ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى ئادارا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 136.500 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
گەنجەکێ 25 سالی بناڤێ (عەبدلباری محەمەد ئەمین) کو خەلکێ سەنتەرێ قەزا ئاکرێ یە، ئەڤە دو روژە بەرزەبووی و ھەتا نوکە چ ژ چارەنڤیسێ وی نەھاتیە زانین، کەس و کارێن وی ب رێیا ئەڤرۆ نیوز داخوازێ ل جھێن شولەژێ و وەلاتیان دکەن ھەرکەسێ پێزانین لسەر ھەبن ئەوان ئاگەھدار بکەن.
پشتیوان محەمەدئەمین، برایێ ئەوی گەنجی بۆ ئەڤرۆ نیوز گۆت: (برایێ من ل ئێک ژ خارنگەھێن دھۆکێ کاردکەت و دەمژمێر 9:00ێ ب شەڤ یا 3/3/2019 لسەر کاری دیارنامینیت و ھەتا نوکە ژی چارەنڤیسێ وی نەدیارە).
زێدەتر گۆت: (برایێ من چ کێشەیێن دەروونی نینە و مە ژی چ کێشە ل گەل کەسێ نینن، مە پولیس و جھێن شولەژێ لسەر بەرزەبوونا برایێ خوە ئاگەھدار کرینە و دخوازین ھەر کەسێ پێزانین لسەر ھەبن مە ئاگەھدار بکەن لسەر ھژمارا 07503400725).
ناڤبری دیارکر ژی کو برایێ وی زوگوردە و دەما چەند سالایە وەکو کرێکار ل دھۆکێ کاردکەت و مالا وان ل سەنتەرێ قەزا ئاکرێ یە.
ئەڤرۆ نیوز، نەوزاد ھلۆری:
ل سەرانسەرێ ھەرێما کوردستانێ 14% ژ ژنان ھەمبەری 86% یا زەلامان کار دکەن، ئەڤێ یەکێ جوداھیەکا زور د ناڤبەرا ژن و زەلامان د مافێ کارکردنێ دا کریە، ژن دخوازن کو رێژەیا وان د کەرتێ حوکمەت و تایبەت دا بھێتە بلندکرن و ژن ژی ببیتە خودان کار.
سێوە فاتح، سەرۆکا رێکخراوا لێدەر و چاڵاکڤانا ژنان ل پارێزگەھا سلێمانیێ کو پتری 15 سالە د وارێ ژنان دا کار دکەت و رولەکێ بەرچاڤ ھەیە بۆ ئەڤرۆ نیوز گۆت: (ب گورەی ئامارێن وەزارەتا کار و کاروبارێن جڤاکی یا حوکمەتا ھەرێما کوردستانێ 14% ژ ژنان کار دکەن ژ وێ رێژەیەکێ پرانی دکەڤیتە کەرتێ حوکمەتێ ئانکو کەرتێ تایبەت پتر ژ حوکمەتێ ژن پشتگوھـ ڤە ھاڤێتى یە).
زێدەتر گۆت: (چ جوداھی د ناڤبەرا ژن و زەلامان د کارکرنێ دا نینە، بەلکو ھەردو ئێکسانن د ئەرک و مافان دا، کارکرنا ژنێ دکەرتێ حوکمەت و تایبەت ئەرکە و پێدڤی یە زێدەتر گرنگی ب ئافرەتان بھێتە دان ھەر چ نەبیت دڤێت رێژە بۆ نێزیکێ 50% بھێتە زێدەکرن).
ناڤبری دیارکر ژی کو کارکرنا ژنان د کاری دا تنێ ژ بۆ دەست ڤەئینانا داھاتەکى نینە بەلکو بۆ سەلماندنا ھەبوونا خوەیە کو شیان ھەنە مینا زەلامی کار بکەت بۆ خزمەتا خێزان و جڤاکێ خوە و گۆتژی: (نەک کارێ ژنان تنێ د مال دایە و نە ژی کارێ زەلامان تنێ ل دەرڤەیە، بەلکو پێدڤی یە رولێ ھەردويان پێکڤە د ئاڤاکرنا خێزانێ دا ل ناف مال و دەرڤەیێ مالێ ھەبیت).
