ئەڤرۆ نیوز:
مایک پێنس جێگرێ سەرۆکێ ئەمریکا راگەهاند کو ڤەکێشانا هێزێن مە ژ سووریێ تەکتیکی یە و هەر دەمێ پێدڤی کر دێ هێزێن مە یا پێدڤی ل سووریێ کەن و گۆت: (ئەمریکا ب چو رەنگەکێ پێگەهێ خوە ل رۆژهەلاتا ناڤین لاواز ناکەت، بریارا ڤەکێشانا هێزێن مە ل سووریێ ژی د چارچۆڤێ ستراتیژیا گشتی یا ئەمریکا هاتیە دان و بریارەکا تەکتیکی یە).
جێگرێ سەرۆکێ ئەمریکا ئەو یەک ژی دیار کر کو شەرێ مە ل دژی تیرۆرێ دێ ب هەموو رەنگەکێ بەردەوام بیت و رێ نادەین ئیران ببیتە مەترسی ل سەر رۆژهەلاتا ناڤین.
ئەڤرۆ نیوز:
ھەڤژین و رێڤەبەرا کارێن ستێرا ئەرژەنتینی و یانا ئەنترمیلان ماورو ئیکاردی دگەل یانا وی مەزنترلیھان پشتی ھژمارەکا پشتەڤانێن یانا ناڤبری ھێرشی ترومبێلا وێ کری ب بەران.
ل دووڤ چەند پەیامێن ئەڤرۆکە بەلاڤ بووین دیارکریە ترومبێلا واندا نارا ھەڤژینا ماورو ئیکاری ژلایێ چەند پشتەڤانێن یانا ئەنترمیلان ڤە ھاتیە بەرباران کرن کو ئەڤرۆکە سپێدێ دەمێ ل نزیکی یاریگەھا جوزێپی میاتزا دەربازبووی کو زاروکێن وێ ژی دگەل دابوون لێ چوو زیان نە گەھشتیە وان، ئەڤ چەندە ھاتە پێش پشتی پەیوەندیێن ناڤبەرا ئیکاردی و کارگێریا یانا ئیتالی دا تێکچووین و داخویانیێن ھەڤژینا وی کو د ھەمان دەم دا رێڤەبەرا کارێن وی یە بوویە ئەگەرێ تێکچوونا ڤان پەیوەندیان دەربارەی نووکرنا ھەڤبەستا یاریزانێ ناڤبری.
زاخۆ، عەلی حاجی:
سایتێ کومپانیا ئالێکسا (Alexa ) یا جیھاتنی کو سالانە رادبیت پولینکرنا سایتێن جیھانی ، ل دووڤ نووترین رێزبەندیا سایتێن زانکویێن کوردستانێ، سایتێ فەرمیێ زانکویا زاخۆ بۆ سالا دوێ رێزا دوێ ھات.
ل دۆر ڤێ چەندێ دکتور دیار رێڤەبەرێ سەنتەرێ ئامار و تەکنەلوژیا زانیاری ل زانکویا زاخۆ بۆ ئەڤرۆ نیوز گۆت : سالانە کۆمپانیا ئالێکسا رادبیتب پولینکرنا ھەمی سایتێن جیھانێ، ل ئەڤ سالە دا و بۆ جارا دوێ ل دووڤ ئێک سایتێ زانکویا زاخۆ رێزا دوێ ھات ل سەر ئاستێ زانکویێن کوردستانێ ، ٣٧٥ رێزان درێزبەندیا سایتێن جیھانی ژی دا بەرەڤ پێش چوویە.
دکتور دیاری زێدەتر گۆت: روژانە گەلەک کەس سەرەدانا سایتێ زانکویا زاخۆ دکەن و سایتەکێ ئەکتیڤە ژبەر ڤێ چەندێ سایتێ زانکویا زاخۆ ل پلا دوێ ھات ، ل گورەی سالا دەرباز بووی ژی جیاوازیەک زور یا سەرەدانا سایتێ زانکویێ ھەیە و د ئەڤ سالە دا رێژەیا سەرەدانان زێدەتر لێھاتیە، لێ ل ئەڤ سالە دا ھزار و ٩١٧ کەسان سەرەدان کری یە ، سایتێ زانکویێ ب زمانا کار دکەت و ب شێوەیەکێ باش کار دکەت و ھەتا نمرەیێن قوتابیان ژی کری یە ئونلاین ، ژبەر ڤێ چەندێ رێژەیا سەرەدانا سایتێ زانکویا زاخۆ بەر ب زێدە بوونێ ڤە دچیت.
