ئەڤرۆ نیوز ، زنار تۆڤی:
ئەڤرۆ چارشەمبی 27.2.2019 پێلەکا سەرمایێ ناحیا کانی ماسێ ڤەگرت و د ئەنجامدا رێژەکا بەفرێ ل ڤێ ناحیێ و دەرگەهێ سەرزێری وچەندین گوندێن ڤێ دەڤەرێ باریە.
سەربەست سەبری، رێڤەبەرێ ناحیا کانی ماسێ بۆ ئەڤرۆ نیوز دیارکر: ئەڤرۆ چارشەمبی رێژەکا دی یا بەفرێ ل سنۆرێ ناحیا کانی ماسێ ودەرگەهێ سەرزێری باریە و هەروەسا تیمێن رامالینا بەفرێ شیاینە رێیا سەرزێری ژ بەفرێ رامالن و نوکە وەلاتی دشێن ب رەنگەکێ ئاسایی هاتنوچوونێ دڤی دەرگەهی را بکەن.
ئەڤرۆ نیوز:
ھەردو یانێن بەرشەلونە و ریال مەدرید پێکھاتیێ خوە یێ فەرمی بۆ یاریا ئەڤ شەڤە ژ یاریا پێش دووماھیا قارەمانیا کاسا شاھێ ئسپانیا راگەھاند ئەوا دێ ل یاریگەھا سانیاگو بێرنابیو ھێتە کرن.
پێکھاتیێ ریال مەدرید:
گۆلپارێز: کیلور ناڤاس
ھێلا بەرگری: دانی کارڤاخال، سێرجیو راموس، رافائێل ڤاران، ریگیلون
ھێلا ناڤین: کاسیمێرز، تونی کروس، لوکا مودرێچ
ھێرشبەر: لوکاس ڤاسکێز، کەریم بنزیما، ڤینیسیوس جونیور
پێکھاتیێ بەرشەلونە:
گۆلپارێز: تێر شتیگن
ھێلا بەرگریێ: نیلسون سمیدو، جیرارد پیکێ، کلیمونت لینگلیێ، جوردی ئەلبا
ھێلا ناڤین: ئیڤان راکتیچ، بوسکێس، سێرجی روبێرتو
ھێرشبەر: مێسی، سوارێز، عسمان دێمبلێ
ئه‌ڤرۆنیوز:
هێمن هه‌ورامی جێگرێ ئێكێ یێ سه‌رۆكێ په‌رله‌مانێ كوردستانێ، چاكسازی دناڤ په‌رله‌مانێ كوردستانێ دا راگه‌هاند وئاماژه ب چه‌ند خالان دكه‌ت كو به‌رۆڤاژی خۆلێن بۆری یێن په‌رله‌مانی نه.
هێمن هه‌ورامی، جێگرێ سه‌رۆكێ په‌رله‌مانێ كوردستانێ دبه‌یاننامه‌كێ دا به‌لاڤكر” پشتی كو ل روونشتنا رۆژا 18 شوباتێ وه‌كو ده‌سته‌یا سه‌رۆكاتیا په‌رله‌مانێ كوردستانێ، ژلایێ پتریا په‌رله‌مانتارێن كوردستانێ باوه‌ری پێ هاته دان، ل گه‌ل سه‌رۆك وسكرتێرێ په‌رله‌مانێ كوردستانێ مه ده‌ست وه‌رگرتنا پێرابوونێن كارگێری یێن پێدڤی بۆ شه‌فافیه‌تا زێده‌تر یا كارێ په‌رله‌مانی وهه‌ر چ زێده‌تر باشتر رێكخستنا كاروبارێن كارگێری یێن په‌رله‌مانی وچه‌سپاندنا دادپه‌روه‌ریێ وشه‌فافیه‌تا زێده‌تر ونه‌هێلانا ب هه‌ده‌ردانا سامانێ گشتی ورێكخستنا خه‌رجیان”.
هه‌ورامی دیاركر ژی” وه‌كو ده‌سته‌یا سه‌رۆكاتیا نوكه یا په‌رله‌مانی، مه ژ خوه ده‌ستپێكر وئه‌و ده‌ست ڤه‌بوونا دده‌ستهه‌لاتا مه‌زاختنا دارایی وهاریكاریان كو ده‌سته‌یا سه‌رۆكاتیا په‌رله‌مانی هه‌بوو، مه نه‌هێلا ول رۆژێن بۆری ل گه‌ل هه‌موو شیره‌تكار ورێڤه‌به‌رێن دناڤ په‌رله‌مانی دا كۆمبووین وئه‌و سیاسه‌ت وشێوێ كارێ مه بۆ هاته رۆهنكرن ومه راگه‌هاند كو بلندكرنا پلێ ب میزاج ونه قانوونی ب تمامی ره‌ت دكه‌ین ویاردا واسته وواسته‌كاریێ وب هه‌رده‌ردانا بودجه ومیزاجیه‌ت دهاریكاریان وئیمتیازاتان ب تمامی ره‌ت دكه‌ین”.
