ئەڤرۆ نیوز:
سەرۆک وەزیرێن ئیسرائیلێ بنیامین نەتانیاهو ب توندی هێرشی سەرۆک کۆمارێ تورکیا رەجەب تەیب ئەردۆگانی کر و راگەهاند کو تورکیا گوندێن کوردان خراب دکەت، ژن و زارۆیان دکوژیت و هەموو بنەمایێن مافێ مرۆڤی بنپێ دکەت و ژ بەر هندێ ژی ئەو نەشێن وانێن مرۆڤاتیێ بدەنە مە.
ل هەمبەر ڤێ داخۆیانیێ ژی بەری دەمەکێ پەیڤدارێ سەرۆک کۆمارێ تورکیا ئیبراهیم کالین ژی راگەهاند کو نەتانیاهو ل وەلاتێ خوە تووشی گەلەک ئاریشان هاتیە و ژ بەر گەندەلیێ دهێتە دادگەهکرن و نها ژی دخوازیت ب ڤان هێرشان رۆژەڤێ بگوهۆریت.
ئەڤرۆنیوز، رەزوان رۆژبەیانی:
عەبدولقەھار کەریم موختارێ گوندێ گرێگا بۆ ئەڤرۆ نیوز دیار کر رێکا گوندی ھەتا سەر رێیا گشتی قەزا بەردەرەش دوو کیلۆ میتر و نیڤن ئەڤە ماوەیێ پێنج سالانە بریار ھاتیە دان کو رێیا گوندی بهێتە قێرکرن و تەندەر ژی ل سەر شول کر و تێکەلە ژی ھاتە دانان بەلێ پشتی وی کاری ژ بەر قەیرانا دارایی شول ھاتیە راوەستاندن و ئەم نزانین کا دێ ئەڤ پرۆژە ب دوماھی ئینن یان ژی دێ ھەر وەسا مینیت.
موختارێ گوندێ گرێگا گۆت ژی رێیا نوکە ‘ەلەک نەخوەش بوویە و ژ نەچارێ ئەم وەک خەلکێ گوندی رابووین ل سەر ئەرکێ خوە مە چێکر و ئەو ژی تنێ کو ترومبێلێن مە ژ ئەگەرێ وێ رێکی ژ کار نەکەڤک ئەو چێکرن ژی نە وەکو پێدڤیە تنێ ژ نەچارێی یە.
ناڤهاتی دیار ژی کر راستە دەمەکێ قەیران بوو بەلێ نوکە رەوشا حوکمەتێ باشتر لێ ھاتیە داخاز دکەین کو حوکمەت بۆ مە ڤێ رێکێ ب دووماھیک بینیت.
ئەڤرۆ نیوز، هۆشەنگ تاجر:
مستەفا ئۆچەلیک سەرۆکێ گشتی یێ پارتیا ئازادی یا کوردستانێ ل باکور بۆ ئەڤرۆ نیوز دیار کر کو دو کرێکارێن کورد ل باژێرێ ساکاریا یێ تورکیا ژ بەر ئاخڤتنا ب کوردی تووشی هێرشا فاشیستێن تورک هاتینە کو مخابن ئێک شەهید بوویە و کورێ وی ژی ب گرانی بریندارە، ئەڤە بەرهەمێ سیاسەتێ دەولەتا تورکیا یە کو ل سەر بنەمایێ دژاتیا گەلێ کورد برێڤە دچیت و گۆت: (ئەم ڤێ هێرشی ب توندی شەرمزار دکەین و دڤێت کوژەک ب زووترین دەم بگەهیتە سزایێ خوە).
سەرۆکێ گشتی یێ پارتیا سوسیالیست یا باکورێ کوردستانێ ژی راگەهاند کو ئەڤ هێرشە ل دژی هەموو گەلێ کوردە و ئاخڤتنا ب کوردی وەکو تاوانەکێ ل تورکیا دبینن و ژ بەر هندێ ژی دڤێت سیاسەتەکا کو ل سەر بنەمایێ دوژمناتیا گەلێ مە برێڤە دچیت ژ هولێ بهێتە راکرن و ئەم ڤێ هیرشا درندانە ل دژی دو وەلاتیێن کورد ب توندی شەرمزار دکەین.
