ئەڤرۆ نیوز:
چاڤەرێ دھێـتەکرن سوباھی یانا ریال مەدرید یاریا خوە یا ئێکێ ژ قوناغا ١٦ یا قارەمانیا چامپیونیز لیگا ئورۆپا بکەت دەمێ دبیتە مێڤانداریا یانا ئەیاکس ئەمستردام یا ھولەندی .
راھێنەرێ یانا ریال مەدرید سولاری سەبارەت پاراستنا ناسناڤێ چارێ ل دیڤ ئێک د دیدارەکێ دا ل گەل مالپەرێ ئێکەتیا ئورۆپا دیارکر بوو یانا ریال مەدرید چ تشت ب زەحمەت نین و ناڤ و مێژویا وێ یانێ تێرا وێ چەندێ ھەیە بشێت بوو وەرزێ چارێ ل دیڤ ئێک ناسناڤێ چامپیونیز لیگ ب دەستخوڤە بینت و ئەو ھەموو شانازی ب خوە دبن ئەو ل یانەکا وەکو ریال مەدرید کاردکەن .
زێدەتر ناڤبری دیارکر ل سەر ئەوان پێدڤی یە ئەو ل سەر کاروانێ سەرکەفتنێن ڤێ یانێ د بەردەوام بن و چاڤێ ئەوان ل پێشکەفتنا ڤێ یانێ بەت .
ل دووماھیێ سەبارەت یاریا سوباھی ناڤبری دیارکر ئەوان بوو یاریا شەڤەکا دی پێدڤی ب سەرکەفتنێ یە داکو ل سەر کاروانێ خوە بوو پاراستنا ناسناڤێ چارێ ل دیڤ ئێک بەردەوام بن و ڤێ یاری نابینت یا ب سانەھی یە بەروڤاژی ئەو یانا ب گەھیتە قوناغا ١٦ ئەوێ چەندێ د گەھینت یانەکا ب ھێزە و پێدڤی یە رێزگرتنەکا مەزن ل تیما بەرامبەر خوە بگرین.

ئەڤرۆ نیوز:
پشتی وی خوسارەتیا ل حەفتیا بوری ل گەل یانا مانچێستەر سیتی ب شەش گولان بێ بەرامبەر کارگێریا یانا چێلسی ھزر ل دەست نیشانکرنا راھێنەرەکی دی ل جھێ راھێنەرێ خوە یێ نوکە ماوریسیو ساری یێ ئیتالی کریە بەری کومبوونا ئێکلاکر ئەوا بریارە ل ڤێ حەفتیێ ژبەر وێ خوسارەتیا بەرامبەر چێلسی ل گەل وی راھێنەری ئەنجامدان.
مالپەرێ سپورت میدیاست یێ برێتانی ئاشکراکریە یانا چێلسی ھەر ئێکسەر پشتی وی خوسارەتیا مەزن ب شەش گولان بێ بەرامبەر ھزر ل دورخستنا راھێنەرێ خوە یێ نوکە ساری کریە و ل جھێ وی دێ ستێرا خوە یا بەری نوکە و ھاریکارێ نوکە یێ راھێنەرێ یانا چێلسی زولا وەکو راھێنەرێ بەروەخت دەست نیشانکەت ھەتا دووماھیا ڤی وەرزی.

ژلایەکێ دیڤە چەند راپورتێن رۆژنامەڤانی ل برێتانیا دیارکریە ستێرا بەری نوکە یا ھەلبژارتیێ ئنگلتەرا و یانا چێلسی فرانک لامبارد ژی وەکو بەربژارە پوستێ راھێنەریا وێ یانێ وەربگریت ئەوێ نوکە راھێنەرێ یانا دێربی کاوتنی یا ئنگلیزی ئەوا دخۆلا پلا ئێک یا ئنگلتەرا دا یاری کەت.
ھەژی گوتنێ یە زولا دھێتە ھژمارتن ئێک ژ بەرنیاسترین یاریزانێن یانا چێلسی ل ماوێ بوری کو دناڤبەرا سالێن ١٩٩٦ ھەتا ٢٠٠٣ ل گەل وێ یانێ ٢٥٩ یاری ئەنجامدابوون و پشتی دەست ژ یاریا تەپا پێ بەردەی ئەرکێ راھێنەریا چەندین یانێن ئیتالی و ئنگلیزی وەرگرتی یە و نوکە ھاریکارێ راھێنەرێ یانا چێلسی یە.

ئەڤرۆ نیوز:
بەرەڤانێ ھەلبژارتیێ بەرازیل و یانا ریال مەدرید مارسێلوی نەھێنیا چوونا رونالدوی ل ھاڤینا بوری ئاشکرا کر و مارسێلوی بوو ئێک ژ کەنالێن بەرازیلی ئاشکراکریە بەری یاریا ئەوان یا دووماھیا قارەمانیا چامپیونیز لیگا ئورۆپا بەرامبەر یانا لیڤەرپول ب رۆژەکێ رونالدوی ئەو ئاگادارکر ئەو بوو وەرزێ بھێت دێ یێ دور بیت ژ پێکھاتیێ ریال و پاش وێ یاری ب چەندەکێ ئەوی یاریزانی پێکھاتیێ ریال ب جە ھێلا و بەر ب یوڤانتوس چوو.
ھەردیسان سەبارەت ئەوان دەنگوباسێن چوونا وی بوو یوڤانتوس وی یاریزانێ ناڤبری دیارکر یانا یوڤانتوس یانەکا مەزن و خودان مێژویەکا مەزنە لێ ئەو نوکە گرێدای ھەڤبەستا خوە یە ل گەل ریال مەدرید و ئەوی چ ئاریشە ل گەل یانا خوە نینە و یێ ئارامە ل گەل ریال مەدرید.