ئەڤرۆ نیوز:
رۆژناما نیویورک تایمز یا ئەمریکی ئەڤرۆ د راپۆرتەکێ دا ئاماژە ب ئەنجامێن بریارا ترامپی یا ل دۆر ڤەکێشانا هێزێن ئەمریکا ل سووریێ کر و دیار کر کو کورد بوونە قوربانیێن بریارا ترامپی و تورکیا دێ هێرشی رۆژهەلاتێ فراتێ کەت، ئەو یەک ژی دێ بیتە ئەگەرێ هندێ دیسان کورد تووشی ئازارەکا دی ببن.
رۆژناما ئەمریکی دیار دکەت ژی کو گڤاشتنەکا مەزن ل ئەمریکا ل سەر ترامپی هەیە کو ژ بریارا خوە ڤەبیت، لێ ترامپ ژ بەر بەرژەوەندیێن بازرگانی یێن ل گەل تورکیا هەتا نها ژی ل سەر بریارا خوە رژدە.
ئەڤرۆ نیوز، نەوزاد ھلۆری:
د گەرا ١٤ێ دا، بزاڤا رەوشەنبیری ل ئاکرێ دەستەکا نوو بۆ ب رێڤەبرنا وەرزێ نوو یێ کاری ھەلبژارت و تێدا دکتور نەزار خورشید وەکو بەرپرسێ نوو یێ بزاڤێ ھاتە دیارکرن. ئەڤرۆ سپێدێ، ٢٢ کانوونا ئێکێ ٢٠١٨K زێرەڤان تەموو، ئەندامێ بزاڤا رەوشەنبیری ل ئاکرێ بۆ ئەڤرۆ نیوز گۆت: “دگەرا ١٤ێ دا، بزاڤا روشەنبیری ل ئاکرێ د پرۆەسەیکا ئازاد و دیموکراسی دا، رابوو ب ھەبژارتنا دەستەیەکا نوو بو ب رێڤەبرنا وەرزێ نوو یێ خوە یێ کاری”.
زێدەتر گۆت: “دکتور نەزار خورشید وەکو بەرپرس ھاتە ھەلبژارتن، دیسان زەکەریا حەمید وەکو بەرپرسێ نڤیسینگەھا رەوشەنبیری و سالح محەمەد وەکو بەرپرسێ کارگێری و دارایی و ئازاد موستەفا وەکو بەرپرسێ راگەھاندنێ و رۆژا مەجید وەکو بەرپرسا پەیوەندیان ھاتنە ھەلبژارتن، ھەر ئێک ژ ئەلند ئاکرەی و رێکەفت زوھێر وەکو ئەندامێن یەدەک ھاتنە ھەلبژارتن). دھێتە زاینن کو بزاڤا رەوشەنبیری ل ئاکرێ ل رێکەفتی ئێکێ تەمووزا سالا ١٩٩١ ھاتیە دامەزراندن و ھەتا نوکە ١٤ جاران دەستەیا خوە گوھری یە، زورترین بزاڤ و چالاکیێن رەوشەنبیری و ئەدەبی و ھونەری ل قەزا ئاکرێ دکەت.
ئەڤرۆ نیوز ، زنار تۆڤی:
د. دالیا فەرھاد حاجی ئەنداما پەرلەمانێ عیراقێ ل سەر فراکسیۆنا پارتی دیموکراتی کوردستان بۆ ئەڤرۆ نیوز دیار کر کو دوھی وان کۆمبوونەک ل گەل وەزیرێ ساخلەمیا عیراقێ ئەنجامدایە، ژ پێخەمەت باشترکرنا رەوشا ساخلەمیێ ل عیراقێ و ھەرێما کوردستانێ و ئەڤە جارا ئێکێ یە ئەو ل گەل وەزیرێ ساخلەمیێ کۆم دبن، دیسا د وێ کۆمبوونێ دا وان داخواز ژ وەزیرێ ساخلەمیێ کریە کو بەھرا ھەرێما کوردستانێ یا دەرمانان بھێتە زێدەکرن، چونکی رێژەکا مەزن یا ئاوارێن عیراقێ ل کوردستانێ دژین و ئەو رێژا بەری نوکە بۆ ھەرێما کوردستانێ دھات تێرا ناکەت، ھەروەسا ھەر دەمێ وەزیرێ ساخلەمیێ ل حوکمەتا ھەرێمێ بھێتە دانان، ل وی دەمی ئەم پێکڤە روونین خوار و ھەر پێدڤیاتەکا ھەرێمێ ھەبیت، ئەم دێ ژ وەزیرێ ساخلەمیا عیراقێ داخواز کەین و مە ل بەرە بەھرا ھەرێمێ زێدە بکەین، ژ پێخەمەت دەرمان و پێدڤیێن ساخلەمیێ ب رەنگەکێ باشتر ب گەھنە کوردستانێ، ھەر چەندە ئەڤە دمینیتە لدووڤ رێژا بوودجێ گشتی یێ عیراقێ بۆ سالا ٢٠١٩، لێ ھەکە بوودجێ کوردستانێ بھێتە زێدەکرن، دێ رێژا دەرمانان ژی بۆ ھەرێمێ زێدە بیت.
