ئەڤرۆ نیوز:
بەری ب دووماھیی ھاتنا ڤەگوھاستنێن زڤستانێ یانا بەرشەلۆنا ب فەرمی ھەڤبەستا بەرەڤانێ گەنچ یێ فرەنسی و یانا تولوز یا فرەنسی جان کلیر تودیبو راگەھاند.
مالپەرێ فەرمی یێ یانا بەرشەلۆنا راگەھاند ئەوان ھەڤبەستا بەرەڤانێ یانا تولوز جان کلیر بوو ماوێ چار سال و نیڤا ئیمزاکر و ھەتا وەرزێ ٢٠٢٣ ئەو یاریزان دێ ل گەل یانا کەتەلونی بیت و ئەو یاریزان دێ درێسێ ژمارە ٦ یێ وێ یانێ بەر خوە کەت ل گەل پێکھاتیێ یانا بەرشەلۆنا .
ھەژی گوتنێ یە جان کلیر یێ ١٩ سالی پێشبینیەکا مەزن بوو ڤی یاریزانی دھێتەکرن کو پاشەرۆژەکا گەش ھەبیت و ل وەرزێ ئەڤ سالە ژ تیما دوێ یا تولوز ھاتیە سەرئێخستن ل وەرزێ ٢٠١٦-٢٠١٧ بوو تیما لاوێن وێ یانێ کریە و ل وەرزێ بوری ٢٠١٧-٢٠١٨ ل تیما دوێ یا تولوز یاری کر و ل وەرزێ ئەڤ سالە ٢٠١٨-٢٠١٩ بوو تیما ئێکێ ھاتیە سەرئێخستن ل وەرزێ ئەڤ سالە ١٠ یاری ل گەل وێ یانێ کرینە و ھەردیسان یاری بوو ھەلبژارتیێ فرەنسا یێ ٢٠ سالی کریە.

ئەڤرۆ نیوز:
چاڤەرێ دھێتەکرن ئەڤرۆ ل وەلاتێ ئیمارات یاریا دووماھیا قارەمانیا ئاسیا یا تەپا پێ دناڤبەرا ھەردو ھەلبژارتیێن ژاپون خودانا چار ناسناڤێن بەری نوکە و ھەلبژارتیێ قەتەر ئەوا بوو جارا ئێکێ یە د گەھیتە یاریا دووماھیێ بھێتەکرن .
ھەلبژارتیێ قەتەر ئەوا ل قارەمانیا ئەڤ سالە شیای ئاستەکێ بلند پێشکێش بکەت دێ ھەموو بزاڤا کەت بوو تومارکرنا مێژویەکێ و برنا ناسناڤێ ئێکێ د مێژویا خوە دا بەرامبەر ھەلبژارتیێ ژاپون ئێک ژ ئەوان ھەلبژارتیا یە شیا چار جاران ب گەھیتە دووماھیا قارەمانیێ و ھەر چار جاران شیا سەرکەفتنێ توماربکەت و چار ناسناڤ د مێژویا خوە دا ھەنە.
رێیا ھەلبژارتیێ قەتەر
ھەلبژارتیێ قەتەر شەش یاری بەری ڤێ یاری د قارەمانیا ئەڤ سالە یا ئاسیا دا کرینە و شیا ھەر شەش یاریان سەرکەفتنێ توماربکەت و ١٦ گول تومارکرینە و چو گول سەر نە ھاتینە تومارکرن کو ل قوناغا ئێکێ سێ یاری ئەنجامدان ئەوژی ب سەرکەفت ل سەر لوبنان ب دو گولان بێ بەرامبەر و ل سەر کوریا ژوری ب شەش گولان بێ بەرامبەر و ل سەر ھەلبژارتیێ سعودی ب دو گولان بێ بەرامبەر و ل قوناغا ١٦ ب سەرکەفت ل سەر عیراقێ ب گولەکێ بێ بەرامبەر و ل قوناغا ھەشتێ ب سەرکەفتن ل سەر کوریا باشور ب گولەکێ بێ بەرامبەر و ل سەر پێش دووماھیێ ل سەر مێڤاندارا قارەمانیێ ھەلبژارتیێ ئیمارات ب سەرکەفت ب چار گولان بێ بەرامبەر .
رێیا ژاپون ب دووماھیا قارەمانیێ
ھەلبژارتیێ ژاپون ژی شەش یاری ھەتا نوکە ئەنجامداینە و وێ ژی شەش سەرکەفتن تومارکرینە ل قوناغا ئێکێ ب سەرکەفت ل سەر تورکمانستان ب سێ گولان بەرامبەر دو گولان و ل سەر ھەلبژارتیێ عمان ب گولەکێ بێ بەرامبەر و ل سەر ئوزباکستان ب دو گولان بەرامبەر گولەکێ و ل قوناغا ١٦ ب سەرکەفت ل سەر سعودی ب گولەکێ بێ بەرامبەر و ل قوناغا ھەشتێ ب سەرکەفت ل سەر ڤێتنام ب گولەکێ بێ بەرامبەر و ل پێش دووماھیێ ب سەرکەفت ل سەر ئیران ب سێ گولان بێ بەرامبەر .
مێژویا یاریێن ھەردو ھەلبژارتیا د بەرژوەندیا ژاپونێ دا یە
ھەردو ھەلبژارتیا بەری نوکە حەفت یاری ل گەل ئێک کرینە کو دو جاران ژاپون ب سەرکەفتی یە بەرامبەر سەرکەفتنەکێ بوو ھەلبژارتیێ قەتەر و چار وەکھەڤیا کو یاریا ئێکێ دناڤبەرا ھەردو ھەلبژارتیان دا ل قارەمانیا ئاسیا یا ١٩٨٨ بوو تێدا قەتەر شیابوو ب سەرکەفت ل سەر ژاپون ب سێ گولان بێ بەرامبەر و پشتی وێ سەرکەفتنێ شەش یاریێن دی کرینە و قەتەر نەشیا سەرکەفتنێ توماربکەت ئانکو ٣١ سالە نەشیا سەرکەفتنێ ل سەر ژاپون توماربکەت و دووماھیی یاری دناڤبەرا ھەردوکان دا ل قارەمانیا ٢٠١١ یا ئاسیا بوو ل وەلاتێ قەتەر ھەلبژارتیێ ژاپون شیابوو سەرکەفتنێ ل سەر قەتەر توماربکەت ب سێ گولان بەرامبەر دو گولان ل یاریا قوناغا ھەشتێ ژ قارەمانیا ئاسیا.

