ئه‌ڤرۆنيوز:
هه‌ڤپه‌يمانيا نێڤده‌وله‌تى دژى داعشێ، ئه‌ڤرۆ پێنجشه‌مبى 7/2/2019 راگه‌هاند كو رێكخستيا داعش يا تيرۆرستى كونترۆلێ ل سه‌ر كێمتر 1% ژ ئاخا عيراقێ وسووريێ دكه‌ت.
هه‌ڤپه‌يمانيا نێڤده‌وله‌تى: داعش كونترۆلا ڤێ رێژا ئاخا عيراقێ وسووريێ دكه‌ت
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
كازم ئه‌لساهر ناسناڤێ خوه گوهارت
ئه‌ڤرۆنيوز:
وه‌زاره‌تا ناڤخوه‌يا عيراقێ، ئه‌ڤرۆ پێنجشه‌مبى 7/2/2019 رازيبوونا خوه دياركر ل سه‌ر داخوازيا هونه‌رمه‌ندێ عيراقى كازم ئه‌لساهر بۆ گوهارتنا ناسناڤێ وى د به‌لگه‌نامێن فه‌رمى دا ژ (ئه‌لسامه‌رائى) بۆ (ئه‌لساهر).
ل دووڤ وێ داخوازناما كازم ئه‌لساهرى كو ل تۆرێن جڤاكى دا به‌لاڤبووى، وى هونه‌رمه‌ندێ عيراقى يێ ناڤدار دداخوازناما خوه دا بۆ وه‌زاره‌تا ناڤخوه‌يا عيراقێ وريڤه‌به‌ريا گشتى يا ره‌گه‌زنامێ داخوازكر ناسناڤێ وى يێ پێ ناڤدار بووى ئه‌وژى (ئه‌لساهر) ل شوونا ناسناڤێ وى يێ ره‌سه‌ن (ئه‌لسامه‌رائى) بهێته جهگيركرن.
600 كارمەندێن شێخان یێن سەر سندوقێن دەنگدانێ دێ پارێ خوه وەرگرن
ئەڤرۆ نیوز:بارزان مزووری:
سەرپەرشتێ بنگەهێن دەنگدانێ ل شێخان سەر ب كۆمسیۆنا بلند یا هەلبژارتنان تایێ مووسل دیار كر كو ل سنورێ قەزا شێخان ناڤێن 600 كارمەندێن سەر سندوقێن ده‌نگدانێ دهه‌لبژارتنێن په‌رله‌مانێ عيراقێ هاتینە بۆ وەرگرتنا پارێن خوه يێن رۆژا دەنگدانێ.
بەیار حازم،سەرپەرشتێ بنگەهێن دەنگدانێ ل شێخان سەر ب كۆمسیۆنا بلند یا هەلبژارتنان تایێ مووسل بۆ ئەڤرۆ نیوز گوت:ئەو كارمەندێن ناڤێن وان هاتین دشێن رێكەفتی 23/2 سەرەدانا بەنكا تلكێف بكەن بۆ وەرگرتنا پارێن خوه و رۆژانە پارێ 100 كارمەندان ژلایێ بەنكێ ڤە دێ هێته دان،
خویاكر:ل سەر وان كارمەندان پێتڤیە رەگەزناما كەسایەتی و پلێتا ئازوقەی و كارتا دەنگدانێ و كارتا زانیاریان دگەل خوه ببەن دا بشێن پارێ خوه وەرگرن،
گوت ژى :كارمەندێن ئاسایی دێ 200 هزار ديناران وەرگرن ورێڤەبەرێن بنگەهان ژی دێ 250 هزار دیناران وەرگرن ، دو ژوان كارمەندان ناڤێن وان نەهات بوون، بەلێ پشتی چەندین بزاڤان دوبارە ناڤێن وان ژی هاتن .