ناڤھاتیێ گۆت ژی: مە گەلەک بزاڤکرینە کو رێژا ھەرێمێ د پرۆژە قانوونا بوودجێ عیراقێ دا ببیتە ١٤%، لێ مە ئەو باوەری نینە، کو ئەو رێژە بھێتە زێدەکرن، ھەر چەندە ھێشتا بریارا دووماھیێ نەھاتیەدان و بزاڤێن مە ژی ل گەل ئالیێن شۆلەژێ د بەردەوامن و نوکە لیژنا دارایی یا ل سەر کار دکەت، لێ ھەکە حوکمەتا عیراقێ ھەر وەکو خوە ھێلا، ل وی دەمی دێ ھەر رێژا کوردان وەکو بەری نوکە مینیت و زێدە نابیت.
ئەڤرۆ نیوز، نەوزاد ھلۆری:
شەڤا بوری تا سپێدەھیا ئەڤرۆ ژ لایێ دو فرۆکێن تورکیا ب دژواری دەڤەرا زێبارێ ھاتە بوردومانکرن، ژبەرکو ئەو دەڤەر بەری نوکە ھاتیە چولکرن ھەتا نوکە زیانێن وێ بوردومانێ نەھاتینە زانین، ھەتا بەرھەڤکرنا ئەڤی نووچەیی ژی زڤرینا فروکەیان بۆ دەڤەرا زێبارێ بەردەوامە.
مێھرەڤان کادانی، وەلاتیەکێ دەڤەرا زێبارێ یە دیارکر کو شەڤا بوری ھەتا سپێدەھیا ئەڤرۆ گوندەوارێن وان ژلایێ فروکێن تورکیا ھاتیە بوردومانکرن و بۆ ئەڤرۆ نیوز گۆت: (ئەو دەڤەر و گوندێن کو ھاتینە بوردومانکرن پێکدھێن ژ گوندێن نپاخ و چاربوت و زنجیرە چیایێ گارە، بەلێ ژبەرکو بەری نوکە ئەو گوند ژ بەر مەترسیا بوردومانا فروکەیان و شەری ھاتینە چولکرن، ھەتا نوکە چوو زانیاری لسەر زیانێن بوردومانێ ناھێنە زانین).
زێدەتر گۆت: (پشکەک ژ خەلکێ وان گوندان ب مەرەما کاری و خودانکرنا تەرش و کەوالی دچنە سەر گوندێن خوە، بەلێ ژبەر مەترسیا بوردومانێ، خوە ل وان جھان دویرکریە).
بوردومانا فروکێن تورکیا ددەمەکێ دایە کو چەند روژێن بوری گوندێ کادانا ژبەر بەردەوامبوونا بوردومانێن تورکیا ب ئێکجاری ھاتە چولکرن و خەلکێ وێ ئاوارەیێ دینارتە و دەوروبەران بوون.
ئەڤرۆ نیوز:
راھێنەرێ یانا ریال مەدرید یا ئسپانی سانتیاگو سولاری دکۆنگرەکێ رۆژنامەڤانی دا ھوشداری دا یاریزانێن خوە کو پێدڤیە د یاریا ئەڤرۆ یا دووماھیا موندیالا جیھانێ دا ل وەلاتێ ئیمارات و ل ھەمبەر یانا عەین یا ئیماراتی د ھشیاریەکا تمام دا بن.
