ئەڤرۆ نیوز:
رۆژناما ئاس یا ئیسپانی ل سەر مالپەرێ خوە یێ فەرمی ئاشکراکریە وەرزێ ئێکێ یێ یاریزانێ بەرازیلی ڤینیسیوس ل گەل یانا ریال مەدرید یێ جیاوازە و باشترە ژ وەرزێ ئێکێ میسی ل گەل بەرشەلۆنا .
ئەوێ رۆژنامێ ئەو چەندە ژی دیارکریە ل وەرزێ ئێکێ میسی ل گەل بەرشەلۆنا بتنێ پشکداری ٩ یاریان دا کر و بتنێ یاریەکێ وەکو یاریزانەکێ سەرەکی بوو لێ ڤینیسیوس ل وەرزێ خوە یێ ئێکێ ھەتا نوکە پشکداری د ٢٥ یاریان دا کریە و ١٦ ژ ئەوان وەکو یاریزانەکێ سەرەکی بوو ھەتا نوکە ژی خول ب دووماھیی نەھاتیە.
ھەردیسان ئەوێ رۆژنامێ دیارکریە ژی یاریزانێ بەرازیلی ل گەل یانا ریال مەدرید پشکداری چار قارەمانیان دا کریە ل وەرزێ خوە یێ ئێکێ ئەوژی لالیگا و کاسا ئیسپانیا و چامپیونیز لیگ و موندیالا یانێن جیھانێ و ھەتا نوکە ٤ گول تومارکرینە و ١٢ گول بوو ھەڤالێن خوە بەرھەڤکرینە لێ میسی ل وەرزێ خوە یێ ئێکێ ٩ یاریان دا پشکداری کر و بتنێ یاریەکێ وەکو یاریزانەکێ سەرەکی بوو شیا گولەکێ ل وێ یاریێ دا توماربکەت و ل یاریەکێ ژی وەکو یاریزانەکێ یەدەگ پشکداری د قارەمانیا چامپیونیز لیگ دا پشکداری کر ئەوژی ل یاریا بەرامبەر شاختار دونیسیک یا ئوکرانی بوو.
ھەژی گوتنێ یە ڤینیسیوس جونیور یێ بەرازیلی ل ھاڤینا بوری ژ یانا فلامینگو یا بەرازیلی ھاتبوو ڤەگوھاستن بوو یانا ریال مەدرید بەرامبەر ٤٥ ملیون یورۆیا.
راھێنەرێ ئەلمانی و یانا پاریس سانجێرمان توماس توخێل دیارکر یاریزانێ وێ یێ ئەرژەنتینی ئەنخیل دی ماریا رولەکێ مەزن ھەبوو د سەرکەفتنا ئەوان یا شەڤا بوری دا ل سەر دیچون ب سێ گولان بێ بەرامبەر ژ چارچوڤێ قوناغا ھەشتێ ژ کاسا فرەنسا و شیابوو ھەردو گولێن ئێکێ و دوێ بوو یانا خوە توماربکەت.
زێدەتر راھێنەرێ پاریس سانجێرمان دیارکر ل سالا ٢٠١٤ دەمێ یانا ریال مەدرید شیا ناسناڤێ خوە یێ ١٠ ژ قارەمانیا چامپونیز لیگ ب دەستخوڤە بینت د وی دەمی دا ئەوی دیڤچوونەکا باش ل سەر قارەمانیێ ھەبوو کو دی ماریا رولەکێ مەزن د برنا وێ قارەمانیێ دا ھەبوو تایبەت ل یاریا دووماھیا قارەمانیێ .
وی راھێنەرێ ئەلمانی ئەو چەندە ژی ئاشکراکر ئەو گەلەک یێ داخبارە ل ئاستێ دی ماریا و دبینت ژ یاریزانێن ھەرە باشە دناڤا پێکھاتیێ تیما وی دا و ھەر دەمێ کیژ ژ یاریزانێن ئەوی نیمار یان مباپێ و کاڤانی ژی پشکداری ل گەل پێکھاتیێ یانێ نەکەن چ مەترسی ل دەڤ ئەوان پەیدانابیت ژبەرکو ئەوی یاریزانەکێ وەکو دی ماریا ھەیە .
