ئەڤرۆ نیوز:
خوسارەتیا شەڤا بوری یا یانا چێلسی ل سەر دەستێ مانچێستەر سیتی ب شەش گولان بێ بەرامبەر چو دناڤا لیستا ئێک ژ لاوازترین خوسارەتی د مێژویا وێ یانێ دا دخۆلا ئنگلتەرا دا و دووماھیی مەزنترین خوساره‌تیه‌کا ب ڤی شێوه‌یی یانا چێلسی ل خۆلا ئنگلتەرا دا بەری ٢٨ سالان بوو دەمێ خوسارەت بووی ل گەل یانا نوتنگھام فوریست ب حەفت گولان بەرامبەر گولەکێ ل سالا ١٩٩١
ئەڤرۆ نیوز، نەوزاد ھلۆری:
کومەلا حەژێکەرێن کوترێن نامەبەر دیارکر کو ئەو دێ رابن ب ئەنجامدانا بەریکانەکا کوترا بۆ حەژێکەرێن کوترا ل ھەولێر و سلێمانی و دھۆک و کەرکوکێ.
ب گورەی راگەھاندنەکێ کو لسەر پەیچێ خوە ل تورا جڤاکی یا فێسبووکێ بەلاڤکریە، کومەلا حەزژێکەرێن کوترێن نامەبەر دیارکریە کو سوبەھی روژا سێشەمبی رێکەفتی 12/2/2019 ل دەمژمێر 8:00ێ سپێدێ ھەتا دەمژمێر 10:00ێ سپێدێ ئەو دێ دەست ب وەرگرتنا کوترا کەن ب مەرەما ب رێڤەچونا بەریکانا کوترێن تایبەت ب نامەبەرا ل ھەولێرێ.
ئاماژە ب وێ یەکێ ژی کریە کو ئەڤ بەریکانە بو ھەموو حەزژێکەرێن کوترایە ل ھەولێر و دھۆک و سلێمانی.
ئەڤرۆ نیوز، نەوزاد ھلۆری:
ھنارتیێ نەتەوەیێن ئێکگرتی ل عیراقێ دیارکر کو ھژمارا ئاوارێن ل باژێر و باژێرکێن عیراقێ ئاوارەبووین دگەھیتە ملیونەک و 800 ھزار کەس کو ئەو ژی دبیتە رێژا 5% ژ ھژمارا گشتی یا رونشتڤانێن عیراقێ.
ب گوەری روھنکرنەکا یونامی ل سالا 2018 ھاتیە ھەلسەنگاندن دیار دبیت کو ل دەڤەرێن کێشەدارێن عیراقێ 22% ژ وان یێن دناڤ کەمپانیان دژین ، 52% ژ ھندەک پارێزگەھان، 12% ژ وان ژی یێن ل دەرڤەیێ کەمپان دژین ژبەر مەترسیا بومب و تەقینان ناخوازن بزڤرن جھـ و وارێن خوە، ئەڤە زێدەباری وێ یەکێ کو ژینگەھەکا نە ساخلەم و مەترسی ل وان دەڤەران ھەیە.
پرانیا ئەو عیراقیێن کو ئاوارەبووین دکەڤنە دەڤەرێن سونەنشین، پشتی رزگارکرنا بەشەک ژ جھێن وان ژی، ژ ئەگەرێ نەبوونا خزمەتگوزاریان و ھەبوونا مەترسێن زێدەتر ئاوارە زوو ب زوو نازڤرن ڤە.
ئەڤرۆ نیوز:
گولچیێ ئەلمانی و یانا بەرشەلۆنا مارک تیر شتێگن پشتی وەکھەڤیا شەڤا بوری ل گەل یانا ئەتلەتیکو بلباو دیارکر ئەو ئەنجام یێ عادلانەبوو ژبەرکو ھەردو تیمان ئاستەکێ باش پێشکێشکر .
زێدەتر گولچیێ یانا بەرشەلۆنا دیارکر یانا بلباو ل ڤێ یاریێ شیا ئاستەکێ بلند پێشکێش بکەت و چەندین جاران مەترسی ل سەر گولا ئەوان دروست کر و دبینت وەکھەڤی یا ژ ھەژی ھەردو یانا بوو.