زێدەتر سکولاری دوپاتکریە کو دڤێ قارەمانیێ دا ئاستێن ژ ھەژی یێن ھاتینە دیتن ژ تیمێن پشکدار لەورا یا فرە ئاستەکێ بلند ل یاریا دووماھیێ ل ھەمبەر یانا عەین یا ئیماراتی ئەڤ شەڤە ل یاریگەھا باژێرێ زاید یێ وەرزشی پێشکێش بکەن.
زێدەتر ناڤھاتی ئاماژەکر ئەو دێ لێگەریانا سەرکەفتنێ کەن و بۆ ب دەستڤە ئینانا ڤێ ئارمانجێ پێدڤیە یاریزانێن وی ب ھشیاری و رێزگرتن و یاریا ب کوم ل ھەمبەر تیما مێڤان بچنە د ناڤ یاریێ دا و ئەڤە دێ رێکا سەرکەفتنا وان بیت بۆ ب دەستڤەبرنا ناسناڤێ سیێ ل دووڤ ئێک.
ل دووماھیێ سولاری ئەو چەندە ژی ئاشکراکر ئەو ێ ب نەخشە و شێوازێ خوە یێ جاران چنە دناڤا یاریێ دا ئەوژێ ب بەرەڤانیەکا ھشک و ھێرشبەریەکا ب لەز و پاراستن ل سەر ھێلا ناڤین چونگو گەھشتن ب یاریا دووماھیێ و ل ھەمبەر عەین نە ژ نەشکەکێ ڤە بوویە.
ئەڤرۆ نیوز، بارزان مزووری:
ئەو زارۆیا ل رۆژا 20 کانوونا ئێکێ 2018 ل بەر دیوارێ خواندنگەھەکا د ناڤ سەنتەرێ قەزا شێخان دا ھاتیە دیتن و رادەستی پۆلیسان ھاتیە کرن ل دووڤ بریارا دادوەرێ ڤەکولینێ ل نەخۆشخانا شێخان یا زارۆکبوونێ چاڤدێریا وێ دھێتەکرن، ل دووڤ وان پێزانیننَن ژوورا تومارێ یا نەخۆشخانا ناڤھاتی داینە ئەڤرۆ نیوز ھەتا نوکە پتری 10 کەسان ژ ژن و مێرێن بێ زارۆ ناڤێن خوە تومارکرینە بۆ وێ چەندێ کو ڤێ زارۆیێ بۆ خوە ب خودان بکەن.
پیر ئەودی سلێمان، بەرپرسێ پشکنینان ل نەخۆشخانا شێخان بۆ ئەڤرۆ نیوز ئاشکرا کر کو ھەموو پشکنین بۆ لەشێ وێ زارۆیێ ھاتینە ئەنجامدان و لەشێ وێ گەلەک یێ ساخلەمە و بۆ خوارنا شیری ژی گەلەکا باشە، بەلێ چ نیشان لێ دیارنەبووینە کا ئەڤ زارۆیە کیە و ژ کیڤە ئینایە وی جھێ لێ ھاتیە دیتن و گۆت: “ھەتا نوکە پتری 10 کەسان ژ ژن و مێرێن بێ زارۆ ناڤێن خوە تومارکرینە بۆ وێ چەندێ کو ڤێ زارۆیێ بۆ خوە ب خودان بکەن”.
د. نارین فەرەچ، نوبەدارا ھوبا زارۆبوونێ ل نەخۆشخانا شێخان یا گشتی بۆ ئەڤرۆ نیوز ئاشکرا کر کو ل دووڤ پشکنینێن بۆ ڤێ زارۆیێ ھاتیە ئەنجام دان ژیێ وێ نێزیکی 30 رۆژایە و رەوشا وێ یا ساخلەمی گەلەک یا باشە و چ نەخوشی لێ نینن و گۆت: “نوکە ژ ئالیێ دو نۆشدارێن کچ ڤە د ناڤ ئێک ژ ژوورێن تایبەت ڤە ل ھۆبا زارۆبوونێ دھێتە ب خودانکرن”.
