ئه‌ڤرۆ نيوز:
وه‌زيرێ به‌رگريا ئه‌مريكا ب وه‌كاله‌ت ئه‌ڤرۆ رۆژا سێشه‌مبى رێكه‌فتى 12ى شوباتا 2019ێ گه‌هشته به‌غدا.
پاتريك شانامان، وه‌زيرێ به‌رگريا ئه‌مريكا ب وه‌كاله‌ت ب سه‌ره‌دانه‌كا نه‌يا فه‌رمى گه‌هشته عيراقێ، ئه‌ڤه د ده‌مه‌كى دايه كو دوهى ناڤبرى سه‌ره‌دانا كابۆل يا پايته‌ختێ ئه‌ڤغانستان كربوو.
مان و نه‌مانا هێزێن ئه‌مريكى ل عيراقێ نها گه‌رمترين بابه‌تێ جاددا سياسى يا عيراقى و دهێته پێشبينيكرن ئه‌ڤ بابه‌ته ل گه‌ل به‌رپرسێن عيراقى بهێته گه‌نگه‌شه كرن.
ئه‌ڤرۆ نيوز:
د به‌رسڤا گه‌فێن ئيرانێ دا، بنيامێن نه‌ته‌نياهۆ، سه‌رۆك وه‌زيرێن ئسرائيل راگه‌هاند كو هه‌كه ئيران هێرشێ بكه‌ته سه‌ر ئه‌وان، جاره‌كا دى ئه‌و رژێم سالرۆژا شوره‌شا خوه ناكه‌ته‌ڤه.
ب گۆره‌ى پێزانينێن ئاژانسا “sputniknews” داخۆيانيا سه‌رۆك وه‌زيرێن ئسرائيل پشتى گه‌فێن يه‌دولا جه‌ڤانى، به‌رپرسێ په‌يوه‌نديێن ده‌رڤه يێ گاردێن كۆمارا ئيسلامى هات كو د 40 ساليا شوره‌شا خوه دا راگه‌هاند بوو كو دێ ته‌لئه‌بيب و حه‌يفا تێك شكێنن و وه‌كو ئێك كه‌نه ئه‌رد.
نه‌ته‌نياهۆى د گرته‌يه‌كا ڤيديۆى يا تۆماركرى دا راگه‌هاند كو نه‌شێن گه‌فێن ئيرانێ ل به‌رچاڤ نه‌گرن، به‌لێ ب ڤى ره‌نگێ گه‌فان د سه‌رسام نينن و پێشتر گه‌له‌ك گوهـ ل ڤان جۆره گۆتاران بوويه.
ئه‌ڤرۆ نيوز:
رۆژا سێشه‌مبى 12ى شوباتا 2019ێ شانده‌كێ كۆمه‌لا ئيسلامى كوردستانێ دێ سه‌ره‌دانا مه‌كته‌با سياسى يا پارتى ديموكراتى كوردستان ل هه‌ولێر كه‌ت. هه‌ر ئه‌ڤرۆ حزبا سوشاليست ديموكرات دێ ل هه‌ولێر ل گه‌ل پارتى كۆم بيت.
ژێده‌ره‌كى ژ مه‌كته‌با ئه‌ميندارێ گشتى يێ كۆمه‌لا ئيسلامى راگه‌هاند كو بڕياره ژبۆ ئاسايكرنا په‌يوه‌نديان ل گه‌ل پارتى، ئه‌ڤرۆ شانده‌كێ مه‌كته‌با سياسى يا كۆمه‌لا ئيسلامى سه‌ره‌دانا پارتى ديموكراتى كوردستان بكه‌ت.
ئاشكه‌را ژى كر كو ئه‌ڤێ كۆمبوونا وان چو په‌يوه‌ندى ب پێكئينانا حوكمه‌تا هه‌رێما كوردستانێ ڤه نينه، “به‌لێ هه‌كه پارتى ئه‌ڤ بابه‌ته ڤه‌كر دێ مه ژى ئاخفتنا خوه هه‌بيت”.