ئەڤرۆ نیوز، هۆشەنگ تاجر:
چاڤدێرەکێ سیاسی ل رۆژهەلاتێ کوردستانێ دیار دکەت کو نابیت کورد ئەمریکا ب هندێ تومەتبار بکەن کو خیانەت ل رۆژئاڤایێ کوردستانێ کریە، بەلکو ئەمریکا ژ بۆ بەرژەوەندیێن خوە کار دکەت و ل گۆر کوردان ستراتیژیا خوە دیار ناکەت، ژ بەر هندێ ژی دڤێت هەموو هێزێن کوردی خوە بۆ هەر گوهۆرینەکێ ئامادە بکەن.
فەرهاد وەلی زادە راگەهاند ژی کو ڤەکێشانا ئەمریکا دێ کارتێکرنا خوە ل هەر چار پارچێن کوردستانێ کەت، ژ بەر هندێ ژی دڤێت هەموو هێزێن کوردی یێن هەر چار پارچێن کوردستانێ پێکڤە ل سەر ستراتیژیەکا نەتەوی کار بکەن وی دەمی گەلەک وەلاتێن جیهانێ ژ بۆ بەرژوەندیێن خوە دێ سەرەدەریەکا راست ل گەل کوردان کەن، ئانکۆ دڤێت کورد بشێن بەرژەوەندیێن هەڤپشک ل گەل زلهێزان دروست بکەن.
ئەڤرۆ نیوز:
پشتی کو ئەمریکا راگەهاندنی دێ هێزێن خوە ژ سووریێ ڤەکێشیت دەزگەهێن راگەهاندنا عەرەبی ژی دبێژن ئەو یەک د بەرژەوەندیا ئیرانێ دایە. فەرماندارەکێ حەشدا شەعبی ب ناڤێ ئەبو فارس راگەهاند کو ڤەکێشانا ئەمریکا رامانا سەرکەفتنا مە یە و حوکمەتا سووریێ دێ جارەکا دی شێت هەموو ئاخا سووریێ کەتە بن کۆنترۆلا خوە و گۆت: (داخواز ژ هێزێن سووریا دیموکرات و یەپەگێ ژی دکەین کو چەکێن خوە رادەستی لەشکرێ سووریێ بکەن، چونکو ئەو نەشێن شەرێ لەشکرێ سووریێ بکەن و هەکە چەکێن خوە رادەست بکەن دێ بۆ وان ژی باشتر بیت).
ئەڤرۆ نیوز، نەوزاد هلوری:
ئازاد تەھا، بەرپرسێ راگەھاندنا ھاتنوچوونا دھۆکێ بۆ ئەڤرۆ نیوز گۆت: (د دەمێ ١٢ دەمژمێرێن بوری ل سنوورێ پارێزگەھا دھۆکێ دا سێ روودانێن ترافیکێ روویداینە و د ئەنجام دا ھەشت کەس بووینە قوربانی، قوربانی ژی ھەموو بریندارن).
زێدەتر گۆت: (روودانا ئێکێ شەڤا بوری دەمژمێر ١٢:٣٠ ل گەلیێ زاخۆ دناڤبەرا دو ترومبێلێن تایبەت دا روودایە و د ئەنجام دا حەفت کەس بریندار بووینە کو ئەو ژی ژن و زارۆ بوون، روودانا دویێ ژی ل دەمژمێر ٩:١٥ سپێدێ لسەر جادا بارزان ل نێزیک مینی مارکێت دناڤبەرا دوو ترومبێلێن تایبەت دا روودایە، روودانا سێ دەمژمێر ١١:٠٠ێ سپێدێ دناڤبەرا دوو ترومبێلێن تایبەت روودایە و د ئەنجام دا کەسەک برینداربوویە).
ناڤبری دیارکر ژی کو بریندارێن روودانان ھاتینە رەوانەکرن بۆ نەخوشخانێ، زیانێن زورێن مادی ژی بەر ترومبێلان کەفتینە.
ئەڤرۆ نیوز: لەزگین جوقی:
ئەندامەکێ جڤاتا قەزا شنگالێ بۆ ئەڤرۆ نیوز دیار کر کو بەنکا رافیدین بۆ دانا قەرزین ئاڤاھیان مەرجەکێ دانایە ئەو مەرج دی بیتە ئەگەر ١١ کۆمەلگەھیێن شنگالێ دگەل سەنتەرێ شنگالێ ئانکۆ ٧٠% ژ خانیێن شنگال ژ وەرگرتنا قەزرین ئاڤاھیان بێ بەھر بن.
