ئەڤرۆ نیوز، بارزانی مزووری:
بەری دەمەکێ ب پشکداریا سیداد بارزانی نوونەرێ سەرۆک بارزانی و گەلەک کەسایەتیێن دەڤەرێ تەرمێ میر تەحسین بەگ هاتە ڤەشارتن.
ب وێنە: تەرمێ میر تەحسین بەگ هاتە ڤەشارتن
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
ئەنتر کوژمەکێ مەزن بوو ڤی ستێرا بەرشەلۆنا بەرھەڤکریە
ئەڤرۆ نیوز:
پشتی ل ماوێ بوری یانا ئەنتر میلان نەشیاى ستێرا ھێلا ناڤینا یانا ریال مەدرید مودریچ رازی بکەت بوو ئیمزاکرنا ھەڤبەستا ئەوی ل ھاڤینا بھێت نوکە پلانەکا دی دانایە بوو رازیکرنا ستێرا ھێلا ناڤینا یانا بەرشەلۆنا ئیڤان راکیتیچ بوو ڤەگوھاستنێن ھاڤینا بھێت.
رۆژناما توتو سپورت یا ئیتالی دیارکریە کارگێریا یانا ئەنتر میلان یا ئیتالی بوو ب ھێز ئێخستنا ھێلا ناڤینا خوە بوو وەرزێ بھێت داخوازیت ھەڤبەستێ ل گەل ئێک ژ ستێرێن جیھانی ئیمزا بکەت و پشتی نەشیا باشترین یاریزانێ جیھانێ و ستێرا یانا ریال مەدرید لوکا مودریچ رازی بکەت دەست ب لڤینا کریە بوو دانوستاندنان ل گەل ھەڤالێ وی ل ھەلبژارتیێ کرواتیا و یاریزانێ یانا بەرشەلۆنا ئیڤان راکیتیچ .
ئەوێ رۆژنامێ ئاشکراکریە ژی یانا ئەنتر میلان کوژمه‌کێ مه‌زن به‌رهه‌ڤکریه بوو ڤه‌گوهاستنا راکیتیچ و ھەردیسان ل گەل موچەیەکێ سالانە بوو یاریزانی کو ژ یێ یانا بەرشەلونا گەلەک مه‌زنتره .
ژلایەکێ دیڤە راپورتێن رۆژنامەڤانی ل ئیسپانیا بەری نوکە دیارکر بوو راکیتیچ ئەوێ گرێدای ھەڤبەستا یانا بەرشەلۆنا ھەتا ٢٠٢١ دبیت ل وەرزێ بھێت پێکھاتیێ وێ یانێ ب جهـ بھێلت تایبەت پشتی وێ یانێ ھەڤبەستا یاریزانێ ھێلا ناڤینا ھەلبژارتیێ ھولەندا دی یونگ ل ماوێ چەند رۆژێن بوری ئیمزاکری و مەترسی کەڤتیە سەر پاشەرۆژا وی یاریزانێ کرواتی وەکو یاریزانەکێ سەرەکی ل ناڤا پێکھاتیێ بەرشەلونا بوو وەرزێ بھێت.
عەلی خەلیل: چو ھێزێن ئەمریکا ل مووسل نەھاتینە جێگیرکرن
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان رەتکر ئەمریکا چو ھێزەکا خۆ ل سنورێ مووسل جێگیر کربیت و دبێژیت، چالاکیێن داعش ژی وەک بەرێ نە و زێدەنەبووینە.
عەلی خەلیل بێتکاری، بەرپرسێ لقا ١٤ یا پارتی ل مووسل بۆ ئەڤرۆ نیۆز دیارکر” راستە ل دەزگەھێن راگەھاندنێ زانیاری لدۆر جێھگیرکرنا ھێزێن ئەمریکا ل سنورێ مووسل دھێنە بەلاڤکرن، بەلێ ھەتا نوکە چو ھێزەکا ئەمریکی مە نەدیتیە ل مووسل ھاتبیتە جێگیرکرن و چو بنگەھێن تایبەت ب وان نینە.
