ئەڤرۆ نیوز:
بەهرام قاسمی پەیڤدارێ وەزارەتا دەرڤە یا ئیرانێ ل دۆر ئۆپەراسیۆنا تورکیا ل رۆژهەلاتێ فراتێ دیار کر کو بەری هەر تشتەکێ دڤێت حوکمەتا سووریێ ل دۆر هندێ یێ رازی بیت و نابیت تورکیا بێی رزامەندیا سووریێ هێرشی ئاخا وی وەلاتی بکەت و گۆت: (هەکە تورکیا ب سەرێ خوە دەست ب کارەکێ وەسا بکەت دێ رەوشا سووریێ ئالۆزتر لێ هێت و ئەم ل دژی هندێ نە).
پەیڤدارێ وەزارەتا دەرڤە یا ئیرانێ ئەو یەک ژی دیار کر کو هەکە تورکیا بێی رزامەندیا سووریێ دەست ب کارەکێ وەسا بکەت دێ کارتێکرنەکا خراب ل رێککەفتنا ئاستانا کەت.
ئەڤرۆ نیوز:
ئەڤرۆکە سەرۆک بارزانی ل گەل نوونەرێ تایبەت یێ سەرۆکێ ئەمریکا بۆ شەرێ ل دژی داعشێ بریت ماکگورک کۆمبوو و د کۆمبوونێ دا بەحسێ رەوشا سووریێ و گوهۆرینێن ل دەڤەرێ هاتە کرن و هەروەسا رەوشا عیراقێ و پەیوەندیێن د ناڤبەرا هەولێرێ و بەغدایێ ژی تەوەرەکا دی یا کۆمبوونا سەرۆک بارزانی ل گەل بریت ماکگورکی بوو.
سەرۆک بارزانی د کۆمبوونێ دا دلگرانیا خوە ل دۆر رەوشا نها یا سووریێ و رۆژئاڤایێ کوردستانێ گەهاندە نوونەرێ ئەمریکا و داخوازا چارەسەریا ئالۆزیان کر.
د کۆمبوونێ دا بالیۆزێ ئەمریکا ل بەغدا دۆگلاس سلێمان و شاندەکێ دی ژی ل گەل بریت ماکگورک د کۆمبوونێ دا بەرهەڤ بوون.
زاخۆ،عەلی حاجی :
ئەڤرۆ ب ھەلکەڤتا روژا ئالایێ کوردستانێ چەندین چالاکیێن جودا ژبو بلند راگرتنا ئالایێ کوردستانێ ل سنوری قەزا زاخۆ ھاتنە ئەنجام دان.
ل دەسپێکێ فلکا بارزان مەزنترین ئالایێ کوردستانێ ھاتە بلند کرن دووڤ دا ھەمان چالاکی ل قوتابخانەیا وان ژی ئەڤ رێورەسمە ھاتە گێۆرن و ل دووماھیێ ژی پەیمانگەھا تەکنیکی ژی رێزگرتن ل ئالای ھاتە گێران.
ئەڤرۆ نیوز:
پشککێشانا قوناغا ٣٢ یا قارەمانیا یوروپا لیگ ل باژێرێ نیون یێ سویسری ھاتە ئەنجام دان ئەوا دێ یاریێن وێ ل رۆژا ٢١ ھەیڤا شوباتا سالا بھێت ھێنە کرن، ئەنجامێن پشککێشانێ ب ڤی رەنگی بوون.