خەیری زیبان ئەندامی جڤاتا قەزا شنگال بۆ ئەڤرۆ نیوز دیار ک رکو بەنکا رافیدین بۆ دانا قەرزێن ئاڤاھیان ئەڤرۆ ٢٣/١٢/٢٠١٨ مەرجێن خوە راگەھاندن ئێک ژ وان مەرجان ژی ئەو پێدڤیە کەسی قەرزی وەربگریت تاپویا خانی ھەبیت بکەتە رەھین ل بەنکی ھەتا دشێت پارە وەربگریت ئەڤە ژی بۆ خەلکێ شنگالێ باش نینە چونکو ١١ کۆمەلگەھیێن شنگالێ دگەل ھژمارەکا زۆر یا گۆندان و سەنتەرێ شنگالێ د بێ تاپۆ نە رێژەکا زۆر خانیان تاپۆ نینن، خەلک دێ زەرەرمەند بن و نەشێن وەربگرن بەری نوکە جڤاتا شنگال ھەولدان کرن ئەڤ مەرج نەبیت بۆ شنگالێ مەرج ئەو بیت کەسی قەرزی وەردگریت دوو دێدەڤان و مۆختار و ئێدارا شەرعیی یا شنگال پەسەندەکێ بدەنی ب ڤێ رێکی قەرزی وەربگریت لێ نوکە دەمێ مەرجێن وەرگرتنا قەرزان ھاتینە راگەھاندن ئەڤ تشتە تێدا نەھاتیە بەحسکرن.
ناڤهاتی خۆیا ژی کر کو بۆ چێکرنا خانیێن دناڤ باژێران دا ٣٠ ملیون دینار ھاتینە دەستنیشانکرن بۆ خانیێن گۆندان ژی ١٥ ملیون دینارن دێ ب شێوەیێ قستان قەرزێن بۆ نوژەنکرنا خانیێن وێرانکری ھێنە دانان.
ئەڤرۆ نیوز، رەمەزان ھەرنی:
پرۆفیسورەکێ ھاریکار د زانستێن سیاسی دا ئاشکرا کر کو ئیران ل ڤان نزیکان دێ دکتور بەرھەم سالحی سەرۆک کومارێ عیراقێ وەکو کارتەکێ ب کارئینیت داکو سەردانا دیمەشقێ بکەت بۆ وێ چەندێ ب رێیا وی بشێت ڤان دو مەرەمان ب دەست ڤە بینیت.
د. سالح مەلا عومەر، پروفیسورێ ھاریکار ل زانستێن سیاسی بۆ ئەڤرۆ نیوز دیار کر کو ئیرانێ دڤێت ژ بەر وێ ڤالاھیا کو ژ بەر پاشکەفتکرنا ھێزێن ئەمریکا ل رۆژ ھەلاتا فورات دروست بیت ، دکتور بەرھەم سالح د ناڤبەرا بەشار ئەسەد و پەیەدێ دا ل سەر روژھەلاتا فورات ببیتە دادڤان بۆ وێ چەندێ پەیەدە وان دەڤەران رادەستی بەشار ئەسەد و ئیرانێ بکەتە ڤە و گۆت: ” ب رێیا سەرەدانا سەرۆک کومارێ عیراقێ بۆ دیمەشقێ ل سەر ئاستێ دەڤەرێ و جیھانێ پروژەکێ زێدەتر ب بەشار ئەسەدی بدەت”.
ئه‌ڤرۆ نيوز:
تایبەتمەندەکێ نەخۆشیێن دلوھناڤا ل پارێزگەھا دھۆکێ بۆ نوش نیوز دیارکر کو ھەلکرنا سۆپێن گازێ د ناڤ ژوورێن ئاڤاھیان دا، مەترسەیەکا مەزن ل سەر دلوھناڤێن وەلاتیان دا ھەیە، پێدڤیە وەلاتی ژ ڤان سۆپان د ھوشیار بن، پێخەمەت پاراستنا ساخلەمیا خوە ژ بەر دووکێلێ و دەرکەفتنا ماددی ئێکەم ئوکسیدێ کاربۆن. “ئەڤ ماددە گەلەک یێ ب مەترسیە ل سەر ساخلەمیا مرۆڤی دەمێ ژ سۆپێن گازێ دەردکەڤیت”.