ئاماژه ب وێ چه‌ندێ ژى كر كو ئه‌و دێ بزاڤێ كه‌ن په‌يونديێن خوه ل گه‌ل پارتى ئاسايى بكه‌ن پشتى كو شانده‌كێ پارتى سه‌ره‌دانا وان كرى، ئه‌وان ژى وه‌كو كۆمه‌له دڤێت سه‌ره‌دانا پارتى ديموكراتى كوردستان بكه‌ت.
هه‌ر ب گۆره‌ى ئه‌و پێزانينێن ئه‌ڤرۆ نيوز بڕياره ئه‌ڤرۆ پارتى ديموكراتى كوردستان و حزبا سوشاليست ديموكراتى كوردستان ل هه‌ولێر كۆم بن و كۆمبوونا وان په‌يوه‌ندى يا ب كۆمبوونا په‌رله‌مانێ كوردستانێ ڤه هه‌ى ئه‌وا بڕياره ل 18ى شوباباتا 2019ێ دا بهێته كرن.
ئەڤرۆ نیوز:
ئه‌و ئێشانێن ژ ئه‌نجامێ گه‌له‌ك هاتن و چوونا گه‌ده‌ی لێ دده‌ن په‌یدادبن یان ژ ئه‌نجامێ كومڤه‌بوونا هه‌وای و هنده‌ك غازاتێن دی نیشانا هندێ یه كو زك نه یێ دروسته و یان هه‌وای وه‌ردگریت.
زاروكێن شیرخۆر چ ئه‌وێن شیرێ دایكێ یان شیرێ قودیكا دخون ئه‌وژی هه‌وای دگه‌ل دادعویرن و تووشی ئالوزیان دبن و اشتره پشتی هه‌ر شیردانه‌كێ زاروی بدانیه ل سه‌ر ده‌ستێ خۆ و ته‌پا ل پشتا وی بده‌ی، غازات په‌یدادبن و هنده‌ك جاران میكروب ژی ژ ئه‌نجامێ ترشبوونا خوارنێ په‌یدادبن و ئه‌و میكروب دناڤ رووڤیكان دا وه‌رارێ دكه‌ن.
ئه‌گه‌رێن په‌یدابوونا غازاتان و وه‌رمینا زكی:
• داعویرانا هه‌وای دگه‌ل بله‌ز خوارنێ.
• گه‌له‌ك زێده خوارن.
• خوارنا زادێ نه‌هه‌ڤسه‌نگ.
• خوارنێن كو گه‌له‌ك ترشاتی تێدا هه‌بیت.
• گه‌له‌ك ڤه‌خوارنا ئاڤێ دگه‌ل خوارنێ.
• ڤه‌خوارنا ڤه‌خوارنێن غازی وه‌ك ( پیپسی و كولا و …هتد).
• خوارنا پشتی وه‌ستیان و بێ ئارامیێ.
• گه‌له‌ك ڤه‌خوارنا بیرێ.
• گه‌له‌ك خوارنێ سپییاتیان وه‌ك ماست و په‌نیری.
• خوارنێن كو باش نه‌هێنه هه‌رسكرن وه‌ك ( پیڤاز و گه‌له‌می و ..هتد).
• گه‌له‌ك خوارنا خوارنێن رووشال تێدا وه‌ك دانك و زه‌رزه‌واتان.
مرۆڤ دشێت خو پیچه‌ك ژ نه‌خوشیێن وه‌رمینا زكی ب پارێزیت ب كارئینانا هنده‌ك جورێن چاره‌سه‌ریێ وه‌ك ڤه‌خوارنا كاچكه‌كێ بچووك یێ بیكاربوناتێن سودیوم.
دهه‌موو ئێشانێن مه‌عیدێ و زكی دا، نه‌دووره مرۆڤی كولبوونا وێ یان هه‌ودانه‌ك یان رووڤیكا كۆره یان هه‌ر تشته‌كێ ژڤی ره‌نگی هه‌بیت، ئه‌گه‌ر هات و ئێشان گه‌له‌ك د دژوار بن و گه‌له‌ك دوباره ببین، پێدڤیه قه‌ستا نوشداره‌كێ تایبه‌تمه‌ند بكه‌ن ژبو ده‌ستنیشانكرن و چاره‌سه‌ریێ.
