ئەڤرۆ نیوز، هۆشەنگ تاجر:

داوود محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو دوهی کچا وەرزشڤان یا رۆژهەلاتێ کوردستانێ ئارەزو میرەکی ژ ئالیێ هێزێن ئێمناهیێ یێ ئیرانێ ڤە هاتە دەستەسەر کرن و هەتا نها ژی چارەنڤیسێ وێ دیار نینە.

ل دۆر ئەگەرێ گرتنا وێ ژی ناڤهاتی راگەهاند کو ئارەزویێ سالا بۆری پشکداریی د چالاکیەکا وەرزشی ل هەرێما کوردستانێ ل باژارێ سۆران  دا کربوو و ل گەل کچێن سۆران ئالایێ کوردستانێ بلند کربوو، ژ بەر هندێ ژی دوهی هاتیە دەستەسەرکرن و گۆت: (مالباتا وێ سەرەدانا چەندین بنگەهێن پۆلیسان و هێزێن ئێمناهیێ کرینە دا بزانن کچا وان ل کیڤە یە، لێ هەتا نها ناهێتە زانین کا ل کیژ زیندانێ دایە).

ئەڤرۆ نیوز:
راھێنەرێ بەرنیاس یێ ئنگلیزی و یانا کریستال پالاس شیا نمرەکا مێژوی د خۆلا ئنگلتەرا یا پلا نایاب دا توماربکەت پشتی سەرپەرشتیا یانا خوە کریستال پالاس ل یاریا شەڤا بوری کری ب چار گولان بەرامبەر گولەکێ ل سەر یانا لیستەر سیتی و ب ڤێ چەندێ ھودسون بوو مەزنترین راھێنەر د مێژویا خۆلا پرێمێرلیگ دا سەرکەفتنێ توماربکەت د ژیێ ٧١ سالی و ١٩٨ رۆژ و پێشکەڤت ل سەر راھێنەر و چیڤانوکا ئنگلتەرا بوبی رویسون یێ ٧١ سالی و ١٩٢رۆژ.

ئەلسیر ئەلیکس ڤێرگسون راھێنەرێ بەرنیاس یێ یانا مانچێستەر یوناید یێ بەری نوکە ل رێزا سیێ دھێت د مێژویا خۆلا ئنگلتەرا دا ٧١ سالی و ١٣٩ رۆژ و پاش نیل وارنوک راھێنەرێ نوکە یێ یانا کاردیف سیتی ٧٠ سالی و ٨٣ رۆژ .

ھەژی گوتنێ یە ھودسون مێژویەکا مەزن د ژیانا راھێنەراتیێ دا ھەیە و ئێکەم کارێ وی وەکو راھێنەر  ل سالا ١٩٧٦ بوو ھەردیسان ژ گرنگترین کارێن وی ١٩٩٢ ھەتا ١٩٩٥ راھێنەرێ ھەلبژارتیێ سویسرا بوو ھەردیسان ١٩٩٥ ھەتا ١٩٩٧ راھێنەرێ ئەنتر میلان بوو دناڤبەرا ٢٠٠١ ھەتا ٢٠٠٤ راھێنەرێ ھەلبژارتیێ ئیمارات بوو  راھێنەریا یانا لیڤەرپول ژی دناڤبەرا ٢٠٠٩ ھەتا ٢٠١١ کریە و راھێنەرێ ھەلبژارتیێ ئنگلتەرا بوو سالا ٢٠١٢ ھەتا ٢٠١٦ و ژ سالا ٢٠١٧ وەرە راھێنەرێ کریستال پالاس یا ئنگلیزی یە

ئەڤرۆ نیوز:
ستێرا ئەژەنتینی و یانا بەرشەلۆنا لیونێل میسی پشتی ل یاریا شەڤا بوری شیا سەرکێشیا یانا خوە بکەت بوو سەرکەفتنەکا گرنگ ل سەر یانا سیڤیلیا ب چار گولان بەرامبەر دو گولان و دوێ یاریێ دا شیا ھاتریک توماربکەت دیارکر راستە ئەو شیا سەرکەفتنێ توماربکەن و بەردەوامی ب دەنە پاراستنا سەرێ لیستا خولێ لێ بوو برنا ناسناڤێ لالیگا ھێشتا رێیا ئەوان یا درێژە و پێدڤی یە ل سەر ئەوان ل یاریێن بھێت بوو سەرکەفتنێ بکەن داکو بشێن ناسناڤێ خولێ ب دەستخوڤە ببن.
زێدەتر ستێرا بەرشەلۆنا بوو رۆژناما مارکا دیارکر ل یاریا شەڤا بوری ئەوان یاریەکا ب زەحمەت دەربازکر و سەرکەفتن ل سەر یانەکا وەکو سیڤیلیا ل ناڤ ئەرد و جەماوەرێ وێ دبینت گەلەک یا گرنگە و ئەوان یاریەکا گەلەک ب ھێز دەربازکر .
سەبارەت یاریا بھێت بەرامبەر ریال مەدرید ناڤبری دیارکر ئەو دێ توشی زەحمەتەکا مەزن بن ھەتا بشێن خوە ژ رێیا ریال مەدرید دەربازبکەن ژبەرکو ئەو دێ یاریێ ل گەل یانا ریال مەدرید ل یاریگەھا سانتیاگو برنابیو کەن نابینت دێ یاریەکا ب سانەھی بیت لێ ئارمانجا بەرشەلۆنا دیار و ئاشکرایە ھەر قارەمانیەکا پشکداریێ تێدا بکەن ئارمانجا وێ برنا ناسناڤی یە لەورا ئەوی باوەریەکا مەزن ب یاریزانان و تیمێ ھەیە دێ شێن خوە ژ رێیا ریال دەربازکەن و سەرکەفتنێ تومارکەن.