ئەڤرۆ نیوز:
یانا پاریس سانجێرمان بوو جارا سیێ د ماوێ سێ سالان دا ھێرشبەرێ خوە یێ ئیسپانی خیسێ رودرێگز ب شێوەیێ خواستن دا یانەکا دی و ل وەرزێ ئەڤ سالە ژی بۆ ماوێ شەش ھەیڤان ب شێوەیێ خواستن دا یانا ریال بیتیس .
یانا پاریس ل سەر مالپەرێ خوە یێ فەرمی دیارکر ئەو گەھشتنە رێککەفتنێ ل گەل یانا ریال بیتیس بوو ڤەگوھاستنا ھێرشبەرێ وێ یێ ئیسپانی خیسێ رودرێگز ھەتا دووماھیا ڤی وەرزی.
خیسێ ئەوێ ل سالا ٢٠١٦ ژ یانا ریال مەدرید بەر ب یانا پاریس سانجێرمان چوی ھەتا نوکە وێ یانا فرەنسی مفا ژ شیانێن ئەوی ب دروستی نەدیتی یە کو ل ھەرسێ سالێن بوری ب شێوەیێ خواستن دایە یانەکا دی کو ل وەرزێ ئێکێ گەل یانا خوە یا فرەنسی بوو ماوێ ئێک شەش ھەیڤان یاری ل گەل پاریس کر و ١٣ یاریا ل گەل وێ یانێ کرن و گولەک تومارکر پاش ل ھەمان وەرز بەر ب شێوەیێ خواستن ژ پاریس بەر ب لاس پالماس چو، پاش ل وەرزێ ٢٠١٧-٢٠١٨ بوو ماوێ ئێک وەرز ھەڤبەستا ستوک سیتی یا ئنگلیزی ئیمزاکر ب شێوەیێ خواستن و ل وەرزێ ئەڤ سالە ٢٠١٨-٢٠١٩ ڤەگەریا یانا خوە پاریس سانجێرمان ڤە لێ ل ماوێ شەش ھەیڤێن بوری بتنێ ئێک یاری پشکداری ل گەل وێ یانێ کریە ئەوژی قارەمانیا کاسا فرەنسا بوو .

ئەڤرۆ نیوز:
ستێرا ھێلا ھەلبژارتیێ کرواتیا و یانا بەرشەلۆنا ئیڤان راکیتچ سەبارەت چارەنڤیسێ خوە ل گەل یانا کەتەلونی خوە د داخویانیەکێ دا ل گەل ئێک ژ کەنالێن وەرزشی یێن کەتەلونی دیارکر ئەو ل گەل یانا خوە بەرشەلۆنا یێ ئارامە و چو گڤاشتن ل سەر ئەوی نین ئەو دخوازیت ئەو ل ماوێ بھێت ھەڤبەستا خوە ل گەل بەرشەلۆنا نوو بکەت داکو بوو ماوەکێ درێژتر یاری بکەت ل ڤێ یانێ .

ئەڤرۆ نیوز:
یاریزانێ کورد و ھەلبژارتیێ عیراقێ و یانا خور یا قەتەری ئەحمەد یاسین پشتی یاریێن قوناغا ئێکێ یێن خۆلا قەتەر ب دووماھیی ھاتی و یانا وی ھەڤبەستا ئەوی ھاتیە ھەلوەشاندی بەری دەستپێکرنا قارەمانیا ئاسیا و پشتی ھەلبژارتیێ عیراقێ قارەمانیا ئاسیا ب جە ھێلای چەند داخوازی گەھشتنە بەر دەستێ ئەوی لێ ئەوی یاریزانی بریار دا جارەکا دی ڤەگەریتە خولا سوید ڤە.
ئەحمەد یاسین ب فەرمی ھەڤبەستا یانا ھاکن یا سویدی ھەتا دووماھیا سالا ٢٠٢١ ئیمزاکر و ل ماوێ چەند رۆژێن بوری ب فەرمی ھەڤبەستا یانا ئوحد یا سعودی رەتکر بوو پشتی وێ یانێ فەرمی داخوازی پێشکێشی ئەوی یاریزانی کری بۆ ڤەگوھاستنێن زڤستانێ لێ ئەوی بریار دا ب ڤەگەریتە خۆلا سوید ڤە.

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١١:٣٠ شەڤ ھەردو یانێن بەرشەلۆنا و سیڤیلیا یاریا خوە یا دوێ ژ قوناغا ھەشتێ ژ کاسا شاھێ ئیسپانیا ل یاریگەھا کامپ نوو ئەنجام بدان کو د یاریا ئێکێ دا یانا سیڤیلیا شیا بوو سەرکەفتنێ ل سەر بەرشەلۆنا توماربکەت ب دو گولان بێ بەرامبەر کو دڤێ یاریێ دا بەرشا پێدڤی ب سەرکەفتنێ یە زێدەتر ژ دو گولان.
رۆژناما مارکا پێکھاتیێ ھەردو یانا بوو یاریا ئەڤ شەڤە ئاشکراکر
بەرشەلۆنا
سیلیسن گولچی
ھێلا بەرەڤانیێ پێکی، لینگلێت و ئەلبا و سێرجیو روبێرتو
ھێلا ناڤین بوسکێس و راکیتیچ و ئارسر
ھێلا ھێرشبەری کوتینھو، سوارێز و میسی

پێکھاتیێ سیڤیلیا
گولچی ،خوان سوریانو
ھێلا بەرەڤانیێ کییار، سێرجیو گومێز و مێرکادو
ھێلا ناڤینن سارابیا و روکی میزا و پرومیس و ئامادو
ھێلا ھێرشبەریێ بن یەدێر و ئەندرێ سێلڤا