کراسنودار یا روسى VS بایر لیڤەرکوزن یا ئەلمانی
ڤیکتوریا بلزن VS دینامو زگرب کرواتی
کلوب بروج یا بەلچیکی VS رید بول سالسبورگ
سلاڤیا براگ چیکیVS جینگ یا بەلچیکی
رابید ڤییەنا نەمسا VS ئەنترمیلان ئیتالی
زیورخ یا سویسری VS ناپولی یا ئیتالی
مالمو یا سویدی VS چێلسی یا ئنگلیزی
شاختار دونیتێسک یا ئوکرانی VS ئینراخت فرانفورت یا ئەلمانی
سیلتیک یا ئسکوتلەندی VS ڤالێنسیا یا ئسپانی
رێن یا فرەنسی VS ریال بتیس یا ئسپانی
ئولومپیاکوس یا یونانی VS دینامو کیێڤ یا ئوکرانی
لازیو یا ئیتالی VS سڤیلیا یا ئسپانی
فەنەرباخچە یا تورکی VS زێنت سان پترسبێرگ یا روسی
سپورتینگ لەشبونە پرتوگالی VS ڤیاریال یا ئسپانی
باتی باریسوڤ روسیا سپی VS ئارسنال یا ئنگلیزی
گالاتاسرای تورکی VS بەنفیکا یا پرتوگالی
ئەڤرۆ نیوز، بارزان مزووری:
ئەڤرۆ نیڤرۆ کۆمپانیا ھانت وێل یا بەرھەم ئینانا پترولێ ب ھەماھەنگی دگەل قائیمقامیا قەزا شێخان ب کوژمێ ١٢ ملیون دینارا کەلوپەل بۆ ئاڤاھیێ باخچێ زەلال یێ زارۆیان سەر ب پەروەردا شێخان ڤە دابین کرن.
ھشیار بامەرنی نوونەرێ کومپانیا ھانت وێل یا بەرھەم ئینانا پترولێ بۆ ئەڤرۆ نیوز ئاشکرا کر کو باخچێ باعەدرێ یێ زارۆیان ئێک ژ وان باخچەیێن نوو ھاتیە ڤەکرن دناڤ سەنتەرێ باعەدرێ دا بەلێ وەکو پێدڤی ھەموو کەلوپەل دناڤ دا ئاڤاھی دا نەبوون و ب ھەماھەنگی دگەل قائیمقامیا قەزا شێخان ب کوژمێ ١٢ ملیون دینارا کەلوپەل ھاتنە دابین کرن ژ وان کەلوپەلا “٩٠ کورسی، شەش سپلێت ژ جورێن باش، دو مێزێن ئیداری دگەل سێتەکێ کورسیان دگەل دو مێزێن کۆمبوونان و چەندین کەلوپەلێن دی یێن گرنگ بۆ باخچەیی هاتنە دابین کرن.
ئەڤرۆ نیوز:
دوهی دەزگەهێن راگەهاندنا ئیرانێ دیار کرن کو جەنەرال قودرەتوللا مەنسوری ئێک ژ فەرماندارێن لەشکرێ ئیرانێ دەمێ چەکێ خوە پاقژ کریە ب خەلەتی ڤە فیشەک ل سەرێ خوە دایە و جانێ خوە ژ دەست دایە.
لێ هندەک دەزگەهێن راگەهاندنا ئیرانێ ئەڤرۆکە بەلاڤ کرن کو ناکۆکی د ناڤبەرا مەنسوری و قاسم سلێمانی دا هەبووینە و چەندین جاران ژی سلێمانی داخوازا دەست ژ کارکێشانا مەنسوری کربوو.
ئەڤرۆکە ژی چەندین مالپەرێن نێزیکی حوکمەتا ئیرانێ دیار کرن کو جەنەرال مەنسوری دەمەکە نەخوەش بوو و ژ بەر نەخوەشیێ جانێ خوە ژ دەست دایە.
ئەڤرۆ نیوز:
پەیڤدارێ یەکینەیێن پاراستنا گەل نوری مەحمود راگەهاند کو تشتێ ل راگەهاندنێ ل دۆر هاتنا پێشمەرگێن رۆژ بۆ رۆژئاڤایێ کوردستانێ بەلاڤ بووینە راست نینن و گۆت: (کاروانەکا هاریکاریان دڤیا هاتبا رۆژئاڤایێ کوردستانێ و مە ژی هاریکاری ژ حوکمەتا هەرێما کوردستانێ خواستبوو دا هەتا سەر سنوری وێ کاروانێ بپارێزن و کۆمەکا پێشمەرگان هەتا سەر سنورێ رۆژئاڤا هاتن لێ دەربازی رۆژئاڤایێ کوردستانێ نەبووینە).
ئەو یەک د دەمەکێ دایە کو چەند رۆژن هندەک سەرکردێن کوردی ل رۆژئاڤایێ کوردستانێ ئاماژە ب بزاڤێن ئەمریکا دکەن بۆ چووینا پێشمەرگێن رۆژ و جێگربوونا وان ل سەر سنۆرێ تورکیا ب مەرەما هندێ کو تورکیا هێرشی رۆژهەلاتێ فراتێ نەکەت.