تیما تەپاپێ یا شێخكا بۆ سەركەفتیا قارەمانیا “بارزانی نەمر” ل ئەلقوش
ئەڤرۆ نیوز :بارزان مزووری:
بەرپرسێ ناڤەندا بالا شێخان دیار كر كۆ ئەڤرۆ رێكەفتی 7/2/2019 ناڤەندا ئەلقوش یا چالاكی سەر ب ناڤەندا بالا شێخان ب هەلكەفتنا 18 شوباتێ سالیادا دامەزراندنا ئێكەتیا لاوان دوماهی ب قارەمانیا تەپاپێ ئینا یا بناڤێ”بارزانی نەمر” ئەوا هاتیە ڤەكرن بۆ 12 تیمێن تەپاپێ یێن دەڤەرا ئەلقوش.
بێوار حكمه‌ت،بەرپرسێ ناڤەندا بالا شێخان بو ئەڤرۆ نیوز گوت:ئەڤ قارەمانیە بۆ ماوێ 20 رۆژان یا بەردەوام بۆ دوماهیا قارەمانیێ تیما تەپاپێ یێن ملی یا بێبان و شێخكا پشتی هەڤركیەكا دژوار تیما شێخكا بو سەركەفتیا قارەمانیێ ،
مەزنترین پرۆژێ راكێشانا ئاڤێ دێ ل پەرستگەها لالش هێته دروستكرن
ئەڤرۆ نیوز :بارزان مزووری:
رێڤەبەرێ بەلاڤكرنا ئاڤێ ل قەزا شێخان ئەندازیار مەجید عبدالكریم،بۆ ئەڤرۆ نیوز راگه‌هاند:ل سەر بودجەیا جڤاتا وەزیران ب رێيا پارێزگەها دهۆكێ مەزنترین پرۆژێ ئاڤێ دێ بۆ پەرستگەها لالش هێته دروست كرن پرۆژە پێك دهێت ژ دروستكرنا كوگەهەكا كونكریتی ب قەبارێ 1000 م سێ جار ،دابینكرنا موه‌لیدەكا كارەبێ قەبارێ (100)KTV.A دگەل دروستكرنا ژورەكا تایبەت بۆ موه‌لیدێ كارەبێ دگەل گرێدانا تورا ئاڤێ ب شێوەكێ مودێرن ،
زێدەتر گوت:ئەڤ پرۆژە ل رێكەفتی2/2/2019 ب سەرپەرشتیار مە كو لژنەك هاتیە پێكئینان ژلایێ قایمقامێ قەزا شێخان ڤە دەست ب كاری دروستكرنا وی هاتیە كرن ،
دياركر:دروستكرنا ڤی پرۆژەی دێ بێ ئاڤيێ ل پەرستگەها لالش ب دووماهى ئینیت تایبەت د هەلكەفتنێن ئێزدیان دا .
شەش سالە كار ل سەر پرۆژێ ئاڤاهیێ گەشەپێدانا جڤاكی ل شێخان راوه‌ستياى
شێخان:بارزان مزووری:
رێڤەبەرێ چاڤدێری و گەشەپێدانا جڤاكی ل قەزا شێخان دیار كر كۆ ئەڤە شەش سالە كار ل سەر پرۆژێ ئاڤاهیێ رێڤەبەریا وان هاتیە راوەستاندن وسالانە 12 ملیۆن دیناران كريێ ددەینە خودانێ ئاڤاهيێ رێڤه‌به‌ريا نوكه تێدا.
