ئەڤرۆ نیوز:
هەتا دەمژمێر 11:30 نیڤرۆ یا ئەڤرۆ رۆژا 29/1/2019 بڕیار بوو کۆمبوونا هەڤپشکا هەر دو مەکتەبێن سیاسی پارتی دیموکراتی کوردستان و ئێکەتی نشتیمانی کوردستان بهێتە ئەنجامدان، بەلێ ل دەمژمێر 11:30 مەکتەبە سیاسی یا ئێکەتیێ پەیوەندی ب مەکتەبا سیاسی یا پارتی کر و داخوازا پاشخستنا کۆمبوونێ کر و ل سەر داخوازا ئێکەتی نشتیمانی کورد کۆمبوون هاتە پاشخستن
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ ئاگه‌هداريه‌كا شه‌ش خالى يا تايبه‌ت ب رێنمايێن دارايى ڤه ئاراسته‌ى فه‌رمانگه‌هـ و وه‌زاره‌تان دكه‌ت.
د وێ ئاگه‌هداريێ دا كو دانه‌ك ب ده‌ست ئه‌ڤرۆ نيوز كه‌فتيه، تێدا وه‌زاره‌تا دارايى و ئابوورى يا حوكمه‌تا هه‌رێما كوردستانێ گشتاندنا خوه ب ژماره (4) يا سالا 2019ێ به‌لاڤكريه و ئيمزا رێباز حه‌ملان وه‌زيرێ دارايى و ئابوورى ل سه‌ر تێدا ئاراسته‌ى هه‌موو وه‌زاره‌ت و فه‌رمانگه‌هێن گرێنه‌دايى ب وه‌زاره‌تان ڤه دكه‌ت كو ڤان شه‌ش خالان به‌رچاڤ وه‌ربگرن.
ئه‌ڤرۆ نيوز:
ب گۆره‌ى راپۆرته‌كا رێكخراوا مافێن مرۆڤى يا “هه‌نگاو” ژ ئه‌گه‌رێ ترسێ ژ ته‌قه‌يا هێزێن چه‌كدارێن ئيرانێ ل سنورێ باژێرێ بانه كۆمه‌كا كۆلبه‌ران ژ گرۆپێ خوه هاتنه دابڕين و ب رێيه‌كا دى داچوون و ژ ئه‌گه‌رێ وێ چه‌ندێ ژى د ناڤ به‌فرێ دا، رێيا خوه به‌رزه كر و دو ژ وان گيانێ خوه ژ ده‌ست دان.
ئێڤاريا دوهى دوشه‌مبى هێزێن چه‌كدارێن ئيرانێ ل گۆندێ برۆێشكانێ يێ بانه ده‌سته‌يه‌ك ژ كۆلبه‌ران كه‌فتنه به‌ر ده‌ستدرێژيا گوله‌يان و د ئه‌نجام دا دو كۆلبه‌ر ب دژوارى بريندار بوون كو نها ل نه‌خۆشخانا سه‌لاحه‌دين ئه‌يوبى ل بانه ل بن چاڤدێريا نوشداران دانه و ره‌وشا ساخله‌ميا ئێك ژ وان نه‌يا بنه‌جهه.
هه‌ر د وێ راپۆرتێ دا هاتيه، ده‌سته‌يه‌كا دى يا وان كولبه‌ران ژ ترسا هێزێن ئيرانێ د رێيا سه‌ره‌كى لادايه و ژ ئه‌نجامێ وێ ژى رێ ل به‌ر به‌رزه بوويه و دو كه‌سان ژ ئه‌گه‌رێ سه‌رمايێ گيانێ خوه ژ ده‌ست دايه ب ناڤێن سامان سالحى يێ 22 سال كو خه‌لكێ باژێرێ سه‌قزه و محه‌مه‌د كه‌ريمى كورێ حاجى حه‌سه‌ن خه‌لكێ گوندێ شوو يێ “بانه”يه.
ئاشكه‌را ژى كريه كو ناسناما دو كۆلبه‌رێن دى يێن گرۆپى هێشتا روون نه‌بوويه و يا ديار نينه.
ئه‌ڤرۆ نيوز:
ل ڤان رۆژانێن دووماهيێ، هنده‌ك وێنێن سێلين ديۆن ستێرا جيهانى ئه‌وا نوكه گه‌هشتيه ژيێ 50 ساليێ، ده‌نگويه‌كێ مه‌زن ل سه‌ر ئاستێ جيهانى په‌يدا كر كو نيشانێن پيربوونێ ل سه‌ر دێمێ وێ دديارن.
ديون ب هنده‌ك جلكێن كێم وێنه يێن Alexandre Vauthier ده‌ركه‌فت، سه‌رنجا هه‌موويان ژى بۆ خوه كێشا، ل ده‌مێ پشكداريكرنێ د ئاهه‌نگا Folies Bergere Music Hall ل پاريس.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشه‌مبى رێکەفتی 29ی کانوونا دويێ 2019ێ ئەسمان دێ ئه‌وره‌كێ ناڤه‌ندى بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ ناڤه‌ندى بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 7 بۆ 11 پلان دا بن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو هه‌تا نها ل پارێزگه‌ها دهۆكێ 635.3 ملم بارانێ بارينه و د ماوێ 24 ده‌مژمێرێن بۆرى ژى دا، 75.4 ملم بارانێ بارينه. ب ره‌نگه‌كێ گشتى رێژێن باران بارينا 24 ده‌مژمێرێن بۆرى ل گه‌ل يێن ئه‌ڤ ساله ل هه‌رێما كوردستانێ ب ڤى ره‌نگێ ل خوارێ بووينه:
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤرۆ بيڤه‌له‌رزه‌كێ ب 3.7 پله ل دووڤ پيڤه‌رێ ريخته‌ر ل خانه‌قين دا بێ كو وه‌لاتى هه‌ست پێ بكه‌ن.