ئەڤرۆ نیوز، نەوزاد ھلۆری:
ب مەرەما بلند راکرنا رۆژا ئالایێ کوردستانێ، دەزگەھێ پاراستنا ئالایێ کوردستانێ ب ھەڤکاری ل گەل لقێ ١٨ێ پارتی و دام و دەزگەھێن حوکمی، رابوو ب ساخکرنا رۆژا ئالایێ کوردستانێ ل ھەموو دەڤەرا ئامێدیێ، ب تایبەتی ل سەنتەرێ ناحیا شێلادزێ.
چالاکیێن رۆژا ئالایێ کوردستانێ ل شێلادزێ ب بلندکرنا ئالایێ کوردستانێ ل دەستپێکا جوتسایدێ شێلادزێ دەست پێ کر، ب ئەنجام دانا چەند ستران و دیلانان دوماھی ھات.
ئەڤرۆ نیوز:
بەری دەمەکێ کێم ل باژێرێ نینون یێ سویسری پشککێشانا قوناغا شازدێ یا قارەمانیا ئوروپا قارەمانێن خولان ھاتنە راکێشان بۆ وان یانێن دەربازی ڤێ قوناغێ بوین ئەوێن دێ ل ١٣ ھەیڤا شوباتا سالا بھێت دێ ھێنە کرن و ئەنجامێن ڤێ پشککێشانێ ژی ب ڤی رەنگی بوون.
بورسیا دورتموند VS توتنھام یا ئنگلیزی
مانچستەر ستی VS شالکە یا ئەلمانی
مانچستەر یونایتد VS پاریس سان جێرمان
ئەتلەتیکو مەدرید ئسپانی VS یوڤانتوس یا ئیتالی
ئولومپیک لیون فرەنسی VS بەرشەلونا یا ئسپانی
روما یا ئیتالی VS پورتو یا پرتوگالی
ئەیاکس ئەمستردام ھولەندیVS ریال مەدرید یا ئسپانی
لیڤەرپول یا ئنگلیزی VS بایرن میونخ
ئەڤرۆ نیوز، لەزگین جوقی:
ئەندامەکی جڤاتا پارێزگەھا نەینەوا دیار کر کو ھەتا نوکە رەڤاندیێن ئێزدی د ناڤ خێزانیێن مووسل دا ھەنە و بەردەوام تووشی توندوتیژیێ دبن.
خەلیل شەمۆ، ئەندامێ جڤاتا پارێزگەھا نەینەوا بۆ ئەڤرۆ نیوز دیار کر کو گەلەک حالەت ھەبووینە و کچێن رەڤاندی یێن ژ ناڤ مالان ھاتینە رزگارکرن ھەتا نوکە ب سەدان رەڤاندیێن ئێزدی ھەنە ھێشتا ب نھێنی د ناڤ مالان دا د ڤەشارتینە و بەردەوام تووشی توندوتیژیی دبن، پێدڤیە ھەموو بزاڤ بھێنە کرن ب شێوەیەکێ بەرفرەھتر کاری ل سەر رزگارکرنا رەڤاندیێن ئێزدی بھێتە کرن و گۆت: “ھەر خێزانەکا ل مووسل کچەک یان ژنەکا ئێزدی د ناڤ مالا وی دا ھەبیت و رادەستی ھێزین ئەمنی نەکەت ئەو خێزانا مووسل دێ تووشی لێپرسینێ و سزادانەکا توند بیت”.
ناڤھاتی ئاشکرا کر کو گەلەک کچێن رەڤاندی یێن ئێزدی ھێشتا ل نک وان خێزانان ماینە یێن ل سەر دەمێ تیرۆرستێن داعش ئەو رەڤاندیێن ئێزدی برینە د ناڤ مالێن خوە دا و گۆت: “ئەم دەنگێ خوە دگەل دەنگێ کەسوکارێن رەڤاندیێن ئێزدی بلند دکەین بۆ وێ چەندێ ھەموو کار بۆ رزگارکرنا رەڤاندیێان بھێنەکرن”.
نيشاندان