ئەڤرۆ نیوز:
دکونگرەیەکێ روژنامەڤانی دا رێڤەبەریا گشتی یا ساخلەمیا پارێزگەھا دھوک راگەھاند کو دنوکەدا پارێزگەھا دھوک د رەوشەکا خراب دادەرباز دبیت و ھژمارا نەخوشان بەرەڤ زێدەبوونێ دچن.
د. نزار عسمەت رێڤەبەرێ گشتی یێ ساخلەمیا پارێزگەھا دھوک دیارکر ژبەر زێدەبونا ژمارا نەخوشێن ڤایروسێ کورونایێ دنوکەدا جھێ نەخوشان د ناڤا نەخوشخانەیان دا نەمایە و ب مخابنی ڤە ژ بەر ڤی ئەگەری چەند نەخوشان گیانێ خوە ژ دەست داینە پاشان پشکنینێن وان دەرکەفتینە لەوما ب نەچاری ڤە پلانەکا نوی ھاتیە دانان و بەشەکێ نەخوشخانەیا ئازادی دێ بو نەخوشێن کورونایێ ھێتە بەرھەڤکرن کو پێکدھێت ژ قاتێ ئێکێ و بەشێ ھەوارھاتنا وێ.
د.نزار عسمەت دیارکر ژی کو پێدڤیە خەلک خوە ب پارێزن د ھاریکار بن د گەل وان هەکە نە کارەسات دێ دروست بن ژ بەر کو د نوکە داڤایروس گەلەک بەلاڤ بوویە دناڤا پارێزگەھێ دا.
رێڤەبەرێ گشتی یێ ساخلەمیا پارێزگەھا دھوک گوت ژی کو دنوکە دا ئەو پێدڤی ب ھاریکاریێ نە و داخواز ژ دەولەمەندان دکەن کو د ھەڤکاربن دگەل وان بو کڕینا چەندین ئامیرەکان ژ بەر کو رەوشا وان یا دارایی یا خرابە.
ئه‌ڤرۆ نیوز:
هه‌ڤپه‌یمانیا نێڤ ده‌وله‌تی مه‌زنترین كوگه‌ها چه‌كی راده‌ستی سوپایێ عیراقێ كر.
د به‌یاننامه‌یه‌كێ دا هێزێن هه‌ڤپه‌یمانێن نێڤ ده‌وله‌تی به‌لاڤكریه، رۆژا ئێك شه‌مبی، رێكه‌تنا راده‌ستكرنا بنگه‌هێ تاجی یێ سه‌ربازی ب سوپایێ عیراقێ هاته ئیمزاكرن، ئه‌و بنگه‌هـ مه‌زنترین كوگه‌ها چه‌ك و ته‌قه‌مه‌نیان دهاته دانان ل به‌غدا كۆ بهایێ 11 ملیۆن دۆلاران دهێته خه‌ملاندن.
ئه‌وێ به‌یاننامه‌یێ ئاماژه ب وێ چه‌ندێ دایه كۆ راده‌ستكرنا ئه‌وێ كوگه‌ها مه‌زن پشكه‌كه ژ سندوقا پشته‌ڤانی و راهێنان و پرچه‌كرنا سوپایێ عیراقێ ژ لایێ هه‌ڤپه‌یمانیا نێڤ ده‌وله‌تی بۆ به‌رهنگاربوونا داعشێ.
لگۆری رێكه‌تنێ یه‌كه‌یه‌كا بچوكا هه‌ڤپه‌یمانیا نێڤ ده‌وله‌تی ل بنگه‌هێ تاجی باكورێ به‌غدا مینیت بۆ هه‌ماهه‌نگیا پرۆسه‌یا لوجستی و ئه‌منی ل گه‌ل هێزێن عیراقی دا.
ئه‌ڤرۆ نیوز:
ب مه‌به‌ستا ئه‌نجامدانا كارهێسانیێن زێده‌تر بۆ ئه‌وان قوتابیێن دڤێن دناڤبه‌را زانكۆیان پرۆسه‌یا ڤه‌گۆهاستنێ و ده‌ست ژێ به‌ردانێ(ته‌نازلێ) ئه‌نجام بده‌ن، ب مه‌به‌ستا ساخله‌میا گیانێ قوتابیان، وه‌زاره‌تا خاندنا بلند و ڤه‌كۆلینێن زانستی ته‌ڤایا پرۆسه‌یێ ب ئه‌لكترونی كریه.
ئه‌و قوتابی یێن دڤێن پرۆسه‌یا ڤه‌گۆهاستنێ دناڤبه‌را زانكۆیان و پرۆسه‌یا ده‌ست ژێبه‌ردانێ دناڤ پشك و كۆلیژان دا بكه‌ن، پێدڤی ناكه‌ت هاتنوچونێ بكه‌ت، ب ئه‌گه‌رێ خوپاراستن و ژ ڤایرۆسێ كورونایێ دشێن بڤێ رێكێ كارێن خو ئه‌نجام بده‌ن ب شێوه‌یه‌كێ ئه‌لكترونی.
