ئەڤرۆ نیوز، عەلی حاجی :

ل گور ئامارەکا رێڤەبەریا ھاتن و چوونا قەزا زاخۆ، ھەر ژ دەست پێکا سەرێ سالا ٢٠١٩ ھەتا ١٥ / ٢/٢٠١٩ ل سنوری وێ رێڤەبەریێ ١٥ روودانێن ھاتن و چوونێ پەیدابووینە و ٢٣ کەس ژی دوان روودانان دا بریندار بوینە.

کومیسەر بەشیر یوسڤ ، ژ راگەھاندنا رێڤەبەریا ھاتن و چوونا زاخۆ بۆ ئەڤرۆ نیوز گۆت: د ماوەیێ ٤٥ روژان دا ل سنورێ رێڤەبەریا مە ١٥ روودانێن ترومبێلان ھاتینە تومارکرن و تێدا ٢٣ کەس بریندار بوینە پرانیا وان روودانا ژی ل ھەیڤا ئێک یا ئەڤ سالە بوویە و ل ماوەیێ ١٥ روژان ژ ھەیڤا دو تنێ دو روودان دروست بوینە و پرانیا روودانا ژی لێک دانا دناڤبەرا ترومبێلان دا بوویە.

ناڤھاتی زێدەتر گۆت: ژ بەرکو ل ھەیڤا ئێک دا وەرزێ زڤستانێ یە ژ بەر ڤێ چەندێ رێژەیا زور یا روودانا ل ھەیڤا ئێک دا ھاتینە تومار کرن و ئەو روودان ژی پرانیا وان ل ناڤا سەنتەرێ باژێرێ زاخۆ دا بوون.

ئەڤرۆ نیوز، عەلی حاجی:

ھیڤیدار ئەحمەد ئەندامێ پەرلەمانێ کوردستانێ بۆ ئەڤرۆ نیوز دیار کر ئێکەتیێ دڤێت ب دەستێ پارتیێ روویێ خوە سپی بکەت ژ بەر کو ئەو ئەگەرێ سەرەکیێ ژ دەستدانا کەرکووکێ بوو، لەورا نزانیت ب چو رێک جارەکا دی کەرکووکێ ڤەگەرینیتە ژێر دەستھەلاتا خوە.

ناڤھاتی ئەو یەک ژی دیارکر کو بەری نوکە ئێکەتیا دگۆت تنێ دێ کەرکووکێ ڤەگەرینن لێ پشتی گەھشتیە وێ باوەریێ بێ پارتی نەشێت ڤی کاری ئەنجام بدەت لەورا نەچارە ب ڤان مەرجان روویێ خوە سپی بکەت و پارتی ژی ڤێ یەکێ قەبول ناکەت، ژ بەرکو پارتی بۆ ئێکەتیێ دیارکریە ئەڤ ھەلبژاردنە بۆ پێکئینانا حوکمەتێ ھاتیە ئەنجام دان نە کو بۆ باشترکرنا رەوشا کەرکووکێ یە، چو کەس حزب و لایەن وەکو پارتی دخەما کەرکووکێ دا نینە، ھەر پارتی بوو کو دو شورەش و ریفراندوم ژ بەر کەرکوکێ کریە.

ناڤبری زێدەتر گوت: پشتی کارابوونا سەروکاتیا ھەرێما کوردستانێ پارتی ب رێکێن یاسایی دێ داخوازێ ژ حوکمەتا عێراقێ کەت رەوشا کەرکووکێ بھێتە ئاسایی کرن، دڤێ رەوشێ دا ئێکەتیا نیشتیمانی استغلالا پارتی دیموکراتی کوردستان دکەت ژ بەر کو دزانیت پارتی ناخوازیت رەوشا کوردستانێ تێک بچیت ژ بەر ڤێ چەندێ ژی ئێکەتی داخازا پوستێن زێدەتر دکەت، دا کو رەوشا کوردستانێ ئالوز نەبیت دێ پارتی پشکەکا داخوازیێن ئێکەتیێ بجە ئینیت بەلێ پارتی بۆ ئێکەتیێ و چو لایەینێن دی پالاتیێ ناکەت.