ئەڤرۆ نیوز:

تورا سکای سپورت یا برێتانی ئاشکرا کر یاریزانێ بەلجیکی و یانا مانچستەر یونایتد مەروان فلاینێ بەر ب وەلاتێ چینێ چوویە داکو ڤەگوھاستنا خوە ب دووماھی بینت بۆ خولا چینێ.

ڤی ژێدەری دیارکریە یاریزانێ ٣١ سالی پشتی چوونا مورینھوی و ھاتنا راھێنەرێ نوو یێ یانا مانچستەر یونایتد یا ئنگلیزی ئولی گۆنار سولشایری بوویە یاریزانێ یەدەگ و ئەڤ راھێنەرێ نوو باوەریا وی ب شیانێن یاریزان فلاینێ نا ئینت لەورا رێگریێ لێ ناکەت بەر ب یانەکا دی بچیت و نوکە نێزیکترین یانە ژی شاندونگ لونینگ یا چینی یە و کارگێریێن ھەردو یانەیان ژی گەھشتینە رێککەفتنێ ل سەر ڤەگوھاستنا ڤی یاریزانی.

ئەڤرۆ نیوز:

بریارە ئەڤ شەڤە لدەمژمێر ١١:٣٠ ل دووڤ دەمێ ھەرێما کوردستانێ یاریێن چوونێ ژ چارێک دووماھیا کاسا شاھێ ئسپانیا بھێنە کرن و ریال مەدرید بیتە مێڤانا جیرونا، کو د یاریا ئێکێ دا ریال مەدرید شیابوو ب چار گۆلان بەرامبەر دو گۆلان سەرکەفت بوو.

بۆ یاریا ئەڤ شەڤە رۆژناما ئاس یا ئسپانی پێکھاتیێ پێشبینی کری یێ یاریا وێ دگەل جیرونا ئاشکرا کر کو دێ ب ڤی شێوەی بیت.

