ئەڤرۆ نیور: بارزان مزووری:

سوبە سپێدێ رێکەفتی ٧ کانوونا دووێ ٢٠١٨ رێڤەبەریا رەوشەنبیری و ھونەری قەزا شێخان دێ کونفرانسێ خو ئەنجام دەت د وی کونفرانسی دا دەستەیەکا نوی بۆ سەنتەرێن رەوشەنبیری یێن شێخان و ناحیا کەلەکچی و کومەلگەھا چرە ب رێکا ھەلبژارتنان دانیت.

حەجی ئەحمەد، رێڤەبەرێ رەوشەنبیری و ھونەری ل قەزا شێخان بۆ ئەڤرۆ نیۆز گۆت:ماوەکێ درێژە کونفرانسێن بۆ سەرنترێن روشەنبیری نەھاتینە ئەنجام دان گەلەک ژ دەستەیا وان سەنتەرا چووینە دەرڤەی وەلاتی رێژەکا کێم ژ دەستەیا مابوون وەکو پێدڤی نەشیان چالاکیان ئەنجام دەن ب بەرھەڤبوونا قائیمقامێ قەزا شێخان و نوێنەرێن رێڤەبەریا سەنتەرا و نوێنەرێن رێکخراوێن جەماوەری و پیشەی دێ رێکا ھەلبژارتنان دەستەیەک نوو ھێنە ھەلبژارتن.

ئەڤرۆ نیوز، عەلی حاجی:

رێڤەبەرێ بەلاڤکرنا کارەبا زاخۆ بۆ ئەڤرۆ نیوز دیار کر کو ل گورەی رێنمایێن وەزارەتا کارەبێ یا حوکمەتا ھەرێما کوردستانێ یێن سالا ٢٠١٨ ێ سزایێ وان کەسان زێدەتر لێھاتیە ئەوێن سەرپێچیێ ل سەر تورا کارەبێ ل زاخۆ دکەن.

ئەندازیار خالد سالح، رێڤەبەرێ بەلاڤکرنا کارەبا زاخۆ دیار کر کو بەری نوکە ھەر کەسەکێ سەرپێچی کربا ب کوژمێ ٣٠ ھزار دیناران دھاتە سزادان، بەلێ ل سالا ٢٠١٨ دا ل دووڤ رێنماێن وەزارەتێ ئەو سزایە زێدەتر لێھاتیە و گۆت: “ھەتا نوکە کار ب وان رێنمایان نەدھاتە کرن، بەلێ ل سالا ٢٠١٩ دا دێ ب رژدی کار ل سەر ڤێ چەندێ کەین داکو ئەو گڤاشتنا ل سەر تورا کارەبێ کێم ببیت”.

ناڤھاتی ئاماژە دا وێ چەندێ کو ھەر مالەکا زێدەگاڤی کربیت ھەر چ جورێ زێدەگاڤیێ بیت و ھەر مالەکا ئێک ھێل کێشابیت ب سەرپێچی دێ ل گورەی قانوونێ ب ٥٠٠ ھزار دیناران دەت بەلێ ئەگەر ٣ ھێل ب سەر پێچی کێشابن دێ ٧٥٠ ھزار دیناران ھێتە سزادان، ئەگەر جھەکێ گەشت و گوزارێ یان پێشەسازی بیت یان ژی بازرگانی بیت ب ئێک ھێل سەرپێچی کربیت دێ سزایێ وی ٧٥٠ ھزار دینار بیت و ئەگەر ب سەرپێچی ٣ ھێلا کێشا بن دێ ب ملیونەکێ ھێتە سزادان .