محەمەد جەلال چاڤدێرێ سیاسی بۆ ئەڤرۆ نیوز راگەهاند کو دەڤەرا ئارام ل سەر سنوری دەمێ بهێتە راگەهاندن چو مەترسی ل سەر تورکیا نامینن و هەروەسا تورکیا ژی نەشێت هێرشی رۆژئاڤایێ کوردستانێ بکەت و ئەو یەک بۆ پاراستنا کوردێن رۆژئاڤا ژی پێنگاڤەکا گرنگە.
ئەڤرۆنیۆز، سالار دۆسکی:
ئەندازیارێ شارەزا جەلال بەرئاشی رێڤەبەرێ ئاڤا دھۆکێ بۆ ئەڤرۆ نیۆز ئاشکرا کر بوریا سەرەکی یا ئاڤا باژێرێ دھۆکێ پەقی یە، ھەتا نوکە دەست ب دروستکرنا وێ نەھاتیەکرن، چنکو ئاڤ د بوریێ دا مایە، ھەموو بزاڤ دھێنەکرن سوبەھی ١٦/١/٢٠١٩ ب دووماھی بھێت و ئاڤ بگەھیتە ھەموو باژێری، پێدڤی یە خەلکێ پارێزگەھێ د ھاریکاربن و ئابووریێ د ئاڤا خوە دا بکەن.
ناڤبری ئەو ژی ئاشکراکر کو نوکە تنێ تاخێن (شێلێ، خەبات، گرێ باێێ) ئاڤ ھەیە ئەو ژی چنکو ل سەر ھێلا کەڤن و باژێر بگشتی ئاڤ نینە و ھەموو ل سەر وێ بورێنە ئەوا پەقی.
ئەڤرۆ نیۆز، قائید میرۆ:
ئیبراھیم برۆ، ئەندامێ ئەنجوومەنێ نیشتیمانیا کوردی ل سووریێ بۆ ئەڤرۆ نیۆز دیار کر” ڤەخواندنێن جودا بۆ تویتا سەرۆکێ ئەمریکا دھێنەکرن، بەلێ بەحسێ دەڤەرەکا ئارام دکەن ل سووریێ گورەی زانیاریێن مە مەرەما ترەمپی ئەڤە پلانا ئەمریکا یا بەری نوکە بەرھەڤی بۆ ھاتیە کرن بھێتە بجهئینان، کو ئەمریکا ل بەرە دەڤەرەکا ئارام ل رۆژھەلاتێ فۆرات ئاڤا بکەت، ئەڤە ژی بۆ پاراستنا رۆژئاڤایێ کوردستانێ و ھێزێن لەشکەرێ رۆژ و ھێزا کریستیان و عەرەبێن عەشیرەتێن دەڤەرێ دێ ل ئەڤێ دەڤەرا ئارام ھێنە جێگیرکرن.
ل دۆر پەیوەندیێن پەیەدە و ئەمریکا ژی ئیبراھیم برۆ دبێژیت” سالێن بۆری ب مەرەما بەرھنگاربوونا داعشێ ئەمریکا ھاریکاریا پەیەدێ کریە، بەلێ دەما نوکە ئەمریکا دبێژیت نابیت چو زۆلمەک لسەر کوردان ھەبیت مەرەم پەیەدە نینە، بەلکو ئەمریکا ب زەلالی گۆتیە ئەم پشتەڤانیا رۆژئاڤایێ کوردستانێ دکەین دگەل ڤێ چەندێ ژی دژی بەرژەوەندیێن تورکیا نینە، یا دروست ئەڤە ئەمریکا پشتەڤانیا کوردان دکەت و ئێک کەسێ سەر ب پەکەکێ ژی ناھێلیت ل رۆژئاڤایێ کوردستانێ.
ئەڤرۆ نیوز، مەحمود نھێلی:
بەرپرسێ دارایی ل رێڤەبەریا ناحیا دێرەلۆک بۆ ئەڤرۆ نیوز دیارکر ئەو یێ بزاڤێ دکەن قەرەبوویا وان جھێن گوزاری بکەن یێن ژ ئەنجامێ لەھیان زیان گەھشتینێ.
زێدەتر شڤان عسمەت بەرپرسێ پشکا دارایێ ل رێڤەبەریا ناحیا دێرەلۆک دیار ژی کر ل دەمێ بارینا بارانێن زۆر و دروسبوونا لەھیان، زیان ب چەندین جھێن گوزاری گەھشت بوون و ھژمارەکا زۆرا کەپران ژ ناڤ چووینە و خراب ببوون و گۆت: مە ژلایێ خوە ڤەدیتن بۆ ھەژمارەکا جھێن گوزاری ئەنجامدایە بتایبەتی ژی ل ھاڤینگەھێن گەلیێ شێرانە کو ژ ئەنجامێ رابوونا رووبارێ شێرانکی زیانێن زۆر گەھشتبوونێ.
ناڤھاتی ئاشکرا ژی کر ل دەمێ تمامبوونا ڤەدیتنێن وانا ئەو دێ ب نڤیسار قایمقامیا قەزا ئامێدیێ و ھەروەسا رێڤەبەریا گەشت و گوزاری ئاگەھدار کەن بۆ یەکێ ل دووڤ شیانان بھێنە قەرەبووکرن.
و دیارکر زێدەتر ژ ٧ جھێن گوزاری ل سنورێ ناحیا دێرەلۆک ژ ئەنجامێ لەھیان زیان گەھشتبوونێ کو زیانێن ھند ژ وان جھێن گوزاری دگەھنە دوورێن ١٠ ملیۆن دیناران.
نيشاندان