ھەژی گوتنێ یە دی ماریا دناڤبەرا سالێن ٢٠١٠ ھەتا ٢٠١٤ یاری ل گەل یانا ریال مەدرید کر و د ماوێ ئەوان چار سالان دا شیا ٥ ناسناڤان ب دەستخوڤە توماربکەت ئەوژی ھەر ئێک ژ ناسناڤێ خولا ئیسپانیا و کاسا شاھێ ئیسپانیا و سوپەرا ئیسپانیا ھەردیسان چامپیونیز لیگ و سوپەرا ئورۆپی و د ماوێ چار سالان دا نێزیکی ١٢٨ یاری ل گەل یانا ریال مەدرید ئەنجامدابوون.
ئەڤرۆ نیوز، لەزگین جوقی:
سەرۆکێ جڤاتا پارێزگەھا نه‌ينه‌وا دیارکر کو سەربرینا ھندەک ژن و کچێن ئێزدی ل وەلاتی سوریا ل دەڤەرا باغوز تاوانەکا دی یا مەزنا تیرۆرستێن داعشێ يه بەرامبەر ئێزدیان ئەنجامداین.
سەیدۆ چەتۆ، سەرۆکێ جڤاتا پارێزگەھا نه‌ينه‌وا د راگەھاندنەکێ دا دیارکر کو پێدڤیە لایەنیێن پەێوەندار ھەموو پێکڤە کار بکەن بۆ ئێنانا تەرمێ وان کچ و ژنێن سەرێ وان ھاتیە برین و تەرم بۆ کەس و کارێن وان بھێنە ڤەگوھاستن ژ لایێ تیرۆرستێن داعش ڤە ل وەلاتی سوریا دەڤەرا باغوز و ڤەکۆلینەکا مەزن دڤێ تاوانێ دا بھێتە ئەنجامدان و ئەو دەستێن ڤەشارتی یێن د پشت ڤێ تاوانێ دا ھەموو بھێنە ئاشکراکرن و سزادان رێکخراوا تیرۆرستێن داعش ل باغوز تاوانەکا دێ ئەنجام دایە ب تایبەتی ژی دژی ئێزدیان و سەرێ کچ و ژنان بریە پێدڤیە ھەموو لایەنیێن جیھانێ ل سەر ڤی تاوانا مەزن بھێنە دەنگ.
ناڤھاتی ئەو ژی ئاشکەرا کر کو ب توندین شیوە ڤی تاوانا مەزن یا تیرۆرستێن داعش ل باغوز شەرمەزار دکەین دڤێ تاوانێ دا 50 ژن و کچێن ئێزدی ھاتینە سەرژیکرن.
ئەڤرۆ نیوز، نەوزاد ھلۆری:
ھەر سال ل رۆژا 1/3 ماسی ل سەرانسەرێ کوردستانێ دھێنە قەدەغەکرن، بەلێ ئەڤ سالە د ژڤانێ دیارکری دا ناھێتە قەدەغەکرن، رێڤەبەرێ فەرمانگەھا ژینگەھا دھۆکێ ژی دیارکر کو رەنگە نێزیکێ ناڤەراستا ھەیڤا ئادارێ ماسی بھێنە قەدەغەکرن.
محەمەد تاھر بریفکانی، رێڤەبەرێ فەرمانگەھا ژینگەھا دھۆک بۆ ئەڤرۆ نیوز گۆت: (ب مەرەما پاراستنا ماسیان ژ ناڤچوون و زێدەبوونا وان، سالانە دل 1/3 ماسی دھێنە قەدەغەکرن، ژبەرکو وەرزێ زێدەبوون و دانانا خەرزی یە، ھەتا 21/6 درێژی ب قەدەغەکرنێ دھێتەدان، بەلێ ئەڤ ساە ھێشتا چ بریار بو قەدەغەکرنا ماسیان ل ژڤانێ دیارکری نەھاتینەدان).
زێدەتر گۆت: (رەنگە کومبوونا دیارکرنا چەوانیا قەدەغەکرنا ماسیان ل نێزیکێ ناڤەراستا ھەیڤا سێ بھێتەدان، ژبەرکو قەدەغەکرنا ماسیان لسەر بلندبوون و نزمبوونا پلەیێن گەرمایێ دھێتەکرن و ئەڤ سالە کەش و ھەوا ل گەل سالا بوری جودایە).