لدۆر چالاکیێن تیرۆرستێن داعشێ ژی بێتکاری ئاشکراکر” داعش ل مووسل و عیراقێ ژی ھەر مایە ئەڤە ناھێتە ڤەشارتن، بەلێ وەکی مەدیتی لڕۆژێن بۆری چەکدارێن وان ل ھژمارەک دەڤەرێن عێراقێ دەرکەفتی و چالاکی ئەنجامدای ل مووسل وەکی بەری چەند ھەیڤانە و لڤینێن وەک خۆ نە، بەلێ ھندەک دەڤەرێن پارێزگەھێ ھەنە ب ئاشکرا ھاتن وچوونێ دکەن و لناڤا سەنتەرێ باژێڕێ مووسل ژی شانەیێن نڤستی ھەنە و ماکا خۆژی دکەن.
ره‌وشا زێر و زيڤى ل بازارێن دهۆكێ
ره‌وشا دراڤى ل بازارێن دهۆكێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى شوباتا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.800 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
خودانێن سێ موه‌لیدان ل دێره‌لۆكێ هاتنه سزادان
ئه‌ڤرۆ نیوز، مه‌حمود نهێلى:
رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، ئه‌وان بریار دایه ب سزادانا خودانێن سێ موه‌لیدان ل سنورێ ناحیا دێره‌لۆك ژ به‌ر كو هه‌ر ئێك ژ وانا بۆ هه‌یاما چه‌ند رۆژان كار نه‌ركریه.
سامى ئوشانه رێڤه‌به‌رێ ناحیا خویاكر، كو د هه‌یڤا ئێك یا ئه‌ڤ ساله دا سێ موه‌لیدێن ل سه‌نته‌رێ ناحیا دێره‌لۆك ژ كار كه‌فت بوون و بۆ ماوێ چه‌ندین رۆژان كار نه‌كریه، ژ به‌ر وێ یه‌كێ ژى هه‌ر ئێك ژوانا كوژمه‌كى پاره‌ى ژ به‌ر هاتنه برین و گۆت: ( ئه‌ڤ به‌ر برینه دناڤبه‌را 1500 دیناران بۆ 3 هزار دینارا دایه و هه‌ر ئێكێ ژ وانا ل دووڤ رێژا كار نه‌كرنێ پاره ژ به‌ر هاتینه برین).
ناڤهاتى دیار ژى كر ، ژ بلى لژنا موه‌لیده‌یان ل ئامێدیێ و ل دهوكێ ، ژلایێ رێڤه‌به‌ریا ناحیێ ژى به‌رده‌وام دووڤچوونا موه‌لیده‌یێن ده‌ڤه‌رێ دهێته كرن و ته‌كه‌ز كر، هه‌ر خودانێ موه‌لیده‌یه‌كى ل دووڤ رێنمایان نه‌چیت و پێگر نه‌بیت ب وان رێنمایێن ژلایێ لژنا موه‌لیدان ڤه دهێنه ده‌ركرن دێ ل دووڤ یاسایێ سه‌ره‌ده‌رى دگه‌ل دا هێته كرن.
ب وێنه .. پارتی و ئێكه‌تی كۆم بوون
10 ژ بلندترین چیایێن كوردستانێ
ئه‌ڤرۆ نیوز، نه‌وزاد هلۆرى:
سرۆشتێ كوردستانێ ده‌هان دیمه‌نێن جوان و سه‌رنجراكێش هه‌نه، مینا دار، به‌ر و ئاڤ، پرانیا ده‌ڤه‌رێن كوردستانێ سرۆشتێ وان پێكدهێت ژ ده‌شت، دول، نهال، رووبار و چیا.
