ئەڤرۆ نیوز، مەحمود نھێلی:
دەزگەھێ خێرخوازیێ بارزانی ب ھەڤکاری ل گەل دەولەتا کوێتێ ھاریکاریان ل سەر ٧٥٠ خێزانێن ھەژار و کێم دەرامەت و ئاوارە و پەنابەرێن سنورێ قەزا ئامێدیێ بەلاڤ کرن.
شەڤەگەر رەمەزان نوونەرێ دەزگەھێ خێرخوازیێ بارزانی بۆ ئەڤرۆ نیوز دیارکر کو ئەوان ئەڤ ھاریکاریە ب ھەڤکاری ل گەل دەولەتا کوێتێ و کار کرن ل گەل کارگێریێن دەڤەرێ ب سەر ڤان خێزانان دا پارڤەکرینە و گۆت: ئەڤ ھاریکاریە پێک دھاتن ژ ٣٠ کیلویێن ئازوقەی و ھەروەسا ٣ بەتانیا و ب سەر وان خێزانان دا ھاتینە پارڤەکرن.
ئەڤرۆ نیوز:
هێزێن سووریا دیموکرات ئەڤرۆ ٣٠٠ چەکدارێن داعشێ کو د زیندانێن وان دا بوون ئازاد کرن، بەرپرسەکێ هێزێن سووریا دیموکرات ژی دیار کریە کو پشتی ڤەکۆلینێن مە دەرکەفتیە وان چەکداران پشکداری د چو چالاکیەکێ دا نەکرینە و چو تاوان ژی نەکرینە، ژ بەر هندێ ژی هاتینە ئازاد کرن.
رێکراوا چاڤدێریا مافێ مرۆڤان یا سووریێ ژی دیار کریە کو ئەو چەکدار ل گەلەکە دەڤەرێن جودا جودا یێن سووریێ هاتبوونە گرتن و پرانیا وان د دەمێ ئۆپەراسیۆنا ئازادکرنا رەققە دا ژ ئالیێ هێزێن سووریا دیموکرات ڤە هاتبوونە دەستەسەر کرن.
ئەڤرۆ نیوز:
ئێکەتیا تەپا پێ یا ئاسیا د نڤیسارەکا فەرمی دا بۆ ئێکەتیا عیراقێ ھنارتیە تێدا داخوازەک کریە دەربارەی راھێنەرێن یانێن پشکدار د خولا تەپا پێ یا نایاب دا.
د ڤێ نڤیسارێ دا ھاتیە کو ل وەرزێ بھێت نا بیت چو راھێنەر دگەل یانێن پلا نایابا عیراقێ کاربکەن و باوەرنامەیا راھێنەراتیا پروفیشنال (PRO) یا ئاسیا نەبیت و ئەڤ بریارە ل وەرزێ ٢٠١٩،٢٠٢٠ پێدڤیە بھێتە بجھئینان بەروڤاژی دێ تووشی سزایان بیت.
ئەڤرۆ نیوز، عەلی حاجی :
ئەڤرۆ روژا ئێک شەمبیێ ل قەزا زاخۆ ل ھەر ئێک ژ کەمپا چەمشکو و زانکویا زاخۆ نەرازیبوون ھاتنە ئەنجام دان ل سەر ئەنجامدانا تاوانا تیرورستێن داعش بەرامبەر کچێن ئێزدی ل باغوزێ و داخاز ژ حکومەتێن عێراقێ و کوردستانێ کرن بێ دەنگ نەمینن بەرامبەر کوشتارا درندانە یا تیرورستێن داعشێ.
ل دور ڤێ چەندێ نیاز حەجی بەرپرسێ لژنا ناوچا زانکو و پەیمانگەھان یا ئێکەتیا قوتابیێن کوردستانێ بۆ ئەڤرۆ نیوز گۆت: نەرازیبونا مە ل سەر وێ چەندێ بۆ کو تیروریستێن داعش کارەکێ ھوڤانە دژی مروڤایەتیێ ئەنجام دایە و ئەم وێ تاوانێ شەھمزار دکەین و ھەر دیسان داخازێ ژ حکومەتێن عێراقێ و کوردستانێ دکەین بێ دەنگ نەمینن و کار ل سەر ئازادکرنا کچێن مایی یێ ددەستێ داعشێ دا و داخاز دکەین ھەرزوو شنگال بھێتە ئاڤا کرن و خەلکێ وێ ڤەگەریتە جە و وارێن خوە و ھێزێن پێشمەرگە ژی ڤەگەریتە باوەشا شنگالێ .