ئەڤرۆ نیوز:
شیار کۆبانی چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز راگەهاند کو چیا فرات ئێک ژ فەرماندارێن هێزێن سووریا دیموکرات راگەهاندیە کو د دەمەکێ نێزیک دا ئەم دێ سەرکەفتنا ل سەر داعشێ ل سووریێ راگەهینین و هەموو دەڤەرێن ل ژێر دەستێ داعشێ ل سووریێ هاتینە کۆنترۆل کرن.
ناڤهاتی راگەهاند کو د ماوەیێ چەند رۆژێن بۆری دا ل دەوروبەرێن دێرازۆرێ شەرەکێ دژوار د ناڤبەرا داعشێ و هێزێن سووریا دیموکرات دا هەبوو و هێزێن سووریا دیموکرات شیا دربێن مەزن ل داعشێ بدەن و چو نەمایە هەموو دەڤەرێن ل ژێر کۆنترۆلا داعشێ بهێنە ئازادکرن و داعش ل سووریێ بەر ب دووماهیێ ڤە دچیت.
ئەڤرۆ نیوز:
راپورتێن رۆژنامەڤانی ل ئنگلتەرا ئاشکراکرینە دو داخوازیێن ب فەرمی گەھشتی نە بەر دەستێ یانا ریال مەدرید بوو فروتنا ستێرا وێ یا وێلزی گارس بێل بوو ڤەگوھاستنێن ھاڤینا بھێت لێ ئەوی یاریزانی ئەو چەندە رەتکریە .
زێدەتر رۆژناما تایمز یا برێتانی دیارکریە ھەر ئێک ژ یانێن چێلسی و مانچێستەر یوناید یێن ئینگلزی ب فەرمی داخوازی ژ یانا ریال مەدرید کریە بوو ڤەگوھاستنا بێل ل ھاڤینا بھێت لێ ئەوی یاریزانی چوونا خوە ژ ریال مەدرید رەتکریە و بوو بەرپرسێن وێ یانا مەلەکی دیارکریە ئەو دخوازیت بەردەوامی ب دەتە کاروانێ خوە ل یانێ و ھزرا چوونا خوە نەکریە.
ئەڤرۆ نیوز:
د چارچۆڤێ کۆنفرانسێ ٥٥ یێ میونشن ل ئەلمانیا شیرەتکارێ جڤاتا ئاسایشا هەرێما کوردستانێ مەسرور بارزانی ل گەل محەمەد جەواد زەریف وەزیرێ دەرڤە یێ ئیرانێ کۆمبوو و پشتی کۆمبوونێ وەزیرێ دەرڤە یێ ئیرانێ راگەهاند کو مە دڤێت پەیوەندیێن خوە یێن ئابووری و سیاسی ل گەل هەرێما کوردستانێ باشتر بکەین.
ژ ئالیێ خوە ڤە مەسرور بارزانی ژی راگەهاند کو مە کۆمبوونەکا باش ل گەل وەزیرێ دەرڤە یێ ئیرانێ ئەنجام دا و مە بەحسێ گەلەک بابەتێن گرنگ یێن گرێدای رەوشا سووریێ و عیراقێ و پەیوەندیێن کوردستانێ و ئیرانێ کر.
ئەڤرۆ نیوز:
راپورتێن رۆژنامەڤانی ل فرەنسا دیارکرینە ستێرا ھێلا ناڤینا ھەلبژارتیێ فرەنسا و یانا چێلسی یا ئنگلیزی ئەنگولو کانتی د نەخشەیێ وی دایە پێکھاتیێ وێ یانا لەندەنی ب جە بھێلت.
زێدەتر مالپەرێ “Le١٠ Sport”،یێ فرەنسی ئاشکراکریە پەیوەندی دناڤبەرا کاتنی و راھێنەرێ وێ یانێ یێ ئیتالی ساری نە د ئاستەکێ باش دانە ژبەر گوھورینا جھێ وی د پێکھاتیێ یاری دا و ژبەر ڤێ چەندێ ئەو یاریزان دخوازیت پێکھاتیێ وێ یانێ ب جە بھێلت و بەر ب یانەکا دی یا مەزن ل ئورۆپا بچیت.
ھەردیسان ئەوی مالپەری دیارکریە ژی یانا پاریس سانجێرمان ھەر ژ ڤەگوھاستنێن زڤستانێ و ھەتا نوکە یا بزاڤێن مەزن دکەت وێ یانا ئنگلیزی رازیبکەت بوو ڤەگوھاستنا ئەوی یاریزانی بەرامبەر کوژمەکێ مەزن یێ پارەی لێ ئەوی یاریزانی بوو بریکارێ خوە یێ تایبەت دیارکریە ئەو ھەکە پێکھاتیێ چێلسی ب جە بھێلت ئەو دخوازیت یاری ل ئێک ژ یانێن ریال مەدرید یان بەرشەلۆنا بکەت.
