ئەڤرۆ نیوز:
راپورتێن رۆژنامەڤانی ل برێتانیا ئاشکراکرینە ستێرا ھێلا ناڤینا بەرشەلۆنا و ھەلبژارتیێ کرواتیا ئیڤان راکیتیچ ھەڤبەستا سێ بەرنیاسترین یانێن ئنگلیزی رەتکریە بوو خاترا کرنا یاریێ ل خۆلا ئيتالیا .

رۆژناما زەسەن یا برێتانی دیارکریە ئیڤان راکیتیچ پشتی ل ماوێ بوری ب فەرمی بریار دای ل دووماھیا ڤی وەرزی پێکھاتیێ بەرشەلۆنا ب جهـ بھێلت و بەر ب یانەکا دی ڤە بچیت ھەر ئێک ژ یانێن مانچێستەر یوناید و ئەرسینال و چێلسی ب فه‌رمی داخوازی ژ وی یازیزانی کر بوو ئیمزاکرنا هه‌ڤبه‌ستا ئه‌وان لێ ئەوی یاریزانی ئەو داخوازی ھەموو رەتکرینە و بریار دایە یاری ل یانا ئەنتر میلان یا ئیتالی بکەت و چاڤەرێ رێککەفتنا ھەردو یانێن ئەنتر میلان و بەرشەلۆنا یە بوو کوژمێ پارەی.

ھەژی گوتنێ یە دوھی ل چەند رۆژنامەیێن نێزیکی بەرشەلۆنا ھاتبوو ئاشکراکرن یانا ئەنتر میلان کوژمێ ٣٥ ملیون یورۆیا پێشکێشی بەرشەلۆنا کریە بوو ڤەگوھاستنا راکیتیچ لێ یانا کەتەلونی ئەو داخوازیا ئەنتر رەتکریە و داخوازیا ١٠ ملیونێن زێدەتر ژ وێ یانا ئیتالی کریە.

ئەڤرۆ نیوز:
ئێکەتیا تەپا پێ یا ئنگلیزی راھێنەرێ ئەلمانی و یانا لیڤەرپول یا ئنگلیزی یورگن کلوپ ب کوژمێ ٤٥ ھزار جنێ ئیسترلینی سزادا ژبەر وێ داخویانیا وی یا پشتی یاریا لیڤەرپول ل گەل وێست ھام یوناید دژی دادڤانێ یاریێ کیڤن فریند دای ل ھەیڤا بوری .

ئەڤرۆ نیوز:
یانا بەرشەلۆنا سەرکێشا خۆلا لالیگا ئیسپانی ژبەر ئەو ئاستێ لاواز یێ ڤێ دووماھیێ یێ ھێرشبەرێ وێ لویس سوارێز یا لێگەریانا ھێرشبەرەکێ دی دکەت بوو ب ھێز ئێخستنا ھێلا ھێرشبەریا خوە بوو وەرزێ بھێت .
راپورتێن رۆژنامەڤانی ل ئیسپانیا ئاشکراکرینە یانا بەرشەلۆنا دەست ب لڤینا کریە بوو دەستڤە ئینانا ھێرشبەرەکێ دی ل جھێ سوارێز ژبەرکو ئەو یاریزان ل وەرزێ ئەڤ سالە نەشیا ئاستەکێ باش پێشکێش بکەت و بەرشەلۆنا دو یاریزان  بوو وەرزێ بھێت کرینە ئارمانجا خوە ئه‌وژی  ماکسی گومێز یێ ئورگوای و یانا سلتاڤیگو یا ئیسپانی و ئەندرێ سێلڤا یێ پورتوگالی و یانا سیڤلیا یا ئیسپانی .

رۆژناما موندو دیپورتیڤو یا کەتەلونی ژلایێ خوڤە دیارکریە یانا بەرشەلۆنا ل ماوێ چەند رۆژێن بوری دا د دانوستاندنێن خوە دا نەشیا یا سەرکەفتی بیت ل گەل ھێرشبەرێ ئورگوایێ یێ ٢٣ سالی ماکسی گومێز پشتی یانا وی داخوازیا ٥٠ ملیون یورۆیا ژ یانا بەرشەلۆنا کری بەرامبەر ھەلوەشاندنا ھەڤبەستا ئەوی و یانا بەرشا نوکە دەست ب دانوستاندنان ب فەرمی ل گەل یێ پورتوگالی و یانا سیڤلیا ئەندرێ سێلڤا کریە .

ھەژی گوتنێ یە ئەندرێ سێلڤا یێ ٢٣ سالی نوکە ب شێوەیێ خواستن ژ یانا میلان ھاتیە ڤەگوھاستن بوو سیڤلیا و ل وەرزێ ئەڤ سالە ٢٣ یاری ل گەل وێ یانێ ئەنجامداینە و شیا ٩ گولان توماربکەت.

ماکسی گومێز ئەو ژی یێ ٢٣ سالی یە ل وەرزێ بوری ھاتبوو ڤەگوھاستن بوو یانا سلتاڤیگو ژ یانا سپورتینگ یا ئوروگوای و ماوێ سال و نیڤا یاریێ ل یانا سالتاڤیگو دکەت و ھەتا نوکە شیا ٢٧ گولان دخۆلا لالیگا دا توماربکەت ژ سەرجەمێ ٥٧ یاریان دا کو ٩ گول ل وەرزێ ئەڤ سالە تومارکرینە.