ئەڤرۆ نیوز:
بەرپرسێ پشکا پەیوەندی و راگەھاندنێ ئوفیسا دھۆک یا کۆمسیونا بلندا سەربەخۆیا ھەلبژارتنان ل عیراقێ ئاگەھداریا ھەمی کارمەندێن دەنگدانا جڤاتا نوونەرێن عیراقێ دکەت ئەویێن ل ١٢/٥/٢٠١٨ ھاتینە کرن کو سوباھی روژا دوشەمبی ٤/٣/٢٠١٩ سەرەدانا بەنکا بکەن پێخەمەت وەرگرتنا پاداشتێن خوە.
سەگڤان حەسەن رەشید دیارکر کو ھەموو کارمەندێن پشکداری د ھەلبژارتنێن عیراقێ دا کری دشێن سەرەدەنا بەنکا پارێزگەھێ بکەن بۆ وەرگرتنا پاداشتێن خوە یێن ڤان ھەلبژارتنان،
ل دووڤ ڤی خشتێ دیارکری:
ئەڤرۆ نیوز:
د ماوێ چار رۆژان دا دو خوسارەتی ل دیڤ ئێک د کلاسیکویا ئیسپانیا دا تورەبوونەکا مەزن ل دەڤ جەماوەرێ وەرزشی یێ یانا ریال مەدرید پەیدابوویە و ل یاریا شەڤا بوری ل ناڤا یاریگەھێ دا ھژمارەکا مەزن یا جەماوەرێ ریال مەدرید نەرازیبوونا خوە ل سەر سەرۆکێ یانێ فلورنتینو پێریز دا و دیارکر ئەو بەرپرسێ ئێکێ یە ژ ئەنجامێن لاواز ژبەرکو ئەو نەشیا پێگوھورەکێ باش ل جھێ ستێرا بەرێ یا یانێ کریستیانو رونالدوی پەیدا بکەت ل ڤەگوھاستنێن ھاڤینی و زڤستانێ نەشیا ڤەگواستنێن باش بکەت .
ئەڤرۆ نیوز، هۆشەنگ تاجر:
ئەندامەکێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز دیار کر کو هەر دەمێ شۆرەشا سووریێ دەستپێکری هەتا نها مە گۆتیە کو دڤێت دستوورەکێ نوو بۆ سووریێ بهێتە دان، چونکو دستوورێ بەرێ یێ سووریێ نەشێت پرسێن سووریێ ب گشتی و ب تایبەتی ژی پرسا کوردی چارەسەر بکەت و گۆت: (نها ئەم وەکو ئەنجوومەنێ نیشتمانی یێ کوردی کو د ئامادەکرنا دستوورێ نوو یێ سووریێ دا پشکدارین مە داخواز کریە کو د دستوورێ نوو یێ سووریێ دا ژی ناڤێ کۆمارا عەرەبی یا سووریێ بهێتە گوهۆرین).
ناڤهاتی دیار کر کو کورد دێ ب رەنگەکێ ل گەل سووریێ بمینن کو سووریا ببیتە وەلاتەکێ دیموکرات و ژ بەر هندێ مە پێشنیاز کریە کو ناڤێ دەولەتا سووریێ ژ سووریا عەرەبی ببیتە کۆمارا سووریا و بێگومان هەکە ئەو یەک نەهێتە قەبوول کرن کورد قەبوول ناکەن ل گەل سیستەمێ بەرێ یێ سووریێ بن.
ئەڤرۆ نیوز، بارزان مزووری:
دلشاد محەمەد راگەھاندنکار ژ پشکا ھاتنوچوونا شێخان بو ئەڤرۆ نیوز دیار کر ئەڤرۆ دەمژمێر ١١:٣٠ خولەک رێککەفتی ٣ی ئادارێ ٢٠١٩ ل سەر رێکا سەرەکیا شێخان بۆ ناحیا ئەترۆش ل نێزیک زالگەھا ئەترۆش ترۆمبێلەک ژ جورێ پیکاپ تویتا دەبل ٤×٤ ل بن کونترولا شوفێری دەردکەڤیت وەرگەریا و د ئەنجام دا سێ کەس بریندار بوون و بۆ نەخوشخانا شێخان یا گشتی هاتنە ڤەگوھاستن.