ژێدەر/ نوش نیوز
ئەڤرۆ نیوز:
سەرۆکێ یانا ریال مەدرید فلورنتینو پێرێز دیارکر یاریزانێن ریال مەدرید ل ماوێ سێ سالێن بوری دا سێ سالان ل دیڤ ئێک بووینە باشترین یاریزانێن جیھانی و تەپا زێری ب دەستخوڤە بری یە و ئەڤ چەندە وێ دگەھینت کو ریال خودانا باشترین یاریزانێن جیھانێ یە و برنا ناسناڤێن وەرزێن بوری باشترین نمونەیە .
زێدەتر سەرۆکێ ریال سەبارەت ئینانا ھێرشبەرەکێ نوو بۆ گوڤارا فرانس ڤتبول یا فرەنسی دیارکر نوکە ئەوان ھزر ل ئینانا چ ھێرشبەرێن نوو نەکریە ژبەرکو ئەو خودانا باشترین ھێرشبەرانە ل جیھانێ ھەردیسان ئارمانجا ئەوان ئەوە ھەڤبەستێ ل گەل ھێرشبەرێن گەنچ ئیمزا بکەن وەکو ڤینیسیوس و رودرێگیز و ناڤبری ئاماژە ب وێ چەندێ ژی کر نوکە ریال مەدرید باشترین ھێرشبەر ھەیە ل سەر ئاستێ جیھانێ ئەوژی کەریم بن زیمایە .
ئەڤرۆ نیوز:
مالپەرێ “SportBible” یێ فرەنسی دیارکر ئێک ژ پشتەڤانێن یانا مارسیلیا یا فرەنسی بناڤێ محەمەد ھنی چەند یانا ئەوی خوسارەت بیت تورەبوونەکا مەزن ل دەڤ پەیدادبیت و نەشێت کونترولا وێ تورەبوونا خوە بکەت و د ماوێ بوری دا ٢٦ تلەفزون شکاندی نە .
ھەژی گوتنێ یە یانا مارسیلیا ئێک ژ بەرنیاسترین یانێن فرەنسی یە خودانا جەماوەرەکێ مەزنە ل وی وەلاتی و ل وەرزێ ئەڤ سالە د رەوشەکا لاواز دا بوریت ھەتا نوکە ٩ خوسارەتی تومارکرینە.
ئه‌ڤرۆ نیوز، نه‌وزاد هلۆرى:
سه‌نته‌رێ ئه‌وروپێ یێ چاڤا ل دهۆكێ دێ بو ده‌ما ئێك هه‌یڤ بێ به‌رامبه‌ر پشكنینان بو چاڤێن كه‌س و كارێن شه‌هید و پێشمه‌رگه‌یان كه‌ت، خودانێ سه‌نته‌رێ ناڤبرى دیاردكه‌ت كو ره‌نگه د پشكه‌كا زور یا نه‌شته‌رگه‌یان ژى دا هاریكاریا وان بهێته‌كرن.
دكتور رزگار عه‌لى به‌روارى، خودانێ سه‌نته‌رێ ئه‌وروپێ یێ چاڤان ل دهۆكێ بۆ ئه‌ڤرۆ نیوز گۆت: (ب مه‌ره‌ما خزمه‌تكرنا كه‌س و كارێن شه‌هید و پێشمه‌رگێن قاره‌مان، سه‌نته‌رێ مه دێ بو ده‌ما هه‌یڤه‌كێ هه‌موو جورێن پشكنینێن چاڤان كه‌ت).
زێده‌تر گۆت: (ژبلى پشكنینان دهه‌مان ده‌م دا دێ هاریكاریا وان هێته‌كرن د هنده‌ك جورێن نه‌شته‌رگه‌ریان ژى دا، كه‌س و كارێن شه‌هیدان و پێشمه‌رگه‌یان دشێن لروژا 2/2/2019 هه‌تا روژا 4/3/2019).
