ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆماركرن و ل دووڤ ڤى خشتێ ل خوارێ دياركرى:
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سهرهكى Facebook
10 شیره‌ت بو به‌ژن زراڤیه‌كا به‌رده‌وام
ئەڤرۆ نیوز:
1-هه‌ر حه‌فتیێ دو جارا خوه بكێشه، داكو بزانی كێشا ته چه‌نده.
2-هه‌رۆ سپێدێ تێشتێ بخوو، هزرنه‌كه نه‌خوارنا تێشتێ دێ ته زه‌عیف كه‌ت، به‌روڤاژی خوارنا وێ دێ هاریكاریا ته كه‌ت بو سوتنا كالوریان و پاراستنا سه‌نگێ ته ب مه‌رجه‌كی یا ساخله‌م بیت.
3-هندی بشێی ئاڤێ ڤه‌خو رۆژانه ب كێماتی هه‌شت گلاسان داكو ته‌ریاتیا پیستێ ته بهێته پاراستن و هه‌ست ب برسیێ و تێهنیبوونێ نه‌كه‌ی.
4-به‌رهه‌مێن شیری یێن كێم روین بخوو، دیسا گوشتێ بێ روین و ماسی و مریشكان بخوو، خوارنێن قه‌لاندی نه‌خوو هندی تو حه‌ز ژی بكه‌ی ژی خوه ژێ دوور بكه.
5-ده‌مێ خوارنێ ژده‌رڤه‌ی مالێ دخووی، هشیاربه ژ جور و چه‌نداتیا وێ، خوارنێن ب كێك و كریم و بژارتی نه‌خوو، صاصێ دگه‌ل گوشتێ ب كارنه‌ئینه، چونكو گه‌له‌ك كالوری دناڤدا هه‌نه.
6-ڤه‌خوارنێن پری كالوری ب كارنه‌ئینه، وه‌كو پێپسی و كوكا كولا و قه‌هوێ و خوشاڤێن شرین، چونكو ئه‌و سه‌نگی زێده‌دكه‌ن و تو هه‌ست پێ ناكه‌ی.
7-هه‌كه تو بشێی چار هه‌تا پێنج جارا خوارنێ بخوو به‌لێ بلا یا كێم بیت، چونكو دانێن بچووك یێن خوارنێ هاریكارن بو چالاككرنا كریارا هێزا له‌شی ب رێكا سوتنا هێزێ.
8-نهێنیا به‌ژن زراڤیا له‌شی یا دخوارنێن پری فایبه‌ر( الیاف) دا، كو دناڤ فێقی و زه‌رزه‌واتی و شوفانی و ساڤاری دا هه‌نه.
9-ریجێمه‌كا دژوار نه‌كه، چونكو ریجێما دژوار ب سه‌رنه‌كه‌فتنێ ب دووماهی دهێت، هه‌موو خوارنان ب رێژێن ده‌ستنیشانكری بخوو و زێده‌ی هێزا خوه ب كارنه‌ئینه.
10-هه‌كه تو گه‌له‌ك خوارنێ دخووی، خوه ب ده‌ست ب رێجێمێ به‌رنه‌ده و هه‌ول بده دوباره ده‌ستپێبكه‌ڤه و گه‌له‌ك وه‌رزشێ ئه‌نجام بده.
ژێدەر/ نۆش نیوز
ژبەر یاریا کلاسیکو جەماوەرێ ریال نەرازیبوون ترانەپێکرن ب یاریزانەکێ خوە کرن
ئەڤرۆ نیوز:
ستێرا وێلزی و یانا ریال مەدرید گارس بێل توشی ھێرشەکا مەزن یا جەماوەری بوو پشتی ل یاریا کلاسیکویا ئەڤ شەڤە نەشیای ئاستەکێ باش پێشکێش بکەت و جەماوەرێ ریال نە رازیبوونا خوە ل سەر وی یاریزانی دا دەمێ ھاتیە گوھورین.
جەماوەرێ ریال مەدرید فیتکێن ترانەپێکرنی و نە رازیبوون ل سەر ئاستێ گارس بێل کر دەمێ ل دەقیقا ٦١ ھاتیە گوھورین و ھەڤالێ وی ئەسینسیو ھاتیە جھێ وی و ئەڤ تورەبوونە ل دەڤ جەماوەرێ ریال مەدرید ھات پشتی وی یاریزانی ل وەرزێ ئەڤ سالە تایبەت ل کلاسیکویێن ئەڤ سالە نەشیای ئاستەکێ باش پێشکێش بکەت
ھەژی گوتنێ یە گارس بێل ل وەرزێ ئەڤ سالە شیا ١٣ گولان بتنێ ل ھەموو پشکداریێن خوە ل گەل یانا ریال مەدرید توماربکەت.