خویاكر” دكۆمبوونا رۆژا 27/2/2019 ل گه‌ل هه‌موو سه‌رۆك فراكسیۆنێن په‌رله‌مانێ كوردستانێ، مه ئاگه‌هداركرن كو بێ چو جوداهیه‌كێ، بۆ كارێ په‌رله‌مانتاری پره‌نسیبێ دادپه‌روه‌ری به‌رامبه‌ر هه‌موو په‌رله‌مانتاران دێ ئه‌نجام ده‌ین ومه بۆ دیاركر كو به‌رۆڤاژی خۆلێن بۆری رێ ناده‌ین ژ بودجا گشتی هاریكاریێن بێ بنه‌ما ب هێجه‌تێن جۆراروجۆر بۆ په‌رله‌مانتاران بهێنه مه‌زاختن، رێ ناده‌ین ژ سامانێ گشتی بابه‌تێ كرینا ترومبێلان روو بده‌ت ول شووونا وێ چه‌ندێ، مه بۆ پێشنیازكر كو ب شه‌فافانه، هه‌یڤانه رێژا 2% ژ مووچێن وان بچیته دسندووقه‌كێ دا وپه‌رله‌مانێ كوردستانێ ژی ب هه‌مان رێژه هاریكار بیت د وێ سندووقێ دا بۆ حاله‌تێن ساخله‌میێ وحاله‌تێن پێدڤی، ئه‌ڤ چه‌نده ژی بۆ بنبركرنا ب هه‌ده‌ردانێ وبریارێن میزاجی”.
جێگرێ سه‌رۆكێ په‌رله‌مانێ كوردستانێ گۆت ژی” بۆ كاروبارێن ڤه‌گوهاستنێ وكارێ رۆژانه یێ په‌رله‌مانتاران وهاتنوچوونا باژێر وباژێركان وسه‌ره‌دانا وه‌لاتیان، مه ئاگه‌هداركرن كو چاڤه‌رێ وێ چه‌ندێ نه‌بن ژ بودجا په‌رله‌مانی ترومبێل بهێنه دابینكرن ول شوونا وێ چه‌ندێ پێشنیازه‌ك بۆ هاته كرن كو ب قیستێ هه‌یڤانه ژ مووچێن خوه، ب گرونتیا په‌رله‌مانی، ترومبێلان بۆ خوه دابین بكه‌ن”.
هێمن هه‌ورامی ل دووماهیا به‌یااناما خوه دا دیاركر” شێوازێ كارێ مه ب شه‌فافانه یێ به‌رده‌وامه بۆ وێ چه‌ندێ په‌رله‌مانه‌كێ ب هێز مه هه‌بیت وپرس وراوێژكرن ب فراكسیۆنان بۆ كاروبارێن په‌رله‌مانی وئیداره‌كرنێ نه‌هجێ مه‌یه”.
ئه‌ڤرۆنیوز:
رێڤه‌به‌ریا گشتی یا كه‌شناسیێ ل هه‌رێما كوردستانێ د هوشداریه‌كێ دا كو ئه‌ڤرۆ چارشه‌مبی 27/2/2019 به‌لاڤكری دیاركر كو ئاستێ ئاڤا بارانان ل چه‌ندین ده‌ڤه‌رێن هه‌رێمێ دێ بلند بیت ژوان سێ ده‌ڤه‌ر ل پارێزگه‌ها دهۆكێ نه.
رێڤه‌به‌ریا ناڤبری ئاماژه‌كر كو پێشبینی دهێته كرن ئاستێ باران بارینێن ڤان رۆژانل سه‌نته‌رێ پارێزگه‌هان بلند ببیت دسه‌ر 30 ملم ول ده‌ڤه‌رێن چیایی بۆ دسه‌ر 60 ملم وشه‌ڤا ئه‌ینیێ ئه‌ڤ پێلا بارانێ دێ ب دووماهی هێت.