ئه‌ڤرۆ نيوز، له‌زگين جۆقى:
د.نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو ئەو شیان رێککەفتنەکێ ل گەل رێکخراوا Med Global یا ئەمریکی ئیمزابکەن.
رێڤەبەرێ گشتیێ ساخلەمیا پارێزگەھا دھۆکێ دیاکروان دێ پلانەک ل گەل رێکخراوا ناڤبری ھەبیت د وارێ پێشڤەبرنا کەرتێ ساخلەمیێ ل پارێزگەھا دھۆکێ و گۆت: ئارمانج ژ رێککەفتنێ ئەوە ئەم بشێین مفای ژ شیانێن نوشدار و کارمەندێن ژ دەرڤە ببینین کو بھێنە پارێزگەھا دھۆکێ و نوشدار و کارمەندێن مە مەشق بدەن ل دور نووترین داھێنانێن زانستی د وارێ ساخلەمیێ دا، ژپێخەمەت گەھاندنا وان بو نەخوشان دناڤ دەزگەھێن ساخلەمیێ دا.
د. تەیسیر کەریم، نوونەرێ رێکخراواMed Global یا ئەمریکی دیارکرئەڤ رێککەڤتنە دێ بۆ دەمێ سالەکێ یا بەردەوام بیت و خواست زێدەتر بھێتە درێژکرن و بشێن خزمەتا خەلکێ دھۆک و ئاوارە وپەنابەران بکەن و گۆت: ل مەھا نیسانی شاندەکێ نوشدارێن ئەمریکی ژی دی قەستا دەڤەرێ کەن زێدەباری خزمەتێن ساخلەمیێ دێ دەست ب خۆلین مەشق وراھێنانا ستافێ ساخلەمیێ کەن ب تایبەتی بۆ نوشدار و پەستار و و ھەموو کارمەندێن ساخلەمیێ داکو بشێن خزمەتێن ژدەرڤە دھێنە پێشکیشکرن بگەھیننە کوردستانێ ب تایبەتی ژی ساخلەمیا پارێزگەھا دھۆکێ مە لبەرە پاشەرژۆی تیمەکێ نوشدارین ئەمریکێ یێن ھەرە پێشکەڤتیی بینە کوردستانێ داکو بشیوەیەکێ باشتر زانستی نوو یێ نوشداری بگەھیتە ھەرێما کوردستانێ و پتر مفا ژی بھێتە وەرگرتن بۆ وەلاتیان. دبوارێ پێشکێشکرنا خزمەتێن دەستپێکێ یێن ساخلەمیێ ل کەمپێن ئاواران ل سنۆری پارێزگەھا دھۆکێ ل بنگەھێن ساخلەمیێ یێن پارێزگەھا دھۆکێ.
ئه‌ڤرۆ نيوز، نيوار محه‌مه‌د سه‌ليم:
په‌رله‌مانێ كوردستانێ داخوازنامه‌ك بۆ كۆمبوونا ئێكێ ژ خولا بهارێ يا په‌رله‌مانێ كوردستانێ بۆ په‌رله‌مانتاران ره‌وانه كريه و داخواز ژێ كريه كو ل رۆژا ئه‌ينى ئاماده‌ى روونشتنا په‌رله‌مانێ كوردستانێ بن.
ده‌قێ گازيا سه‌رۆكاتيا په‌رله‌مانێ كوردستانێ بۆ ئه‌ندامێن په‌رله‌مانێ كوردستانێ:
ب گۆره‌ى حوكمێ برگا (سێ) يێ ماددێ (18) ژ په‌يره‌وێ ناڤخۆ يێ په‌رله‌مانێ كوردستانێ – عيراق، مه بڕيار دا گازى هه‌موو ئه‌ندامێن به‌رێزێن په‌رله‌مانى بكه‌ين بۆ روونشتنا ژماره (2) يا ئاسايى، سالا ئێكێ ژ خولا هه‌لبژارتنان يا پێنجێ يا په‌رله‌مانێ كوردستانێ – عيراق ل ده‌مژمێر 10:00ى سپێده‌هيا رۆژا ئه‌ينى رێكه‌فتى 1ى ئادارا 2019ێ، هيڤيه ل ده‌مێ دياركرى ئاماده بن.