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا سه‌قاناسى و بيڤه‌له‌رزێ ل پارێزگه‌ها دهۆكێ راگه‌هاند كو سه‌قايێ پێشبينيكرى بۆ رۆژانێن نه‌ورۆزێ دێ ساهى بيت و باران ناباريت.
ئومێد مايى، رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ بۆ ئه‌ڤرۆ نيوز گۆت: “دياركرنا ره‌وشا سه‌قايى بۆ ماوێن درێژ گه‌له‌ك يا ب زه‌حمه‌ته و پتريا جاران گوهۆڕين ب سه‌ر دا دهێن”.
زێده‌تر گۆت: “ب ره‌نگه‌كێ گشتى دشيان دايه سه‌قايێ حه‌فتيه‌كێ بهێته ده‌ستنيشانكرن و ئه‌و ژى دروست ده‌رناكه‌ڤيت و ب تايبه‌ت ل وه‌رزێ بهارێ گۆتنا پێشبينيا ره‌وشا سه‌قايى بۆ دو رۆژان ژى دبيت دروست ده‌رنه‌كه‌ڤيت”.
رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ دا زانين ژى كو ب گۆره‌ى پێشبينيێن ل به‌ر ده‌ستێ وان ل رۆژا ئاگر هه‌لكرنێ و هه‌رسێ رۆژێن نه‌ورۆز دێ دونيا چه‌ند ئه‌وره‌كێن كێم بن و باران ناباريت و گۆت: “ئه‌ڤ پێشبينى يه ب دروستى نينن و دبيت گوهۆڕين ب سه‌ر دا بهێت ب تايبه‌ت ل به‌رى وى ژڤانى و پشتى وى ژى باران يێن هه‌ين و دبيت گوهۆڕين بكه‌ڤيتێ”.
ئەڤرۆ نیوز:
ھێرشبەرێ ئیسپانی و یانا ئەتلەتیکو مەدرید ئەلڤارو موراتا پشتی شەڤا بوری شیای سەرکێشیا یانا خوە بکەت بوو سەرکەفتنێ ل سەر یانا ریال سوسیداس ب دو گولان بێ بەرامبەر ژ چارچوڤێ یاریێن گەرا ٢٦ ژ خۆلا لایگا دیارکر ئەو گەلەک یێ کەیفخوشحالە ب تومارکرنا دو گولان ل گەل یانا خوە یا نوو سەرکێشیا یانا خوە کری بوو سەرکەفتنێ ب ھەڤکاریا ھەڤالێن خوە .
زێدەتر موراتا بوو رۆژناما سپورت یا کەتەلونی دیارکر راستە ھێشتا چیاوازی دناڤبەرا ئەوان و بەرشەلۆنا دا حەفت خالن لێ د یاریا تەپا پێ دا نابیت خوە بێ ھیڤی بکەین ل سەر ئەوان پێدڤی یە ئەو بەردەوام بن ل سەر کاروانێ ھەڤرکیا ناسناڤێ وەرزێ ئەڤ سالە و ھێشتا دەلیڤەیا ئەوان بوو برنا ناسناڤی گەلەک مایە و ئەو دێ ھەتا دووماھیا خولێ بوو مرنێ بۆ برنا ناسناڤێ خولێ کەن .
ئه‌ڤرۆ نيوز، نيوار محه‌مه‌د سه‌ليم:
وێنه‌گرێ ناڤدارێ جيهانى يانيس به‌هراكيس خودانا خه‌لا بۆليتزر د ژيێ 58 ساليێ دا و پشتى هه‌ڤركيه‌كا دژوار ل گه‌ل نه‌خۆشيا شێرپه‌نجێ وه‌غه‌را دووماهيێ كر.
يانيس به‌هراكيس ئێك ژ وان وێنه‌گرێن مه‌زن يێن جيهانى يه يێن پتريا روودانێن سه‌رده‌مێ خوه تۆماركرينه و ناڤدارترين روودان ژى يێن ئورۆپا و رۆژهه‌لاتا ناڤين و ئه‌فريقيا و ئاسيا كريه.