د روونكرنه‌كێ دا، تۆڕا داتايان ل سه‌نته‌رێ بيڤه‌له‌رزێ يێ سه‌ر ب رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤرۆ رۆژا سێشه‌مبى 29ى كانوونا دويێ 2019 و ل ده‌مژمێر 09:02:39 بيڤه‌له‌رزه‌كێ ب كووراتيا 17 كيلۆمه‌تران و ب گۆره‌يى 3.7 پله ل دووڤ پيڤه‌رێ ريخته‌ر ل خانه‌قين دا بێ كو چو زيان هه‌بن يان وه‌لاتى هه‌ست پێ بكه‌ن.
ئەڤرۆ نیوز، بارزان مزووری:
سەرۆکێ لژنا سەندیکا کرێکارێن قەزا شێخان دیار کر کو ئەو ترومبێلێن بارھەلگر ژ جورێ تانکەر ل قەزا شێخان دگەل کومپانیێن ڤەگوھاستنا پەترۆلا خام کار دکەن کارێ وان بەر ب کێمبوونێ چوویە.
سەدیق حەجی ئەحمەد، سەرۆکێ لژنا سەندیکا کرێکارێن قەزا شێخان بۆ ئەڤرۆ نیوز گوت: ٣٧٠ ترومبێلێن بارھەلگر ژ جورێ تانکەر ل شێخان ئەڤە چەندین سالە کارێ ڤەگوھاستنا پەترۆلا خام دکەن ل کومپانیێن بەرھەم ئینانا پەترۆلێ سمریت و مغارا و بێسات، لێ نوکە کارێ وان بەر ب کێمبوونێ چوویە ژبەر دانانا بوریا سەرەکی یا ڤەگوھاستنا پەترۆلێ بۆ دەرڤەی ھەرێما کوردستانێ و گۆت: “ھەر وەختەکێ ئەڤ پرۆژە ب دووماھیک ھات ئەڤ ترومبێلە دێ ب ئێکجاری ژ کاری ھێنە لادان”.
ئه‌ڤرۆ نيوز:
به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستانێ، رێيه‌كێ ب مه‌رما چاره‌كرنا كێشێن ناڤخۆ يێن ئێكه‌تى نشتيمانى كوردستان ددانيت.
دره‌نگى شه‌ڤا بۆرى، مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستانێ، د رێيا په‌يجێ خوه يێ جۆرا جڤاكيا فه‌يسبۆكى ناڤه‌رۆكا گۆتنێن خوه د چارچۆڤێ پێشوازيكرنێ ل ژماره‌كا په‌رله‌مانتارێن به‌رى و كادرێن ئێكه‌تيێ به‌لاڤكر و ئاشكه‌را كر كو “هه‌ر جوره ململانێيه‌كا نه‌يا سرۆشتى كوور ببيت، ئه‌نجامێن وێ بۆ كوردستان و ئه‌زموونا حوكمرانى دێ نه‌يا سرۆشتى بيت”.
ته‌كست ژى ل سه‌ر وێ چه‌ندێ كر كو “ئه‌زموونا كوردستانێ بێ ئێكه‌تى و پارتى ب رێڤه ناچيت”، ئه‌نجامێن هه‌لبژارتنان ژى ئه‌ڤ بنه‌مايه نه گوڕى.
د پشكه‌كا دى يا گۆتنێن خوه دا، مه‌لا به‌ختيار به‌حس ل كێشێن ئێكه‌تيێ كر و رێيه‌ك خستيه به‌ر ب مه‌ره‌ما چاره‌كرنێ، ئه‌و رێ ژى ب ديتنا وى هه‌بوونا هوشياريا رايا گشتى يا ناڤ ئێكه‌تيێ يه بۆ گوهۆڕينێ و باوه‌ريا پشته‌ڤانێن وێ. ته‌كست ژى كريه كو ئه‌و رێيه “د پێناڤى چاره‌كرنا كێشان و پێدانا هيڤيايه”.
ئه‌ڤرۆنيوز:
برياره ئه‌ڤرۆ رۆژا سێشه‌مبى 29ى كانوونا دويێ 2019 ل دۆر پێكئينانا كابينا نوو يا حوكمه‌تا هه‌رێما كوردستانێ، هه‌ردو مه‌كته‌بێن سياسى يێن پارتى وئێكه‌تيێ كۆم ببن.
عارف روشدى، شيره‌تكارێ مه‌كته‌با سياسى يا پارتى ديموكراتى كوردستان راگه‌هاند”برياره ئه‌ڤرۆ جاره‌كادى هه‌ردو مه‌كته‌بێن سياسى يێن پارتى وئێكه‌تيێ كۆمببن ودوێ كۆمبوونێ دا دێ به‌حس ل پێكئينانا كابينا نوو يا حوكمه‌تا هه‌رێما كوردستانێ كه‌ن”.
گۆت ژى”هه‌ر دوێ كۆمبوونێ دا دێ به‌رهه‌ڤى هێنه هێنه كرن بۆ وێ چه‌ندێ كۆمبوونه‌كا سێ قۆلى دناڤبه‌را پارتى وئێكه‌تيێ وگۆران دا بهێته ئه‌نجامدان، كو برياره هه‌رسێ لايه‌ن پشكداريێ دحوكمه‌تا نوو دا بكه‌ن، چونكى ده‌م يێ هاتى له‌ز دپێكئينانا حوكمه‌تا نوو دا بهێته كرن”.
نيشاندان