به‌لاڤكر ژی كو ئه‌و ده‌ڤه‌رێن مه‌ترسیا بلندبوونا ئاستێ زۆر یێ ئاڤێ لێ هه‌ی ده‌ڤه‌رێن، چۆمان وسۆران وقه‌لادزێ وحاجی ئۆمه‌ران ورانیا وئامێدیێ وكانی ماسێ وزاخۆ.
ئه‌ڤرۆنیوز:
ئه‌ندامه‌كێ مه‌كته‌با سیاسی یا پارتی دیموكراتی كوردستان ئه‌ڤرۆ چارشه‌مبی 27/2/2019 راگه‌هاند، ده‌مێ وێ چه‌ندێ یێ هاتی شاندێ ئێكه‌تی نیشتمانی كوردستان سه‌ره‌دانا مه بكه‌ت.
رۆژ نوری شاوه‌یس، ئه‌ندامێ مه‌كته‌با سیاسی یا پارتی بۆ رۆژنامه‌ڤانان گرت” پارتی یا رژده ل سه‌ر دروستكرنا كابینا نوو یا حوكمه‌تا هه‌رێما كوردستانێ ودڤێت هه‌ر لایه‌نه‌كێ پشكدار پێگیری به‌رنامێ حوكمه‌تێ بیت.
سه‌باره‌ت دانوستاندنێن دناڤبه‌را پارتی وئێكه‌تیێ ل دۆر پێكئینانا كابینا نوو یا حوكمه‌تا هه‌رێما كوردستانێ، گۆت” مه وه‌كو پارتی دیموكراتی كوردستان چه‌ندین جاران سه‌ره‌دانا سلێمانیێ كریه بۆ لایێ ئێكه‌تیێ وبراده‌رێن گۆران ولایه‌نێن دی ونوكه ژی ده‌مێ وێ چه‌ندێ یێ هاتی شاندێ ئێكه‌تیێ سه‌ره‌دانا مه بكه‌ت”.
ئەڤرۆ نیوز، عەلی حاجی:
د قوناغا دوێ دا ئەڤرۆ ل روژا چار شەمبێ رێکەڤتی ٢٧/٢/٢٠١٩ ١١ پارچێن عەردی ل سەر زیندانیێن سیاسی ل باژێرڤانیا زاخۆ ھاتنە بەلاڤ کرن .
ل دور ڤێ چەندێ نەوزاد حاجی بەرپرسێ بەلاڤکرنا پارچێن عەردی ل باژێرڤانیا زاخۆ بۆ ئەڤرۆ نیوز گوت: ئەڤرۆ د قوناغا دویێ دا ١١ پارچە زەڤی ل سەر زیندانیێن سیاسی ل زاخۆ ھاتنە بەلاڤکرن و پارچە زەڤیێن وان زیندانیێن سیاسی ژی دکەڤیتە گوندێ سەلکا و دەڤەرەکا گونجایە ژبەر ڤێ چەندێ مە ئەو دەڤەر ھەلبژارت و ھەمی زیندانیێن سیاسی ل زاخۆ بوونە خودان پارچە عەردی .
ناڤھاتی ئەو چەندە ژی گۆت : دقوناغا ئێکێ دا ١٥٤ پارچێن عەردی ل سەر زیندانیێن سیاسی ل زاخۆ ھاتنە بەلاڤکرن ، ژ روویێ خزمەتگوزاریان ڤە ھەر دەما وان کەسان دەست ب ئاڤاکرنا خانیان کرن ل گورەی شیانان دێ ھاریکار بین .
ئەڤرۆ نیوز:
ل سەر داخوازیا سەندیکا پارێزەرێن کوردستانێ وەزیرێ دارایی بریارەک د بەرژەوەندیا وان دا دەرکر و ب رێژەیا ٢٥% باج ل سەر وان ھاتە کێمکرن ھەتا ھەیڤا خوزەیرانا ئەڤ سالە.
د ڤێ نڤیسارێ دا ئەوا دوھی دەرکەفتی و ئیمزایا وەزیرێ دارایی رێباز حەملان ل سەر ھاتیە پێخەمەت بەرژەوەندیا گشتی و ئاسانکاری بۆ ھەموو پارێزەرێن کوردستانێ رێژەیا ٢٥% داشکاندنا باجێ ل سەر پارێزەران ھاتە کێمکرن، و کار دێ ب ڤێ بریارێ ھێتە کرن ھەتا ھەیڤا خزەیرانا ئەڤ سالە.