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ ل سه‌ر بجهكرنا یاسایا چاكسازیێ و وه‌رگرتنا قه‌ران، نفیسارا چاڤه‌رێكرنێ ئاراسته‌ی به‌نكان كر.
لگۆری راگه‌هاندنا وه‌زاره‌تا دارایی، كۆ ئه‌ڤرۆ هاتیه به‌لاڤكرن، ئاماژه ب وێ چه‌ندێ هاتیه دان، ئاوات شێخ جه‌ناب وه‌زیرێ دارایی و ئابووری ئیمزا ل سه‌ر نفیسارا تایبه‌ت ب ڤه‌گه‌راندنا قه‌ران كریه و تێدا داخاز ژ رێڤه‌به‌راتیێن بجهكرنێ كریه ب مه‌به‌ستا وه‌رگرتنا قه‌ران .
ئه‌ڤرۆ نیوز:
لگۆری میدیایێن سوریا، سوپایێ سوریا رێگریا ژ لێگه‌ریانا هێزێن ئه‌مریكا كر ل باشوورێ رۆژهه‌لاتا قامیشلو، ب وێ چه‌ندێ هێزێن ئه‌مریكا بوردومانا سوپایێ سوریان كر و د ئه‌نجامدا سه‌ربازه‌كێ سوریا هاته كوشتن و دو سه‌رباز ژی بریندار بوون.
فرۆكه‌یێن ئه‌مریكا ل پاژێرێ حه‌سه‌كێ ل پارێزگه‌ها قامشلو ل رۆژ ئاڤایێ كوردستانێ بوردومانا هێزێن سوریا كر بوویه ئه‌گه‌رێ كوشتنا سه‌ربازه‌كی و دو ژی بریندار بووینه، هیزێن ئه‌مریكا مژوولی لێگه‌ریانێ بوون ل باژێرێ قامشلویێ، به‌لێ سوپایێ ئه‌سه‌دی رێگری ل كارێن وان كر و د ئه‌نجامدا شه‌رۆپه‌ڤچوون دروست بوون.
ئه‌ڤه جارا ئێكێ نینه سوپایێ سوریا رێگریێ ل لێگه‌ریانێن هێزێن ئه‌مریكا بكه‌ت، ل رۆژئاڤایێ كوردستانێ، به‌لێ ب ئه‌گه‌رێ به‌رسڤدانا ئه‌ڤێ جارێ یا هێزێن ئه‌مریكا ئالوزیێن دناڤبه‌را وان دا زێده‌تر بوو و كوشتن و بریندار دروست بوویه.
ئه‌ڤرۆ نیوز:
وه‌زاره‌تا پلاندانانا عیراقێ پێشبینیێ دكه‌ت تا سالا 2025 ژماره‌یا ئاكنجیێن عیراقێ بگه‌هته زێده‌تری 47 ملیۆن كه‌سان.
عه‌بدلعه‌زیز هنداوی په‌یڤدارێ وه‌زاره‌تا پلاندانانا عیراقێ راگه‌هاند لگۆری لێنێرینا عیراقێ بۆ گه‌شه‌پێدانا به‌رده‌وام، تا سالا 2025 ژماره‌یا ئاكنجیێن وێ بگه‌هته 47 ملیۆن و 199 هزار كه‌سان، ره‌وشا خراپا ئاسایشا خوارنێ دیارترین ئالوزی نه، ب شیوه‌یه‌كی كارتێكرنا خوه ل سه‌ر ساخله‌میا گشتی هه‌یه، ب ئاوایه‌كی هه‌ر چار زارۆكێن بن ژیێ پێنج سالی دا ئێك ژ گه‌شه‌كرنێ دهێته راوه‌ستاندن.
په‌یڤدارێ وه‌زاره‌تا پلاندانانا عیراقێ ئه‌و چه‌نده ژی راگه‌هاند عیراق ئێكه ژ گه‌نجترین جڤاكێن جیهانێ و ژماره‌یا ئه‌وێن ژیێ وان ل بن 19 سالیێ 50% یا ئاكنجیان پێك دئینن، ئه‌ڤه ژ هه‌ر ده‌مه‌كێ دیتر فشاری زێده‌تر دكه‌ت ل سه‌ر ژێده‌رین ئابووری، ژوان ژی خوارن و ئاڤ و ژێرخانا خزمه‌تگۆزاری، دهێته پێشبینیكرن 5 بۆ 7 ملیۆن خواست ل سه‌ر كاری زێده بن، ئه‌ڤ ژماره‌یه ژی زۆر ژ وێ چه‌ندێ زێده‌تره هه‌كه هێزا كارێ تایبه‌ت ب ژنان لبه‌ر چاڤ بگرین.
ئه‌ڤرۆ نیوز:
به‌ری سه‌ره‌دانا مسته‌فا كازمی سه‌رۆك وه‌زیرێ عیراقێ بۆ ئه‌مریكا، ئیسماعیل قائانی فه‌رمانده‌یێ فه‌یله‌قا قودسا سوپایێ پاسداران گه‌هشته به‌غدا.
میدیایێن عیراقێ به‌لاڤكرن، كۆ ئیسماعیل قائانی فه‌رمانده‌یێ فه‌یله‌قا قودسا پاسداران گه‌هشته به‌غدا دێ ل گه‌ل كازمی كۆم بیت.