جەمیل عه‌بدولا،رێڤەبەرێ چاڤدێری و گەشەپێدانا جڤاكی ل قەزا شێخان بۆ ئەڤرۆنيوز دیار كر كو ل سالا 2013 بەرێ بنیاتى بۆ پرۆژێ ئاڤاهیێ رێڤەبەریا مە هاتبوو دانان ب چاڤدێریا وەزیرا كار و كاروبارێن جڤاكی یا حوكمەتا هەرێما كوردستانێى ده‌مى ب كوژمێ 735 ملیۆن دیناران، پشتی بەرێ بنیاتی بۆ ئاڤاهی هاتيه دانان، كار ل سەر هاته راوەستاندن ژبەر قەیرانا دارایی یا سەر ب هەرێما كوردستانێ دا هاتی،
خویاكر:ژ سالا 2005 وهه‌تا نوكه رێڤەبەریا مە بۆ پتری سێ ئاڤاهیان هاتیە ڤەگوهاستن د ئاڤاهیێن كرێ دا وسالانە 12 ملیۆن دیناران وەكو كرێ ددەینە خودانێ ئاڤاهی، وئەڤە 14 سالە كوژمێ 168 ملیۆن دینار وەكو كريا ئاڤاهى مە مەزاختینە،
زێدەتر گوت: مە گەلەك جاران ب رێيا رێڤەبەریا مە یا گشتی داخواز كریە كو كار ل سەر ڤی ئاڤاهی بهێته كرن ب رێيا نڤیسارێن فەرمی مە داخواز ژ قایمقامێ قەزا شێخان ژی كریە وی بەرسڤا مە دایە كو بەلێندەری ببینیت دگەل رێككەڤن كو دوبارە كاری بكەت بۆ ئاڤاكرنا ئاڤاهی، بەلێ هەتا نوكه بەلێندەر نەهاتیە. داخواز ژ حكومەتا هەرێما كوردستانێ دكەین كو كار بكەت بۆ ئاڤاكرنا ئاڤاهیێ رێڤەبەریا چاڤدێری و گەشەپێدانا جڤاكی ل قەزا شێخان.
نێچیرڤان بارزانی و عادل عەبدولمەهدی كۆمبوون
یانەکا ئیتالی بوو ھاڤینا بھێت دێ ب ٣٠٠ ملیون یورۆیا یا مفاداربیت
ئەڤرۆ نیوز:
راپورتێن رۆژنامەڤانی ل ئیتالیا ئاشکراکرینە یانا ناپولی نەخشە ل فروتنا چەند یاریزانێن خوە دکەت بوو ھاڤینا بھێت کو ب فروتنا ئەوان یاریزانان ئەو یانە دێ کوژمەکێ باش یێ پارەی یا مفاداربیت.
رۆژناما توتو سپورت یا ئیتالی دیارکریە چاڤەرێ دھێتەکرن ل ھاڤینا بھێت یانا ناپولی ب ٣٠٠ ملیون یورۆیا یا مفاداربیت ب فروتنا چەند یاریزانێن خوە.
کو ژ ئەوانا دو یاریزانێن وێ بریارە بەر ب خۆلا چینێ ڤە بچن ئەوژی کابتنێ یانێ مارک ھامسک ئەوێ دێ پەیوەندی ب یانا دالیان یا چینی کەت ھەردیسان بریارە بەرامبەر کوژمێ ٢٥ ملیون یورۆیا درایس میرتینز بدنە یانەکا چینی و ھێرشبەرێ خوە ئەوێ نوکە ب شێوەیێ خواستن یاری ل یانا پارما دکەت ب شێوەکێ فەرمی بدنە وێ یانێ ل ھاڤینا بھێت بەرامبەر ٢٠ ملیون یورۆیا و بەرامبەر کوژمێ ٣٥ ملیون یورۆیا دەستا ژ بەرەڤانێ خوە سەید ھیساوی بەردەن بوو یانا چێلسی .
ھەردیسان ئەوێ رۆژنامێ ئاشکراکریە ژی پێشبینی دھێتەکرن ب دو ڤەگوھاستنێن مەزن دا ئەو یانە نێزیکی ١٨٠ ھەتا ٢٠٠ ملیون یورۆیا یا مفاداربن ب ڤەگوھاستنا دو یاریزانان کو یا ئێکێ ھەتا رادەیەکی ھەردو یانێن پاریس سانجێرمان و ناپولی گەھشتی نە رێککەفتنێ بوو ڤەگوھاستنا یاریزانێ وێ یێ بەرازیلی ماریز لوریرو بەرامبەر کوژمێ ١٠٠ ملیون یورۆیا ھەردیسان یانا لیڤەرپول یا ئنگلیزی بەرھەڤیا خوە دیارکریە بوو ڤەگوھاستنا لورەنزو ئنسگنا بەرامبەر ٦٠ ملیون یورۆیا لێ یانا وێ یانا ئیتالی داخوازیا ١٣٠ ملیون یورۆیا کریە لێ وەسا دھێتە چاڤەرێکرن دناڤبەرا ٨٠ ھەتا ١٠٠ ملیون یورۆیا یانا ئیتالی رازی بەت.