ناڤھاتیێ خویا کر کو گەلەک کەس سەرەدانا وان دکەن بۆ وێ چەندێ ئەڤ زارۆیا کچ ب وان بھێتە دان، بەلێ یا وان بتنێ چاڤدێریە ھەتا رۆژا ئێکشەمبی 23 کانونا ئێکێ 2018 دادوەرێ ڤەکۆلینێ بریارێ ل سەر ڤێ زارۆیێ د دەت و بۆ جھەکێ دی دھێتە رەوانەکرن”.
تێبینی: ب مەرەم سەرۆچاڤێن ڤێ زارۆیێ ھاتینە ڤەشارتن
ئەڤرۆ نیوز، ئەمیر ئەترووشی:
حوکمەتا عیراقێ بریار دابوو ل سەر بۆدجا سالا 2018 یا جڤاتا پارێزگەھا نەینەوا ھەر رزگاربوویەکێ ئێزدی 560 ھزار دیناران وەکو ھاریکاری بدەتێ، بەلێ ھەتا نوکە ئەو پارە نەھاتیە دان.
حسێن قائیدی، بەرپرسێ نڤیسینگەھا رزگاربوویێن کوردێن ئێزدی بۆ ئەڤرۆ نیوز دیار کر، د بۆدجا سالا 2018 یا جڤاتا پارێزگەھا نەینەوا کۆژمێ ملیار دیناران بۆ رزگاربوویێن کوردێن ئێزدی ھاتبوونە تەرخانکرن، ژ بۆ ھندێ ھەر رزگاربوویەک 560 ھزار دیناران وەکو دیاری وەربگریت، بەلێ ھەتا نوکە ئەو پارە نەھاتیە مەزاختن و د ئەڤ سالە دا چو رزگاربوویان ئەڤ پارە وەرنەگرتیە.
قائیدی ئاشکرا ژی کر کو ناھێتە ڤەشارتن ل سالا 2017 جڤاتا پارێزگەھا نەینەوا 560 ھزار دینار دابوونە ھەر رزگاربوویەکی، بەلێ ل سالا 2018 ئەڤ پارە نەھاتیە مەزاختن و چو دیار نینە ژی کا دێ حوکمەتا عیراقێ وی پارەی دەتە رزگاربوویان یان ژی نە.
ئەڤرۆ نیوز:
تیما تەپا پێ یا یانا بەرشەلونە ئەڤ شەڤە ل دەمژمێر 8:30 یاریا خوە یا ڤێ حەفتیێ دێ دگەل یانا سێلتاڤیگو کەت ل یاریگەھا خوە کامپ نوو.
ھەر چەندە یانا بەرشەلونە نوکە سەرکێشا سەرێ لیستا خولێ یە ب 34 خالن و کێمتر سێ خالان نێزیکترین ھەڤرکا وێ سیڤیلیا و ئەتلەتیکو مەدرید دن، لێ ھەتا نوکە 19 گول پشتی بورینا 16 یاریان ل سەر بەرشەلونە ھاتینە تومارکرن کو دبیتە مەزنترین ھژمارا گولان ژ وەرزێ 2003 * 2004 وەرە دەمێ 21 گول ل سەر ھاتینە تومارکرن، ھەر چەندە ل سێ یاریێن دووماھیێ پاراستن ل سەر تورا گولێ ھاتیە کرن و دووماھی جار ل چار یاریان بوو ل وویڤ ئێک ل کانینا دویێ یا ئەڤ سالە.
کاروانێ خولا ئسپانیا پشتی یاریێن ڤێ حەفتیێ ل شەشی کانینا دویێ دووبارە دێ دەستپێکەت و بەرشەلونە دێ بیتە مێڤانا خیتاڤی و ریال مەدرید دێ یاریەکا ب زەحمەت دگەل ریال سویداد کەت.
ئه‌ڤرۆ نيوز:
ئاخفتنكه‌رێ فه‌رميێ حوكمه‌تا هه‌رێما كوردستانێ، بهێنڤه‌دانا سه‌رێ سالێ ل هه‌رێما كوردستانێ راگه‌هاند.