ئه‌و چه‌نده ژی هاتیه راگه‌هاندن ل میدیایێن عیراقی دا كۆ ئیسماعیل قائانی ل گه‌ل نوری مالكی سه‌رۆكێ هه‌ڤپه‌یمانیا ده‌وله‌تا یاسا و عه‌مار حه‌كیم سه‌رۆكێ ره‌وتا حیكمه كۆمبوویه پشتی ره‌زامه‌ندیێ سه‌ره‌دانا نه‌حه‌ف ژی دكه‌ت.
ئه‌ڤ لڤینێن قائانی ل عیراقێ به‌ری سه‌ره‌دانا مسته‌فا كازمی دهێن بۆ ئه‌مریكا كۆ بریاره ئه‌ڤرۆ رێ بكه‌ڤیت و رۆژا چارشه‌مبی ل گه‌ل دونالد تره‌مپ سه‌رۆكێ ئه‌مریكا كۆم بیت.
ئه‌ڤرۆ نیوز:
په‌یڤدارێ فه‌رمی یێ حوكمه‌تا هه‌رێما كوردستانێ راگه‌هاند كۆمبوونا ئه‌ڤرۆ یا رۆژا 17/8/2020 یا جڤاتا وه‌زیرێن هه‌رێما كوردستانێ، دێ بۆ دانوستاندن و بریار دانا پێدڤی ده‌رباره‌ی موچه و ره‌وشا دارایی یا نوكه بیت.
د.جوتیار عادل په‌یڤدارێ فه‌رمی یێ حوكمه‌تا هه‌رێما كوردستانێ راگه‌ها جڤاتا وه‌زیرێن هه‌رێما كوردستانێ ئه‌ڤرۆ دێ كۆمبوونا خوه یا ئاسایی یا هه‌فتانه ئه‌نجام ده‌ت.
ناڤبری ئه‌و چه‌نده ژی دا زانین كۆ د كۆمبوونا ئه‌ڤرۆ دا ره‌وشا دارایی و موچه‌ی ل هه‌رێما كوردستانێ ئێخنه به‌ر دانوستاندنان، ب مه‌به‌ستا بریاردانا پێدڤی.
په‌یڤدارێ حوكمه‌تێ دیار كر ئه‌ڤرۆ ده‌مژمێر 10:30 سپێدێ ب سه‌رۆكاتیا مه‌سرور بارزانی سه‌رۆك وه‌زیرێ هه‌رێما كورستانی و پشكداریا جێگرێ سه‌رۆك وه‌زیرێ حوكمه‌تێ و ئه‌ندامێن كابینا حوكمه‌تێ برێڤه بچیت.
ئه‌ڤرۆ نیوز:
پشتی روسیایێ، چینێ ئێكه‌م باوه‌رنامه‌یا داهێنانێ ب ڤاكسینێ نوو دژه كورونایێ دده‌ت، كۆ ژلایێ كۆمپانیا كانسینو بایولوجیكس ڤه هاتیه به‌رهه‌م ئینان.
میدیایێن فه‌رمی یێن چینێ ب پشت راست بوون ژ گرۆڤێن ده‌سته‌یا رێكخستنا خودانیا هزری ل چینێ، ئاماژه ب چه‌ندێ كریه كۆ كۆمپانیا كانسینو بایولوجیكس ره‌زامه‌ندیا په‌كینێ بۆ ڤاكسینی وه‌رگرتیه.
هه‌روه‌سا رۆژنامه‌یا فه‌رمی یا گه‌ل یا چینێ ئه‌و چه‌نده ژی به‌لاڤكریه كۆ ئێكه‌م باوه‌رنامه‌یا داهێنانا حوكمه‌تێ دایه ب ڤاكسینه‌كێ دژه ڤایرۆسێ كورونایێ ل 11ئه‌ڤێ هه‌یڤێ ره‌زامه‌ندی پێ هاتیه دان.
د ئه‌ڤێ هه‌یڤێ دا ژی حوكمه‌تا سعودیێ راگه‌هاندبوو كۆ ب ژڤانه قوناغا سیێ یا تاقیكرنا ڤاكسینێ كانسینو ده‌ست پێ دكه‌ت، كۆمپانیا چینی ل گه‌ل روسیا و به‌رازیل و چیلی ل سه‌ر خه‌ته بۆ ئه‌وێ چه‌ندێ قوناغا سیێ یا تاقیكرنێ ب شێوه‌یه‌كی ل سه‌ر توشبوویێن كورونایێ ل ئه‌وان وه‌لاتان ده‌ست پێ بكه‌ت.
رۆژا 11 ئه‌ڤێ هه‌یڤێ ڤلادیمیر پوتین سه‌رۆكێ روسیا راگه‌هاند وه‌زاره‌تا ساخله‌میا وه‌لاتێ وی ره‌زامه‌ندی ل سه‌ر ڤاكسینێ دژه كورونایێ دایه و تاقیكرن ل سه‌ر كچه‌كا وی بخو ژی هاته كرن.
نيشاندان