بەرشەلۆنا نمرەکا مێژوی د کلاسیکو دا تومارکر
ئەڤرۆ نیوز:
یانا بەرشەلۆنا شیا نمرەکا باش د یاریێن کلاسیکو دا توماربکەت پشتی ل یاریا ئەڤ شەڤە شیای ل سەر ھەڤرکا خوە یانا ریال مەدرید ب سەرکەڤیت ب گولەکێ بێ بەرامبەر ژ چارچوڤێ یاریێن گەرا ٢٦ ژ خۆلا لالیگا .
مالپەرێ سکاواکا یێ تایبەت ب ئامارێن یانێن جیھانی ئاشکراکریە یانا بەرشەلۆنا بوو جارا ئێکێ د مێژویا یاریێن کلاسیکویا ئیسپانیا دا بوو چار یاریان ل دیڤ ئێک شیا سەرکەفتنێ توماربکەت.
راموس نمرەکا نوو ل ریال مەدرید تومارکر
ئەڤرۆ نیوز:
پشتی ل یاریا ئەڤ شەڤە کابتنێ یانا ریال مەدرید سێرجیو راموس پشکداری د کلاسیکویا ئیسپانیا دا دناڤبەرا ریال مەدرید و بەرشەلۆنا دا کری شیا دەستکەفتنەک و نمرەکا دی ل سەر مێژویا خوە ل یانا ریال مەدرید زێدەبکەت .
رۆژناما مارکا دیارکر راموس شیا ب گەھیتە نمرا ھەر ئێک ژ ستێرێن ریال مەدرید یێن بەری نوکە خینتو، چاڤی و سانشیز وەکو پتر یاریزان پشکداری د یاریێن کلاسیکویا ئیسپانیا دا کربیت ب ٤٢ یاریان کو ٣٠ ژ ئەوان دخۆلا لالیگا دا بوون و شیا خەفت سەرکەفتنا توماربکەت و ١٦ جاران خوسارەت بوویە
ھەژی گوتنێ یە یانا ریال مەدرید ل یاریا ئەڤ شەڤە توشی خوسارەتیێ ببو ل گەل یانا بەرشەلۆنا ب گولەکێ بێ بەرامبەر .
ب ڤیدیو: د ماوێ چار رۆژان دا بوو جارا دوێ ریال د کلاسیکویێ دا خوسارەت بوو
ئەڤرۆ نیوز:
یانا ریال مەدرید د ماوێ چار رۆژان دا بوو جارا دوێ ل دیڤ ئێک توشی خوسارەتیێ بوو ل کلاسیکویا ئیسپانیا ل ناڤ ئەرد و جەماوەرێ خوە دا پشتی ڤێ جارێ ژی خوسارەت بووی ل گەل یانا بەرشەلۆنا ب گولەکێ بێ بەرامبەر ژ چارچوڤێ یاریێن گەرا ٢٦ ژ خۆلا لالیگا ئیسپانیا و ب ڤی ئەنجامی ھەتا رادەیەکێ گەلەک مەزن یانا ریال مەدرید ھیڤیێن ژ دەستدانا ناسناڤێ خولێ ژ دەستدان پشتی یانا بەرشەلۆنا جوداھی دناڤبەرا خوە ریال مەدرید دا کرینە ١٢ خال.
دڤێ یاریێ دا یانا ریال مەدرید سەرەرای ئێک ژ باشترین ئاست پێشکێشکر ل وەرزێ ئەڤ سالە پشتی یاریزانێن وێ ئاستەکێ بلند یێ ھونەری پێشکێشکری د یاریێ دا لێ ھەموو بزاڤێن وێ د بێ مفابوون بەرامبەر بەرەڤان و گولچیێ یانا بەرشەلۆنا.
ھەژی گوتنێ یە کلاسیکو یا ئەڤ شەڤە د بوو یا چارێ ل وەرزێ ئەڤ سالە کو سێ جاران بەرشەلۆنا شیا سەرکەفتنێ توماربکەت بەرامبەر وەکھەڤیەکێ .
