ئەڤرۆ نیوز:
ستێرا گەنچ یا ئیتالی و یاریزانێ ھێلا ناڤینا یانا روما یا ئیتالی نیکولو زانیولو دیارکر ئەو دخوازیت ھەتا دووماھیا ژیانا خوە یا وەرزشی ل گەل یانا خوە بمینت .
وی یاریزانی ل ئێک ل بەرنامەیێن وەرزشی ل کەنالەکێ ئیتالی دیارکر ئارمانجا ئەوی ئەوە ھەتا دووماھیا ژیانا خوە ل گەل یانا روما بمینت و ئەو ھەست پێ ناکەت ئەو دێ بیتە شینگرێ ستێرا روما یا بەری نوکە توتی لێ ئارمانجا وی ژی ئەوە وەکو وی یاریزانی ژیانا خوە یا وەرزشی ھەموو ل گەل ڤێ یانێ ب دووماھیی بینت ژبەرکو ئەڤ یانە ئێک ژ یانێن ھەرە مەزنە ل سەر ئاستێ ئیتالیا و خەونا ھەر یاریزانەکی یە یاری ل ڤێ یانێ بکەت.
ھەژی گوتنێ یە نیکولو زانیولو نوکە دھێتە ھژمارتن ئێک ژ یاریزانێن خودان شیان ل سەر ئاستێ ئورۆپا و تایبەت خۆلا ئیتالیا و ل وەرزێ ئەڤ سالە ل گەل یانا خوە پشکداری د ٢٢ یاریان دا کریە و شیا ٥ گولان توماربکەت کو دو ژ ئەوانا د قارەمانیا چامپیونیز لیگ دابوون و سێ د خۆلا ئیتالیا دا.

ئەڤرۆ نیوز:
یانا مانچێستەر یوناید یا پلانەکێ دانیت بوو دەستڤە ئینانا ستێرا ئەرژەنتینی و یانا یوڤانتوس یا ئیتالی دیبالا بوو ھاڤینا بھێت .
رۆژنامەیێن نێزیکی یانا مانچێستەر یوناید دیارکرینە یانا مان یوناید دخوازیت ل مێرکاتویا ھاڤینا بھێت ھەڤبەستێ ل گەل چەند ستێرێن بەرنیاس ل سەر ئاستێ ئورۆپا ئیمزا بکەت بوو ڤەگەراندنا ناڤێ ڤێ یانێ و ھەڤرکیا قارەمانیێن نافخوی و ئورۆپی و نوکە ئەو یانا ئنگلیزی نەخشەیەک دارشتی یە بوو دەستڤە ئینانا ستێرا یانا یوڤانتوس دیبالا کو بەرھەڤیا خوە دیارکریە کوژمەکێ پارەی پێشکێشی وێ یانا ئیتالی بکەت و ھەردیسان ھێرشبەرێ خوە یێ بەلجیکی ژی لوکاکو بدەتە یانا یوڤانتوس .

ئەڤرۆ نیوز:
یانا مانچێستەر یوناید دەست ب دانوستاندنان کریە ل گەل گولچیێ خوە یێ ئیسپانی دڤید دی خیا بوو نووکرنا ھەڤبەستا ئەوی بوو پێنچ سالێن دی.
رۆژناما ساندای تایمز یا برێتانی دیارکریە یانا مانچێستەر یوناید بەرھەڤیا خوە دیارکریە موچەیەکێ مەزن پێشکێشی دی خیا بکەن کو دبیتە ئێک ژ بلندترین موچەیێن یاریزانان دخۆلا ئنگلتەرا دا ھەردیسان و دێ بیتە خودانێ مەزنترین موچە ل سەر ئاستێ گولچیێن خولا ئنگلتەرا .
ھەردیسان ئەوێ رۆژنامێ ئاشکراکریە ژی ھەڤبەستا دی خیا بوو پێنچ سالان دبیت ب گەھیتە ٩٠ ملیون جینێ ئیسترلینی .