زانکۆیا نەورۆز دێ خواندنا بلند ڤەکەت
ئەڤرۆ نیوز:
وەزارەتا خواندنا بلند و ڤەکۆلینێن زانستی یا حوکمەتا هەرێما کوردستانێ نڤیسارەک ل دۆر خواندنا ماستەرێ بۆ زانکۆیا نەورۆز هنارت کو ئیمزایا دکتور یوسف گۆران وەزیرێ خواندنا بلند ل سەرە تێدا هاتیە ئاماژە ب نڤیسارا هژمارە (ع٥٥/۲) ل ۱۲/۱/۲۰۱۹ سەبارەت ب ڤەکرنا خواندنا بلند (ماستەر) ل زانکۆیا هەوە، ب هەوەیێن بەرێز رادگەهینین ژبەر کو زانکۆیا هەوە ل دووڤ رێزبەندیا نیشتیمانی یا زانکۆیێن هەرێما کوردستانێ ل سالا ۲۰۱۸ ل گرۆپێ B یێ زانکۆیێن تایبەت بۆ، ژبەر ڤێ چەندێ رازەمەندیێ ل سەر ڤەکرنا خواندنا بلند/ ماستەر ل زانکۆیا هەوە دکەین ب مەرجەکی رێککەفتننامەکا هەڤپشک دناڤبەرا زانکۆیا هەوە و ل گەل زانکۆیەکا حکومی کو وێ زانکۆیێ پشکێن وەکو یێن هەوە لێ هەبن ئەنجام بدەن ب مەرەما ڤەکرنا خواندنا بلند ماستەر ل زانکۆیا هەوە.
د هەمان نڤیسار دا هاتیە مەرجە ل هەر پشکەکا زانکۆیا نەورۆز کو داخوازا ڤەکرنا ماستەرێ بکەن دو خۆلێن دەرچوویێن بەکالۆریۆس ل وێ پشکێ هەبن و ستاڤێ وانەگۆتنێ یێ پێدڤی ژی هەبیت ل دووڤ رێنمایان، سەبارەت پرۆسا پێشکێشکرنێ و مەرج و رێنمایێن پێشکێشکرنێ و پلانا خواندنێ پێدڤیە چاڤەرێ بکەن هەتا رێنمایێن وو بۆ خواندنا بلند ماستەر ل زانکۆیێن هەرێمێ دهێنە دەرکرن و پشتی ڤێ چەندێ دێ هەوە ل سەر ڤی بابەتی ئاگەهدار کەین.
ژبەر مودرێچ ریال ڤی ستێرا خۆلا ئنگلتەرا نائینت
ئەڤرۆ نیوز:
یانا ریال مەدرید دەمەکێ درێژ بوو بزاڤێن ڤەگوھاستنا ستێرا ھێلا ناڤینا توتنھام و ھەلبژارتیێ دانیمارک ئاریکسن کر بوو ڤەگوھاستنێن ھاڤینا بھێت لێ رۆژناما مارکا ئیسپانی دیارکر یانا ریال مەدرید ھزرا خوە گوھوری پشتی ستێرا وێ و باشترین یاریزانێ جیھانێ لوکا مودرێچ بریار دای ھەڤبەستا خوە ل گەل یانا ریال مەدرید درێژ بکەت.
نيشاندان
WP Facebook Auto Publish Powered By : XYZScripts.com