پێله‌كا بارانێ دێ دهۆكێ ڤه‌گریت
ئه‌ڤرۆنیوز:
ژێده‌ره‌كى ژ ریڤه‌به‌ریا گشتى یا كه‌شناسیێ ل عیراقێ راگه‌هاند ئه‌ڤ شه‌ڤه دێ پاله‌پستویه‌كا نزم به‌ر ب پارێزگه‌هێن هه‌رێما كوردستانێ ڤه‌هێت وبیته ئه‌گه‌رێ باران بارینێ.
سادق عه‌تیه، شاره‌زایێ پێشبینیێن كه‌شناسیێ ل رێڤه‌به‌ریا گشتى یا كه‌شناسیێ ل عیراقێ راگه‌هاند” دره‌نگیا ئه‌ڤ شه‌ڤه دێ كارتێكرنا وى پاله‌پستۆیێ نزم دیاربیت ودێ بیته ئه‌گه‌رێ باران بارینێ ل مووسلێ ول سپێده‌یا رۆژا سوباهى ئێكشه‌مبى 3/3/2019 ئه‌و پێلا بارانێ دێ گه‌هیته دهۆكێ وهه‌ولێرێ”.
خواندنا بلند لدۆر سه‌خته‌بوونا باوه‌رناما سه‌رۆكێ زانكۆیه‌كێ رۆهنكرنه‌كێ دده‌ت
ئه‌ڤرۆنیوز:
وه‌زاره‌تا خواندنا بلند ل هه‌رێما كوردستانێ رۆهنكرنه‌ك ل دۆر پرسا سه‌خته‌بوونا باوه‌رناما سه‌رۆكێ زانكۆیا هه‌له‌بجه به‌لاڤكر.
دوێ رۆهنكرنێ دا وه‌زاره‌تا خواندنا بلند ئاماژێ ب ده‌نگوباسه‌كێ هاتیه به‌لاڤكرن ل دۆر سه‌خته‌یا باوه‌رناما سه‌رۆكێ زانكۆیا هه‌له‌بجه دكه‌ت وئاشكرا دكه‌ت كو چه‌ند هه‌یڤه‌كه وه‌زاره‌تا خواندنا بلند ئاگه‌هدارى وى بابه‌تى یه ول سه‌ر داخوازا سه‌رۆكێ زانكۆیا هه‌له‌بجه، دووڤچوون ل دۆر وى بابه‌تى كریه وب نڤیسار ئاراسته‌ى ده‌سته‌یا ده‌ستپاكیێ ل هه‌رێما كوردستانێ كریه.
وه‌زاره‌تا خواندنا بلند دیاركر ژى كو ده‌سته‌یا ده‌ستپاكیێ دێ ڤه‌كۆلینێ دراستى ودروستیا وى بابه‌تى كه‌ت ووه‌زاره‌تا خواندنا بلند چاڤه‌رێ بریارا ئێكلاكه‌را ده‌سته‌یا ده‌ستپاكیێ دكه‌ت، له‌وما داخواز ژ هه‌ر كه‌سه‌كى كریه كو به‌لگه ل دۆر وێ پرسێ ل به‌رده‌ست دایه، ئاراسته‌ى ده‌سته‌پا ده‌ستپاكیێ بكه‌ت.
وه‌زاره‌تا ناڤبرى داخوازكریه ژى كو چو كه‌س ولایه‌نه‌ك نه‌هێته تۆمه‌تباركرن تاكو لایه‌نێن په‌یوه‌ندیدار ب فه‌رمى ئێكلا دكه‌ن ودۆسیێ ساخ دكه‌ن، دیاركر ژى كو سه‌رۆكێ زانكۆیا هه‌له‌بجه خواندنا (به‌كالوریۆس وماسته‌ر ودكتۆرا) ل هه‌رێما كوردستانێ یا تمامكرى.
پێشتر په‌رله‌مانتاره‌كێ سه‌ر ب نه‌وه‌ى نوێ نڤیساره‌كا وه‌زاره‌تا خواندنا بلند ل عیراقێ به‌لاڤكربوو كو تێدا ئاماژه ب وێ چه‌ندێ هاتیه دان، سه‌رۆكێ زانكۆیا هه‌له‌بجه ل سالێن 1991 و1992 ل خواندنا به‌كالوریۆسێ نه‌مایه، به‌لێ پاشى زانكۆیا هه‌له‌بجه رۆهنكرنه‌ك به‌لاڤكر وئاشكراكر كو سه‌رۆكێ زانكۆیا هه‌له‌بجه وه‌كو سه‌دان قوتابیێن كورد یێن دى، پشتى سه‌رهلدانا خه‌لكێ كوردستانێ ل سالا 1991، ل زانكۆیا به‌غدا نه‌ما ول زانكۆیا سه‌لاحه‌دین ل هه‌ولێرێ درێژى ب خواندنا خوه دایه.