ئه‌ڤرۆ شه‌مبى 22ى كانوونا ئێكێ 2018، سه‌فين دزه‌ى، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو ب گۆره‌يى قانوونێن تايبه‌ت ب بهێنڤه‌دانێ ل هه‌رێما كوردستانێ ب تنێ رۆژا سێشه‌مبا داهاتى كو دبيته 1ى كانوونا دويێ 2019 ل داموده‌زگه‌هێن حوكمه‌تا هه‌رێما كوردستانێ بهێنڤه‌دانا فه‌رمى بيت.
پێشتر ژى حوكمه‌تا هه‌رێما كوردستانێ ب فه‌رمى رۆژا سێشه‌مبيا ڤێ حه‌فتيێ 25ى كانوونا ئێكێ 2018 وه‌كو بهێنڤه‌دانا فه‌رمى ب هه‌لكه‌فتا رۆژا ژدايكبوونا حه‌زره‌تێ مه‌سيح راگه‌هاند بوو.
ئه‌ڤه د ده‌مه‌كى دايه كو حوكمه‌تا عيراقا فيدرال بهێنڤه‌دانا سه‌رێ سالێ ب رۆژێن 30 و 31ى كانوونا ئێكێ 2018 و 1ى كانوونا دويێ 2019 دياركرينه.
ئەڤرۆ نیوز، لەزگین جوقی:
گەرا ئێکێ یا ئێزدیێن بووینە قوربانیێن دەستێن رێکخراوا تیرۆرستێن داعش کو پێکھاتی بوون ژ 20 خێزانان چوونە وەلاتی فرەنسا ل سەر داخوازیا وی وەلاتی.
وەلاتێ فرەنسا ل 25 ئۆکتۆبەرا ئەڤ سالا بریار دابوو ب سەدان خێزانیێن ئێزدی یێن بووینە قوربانیێن دەستێ داعش وەربگریت.
خەیری بۆزانی، رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئایینی یا حوکمەتا ھەرێما کوردستانێ بۆ ئەڤرۆ نیوز دیار کر کو ئەڤ ھژمارا خێزانیێن ئێزدی ب ریێا وان نەچووینە دەرڤەی وەلاتی و گۆت: “نادیە موراد بالیۆزا نیازپاکیێ ل نەتەوەیێن ئێکگرتی پێشوازی ل ڤێ ھژمارا خێزانێن ئێزدی کر ل وەلاتێ فرەنسا”.
حسێن کورو قائێدی، رێڤەبەری نڤیسینگەھا رزگارکرنا رەڤاندیێن ئێزدی سەر ب نڤیسینگەھا سەرۆکێ حوکمەتا ھەرێما کوردستانی ڤە دیار کر کو رێکەفتنەک د ناڤبەرا حوکمەتا ھەرێما کوردستانێ و ئەلمانیا دا ھاتبوو کرن کو رزگاربوویێن ئێزدی بچنە وەلاتێ ئەلمانیا بۆ وەرگرتنا چارسەریێ ل سالا 2015ی پشتی دووڤچوون ھاتیە کرن دیاربوویە ھەتا ھزار و 100 کەسان یێن چووینە وەلاتێ ئەلماینا ژوان ژی پتر ژ 240 کەسان نەکەفتینە ددەستێن تیرۆرستێن داعش دا و یێن چووینە وەلاتێ ئەلمانیا و ئەڤە بوویە جھێ نەرازیبوونا خەلکی ئێزدیان، چونکو بەرنامە بۆ چارەسەریا زەرمەندێن دەستێن تیرۆرستی داعش ھاتبوو دانان نە بۆ خەلکێ دی یێ نە زەرمەند.
ناڤھاتی ئاماژە دا وێ چەندێ کو ھەتا نوکە سێ ھزار و 334 رەڤاندیێن ئێزدی یێن ژ دەستێن تیرۆرستێن داعش ھاتینە رزگارکرن و ئوپەراسیۆنێن رزگارکرنا رەڤاندیان دێ د بەردەوام بن ھەتا ئێک رەڤاندی مابیت دێ کار بۆ رزگارکرنا وان یێ بەردەوام بیت.
نيشاندان