ئەڤرۆ نیوز، لەزگین جۆقی:
بەرپرسێ سەنتەرێ ژین یێن نەخۆشێن پەنجەشێرێ ل دھۆکێ دیارکرکو ل ئەڤرۆ ١٦/٢/٢٠١٩ رۆژا جیھانیا نەخۆشیا پەنجەشێرا زارۆکان ل نەخۆشخانا ھیڤی یا زارۆکان ل دھۆکێ ھاتە ساخکرن.
د. عەبدولرەحمان عەبدوللا، بەرپرسێ سەنتەرێ ژین یێن نەخۆشێن پەنجەشێری ل دھۆکێ بۆ ئەڤرۆ نیوز دیارکرکو ل پارێزگەھا دھۆکێ ژی سالانە ھەتا ٣٥ حالەتیێن نوو دھێنە دەست نێشانکرن دڤان ھەشت سالێن بۆری دا ل سەرانسەری پارێزگەھا دھۆکێ ھەتا ٣٠٠ زارۆکان تووشی نەخۆشیا پەنجەشێرا زارۆکان بووینە و ژوانا ژی ١٦٠ نەخۆش چارەسەر بووینە ژ نەخۆشیا پەنجەشێرا زارۆکان قورتال بووینە بتنی پشکنینن ( دوری) بۆ وان دھێنە کرن ئەڤ جۆرین پشکنینا ژی ل دھۆکێ ھەنە.
زێدەتر گۆت:” نوکە ل دھۆکێ رەوشا سەنتەری ژین یێ نەخۆشێن پەنجەشێرێ بەر ب باشیێ دچیت ھەموو دەرمانێن کیمیاوی دابینکرینە ل دھۆکێ ب رێیا وزارەتا ساخلەمیا ھەرێما کوردستانی و سندوقا پشتەڤانیا نەخۆشێن پەنجەشێرا زارۆکان ئەو ل نەخۆشخانا ھیڤی ب رێیا ریڤەبەریا گشتی یا ساخلەمیا دھۆکێ و پارێزگەھا دھۆکێ و ئەوقافا دھۆکێ ھاتیە دانان” .
ئەڤرۆ نیوز:
یانا چێلسی یا ئنگلیزی دخوازیت ل ھاڤینا بھێت ب فەرمی ھەڤبەستێ ل گەل یاریزانێ ئەرژەنتینی و یانا یوڤانتوس یا ئیتالی ھگواین ئیمزا بکەت ئەوێ ل ڤەگوھاستنێن زڤستنا ئەڤ سالە ب شێوەیێ خواستن ژ وێ یانێ ھاتیە دناڤ رێزێن ئەوێ یانا ئنگلیزی.
رۆژناما زەسەن یا برێتانی ئاشکراکریە یانا چبَلسی دخوازیت ب کوژمێ کێمتر ژ ٣١ ملیون جینێ ئیسترلینی پێشکێشی یانا یوڤانتوس بکەت بو کرینا ھیگواین کو مفای ژ وێ چەندێ بینت نوکە وی یاریزانی چ دەرفەت نینە ب ڤەگەریتە وێ یانێ ڤە ب شێوەیێ سەرەکی یاری ل گەل یوڤانتوس بکەت ژبەر ھەبوونا ھەردو یاریزانان رونالدوی و دیبالا .
ھەژی گوتنێ یە یانا چێلسی بوو ڤی شەش ھەیڤان کوژمێ ٨ ملیون جینێ ئیسترلینی پێشکێشی یانا یوڤانتوس کربوون بۆ ڤەگوھاستنا ئەوی یاریزانی ل ڤەگوھاستنێن زڤستانێ ھەتا دووماھیا ڤی وەرزی و دخوازیت ب فەرمی ئەوی یاریزانی بکریت ل دیڤ راپورتێن رۆژنامەڤانی دبیت یانا یوڤانتوس ل سەر وێ داخوازیا چێلسی رازی بەت ژبەرکو نوکە چ پێدڤی ب شیانێن ئەوی یاریزانی نینە ژبەر ھەبوونا رونالدوی و دیبالای.
ھەژی گوتنێ یە گونزالو ھیگواین ل سالا ٢٠١٦ بەرامبەر ٩٤ ملیون یورۆیا ژ ناپولی ھاتبو ڤەگوھاستن بوو یوڤانتوس و نوکە بازارێ کرینا ئەوی گەلەک پاشڤەزفریە ژبەرکو ل دووماھیی وەرز نە ل ئاستێ پێدڤی بوو
نيشاندان