ئەڤرۆ نیوز:
ستێرا فرەنسی و یانا مارسیلیا یا بەری نوکە و یاریزانێ نوکە یێ یانا ھیلال یا سعودی باڤیتیمبی گومێز پشتی ب دووماهيا یاریا کلاسیکویا سعودی دناڤبەرا ھیلال و ئیتحاد جەدە داخوازا لێبورینێ ژ زاروکەکێ راکرنا تەپا دناڤا یاریگەھێ دا کر .
گومێز ل دەقیقا ٦٧ گولا ئێکێ بوو تیما خوە تومارکربوو پشتی وێ گولێ وەکو ھەر جار ب شێوازێ خوە یێ تایبەت کیڤخوشحالیا خوە ب تومارکرنا وێ گولێ کر یا چوونا سەر چوکا یا شێرا و بەر ب وی زاروکی ڤە چوبوو لێ ترسەک ل دەڤ وی زاروکی پەیدابوو و پشتی یاری ب دووماھیی ھاتی ئەو ستێرا فرەنسی داخوازا لێبورینێ ژ وی زاروکی کربوو ھەردیسان درێسێ خوە یێ تایبەت وەکو دیاری پێشکێشی وی زاروکی کر.

ئەڤرۆ نیوز:
یانا بەرشەلۆنا یا ئیسپانی گەھشتی یە رێککەفتنێ ل گەل یانا لیون یا فرەنسی بوو ڤەگوھاستنا یاریزانەکێ وێ یانێ ل ھاڤینا بھێت.
رۆژناما لیکیپ یا فرەنسی ئاشکراکریە یانا کەتەلونی گەھشتی یە رێککەفتنێ ل گەل یانا لیون یا فرەنسی بوو ڤەگوھاستنا یاریزانێ وێ یێ ھێلا ناڤین یێ عەرەب حوسام عوار بوو ڤەگوھاستنێن ھاڤینا بھێت.
ئەوێ رۆژنامێ ئاشکراکریە ژی بەری نوکە حوسام عوار دیارکربوو ئەوى گەلەک مفا ژ دیتنا یاریێن ھەردو ستێرێن بەرشەلۆنا چاڤی و ئێنیستا دیتی یە و خەونا ھەر یاریزانەکی یە یاری ل جھێ ئەوان ھەردو یاریزانان ل یانا بەرشەلۆنا بکەت.
ژلایەکێ دیڤە بەری نوکە راپورتێن رۆژنامەڤانی ل فرەنسا و برێتانیا ئاشکراکربوو یانا ئەرسینال یا بزاڤێن مەزن دکەت بوو ڤەگوھاستنا ئەوی یاریزانی ل دەستپێکا وەرزێ بھێت.
ھەژی گوتنێ یە حوسام یێ ٢٠ سالی  خەلکێ وەلاتێ جەزائێرێ یە و ل وەلاتێ فرەنسا ژ دایبکوویە و رەگەزنامەیا جەزائیری و فرەنسی ھەیە یاری بوو ھەلبژارتیێ پێگەھشتی و لاوێن فرەنسا کریە و ل وەرزێ بوری ژ تیما دوێ یا لیون بوو تیما ئێکێ یا وێ یانێ ھاتبوو سەرئێخستن ل ھەتا نوکە ٨٣ یاری ل گەل وێ یانێ ئەنجامداینە و شیا ١٣ گولان توماربکەت

ئەڤرۆ نیوز:
پیپی ماروتا رێڤەبەرێ تەنڤیزی ل یانا ئەنتر میلان یا ئیتالی ئاشکراکر ل نێزیک ئەو دێ ھەڤبەستەکا یاریزانەکێ یانا مەدرید راگەھینن بوو ھاڤینا بھێت.
زێدەتر رێڤەبەرێ ئەنتر میلان بوو مالپەرێ سکای سپورتس یێ ئیتالی سەبارەت جەماوەرێ ئەنتر میلان ل یاریا ئەوان یا شەڤا بوری کەیڤخوشحالیا خوە بەرامبەر وێ گولا دیگو گودین ل سەر یانا یوڤانتوس ل قارەمانیا چامپیونیز لیگ دیارکر بەلێ ئەو ژی وەکو رێڤەبەرێ یانا ئەنتر یێ کەیڤخوشحال بوو ب تومارکرنا گولا دیگو گودین ل سەر یانا یوڤانتوس نە بتنێ جەماوەر .
ھەردیسان ماروتا ئەو چەندە ژی ئاشکراکر ئەو گەھشتی نە رێککەفتنێ ل گەل دیگو گودین یاریزانێ یانا ئەتلەتیکو مەدرید بوو ڤەگوھاستنا ئەوی ل ھاڤینا بھێت بوو ناڤ رێزین یانا ئەنتر میلان و بریارە ل چەند رۆژێن بھێت ھەڤبەستا ئەوی یاریزانی ب فەرمی بھێتە راگەھاند .
ھەژی گوتنێ یە ھەڤبەستا دیگو گودین ل ھاڤینا بھێت دێ ل گەل یانا ئەتلەتیکو مەدرید ب دووماھیی ھێت و بریارە ب ھەڤبەستەکا سەربەست بھێتە ڤەگوھاستن بوو یانا ئەنتر میلان.