گۆلپارێز: کیلور ناڤاس
ھێلا بەرگریێ: کارڤاخال، ڤاران، ناچو، مارسێلو
ھێلا ناڤین: دانی سیبایوس، مارکوس یورنتی، تونی کروس
ھێرشبەر: لوکاس ڤاسکێز، گاریس بێل، بنزیما

ئەڤرۆ نیوز،ھەژار مەعروف:
تیما تەپا پێ یا ھەولێر نەشیا ب ئەنجامەکێ باش ژ باژێرێ نەجەف یێ باشورێ عیراقێ ڤەگەریت پشتی بەری دەمەکێ کێم توشی خوسارەتیەکا نە چاڤەرێکری بووی ل سەر دەستێ یانا نەجەف ب سێ گولان بەرامبەر گولەکێ.
ل نیڤا ئێکێ نەجەف ل دقیقا ٢٢ ب رێیا یاریزانێ خوە عەلی رەشید ب گولەکێ پێشکەڤت و پاش ب سێ دقیقا یاریزانێ یانا ھەولێر حسێن عەلی ب کارتا سور ھاتە دورخستن و ل نیڤا دوێ یانا ھەولێر ب ١٠ یاریزانان شیا ئاستەکێ بلند پێشکێش بکەن و کونترول ل سەر نیڤا یاریگەھێ کربوو ئەو بوو ل دقیقا ٧٣ ب رێیا ئەرکان نەجیب تومارکر و پشتی وێ گولێ یانا ھەولێر یا بەردەوام بوو ل سەر گڤاشتنێن خوە بوو تومارکرنا گولا دوێ لێ بەروڤاژی ئاستێ یاریێ ئەو ل ١٠ دقیقەیێن دووماھیێ یانا نەجەف شیا ڤەگەریتە ناڤ کەشو ھەوایێ یاری دا و د ماوێ سێ دقیقان دا شیا دو گولان توماربکەن ئەوژی ل دقیقا ٨١ ب رێیا یاریزانێ خوە عەلی قاسم و دقیقا ٨٤ بەسام قابل

ئەڤرۆ نیوز،ھەژار مەعروف:
د یاریێن دەستپێکا قوناغا دوێ ژ خۆلا پلا نایاب یا کوردستانێ ھەردو نوونەرێن پارێزگەھا دھۆکێ یانێن دھۆک و زاخۆ نەشیا سەرکەفتنێ توماربکەن د یاریێن خوە یێن گەرا ئێکێ ژ قوناغا دوێ یا خولێ .
ل یاریگەھا خوە یا نیڤدەولی تیما تەپا پێ یا دھۆک دو خالێن گرنگ ژ دەستدان دەمێ ل ناڤ ئەرد و جەماوەرێ خوە دا وەکھەڤبووی ل گەل یانا دەربەندیخان بێ گول کو دبیتە یاریا دوێ ل دیڤ ئێک یانا دھۆک نەشێت ل یاریگەھا خوە سەرکەفتنێ توماربکەت  و ب ڤی ئەنجامی دھۆک خالێن خوە گەھاندنە ٢٣ خالان و پاشڤە چو رێزا سێ و دەربەندیخان خالێن وێ بوونە ١٦ خال و ل رێزا دەھێ دھێت .
 ژلایەکێ دیڤە تیما تەپا پێ یا زاخۆ بەردەوامی دا ئەنجامێن خوە یێن لاواز ل وەرزێ ئەڤ سالە دەمێ د یاریا خوە یا ئەڤرۆ دا ژی توشی خوسارەتیێ بووی ل ناڤ ئەر و جەماوەرێ خوە دا ل سەر دەستێ یانا ئارارات ب دو گولان بێ بەرامبەر و ب ڤی ئەنجامی ئارارات پێشڤە چوو رێزا دوێ ٢٤ خالان و زاخۆ  ل رێزا ١١ ب ١٣ خالان و د یاریەکا دی دا ھەر ژ ڤێ گەرێ ھەولێر ب سەرکەفت ل سەر ھندرین ب دو گولان بەرامبەر گولەکێ
بریارە سوباھی بەردەوامی ب یاریێن ڤێ گەرێ بھێنەکرن کو ھەردو نوونەرێن پارێزگەھا دھۆکێ زێرەڤانی و ئاکرێ دێ ھەمبەری ئێک کەن ل یاریگەھا ئاکرێ و شێروانە ل گەل گازی باکور و پێشمەرگا ھەولێر ل گەل نەوروز ئێک ژ گرنگترین یاریێن ڤێ حەفتیێ و برایەتی ل گەل پێشمەرگە ساێمانیێ