ناڤھاتی ئەو یەک ژی دیار کر ھەر ژ رۆژا پێنج شەمبیا بوری عەتا نھا ئەڤە سێیەم ترومبێلە وەردگەرێت و چار کەس بریندار دبن.
ئەڤرۆ نیوز:
ستێرا کرواتی و یانا بەرشەلۆنا ئیڤان راکیتێچ خودانێ گولا سەرکەفتنێ ل یاریا شەڤا بوری ل کلاسیکویا ئیسپانیا پشتی یاریێ د داخویانیەکێ دا بوو دەزگەھێن راگەھاندنێ دیارکر ئەوان پێنگاڤەکا باش ھاڤێت بوو پاراستنا ناسناڤێ خولا لالیگا لێ ل سەر ئەوان پێدڤی یە ھزر ل یاریێن بھێت ژی بکەن ژبەرکو بوو برنا ناسناڤی ھێشتا گەلەک مایە و ژبیر نەکەین ئەوان ھێشتا دو ھەڤرک ماینە پێدڤی یە رێزێ ل ھەردو یانێن ئەتلەتیکو مەدرید و ریال مەدرید بگرین .
سەبارەت سەرکەفتنا ل سەر ریال مەدرید ناڤبری دیارکر سەرکەفتنا شەڤا بوری بوو ئەوان گەلەک یا گرنگ بوو ھەردیسان دو سەرکەفتن د ماوێ چار رۆژان دا ل سەر یانا ریال مەدرید دێ بیتە پالدەرەکێ مەزن بوو ئەوان ل یاریێن بھێت و قارەمانیێن دی ژی بشێن ھەڤرکیێ ل سەر ھەموو ناسناڤێن مای بکەن.
ئه‌ڤرۆ نيوز:
ئه‌ڤرۆ سپێدێ ل پيرمام سه‌رۆك بارزانى ل گه‌ل شانده‌كێ بلندێ ئێكه‌تيێ ب سه‌رۆكاتيا كوسره‌ت ره‌سۆل كۆمبوو و به‌ياننامه‌ك ل دۆر ناڤه‌رۆكا كۆمبوونێ به‌لاڤكر كو ئه‌ڤا ل خوارێ ده‌قێ وێ يه:
راگه‌هاندنا كۆمبوونا سه‌رۆك بارزانى و شاندێ بلندێ ئێكه‌تى نشتيمانى كوردستان
رۆژا ئێكشه‌مبى 3ى ئادارا 2019ێ ل سه‌لاحه‌دين سه‌رۆك مه‌سعود بارزانى و به‌رێز كوسره‌ت ره‌سۆل عه‌لى جێگرێ سكرتێرێ گشتى يێ ئێكه‌تى نشتيمانى كوردستان و شاندێ ل گه‌ل دا كو پێكهاتبوون ژ ئه‌رسه‌لان پاييز و عيما ئه‌حمه‌د ئه‌ندامێن مه‌كته‌با سياسى يا ئێكه‌تى نشتيمانى كوردستان كۆمبوون.
د ديدارێ دا پرۆسا سياسى يا هه‌رێما كوردستانێ و ئاسته‌نگێن به‌ر سينگێ پرۆسا سياسى گه‌نگه‌شه كر و ته‌كست ل سه‌ر وێ چه‌ندێ كر كو كارێ رژد بهێته كرن و به‌رده‌وامى ب رێكه‌فتنا هه‌ردولا بده‌ن بۆ دامه‌زراندن و موكمكرنا داموده‌زگه‌هێن هه‌رێما كوردستانێ و ل به‌رچاڤگرتنا به‌رژه‌وه‌نديێن گه‌لێ كوردستانێ و گيانێ براتيێ و ب به‌رپرساتيا هه‌موولايه‌كى، ب ره‌نگه‌كى كو د ئاستێ داخوازيێن خواستێن وه‌لاتيێن هه‌رێما كوردستانێ دا بيت.
نيشاندان