سه‌نته‌رێ ناڤبرى دكه‌ڤیته دناڤا نه‌خوشخانا وان گلوبال ل نێزیك ئوتێلا ژیان و جڤاتا پارێزگه‌ها دهۆك.
ئه‌ڤرۆ نیوز:
ل دووڤ گوتنا نڤیسه‌ر عارف قوربانى، تا راده‌كێ زور پۆستێ سه‌رۆكێ په‌رله‌مانى و جێگرێ سه‌رۆكێ حوكمه‌تێ بۆ ئێكه‌تیێ هاتیه ئێكلاكرن و گۆت: پۆستێ جێگرێ سه‌رۆكێ حوكمه‌تێ دێ بۆ ئێكه‌تیێ بیت كو قوباد تاڵەبانی به‌ربژاره بۆ وى پۆستى و پۆستێ سه‌رۆكێ په‌رله‌مانى ژى دێ بۆ كه‌سه‌كى بیت كو ژ ده‌رڤه‌ى بنه‌مالا تاله‌بانى بیت، ئه‌ڤ یه‌ك ژى ئێكلا بوویه و رێواس فایه‌ق به‌ربژاره بۆ وى پۆستى.
ئەڤرۆ نیوز ، زنار تۆڤی:
ل ئیسپانیا گەشتیەکا رزگارکرنا کۆچبەران ب ناڤێ ئالان کوردی هاتیە ب ناڤکرن و بابێ ئالانی و پیرا وی هاتینە بانگهێشت کرن بۆ مەراسیمێن ڤەکرنا وێ گەشتیێ.
ئالان کوردی ئەو زارۆیێ خەلکێ کۆبانێ بوویە، ل رۆژئاڤایێ کوردستانێ، کو د دەریا ئیجەدا ل گەل دایک و برایێ خوە خەندقی بوون. بەری سێ سال و شەش هەیڤان ئالان کوردی ل گەل دایک و برایێ خوە ب رێیا کۆچبەریێ دا ل ناڤا دەریا ئیجەدا بەلەما وان نوقووم ببوو، د ئەنجامدا هەرسێ خەندقی بوون. تەرمێ ئالان پشتی رۆژەکێ ل کەنارێن دەریایێ دا هاتە دیتن.
ئه‌ڤرۆنیوز:
فه‌رمانده‌كێ میلیشیێن حه‌شدا شه‌عبی ئه‌ڤرۆ دوشه‌مبی 11/2/2019 راگه‌هاند، داخستنا باره‌گایێن سه‌خته یێن حه‌شدێ ل سه‌ر فه‌رمانا راسته‌وخوه یا عادل عه‌بدولمه‌هدی سه‌رۆك وه‌زیرێن عیراقێ بوو، ئاشكراكر ژی كو 100 باره‌گایێن دی یێن حه‌شدا شه‌عبی ل ڤان نێزیكان دێ هێنه داخستن.
موعین كازمی، ئێك ژ فه‌رماندێن دیار یێن میلیشیێن حه‌شدا شه‌عبی گۆت” هه‌ر ژ سالا بۆری حه‌شدا شه‌عبی ده‌ست ب جه‌ردكرنا باره‌گایێن خوه كریه و هوشداری ژی یا دایه هژماره‌كا باره‌گێن كو ب ناڤێ حه‌شدێ هاتینه ڤه‌كرن، له‌وما پشكه‌ك ژوان باره‌گایێن خوه داخستن، به‌لێ پشكه‌كا دی هه‌تا نوكه یێن ماین”.
كازمی دیارمر كو داخستنا چه‌ند باره‌گایان ل به‌غدا كو ل رۆژێن بۆری هاتبوو ئه‌نجامدان، ل سه‌ر فه‌رمانا راسته‌وخوه یا عادل عه‌بدولمه‌هدی سه‌رۆك وه‌زیرێن عیراقێ بوو وئاشكراكر ژی كو زێده‌تر ژ 100 باره‌گایێن دی یێن سه‌خته ب ناڤێ حه‌شدا شه‌عبی یێن هاتینه ڤه‌كرن ول ڤان نێزیكان دێ هه‌موو هێنه داخستن.
نيشاندان