ئه‌مریكا په‌كه‌كێ دناڤ لیستا تیرۆرێ دا دهێلیت
ئه‌ڤرۆنیوز:
وه‌زاره‌تا ده‌رڤه‌یا ئه‌مریكى راگه‌هاند كو پارتیا كاركه‌رێن كوردستانێ (په‌كه‌كه) دێ دناڤ لیستا تیرۆرێ دا هێلیت.
ل دووڤ به‌یاننامه‌كا وه‌زاره‌تا ده‌رڤه‌یا ئه‌مریكى دا كو دوهى ئه‌ینیێ 1/3/2019 هاتیه به‌لاڤكرن، هاتیه” ب درێژیا زێده‌تر ژ 20 سالایه په‌كه‌كه دناڤ لیستا تیرۆرێ یا ئه‌مریكا دا هاتیه دانان، ئه‌و وه‌لاته به‌رده‌وام به‌رهنگاریا گه‌فێن په‌كه‌كێ بوویه ول گه‌ل هه‌ڤپه‌یمانا خوه ل ناتۆ (توركیا) كاركریه بۆ رێگرتن ل كاروبارێن دارایى وكۆمكرنا پاره‌ى ژلایێ په‌كه‌كێ ڤه ل وه‌لاتێن ئورۆپى ول وه‌لاتێن دى ژى”.
وه‌زاره‌تا ده‌رڤه‌یا ئه‌مریكى دووپات كریه ژى كو دێ په‌كه‌كه دناڤ لیستا (رێكخراوێن تیرۆرستى یێن بیانى) مینیت وئه‌مریكا یا پێگیره ب به‌رهنگاریا وێ.
دیاركر ژى كو ئه‌ڤ بریاره دێ رێ ده‌ته حوكمه‌تا ئه‌مریكى بۆ بجهئینانا قانوونێ دژى ئه‌ندام وسه‌ركردێن په‌كه‌كێ ورێ نه‌دان ب په‌كه‌كێ بۆ كاركرنێ دناڤ سیسته‌مێ بانكى ودارایى یێ ئه‌مریكى دا.
پێشتر ژى ل سالا 2018، حوكمه‌تا ئه‌مریكى خه‌لاته‌كێ 12 ملیۆن دۆلارى بۆ وان وان كه‌سان ته‌رخان كربوو كو پێزانینان ل سه‌ر جهێ سێ ژ سه‌ركردێن بلند یێن په‌كه‌كێ بده‌ن ورێ خوه‌شكه‌ر بن بۆ ده‌سته‌سه‌ركرنا وان.
هه‌رێم وبه‌غدا ل دۆر ئاهێن خوارنێ وپارێ گه‌نمێ جوتیاران دێ كۆم بن
ئه‌ڤرۆنیوز:
شانده‌كێ هه‌رێما كوردستانێ ل سه‌ر چه‌ند پرسێن جودا دێ چیته به‌غدا وبریاره ل وێرێ كۆمبوونه‌كا به‌رفرهه بۆ چاره‌كرنا كێشان بهێته ئه‌نجامدان.
عه‌بدولرزاق ناوه‌نده‌یى، رێڤه‌به‌رێ گشتى ل وه‌زاره‌تا پیشه‌سازى وبازرگانى ل هه‌رێما كوردستانێ راگه‌هاند” بریاره شانده‌كێ هه‌رێما كوردستانێ ل سه‌ر پرسا ئاهێن خوارنێ وپارێ گه‌نمێ جوتیاران وچاوانیا تۆماركرنا كۆمپانیێن بازرگانى، سه‌ره‌دانا به‌غدا بكه‌ت”.
گۆت ژى”بۆ چاره‌كرنا كێشان ل به‌غدا ول گه‌ل وه‌زاره‌تا پیشه‌سازیا عیراقێ دێ دانوستاندنێ كه‌ین، به‌لێ هنده‌ك پرس یێن هه‌ین وه‌كو پشكا ئاهێن خوارنێ یا وه‌لاتیان په‌یوه‌ندى ب ده‌ستهه‌لاتا ناڤه‌ندى یا به‌غدا یا هه‌ى”.
نيشاندان
WP Facebook Auto Publish Powered By : XYZScripts.com