د. عەبدولعەزیز سلێمان سڤۆ، تایبەتمەندێ نەخۆشیێن دلوھناڤ دیارکر کو دەمێ ماددێ ئێکەم ئوکسیدێ کاربۆن دەردکەڤیت ژ سۆپێ مرۆڤ ھەلدکێشیت و دچیتە د ناڤ ھەناسێن مرۆڤی دا و دەمێ دگەھیتە شانێن دلی و دەماغی ل دەسپێکێ ھێدی ھێدی مرۆڤی کێژ دکەت وەسان ل مرۆڤی دکەت مرۆڤی ئاگەھـ ژ خوە نەمینیت و ھەکە ماددی ئێکەم ئوکسیدێ کاربۆن گەلەک بیت رەنگە مرۆڤ گیانێ خوە ژ دەست بدەت چونکو ھەکە بۆری خەتمین گەلەک یا ب مەترسیە پێدڤیە دەمێ سۆپە دھێنە ھەلکرن ژی مرۆڤی ئاگەھـ ژێ ھەبیت، ئەو سۆپا ب دروستاھی کار بکەت چونکو ھندەک ھەکە دروست شوول نەکەن خەلک دێ بەنە ناڤ ژوورێن د ئاڤاھیان دا.
ئەڤرۆ نیوز، لەزگین جوقی:
رێڤەبەرێ گشتیێ ساخلەمیا پارێزگەھا دھۆکێ دیار کر کو رێکخراوا جیھانی یا مافێن مرۆڤی ژ دەستپێکا قەیرانێ ھەتا نوکە چەندین پشتەڤانی بۆ ساخلەمیێ ئیناینە و خزمەت پێ دھێتە کرن و گۆت: “مە بانگەوازیەک راگەھاندبوو بۆ ھەموو جیھانی کو مە شیان وەکو پێدڤی نینن بەرسڤا ڤان قەیرانان بدەین دەمێ دەستپێکا سەرھلدانا قەیرانان و ھاتنا رێکخراوا تیرۆرستێن داعش و ئاوارەبوونا خەلکێ بۆ دھۆکێ”.
د. نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیار کر کو نوونەرێ رێکخراوا جیھانی یا مافێن مرۆڤی ھەر ژ دەستپێکی ھایتە ساخلەمیێ بۆ ھەڤکاری ئەڤ ترۆمبێلا ھاوار ھاتنی یا ڤێجارێ ئیناین گەلەک یا بەرفرەە و باشە و ھەموو ئامیرە ژی دگەلدانە و چەندین ئامیرێن دی یێن نۆشداری ژی ئیناینە دگەل ئامیرێن چاڤدێریا سلامەتیا زارۆیان و گۆت: “داخوازێ دکەین پتر ھەڤکار بن دگەل ساخلەمیێ و ئەو زیرەکی و شیانێن وان ھەین و نۆشدارێن وەلاتێ ئەلمانیا یێن بسپۆر یێن حەز ھەبن بھێن ل پارێزگەھا دھۆکێ خزمەتێ بکەن دگەل خوە دا بینن داکو دگەل نۆشدارێن مە پتر خزمەتا وەلاتیان بھێتە کرن”..
خەلیل بۆزانی، نوونەرێ رێکخراوا جیھانی یا مافێن مرۆڤان دیار کر کو ئەرکەکێ گەلەک پیرۆزە ل سەر ملێن ھەر کەسەکێ کورد پشتەڤانیا ساخلەمیێ بکەت و گۆت: “ھەموو پێدڤیێن نۆشداری د ناڤ ئەڤێ ترۆمبێلا ھاوار ھاتنێ دا ھەنە و ئەڤە ترۆمبێلا ھاوار ھاتنێ یا سیێ یە ئەم پێشکیشی ساخلەمیا دھۆکێ دکەین”.
ناڤھاتی خویا کر کو سەرەرایی پێشکێشکرنا ترۆمبێلا ھاوارھاتنێ ب ساخلەمیا دھۆکێ 183 کۆرسی و پێدڤیێن دی ل سەر کێم ئەندامان ھاتنە بەلاڤکرن زێدەباری ڤێ چەندێ وان چەندین خۆلێن ھەمە جۆرە ل کەمپین ئاواران ب تایبەتی ژی ل کەمپێن مام رەشا و شێخان و ئیسیان ڤەکرینە و گۆت: “دێ بزاڤێ کەین دەرمان و پێدڤیێن دی ژی بۆ ساخلەمیێ دابین بکەین”.
نيشاندان