ئه‌ڤرۆ نيوز:
ئه‌ندامه‌كێ مه‌كته‌با سياسى يا ئێكه‌تى نشتيمانى كوردستان ره‌تكر كو ئه‌وان داخوازا پۆستێ سه‌رۆكێ هه‌رێما كوردستانێ كربيت و ده‌باره‌ى پارێزگارێ كه‌ركووك ژى دا زانين كو سه‌رۆك بارزانى و كوسره‌ت ره‌سۆل دێ پارێزگارێ نوو يێ كه‌ركووك ده‌ستنيشان كه‌ن.
قادر عه‌زيز، ئه‌ندامێ مه‌كته‌با سياسى يا ئێكه‌تى نشتيمانى كوردستان د داخۆيانيه‌كێ دا بۆ راديۆيا ده‌نگێ ئه‌مريكا گۆت: “ئێكه‌تى نشتيمانى كوردستان ب فه‌رمى داخۆازا پۆستێ سه‌رۆكێ هه‌رێمێ نه‌كره، هه‌كه ل گه‌ل پارتى پێك نه‌هێن به‌حس ل پۆستا ناكه‌ن و پارڤه‌كرنا وان، هێشتا زوويه به‌حس ل پۆستا و پۆستێ سه‌رۆكێ هه‌رێما كوردستانێ بكه‌ين”.
زێده‌تر گۆت: “ئێكه‌تى نشتيمانى كوردستان بۆ پارێزگارێ كه‌ركووك ژى چار به‌ربژار هه‌نه كو هه‌ر ئێك ژ رزگار عه‌لى، رفعه‌ت عه‌بدولا، ئاسۆ مامه‌ند و خالد شوانى نه، ئه‌ڤ ناڤه بۆ پارتى هاتينه ره‌وانه‌كرن دا كو رازيبوونێ ل سه‌ر كه‌سه‌كى بكه‌ن بۆ پۆستێ پارێزگارى”.
ئه‌ندامێ مه‌كته‌با سياسى يا ئێكه‌تى نشتيمانى كوردستان گۆتژى: “ب گۆره‌ى گۆتنا برايێ من مه‌سعود بارزانى و وه‌كو پێشنياز كو بۆ ئێكه‌تى نشتيمانى كوردستان ره‌وانه كريه كو پارتى دێ ل سه‌ر ئێك ژ وان چار به‌ربژێران رازى بيت بۆ پارێزگاريا كه‌ركووك. بارزانى دێ ل گه‌ل كوسره‌ت ره‌سۆل ئاخڤيت دا كو ئێك ژ وان چار به‌ربژاران هه‌لبژێريت”.
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١١ ل دیڤ دەمێ کوردستانێ یاریا کلاسیکویا ئیسپانیا دناڤبەرا ھەردو یانێن ریال مەدرید و بەرشەلۆنا ل یاریگەھا سانتیاگو برنابیو ژ چارچوڤێ یاریێن ھاتنێ ژ قوناغا پێش دووماھیا کاسا شاھێ ئیسپانیا بھێتەکرن .
بەری ڤێ یاریێ راھێنەرێ بەرشەلۆنا دیارکر دەستپێکێ ئەو یێ کەیفخوشحالە ئەو دێ یاریا خوە یا ژمارە ١٠٠ ل گەل یانا بەرشەلۆنا ئەنجامدان و ھەکە شیا ل ڤێ یاریێ سەرکەفتنێ توماربکەن دێ ئەو گەلەک یێ کەیفخوشحال بیت رۆژەکا تایبەت بیت بوو وی ژبەرکو دێ گەھنە یاریا دووماھیێ و سەرکەفتن ل یاریا وی یا ژمارە ١٠٠ دێ ل یاریا کلاسیکو بیت.
زێدەتر ناڤبری دیارکر ئەو دێ سوباھی ب ھەموو یاریزانێن خوە یێن سەرەکی یاریێ کەن و دێ پشت بەستنێ ب تمامی ل سەر یاریزانێن خوە یێن سەرەکی کەین ھەر وەکو بەری یاریا لیون ئەوان دیارکر بوو ئەو بوو یاریا کلاسیکو یا کاسا شاھێ ئیسپانیا دێ شەرەکێ مەزن کەن بوو سەرکەفتنێ و دەستڤە ئینانا پلێتا دەربازبوونێ بوو یاریا دووماھیێ و خوسارەتیا ئەوان دێ ژ قارەمانیێ ھێنە دورخستن لەورا ئەو ناخوازن ب ئەنجامەکێ لاواز ژ سانتیاگو برنابیو ڤەگەرن ئارمانجا ئەوان ئەوە ھەر قارەمانیەکا ئەو پشکدریێ تێدا بکەن ب گەھنە گوپیتکێ و دەستڤە ئینانا ناسناڤی.