ئه‌ڤێن ل خوارێ 10 ژ بلندترین چیایێن كوردستانێ نه كو پرانیا وان دكه‌ڤنه باكوورێ كوردستانێ، چیایێ ئارارات ل رێزا ئێكێ و چیایێ حه‌ساروست ل رێزا ده‌هێ دهێت.
عەبدوللا ئەلیاس، ئێكه ژ چیاڤانێن هه‌رێما كوردستانێ و پترى 100 چیایێن كوردستانێ گه‌ریایه ب تایبه‌تى چیایێن هه‌رێما كوردستانێ، دیاركر كو كوردستانێ هژماره‌كا زور یا چیایێن مه‌زن و سه‌رنجراكێش هه‌نه و بۆ ئه‌ڤرۆ نیوز گۆت: (كوردستان ئێكه ژ وان وه‌لاتێن هه‌رى خوش ژ روویێ سرۆشتى ڤه و هزاران چیا و دول و رووبار و جهێن خوش و سه‌رنجراكێش هه‌نه، به‌لێ جهێ داخێ یه وه‌كو پێدڤى ژ روویێ گه‌شتوگۆزارى ڤه مفا لێ نه‌هاتیه وه‌رگرتن).
زێده‌تر گۆت: (ل هه‌رچوار پارچێن كوردستانێ چیایێن مه‌زن و بلند هه‌نه، به‌لێ پێزانین ل سه‌ر پرانیا چیایێن كوردستانێ هه‌تا نوكه نه‌هاتینه به‌لاڤكرن، هنده‌ك ژى ژ وان ئه‌گه‌را بو‌ردومانان كه‌س نه‌شێت بگه‌هیتێ).
ل بارا رێزبه‌ندا چیایێن كوردستانێ عه‌لى بڤى ره‌نگى دیاركرن
1- چیایێ ئارارات ل باكوورێ كوردستانێ كو بلنداهیا وێ دگه‌هیته پێنج هزار و 137 مه‌تران.
2- چیایێ بوزول ل باكوورێ كوردستانێ كو بلنداهیا وێ دگه‌هیته چوار هزار و 116 مه‌تران.
3- چیایێ ئاراجان ل باكوورێ كوردستانێ كو بلنداهیا وێ دگه‌هیته چوار هزار و 95 مه‌تران.
4- چیایێ سیپان ل باكوورێ كوردستانێ كو بلنداهیا وێ دگه‌هیته چوار هزار و 58 مه‌تران.
5- چیایێ حه‌سه‌ن به‌گ ل رۆژهه‌لاتێ كوردستانێ كو بلنداهیا وێ دگه‌هیته سێ هزار و 901 مه‌تران، هه‌مان چیا ب ناڤێ حه‌سه‌ن به‌گ ل باشوورێ كوردستانێ ژى هه‌یه، به‌لێ چیایێ حه‌سه‌ن به‌گ ل رۆژهه‌لاتێ كوردستانێ بلندتره.
6- چیایێ مور ل باكوورێ كوردستانێ كو بلنداهیا وێ دگه‌هیته سێ هزار و 807 مه‌تران.
7- چیایێ بایه‌زید ل باكوورێ كوردستانێ كو بلنداهیا وێ دگه‌هیته سێ هزار و 668 مه‌تران.
8- چیایێ مه‌نانه ل باكوورێ كوردستانێ كو بلنداهیا وێ دگه‌هیته سێ هزار و 610 مه‌تران.
9- چیایێ هه‌لگورد ل باشوورێ كوردستانێ كو بلنداهیا وێ دگه‌هیته سێ هزار و 607 مه‌تران.
10- چیایێ حه‌ساروست ل باشوورێ كوردستانێ كو بلنداهیا وێ دگه‌هیته سێ هزار و 600 مه‌تران.