ئێك ژ وان وێنه‌گران بوويه يێن دوزا كوردستانێ ل كۆچا مليۆنى ب جيهانێ دايه نياسين كو رۆله‌كێ گه‌له‌ك به‌رچاڤ د وى وارى دا هه‌بوويه.
به‌هراكيس رابوويه ب وێنه‌كرنا روودانێن ئه‌ڤغانستان و شيشانێ و بيڤه‌له‌رزا مه‌زن ل كشمير و سه‌رهلدانا مسرێ ل 2011ێ، هه‌روه‌سان ژ روودانه‌كا هێرشكرنێ ل سيراليۆن رزگار بوو و سه‌ركێشا تيمێ رويته‌ر كر بۆ ب ده‌ستڤه‌ئينانا خه‌لاتێ لوليتزر ل سالا 2016ێ د وارێ قه‌يرانێن په‌نابه‌ران دا.
يانيس به‌هراكيس ل پايته‌ختێ ئه‌سينا يێ يونان ل سالا 1960ێ ژ دايك ببوو.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 5ى ئادارا 2019ێ ئەسمان دێ ئه‌وره‌كێ گه‌له‌ك كێم بيت و هنده‌ك جاران ئه‌و ئه‌ور دێ پيچه‌ك زێده‌تر لێ هێن.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ گه‌له‌ك كێم بيت و هنده‌ك جاران ئه‌و ئه‌ور دێ پيچه‌ك زێده‌تر لێ هێن.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 6 بۆ 13 پلان دا بن.
ئه‌ڤرۆ نيوز:
ژێده‌ره‌كێ نێزيك ژ د. فوئاد حسێن وه‌زيرێ دارايى يێ حوكمه‌تا عيراقێ راگه‌هاند كو حوكمه‌تا عيراقێ دێ مووچێ سێ هه‌يڤێن دووماهيێ يێن سالا 2017ێ بۆ پشكه‌كا فه‌رمانبه‌را مه‌زێخيت.
ئه‌وى ژێده‌رى بێ كو ناڤێ خوه ئاشكه‌را كه‌ت دا زانين كو حوكمه‌تا عيراقێ ره‌زامه‌ندى ل سه‌ر مه‌زاختنا به‌ركه‌فتێن دارايى و مووچێ سێ هه‌يڤێن دووماهيا سالا 2017ێ بۆ فه‌رمانبه‌رێن پاسپۆرت و به‌نداڤێن هه‌رێما كوردستانێ ده‌ربڕى.
ته‌كست ل سه‌ر وێ چه‌ندێ ژى كر كو وه‌زيرێن دارايى بڕيارا مه‌زاختنا به‌ركه‌فتێن دارايى و مووچێ فه‌رمانبه‌رێن هه‌رێما كوردستانێ دايه بۆ ئه‌ڤ ساله ب گۆره‌ى پشكا دياركرى د قانوونا بوودجا گشتى يا عيراقێ دا بۆ سالا 2019ێ.
ئه‌ڤرۆ نيوز:
ئه‌ڤرۆ هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان ل هه‌ولێر دێ كۆم بن.
ژێده‌ره‌كى ژ مه‌كته‌با سياسى يا پارتى ديموكراتى كوردستان راگه‌هاند كو ئه‌ڤرۆ پارتى و ئێكه‌تى بۆ دانوستاندنێ ل سه‌ر پرسا پێكئينانا كابينا نوو يا حوكمه‌تێ و پرسێن كه‌ركووك و به‌غدا ل هه‌ولێر كۆم بن.
هه‌ڤده‌م سه‌عدى پيره، ئه‌ندامێ مه‌كته‌با سياسى يا ئێكه‌تى نشتيمانى كوردستان ئه‌ڤ نووچه پشت راست كر و راگه‌هاند كو ئه‌ڤرۆ رۆژا دوشه‌مبى ئێكه‌تى و پارتى دێ كۆم بن.
نيشاندان