ل دووماھیێ تێر شتێگن دیارکر دڤێ ل ماوێ بوری دا ماندیبوونەکا مەزن ل دەڤ ئەوان پەیدابوو تایبەت ل دووماھیی چار یاری لەورا دەستڤە ئینانا خالەکێ ل یاریگەھا بلباو نابینت ئەنجامەکێ لاواز
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشه‌مبى رێکەفتی 12ی شوباتا 2019ێ ئەسمان دێ ساهى و ئه‌وره‌كێ ناڤه‌ندى بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى و ئه‌وره‌كێ ناڤه‌ندى بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 7 بۆ 14 پلان دا بن.
نوش نیوز:
پشکا دووڤچوونێ ل رێڤەبەریا گشتی یا ساخلەمیا پارێزگەها دهۆکێ دو هێلێن گەرم بو گازندێن وەلاتیان ئێخستنە کاری کو دێ بو دەمێ 24 دەمژمێران د خزمەتێ دابن.
د. سەفەر یونس عەبدوللا، رێڤەبەرێ پشکا دووڤجوونێ ل ساخلەمیا دهۆکێ بۆ نۆش نیوز دیارکر کو ئەوان دو هێلێن گەرم (07514342938-07514025338)ئێخستینە کاری و بو دەمێ 24 دەمژمێران دێ دخزمەتا وەلاتیان دابن و گۆت: هەر وەلاتیەک دەمێ قەستا دەزگەهەکێ ساخلەمیێ دکەت، یان کلینیک و جهێن تایبەت و هەر گازندەک هەبیت دشێن پەیوەندیێ بکەن و دێ ئاریشە و گازندێن وان هێنە چارەسەرکرن.
دیارکر ژی کو دیسا هاولاتی دشێن گازندە و پێشنیارێن خوە ب رێکا ئیمێلێ (E-mail:91@duhokhealth.org) بهنێرن.
ئەڤرۆ نیۆز، قائید میرۆ:
بڕیارە رۆژا 18ی شوباتێ جڤاتا پارێزگەھا کەرکووکێ وەک پارتی و ئێکەتی لسەر رێکەفتین لباژێڕێ ھەولێرێ کۆمببیت و شارەزایەکێ قانوونی ژی دبێژیت، زۆربەیا ئەندامێن جڤاتێ دشێن بڕیارێ لدۆر جھێ کۆمبوونێ بدەن.
کرمانج عوسمان، شارەزایێ قانوونی بۆ ئەڤرۆ نیۆز دیارکر” ھەرچەندە بڕیار ھاتیەدان کۆمبوونا جڤاتا پارێزگەھا کەرکووکێ ل ھەولێرێ بھێتە ئەنجامدان، بەلێ ھێشتا دیارنینە دێ کۆمبوون کیرێ و چاوا ھێتە رێڤەبرن، بەلێ ھەگەر کۆمبوون ل دەرڤەی کەرکووکێ بھێتە ئەنجامدان ئەڤە ژلایێ قانوونی ڤە ڤەدگەڕیت بۆ ئەندامێن جڤاتێ، چونکە 50+1 یا ئەندامان دشێن بڕیارێ بدەن کۆمبوونێ ل کیرێ رێڤەبچیت.
عوسمان ئاماژەکر” ئەنجامدانا کۆمبوونا جڤاتا پارێزگەھێ ل دەرڤەی کەرکووکێ پەیامەکە بۆ بەغداژی، کو رەوشا کەرکووکێ یا جێگیر نینە بۆ ئەنجامدانا کۆمبوونا جڤاتا پارێزگەھێ، چونکە ئەنجامنەدانا کۆمبوونێ ل کەرکووکێ نیشانێن نە ئارامیا رەوشا کەرکووکێ نە.
ئەڤرۆ نیوز:
پشتی ل یاریا شەڤا بوری یانا بەرشەلۆنا نەشیای سەرکەفتنێ ل یاریا خوە یا گەرا ٢٣ ژ خولا لالیگا توماربکەت دەمێ ل گەل یانا ئەتلەتیکو بلباو بێ گول وەکھەڤ بووی و پشتی وێ یاریێ راھێنەرێ یانا بەرشەلۆنا ڤالڤێردی بوو دەزگەھێن راگەھاندنێ دیارکر ئەو ل زوربەیا یاری نەشیان چ مەترسیا مەزن ل سەر گولا یانا بلباو دروست بکەن تایبەت ل نیڤا ئێکێ ھەر چەندە ل نیڤا دوێ ئەوان باشتر خوە دیارکر چەند جاران خوە نێزیکی گۆلا بلباو کر لێ ئەو ھێرش ھەموو بێ کارتێکرن بوون .