ھەژی گۆتنێ یە بەری ماوەکی ل دووڤ داخوازا پارێزەران سەندیکا پارێزەرێن کوردستانێ چەندین نڤیسار بۆ لایەنێن پەیوەندیدار ھنارتینە پێخەمەت بەرچاڤ وەرگرتنا رەوشا دارایی یا پارێزەران و قەیرانا دارایی و باج ل سەر وان بھێتە کێمکرن.
ئەڤرۆ نیوز، عەلی حاجی :
٢٤ سال ل سەر کارەساتا ٢٧ێ شوباتێ ل باژێرێ دەرباز بوون و د سال روژا وێ کارەساتێ دا چو رێ و رەسمێن ماتەمینی نە ل سەر ئاستێ حکومی و نە ژی ل سەر ئاستێ حزبی ل باژێرێ زاخۆ ب رێڤە نەچوون و وەکی روژا ئاسای ب رێڤە چوو.
ل دور ڤێ چەندێ محەمەد حاجی رێڤەبەرێ شەھید و ئەنفالکریان ل زاخۆ بۆ ئەڤرۆ نیوز گۆت: بۆ ماوێ دو سالایە چو رێ و رەسمێن رێزگرتنێ ل زاخۆ ب کارەساتا٢٧ شوباتێ ل زاخۆ رێڤە نەچووینە و ئەڤرۆ ژی من پەیوەندی ب لایەنێن پەیوەندیدار ل زاخۆ کری یە ل دور ڤێ چەندێ لێ ئەز ل باوەرێ مە ژبەر ھەبونا کێشەیەکا سیاسی ئەڤ چەندە نەھاتە کرن.
ناڤھاتی زێدەتر گۆت: ھەر چەندە کارەساتەکا مەزنە ل زاخۆ چێ بووی و ئەڤ کارەساتە چو جاران ناھێتە ژبیرکرن ، ژبەری ماوەیەکە مە چەندین بزاڤ کرن داکو ئەڤ رێورەسمە بھێنەگێران لێ چو ئەنجامەک نەبوو بشێن ئەنجام بدەین.
ئەڤرۆ نیوز:
ئالۆزیێن د ناڤبەرا پاکستانێ و هندێ بەرفرەهتر دبن و بەری دەمەکێ وەزارەتا ناڤخوە یا پاکستانێ راگەهاند کو بۆ دەمەکێ نەدیار دێ ئەسمانێ مە بۆ هەموو فرۆکان هێتە داخستن.
ل ئالیێ دی عومران خان سەرۆک وەزیرێن پاکستانێ ژی راگەهاند کو ئەم بەرهەڤین ب رێیا دانوستاندنان هەموو پرسێن خوە ل گەل هندێ چارە بکەین، چونکو ب شەر و ئالۆزیان چو ئالیەک نەشێت یێ مفادار بیت.
پاکستانێ ژی ئەڤرۆکە راگەهاند وان دو فرۆکێن شەری یێن هندێ ئێخستینە خوارێ و هندێ ژی راگەهاند کو وان فرۆکەکا سەربازی یا پاکستانێ ئیخستینە خوارێ.
ئەڤرۆ نیوز:
چاڤدێرەکێ سیاسی یێ رۆژهەلاتێ کوردستانێ دیار دکەت کو بابەتێ دەست ژکارکێشانا وەزیرێ دەرڤە یێ ئیرانێ پیلانەک بۆ ژ ئالیێ دەستهەلاتێ ڤە هاتبوو دانان و ئارمانجا ڤێ پیلانێ ژی راگرتنا هەڤسەنگیێن ناڤخوەیی و دەرڤە بوو.
شەهریار خەلیلی چاڤدێرێ سیاسی ل رۆژهەلاتێ کوردستانێ دیار کر کو زەریف دەستێ راستێ یێ رۆحانی یە، رۆحانی ژ هەموو تشتەکێ ئاگەهدار بوو و زەریف ژی باش دزانی کو دەست ژ کارکێشانا وی ناهێتە قەبوول کرن، سەرۆکی شۆرەشا ئیسلامی ژی رێ نەدا نها زەریف دەستان ژ کارێ خوە بەردەت و وان دڤیا بزانن کا دێ هەلویستێ ناڤخوەیی و دەرڤە چ بیت. ئانکۆ ب کورتی دشێم بێژم بابەتێ دەست ژ کارکێشانا زەریفی پیلانەک بوو ژ ئالیێ دەستهەلاتێ ڤە هاتبوو دارێتن.
نيشاندان