رێوره‌سمێن ڤه‌شارتنا ته‌رمێ مير ته‌حسين به‌گ د به‌رده‌وامن
ئه‌ڤرۆ نيوز:
ته‌رمێ مير ته‌حسين به‌گ، ميرێ ئێزديێن جيهانێ و كوردستانێ ل باخچێ كوچكا وى ل باژێركێ شێخان ب ئاماده‌بوونا نوونه‌رێ سه‌رۆك بارزانى، ب ئاخێ هاته سپاردن.
رێوره‌سم ل دووڤ دابونه‌ريتێن تايبه‌ت ب ئاينێ ئێزديان ڤه ب رێڤه دچن و تێدا به‌يت و قه‌ولێن ئێزديان دهێنه خواندن.
شاره‌زايه‌كێ ئاينى بۆ كوردستان 24 ئاشكه‌را كر كو درێژاهيا تابووتا ميرى دومه‌تر و 80 سه‌نتيمه‌تره و پاناتيا وى مه‌تره‌كه، تابووت دێ ب رێيا چه‌ند رستان بۆ ناڤ گۆڕى هێته داكێشان ئه‌و رسته ژى د تايبه‌تن و ژ لايێ په‌يره‌وێن ئاينێ ئێزديان ڤه پيرۆزيا خوه هه‌يه.
بەغدا جھێن تاوانێن داعش ل شنگالێ بەرزە دکەت
ئەڤرۆ نیوز، لەزگین جوقی:
سەرۆکێ دەزگەھێ ئێزدیان دیار کر کو رەفتارێن حوکمەتا عیراقێ بەرامبەر ڤەشارتنا جھێن تاوانێن تیرۆرستێن داعش ل قەزا شنگالێ جھێ قەبوولکرنی نینن، چونکو ئەو قوتابخانا بەغدا بزاڤان دکەت نووژەن بکەت د وێ قوتابخانێ دا جینوساید ب سەرێ ئێزدیان ھاتیە و پێدڤیە ئەو قوتابخانە بۆ بەلگەنامێن جینوسایدێ بھێتە پاراستن.
حەسو ھورمی، سەرۆکێ دەزگەھێ ئێزدیان بۆ ئەڤرۆ نیوز دیار کر کو ل قوتابخانا گۆندی کوچو مەزنترین تاوان دژی ئێزدیان ھاتە ئەنجامدان، شوونا حوکمەتا عیراقێ و لایەنێن بەرپرس وێ قوتابخانێ بکەنە مۆزەخانە داکو ھەتا ھەتایێ زارۆیێن وی گۆندی بزانن د وێ قوتابخانێ دا خەلکێ گۆندی ل تەباخا سالا ٢٠١٤ ژلایێ تیرۆرستێن داعش ڤە ھاتینە کۆمکوژی کرن و گۆت: “نوکە بەغدا کاردکەت وێ قوتابخانێ نوژەن بکەت ئەڤە د دەمەکی دایە ھێشتا کار بۆ جینوسایدا ئێزدیان ل سەر وێ قوتابخانێ نەھاتیە کرن، ئەڤە ژی دێ بیتە ئەگەر ١٠٠% زیان بگەھیتە جینوسایدا شنگالێ ژبەر ڤێ چەندێ پێدڤیە رێ نەھێتە دان دەستکاری د وێ قوتابخانێ دا بھێتە کرن ھەتا لیژنا جینوسایدێ ل سەر کار دکەت”.
ناڤھاتی ئەو ژی دیارکر کو خەلکێ گوندێ کوچو ھەموو دقوتابخانێ دا ھاتنە کۆمکرن ژلایێ تیرۆرستێن داعش ڤە ل ١٥/٨/٢٠١٤ێ دئەنجام دا ب ھزاران کەس ژ خەلکێ گۆندێ کوچو بوونە قوربانێ، نوکە ژی بەغدا یا کاردکەت وی جھێ خەلک تێدا بووینە قوربانی بەرزە بکەت.
نيشاندان
WP Facebook Auto Publish Powered By : XYZScripts.com