زێدەتر ناڤبری دیارکر ژی ئەو نابینت ئەنجامەکێ لاوازە ژبەرکو ل ماوێ چەند حەفتیێن بوری چەندین یاریێن ب ھێز ئەنجامدابوون ل گەل یانێن سیڤیلیا و ڤالنسیا و ریال مەدرید و ئەنجامێ یاریا بەرامبەر ئەتلەتیکو بلباو ب ئەنجامەکێ نورمال دبینت ژبەرکو یانا بەرامبەر ئەوان ژی ژ یانێن بەرنیاس ل سەر ئاستێ ئیسپانیا.
ل دووماھیێ راھێنەرێ بەرشەلۆنا ئاماژە ب وێ چەندێ ژی کر سەرەرای ژ دەستدانا دو خالان ھێشتا ئەو ل سەرێ لیستەیا خولێ نە ب چیاوازیا شەش خالان و ل سەر ئەوان پێدڤی یە ھزر ل یاریێن بھێت بکەن و پاراستنا سەرێ لیستەیا خولێ بکەن.
ئەڤرۆ نیوز:
وەزارەتا داد یا عیراقێ هژمارەکا نوو یا رۆژناما وەقایعی عیراق بەلاڤکر کو تێداقانوونا بودجا 2019 ێ یا عیراقێ بەلاڤکریە و ب ڤی شێوەی ئەڤ قانوونە کەفتە د بوارێ بجهئینانێ دا.
کامل ئەمین، رێڤەبەرێ گشتیێ فەرمانگەها وەقایعی عیراق د راگەهاندنەکێ دا دیار کر کو ئەڤرۆ رۆژا 11/2/2019 ێ هژمارا 4529 یا رۆژناما وەقایعی عیراق هاتە بەلاڤکرن و ب ڤێ چەندێ ژی قانوونا بودجێ ب کریار کەفتە د بوارێ بجهئینانێ دا.
ئەڤرۆ نیوز:
د ڤه‌كولینه‌كا مه‌یدانی دا هاته دیاركرن كو 60% ژ ژنان موویێن له‌شێ خۆ ب شیره‌ی ده‌ردئینن، وێ ڤه‌كولینێ راگه‌هاند كو نابیت ژن ڤی كاری بكه‌ن داكو چ سه‌ربارك ژێ په‌یدانه‌بن وه‌كو هه‌ودانێن پرچێ و گه‌له‌ك نه‌خۆشیێن دیتر.
گرنگه د حاله‌تێن سروشتی دا قاته‌كێ روینی ل سه‌ر پرچێ مرۆڤی هه‌بیت دگه‌ل قاته‌كێ هه‌ڤسه‌نگ ژ میكروبان و یێ به‌ربه‌لاڤ كو ئه‌و میكروب نه یێن ڤه‌گوهاستنا نه‌خۆشیان بن، دتكو دیواره‌كی پێك بینن و ببنه رێگرێن میكروبێن نه‌خۆشیان، به‌لێ ب كارئینانا شیره‌یێ كه‌رستێ شه‌كرێ و هه‌بوونا بۆ ده‌مه‌كێ درێژ، ره‌نگه هنده‌ك هه‌ستداریێ په‌یدابكه‌ت و ره‌نگه شه‌كر بچیته دناڤ موویان و رژینێن روینی و هنده‌ك میكروبێن نه‌خۆشیان ب ڤه‌ژینیت و وه‌رارێ بكه‌ن و نه‌خوشیا كولبوونا موو یان ژده‌رئه‌نجام په‌یداببیت دگه‌ل هنده‌ك سه‌رباركێن دیتر، بۆ نموونه ره‌نگه پیست راببیت یان پنی ل سه‌ر بمینن و باشترین رێك بۆ ب كارئینانا شیره‌ی ب ڤی ره‌نگی یه:
وی جهێ تو شیره‌ی ل سه‌ر ب كاردئینی باش ب ئاڤا گه‌رم و سابینێ بشوو، ددووڤدا شیره‌ی ب كاربینه و پاشی وی جهی هه‌میێ جاره‌كا دی ب ئاڤێ و سابوونێ باش بشووڤه و بێ گیروبوون هشك بكه و ئه‌ڤ رێكه ناهێلیت چ سه‌ربارك بۆ پیستی په‌یداببن و رێكه‌كا گه‌له‌كا ب ساناهی یه و ئارمانجا ته بڤێت دێ زووكا هێته ب جهئینان.
ژێدەر/ نوش نیوز
نيشاندان