سەبارەت ئەو ئەنجامێن باش یێن بەری نوکە یانا بەرشەلۆنا ل یاریگەھا ریال مەدرید ب دەستخوڤە تومارکری راھێنەرێ بەرشەلۆنا دیارکر راستە ئەوان ل ماوێ چەند سالێن بوری شیانە ئەنجامێن باش ل یاریگەھا سانتیاگو برنابیو ب دەستخوڤە بینن لێ ئەو ئەنجام ھەموو د مفایێ ئەوان دا نینن بوو سوباھی ژبەرکو ئەو کارەکێ بوری یە و ئەو دھێتە ژبیرکرن و نوکە یا گرنگ ئەوە ئەو ھزر ل سەرکەفتنێ بکەن بتنێ بوو یاریا سوباھی ژبەرکو ھەڤرکا ئەوان ژی نوکە د رەوشەکا باش دابوریت لەورا ل سەر ئەوان پێدڤی یە ب گرنگیەکا مەزن و چیاواز ڤێ یاریێ وەربگرن.
سەبارەت نە پشکداریا ئارسر راھێنەرێ بەرشەلۆنا دیارکر راستە ئەو یاریزانەکێ ستێرە دناڤا پێکھاتیێ یانێ دا لێ ئەو ژی نە یێ پشکدار بیت ل گەل یانێ ئەو یاریێ باش دکەن ژبەرکو یانا ئەوان یا پرە ژ ستێران و ئەوی باوەری ب ھەموو یاریزانێن خوە ھەیە.
ئه‌ڤرۆ نيوز، نيوار محه‌مه‌د سه‌ليم:
پشتى ب ده‌نگێن 76 په‌رله‌مانتاران باوه‌رى ب ئه‌ندامێن لژنا قانوونى يا په‌رله‌مانێ كوردستانێ هاتيه دان، بڕياره وه‌كو كارێ ئێكێ يێ په‌رله‌مانى قانوونا سه‌رۆكاتيا هه‌رێمێ بهێته راستڤه‌كرن دا كو پێكئينانا حوكمه‌تێ ب ساناهيتر بكه‌ڤيت.
بژار كوچه‌ر ئه‌ندامێ لژنا قانوونى ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “دا كو بۆشى يا قانوونى دروست نه‌بيت، هه‌روه‌سا دا كو سه‌رۆكاتيا هه‌رێمێ بهێته كارا كرن، په‌رله‌مانێ كوردستانێ وه‌كو كارێ خوه يێ ئێكێ يێ داهاتى دێ قانوونا سه‌رۆكاتيا هه‌رێمێ راستڤه‌كه‌ت”.
لژنا قانوونى يا په‌رله‌مانێ كوردستانێ ب بڕبڕا پشتا په‌رله‌مانى دهێته هژمارتن و چو قانوونه‌ك بێ ره‌زامه‌نديا وان و كارێ وێ لژنێ تێدا ناچيته ناڤا په‌رله‌مانى و خواندن بۆ ناهێته كرن. ئه‌ڤ لژنه ژ 11 ئه‌ندامان پێك دهێت و باوه‌رى ب 9 كه‌سان هاتيه دان و دو په‌رله‌مانتارێن ئێكه‌تيێ يێن ماين و هێشتا ناڤێن وان نه‌هاتينه ئاشكه‌را كرن.
ب گۆره‌ى په‌يره‌وێ ناڤخۆ يێ په‌رله‌مانێ كوردستانێ، دڤێت پشتى ته‌مامبوونا روونشتنا ئێكێ د ماوێ 25 رۆژان دا، هه‌موو لژنێن هه‌رده‌مى يێن په‌رله‌مانى بهێنه پێكئنيان، كو ژ 15 لژنان پێك هاتينه.
نيشاندان